والله الرجال يسولف بلحاله (مع نفسه)

اصلاً من عنوان المقال غسلت يدي
"رحيل ياسر.. وغياب «الوفاء الأزرق» على طريقة الهلاليين الجدد!!"

اذا هذي عقلية صحفي رياضي كيف يبونا نتطور؟

متى سيعلمون باننا في عصر الاحتراف ولا مكان للعواطف؟
متى سيعلمون بان المستوى الفني فقط هو ما يحدد بقاء اللاعب ام لَا؟!

إقتباس الرسالة الأصلية كتبت بواسطة عـبـدالرحمن والله الكاتب مدري وش يبي ياسر راح خلاص الله يوفقه وياسر مو لاعب اسطوري زي يوسف وسامي على شان نزعل عليه في الموسم الماضي ما أشوفه عمل شي !! مشكلة جماهير الاعبين !

الثنيان لاعب موهوب واسطوري
وياسر لاعب موهوب ....

وكثير من النجوم (جنوط) مصنوع
ممكن يسبب
لك حادث و كارثة
وأنت ما تدري وش السبب


تحياتي

اتفق مع اخوي فياااض في كل شيء عد نقطة سامي وحاربته للنجوم فاختلف معه.

اما الكلام الاخر سلامي عليك يافياض والله وجبتها عالجرح.

فكونا من هذي الأشكال الي ماتعرف كوره

فياض معروفه مقالاته كلها ضد الادارة

شخصياَ متاكد لو بقى ياسر بالهلال ورحل عيسى كان قال نفس الشي

لأن الي يبي يوصل له مو مصلحة اللاعب كل الي يبيه ان الادارة ترحل

عوافي

يبي الشهره وهذا انتم نزلتو موضوعه في المنتدى

يارجال وسع صدرك

صدقني انه من اللي يكرهون ياسر بس انه يبي يسوي بلبله ودوشه بس

ولا الزعيم عارف وش يسوي

بالتوفيق للزعيم يارب

لاهنت

ياخي انا استغرب من بعض الاعلامين والجمهور

يا اخوان احنا في شهر فضيل شهر الرحمه خلونا نبعد عن النوايآ

انا من وجهة نظري الاعلام يريد ترسيخ بعض المفاهيم المغلوطه في بعض الجماهير ... ولا في احد يصدق انو سامي هو من تسبب في ابعاد النجوم ... انا راح اصدق وراح انجرف ورا كلام الاعلام لاكن بشرط يطلع الاعب وصرح بنفسه .. اما اني ادخل في النوايا واحنا في شهر فضيل ما اقول الا استغفر الله العضيم من كل ذنب عضيم



في عندي تعليق بصيط بس

لو الله كتب وقدر تكون البطولة الاسيويه من نصيب الهلال هاذه السنه ايش راح تكون ردة الاعلام والجمهور الي وقف ضد الادارة وخصوصآ اني عندي امل كبير بتحقيق المستعصيه باذن الله بس خلونا نوقف مع الادارة

إقتباس الرسالة الأصلية كتبت بواسطة هلاليه نبضي ياسر لآ بـ الله إلآ لآ شلت يمينه .. يعني عشآنه قآل كلمة آلحق صآر متنآقض ؟! طيب مآ قآل يآسر مستوآه توب حتى تقول عنه متنقآض أنت آلمتنآقض لأنك حكمت على تنآقضه في قصتين مختلفتين آلأولى أنتقآده لـ مستوى يآسر , و آلثآنيه سيآسة آلتعآطي مع آلنجوم و توضيحه لـ أسبآب أدت لـ أنخفآض مستوآه بشكل محد ركز عليه أو تنسآه يعني يآ يقول كفو و إلآ هو يحس بشي ؟! غريبين وربي ..

هلالية نبضي ياسر شكرا على مروروك واحترم رأيك
وأنا اكرر مرارا تكرارا أنا لست مع رحيل ياسر وودت لو أن ياسر بقي فياسر حتى لو نزل مستواه فهو مؤثر باسمه وبعنوانه وبوجوده يتحرر بقية اللاعبين للانقضاض على خصومهم . وأنا لا اصدر الاحكام على احد ولكني ارى بأن هناك تناقضا كبيرا عندما يكتب كاتب كبير مثل فياض مواضيع ينتقد الاداره فيها وانها تعامل ياسر معاملة خاصة وانها تجامله وانها لابد ان تتخذ ضده القرارات التي تساويه بغيره حين يغيب او حين ينزل مستواه وأنه يجب ان تكون سياسة الادارة ان لا ميزة ولامكان لللاعب الذي لايعطي . ثم فجأة يندد بالادارة وبسامي ويقول اين الوفاء ويجب معاملة النجوم والرموز معاملة خاصة لنكون اوفياء . فهنا جاء التناقض وتبادر لأذهان الكثير بأن فياض لم يكتب يريد انصاف ياسر بل كان يريد الانتقام من الادارة لأسباب هو يدركها جيدا . والتناقض الاخر فيه هو انه يطالب بالوفاء مع رموز الهلال في حين انه يشرع اسلحته ظلما وبهتاناً ضد اهم رموز ونجوم النادي ســـــــــــامي . اليس هذا بتناقض ؟

ما أكثر الكتاب الذين " كُنَّا " نحترمهم وانقلب الاحترام لـ !!!!

حسبي الله على كل من يريد الإساءة للبيت الهلالي وزعزعة استقراره

والله راييه ولايمثل رايينا

وبالتوفيق للزعيم

إلا سااااااااااااااااااااااااااااااااااااااااااااااااااااااااااااامي !!!