| EPL 1 | البريمر يعود و جوله مثيره كالعاده .. نيوكاسل x أرسنال .. ليفربول x سندرلاند .. ستوك x تشيلسي .. ويست بروم x مان يونايتد .. السيتي x سوانسي | - نادي الهلال السعودي - شبكة الزعيم

أبـو زآيـد · #11 14/08/2011, 07:02 AM

إخواني الغالين فالدانو و ذايب وحبايبنا اللي معكم

طبعا محد يقدر يقولكم وش دخلكم يالمانشتراوية تقولون صياح ويستاهل قبل لا أحد يقول شيء وأنتم عارفين ليه

للي من خارج البريمر : المانشتراوية هم الوحيدين اللي دخّلهم بكل شيء يحصل بالدوري
واللي عنده مانع ، فأله 4 مباريات بإذن الله

وش رايكم طالت أعماركم واضح في هاللقطة إن فيرمالين ( بصق )
عطوه 8 مباريات يستاهل ، ولا أحد طبعا يقدرر يشكك في عدالتكم

والأهم من هذا إنه ما فيه أي شخص يشك إنكم فعلا تملكون إصدار القرار

أما بخصوص دفاعكم عن بارتون ، أتمنى واحد من الشباب اللي هنا ينسخ الكلام اللي يدافعون
فيه عن بارتون ويحطها عنده بـ ( فلاش ميموري ) ، ولا أحد يسأل ليش بفلاش ميموري

وبعد مباراة مانشستر ونيوكاسل يجيبها لنا بالاستديو ( بعد إذنهم طبعا )
كل اللي أتمناه وقتها إنه ما يكون فيه تصريف وما شابه

وبالنسبة للي يقول بدؤوا بالصياح ومتعودين عليه ومدري وشو ..!!
نقول والله يا حبيبي اللي إيده في المية مش زي اللي إيده في النار !!!
وإذا لم يدافع المانشستراوي عن الحكام فمن سيدافع عنهم يا حسرة

اعذروني على الرد وإني ما دخلت في تفصيل الموضوع ، لأني بصراحة أتوقف في مسألة
مناقشة مانشسترواي في موضوع يخص التحكيم ، ولا تزعلون فديتكم خلو الروح رياضية

فالكلام هذا متفق عليه من جماهير الآرسنال والليفر وتشيلسي والسيتي وتوتنهام وكل جماهير البريمر

أما حبيبي اللي يردد حجة الهلال

طبيعي أن يُتهم الهلال بحكم الفارق الكبير في البطولات بينه وبين أقرب منافسيه
لكن أنتم ياخي الناس تأذوا منكم من زماااان ومن قبل لا تاصلون لهالعدد من البطولات
في المقابل الزعيم والأكثر بطولات ليفربول ما شفنا أحد يتذمر منه كثر اللي يتذمرون منكم !!!
فـ سالفة الهلال هذي يعني مع نفسك ولا تعيدها فديتك

أما غير التحكيم فيشهد الله إنكم حبايب وغالين والله يتقبل منا ومنكم الصيام والقيام

هلالي آرسنلاوي ،، يور سول عبد الله والشباب اللي معكم

بيض الله وجيهكم حبايبي ، ردود عقلانية وملجمة ومتّزنه وبكل احترام

ألف شكر لكم كفيتوا ووفيتوا