 | إقتباس |  | | |  |
الرسالة الأصلية كتبت بواسطة زعيم السبيعي |  | | | | | | | .. بالغيث خبر غير مؤكد .. وأنا لا أؤمن بهذه الأخبار إلآ بعد أعلانها من قبل المركز الأعلامي .. دعونآ بواقعنآ يازعماء .. ولنصدق مع بعضنا لنقول لأنفسنا هل بالفعل كنآ نحتاج لمهاجم بقدرات العربي .. وهل أسيا ومن سيجلبها لنآ هو الهجوم فقط دون النظر إلى الدفآع .. أعجبني الكوري ولم أقتنع حتى الأن بقدرات العربي رغم علمي بقدراته في الدوري الفرنسي ولكن من خلال ماشاهدته في المباريات الودية تمنيت لو أن الهلال جلب لاعباً مدافعاً سواء كان ضهيراً أو قلب دفآع .. مارأيكم .. | |  | |  | |
شخصيا بعطيك رأيي وممكن اشطح كثير واطلع من موضوعك
بالغيث ماتابعة مستواه مع الفيصلي وما اقدر احكم على قدراته ولكن ان جا فهو سيكون احتياط جيد جدا وقد يكون افضل من الشاب عبدالله الدوسري
النقطة الثانيه وهي للاسف سلبية اغلب الجماهير الهلاليه
اما احتياجات الفريق انا شخصيا من انتهاء الموسم وذكرت ان الفريق
يحتاج مهاجمين اجانب مهاجم صريح واخر متحرك 9 - 9 ونص وصانع لعب حقيقي و ظهير ايمن اجنبي مالم يتم جلب ظهير محلي مميز او على اقل تقدير اسناد المهمه ل سلطان البيشي
بخصوص الاسيوية المشكلة اغلب الجمهور ضمن الاسيوية في الجيب و بدأو يطالبون الاعبين الاجانب من اول ماوصلو للمطار وفي النادي و الشوارع وفي تويتر بالبطولة الاسيوية بشكل غير طبيعي وكان الفريق مكون من مهاجمين وافريقي فقط وليس من 11 لاعب
ياناس ياعالم ولله لو نترك الاسيوية في حالها ومانفكر فيها بهالطريقة كاننا ناس موسوسين بالبطولة خلوها في حالها لاتضغطون اللعيبه على الرايح والجاي وفي كل مكان تقولون نبي الاسيوية المشكلة البعض ضمن الاسيوية بس بعد قدوم مهاجمين وافريقي حقير مثل مايسمونه البعض وهذا خطاء كبير وضغط نفسي غير طبيعي وضعتوه على الاعبين وهم لسى مابعد دخلو مع الفريق وانسجمو
اعتبرو الاسيويه مثلها مثل اي بطوله استعدو لها انتم يالجمهور مثل اي بطولة ولاتتعاملون معها بهالطريقة الي تضغط على اللعيبه والاداره بشكل سلبي للاسف
اذا الجمهور صحح الخطاء بترجع الاسيوية لزعيمها بس بدون هالضغط الكبير الي قبل مايبدا الموسم والكل يفكر فيها والبعض ضمنها ومابعد عرفنا مجموعة الهلال
والاهم من هذا الاقتناع ان الاداره عملت كل سبل النجاح من اول ماستلمت الفريق الي اليوم وهي كل موسم تجتهد وتبذل للموسم المقبل والنجاح ان تحقق هو بفضل الله اولا ومن ثم بفضل جهد الاداره والاعبين والجهاز الفني
والفريق مع الاسيوية بحاجة لتوفيق من رب العالمين والجمهور يبرمج نفسه على ان البطولة عاديه ويتعامل معها كاي بطوله ومايضغط الاعبين على الرايح والجاي في النادي في الملعب في الاماكن العامه متى ماترك الجمهور العاده السلبية في الضغط على اللاعبين والاستفاده من المواسم الماضيه من خلال عدم ضغط النفسي للاعبين واحترام الخصم بدون اي استهتار بعيد عن رفع الهلال فوق في السماء وكأنه برشلونه على غفله لان هالعقليه هي الي ودتنا ودة الاعبين في ستين داهيه مع الوحده الامارتي والكويت الكويتي والشارقه الامارتي وام صلال القطري و الغرافة القطري وذوب اهان الايراني على مدى قوته الا اننا مستهين بشكل غير طبيعي في امكانيات الاعبين
انا اقولك الكوري اعجبك لانه سجل اهدف وفي المبارتين الاولى تحرك اكثر من المباره الاخيره بينما العربي كان تحركه اقل في المبارتين الاولى والمباره الاخيره كان تحركه اكثر وماتوفق عموما الشيء السلبي الي اشوفه فيهم استلامهم للكره والتمرير مو بشكل المطلوب وممكن بسبب ارضية الملعب ماتعودو عليها
وبشكل عام من الصعب الحكم على الاجانب والفريق بشكل كامل والمدرب وطريقة لعبه في معسكر المانيا او معسكر الرياض لعدة اسباب الخصها
1- معسكر المانيا بدون لاعبين المنتخب الاول
2- معسكر الرياض بدون لاعبين المنتخب الاولمبي
3- معسكر الرياض يقام في شهر رمضان وكل هذا يلخبط نظام الغذائي والتمارين اللياقه للاعبين
4- عدم انسجام الاعبين مع بعض لاعبين يدخلون لاعبين يطلعون
5- مدرب ماثبت لاعلى تشكيلة ولا على طريقة معينه يقدر يعرف قدرات اللاعبين
6- جهاز فني جديد وماتعاقد معه الا قبل يوم المعسكر ب اربع ايام تقريبا
7- انضمام 3 اجانب جدد على الفريق وعدم تواجد جميع الاعبين المحليين
8- التاخر في انضمام ايمانا ولو انه جا وهو جاهز لياقيا
لذا انا شخصيا من الصعب احكم على المدرب والفريق بشكل كامل واعتقد ان البدايه بتكون ضعيفه عكس المواسم السابقة للاسباب الي ذكرتها سابقا وماقدر احكم الا بعد 8 جولات على الاقل لان المعسكرات والمباريات الوديه الفريق لم يستفيد منه بشكل كامل ومباريات الدوري هي الطريقة الوحيده لتحقيق انسجام الاعبين مع بعضهم وتشرب الاعبين لطريقة و اسلوب وتكتيك المدرب الجديد