إقتباس الرسالة الأصلية كتبت بواسطة (اسير& المحبة ) حاب اقولك انه التعامل هذا يحصل حتى مع ابناء البلد يعني الدعوه ماهي عنصريه لكن موظفين بدون رقابه الموظف اذا حب يشتغل اشتغل ماله نفس صرف المراجعين كلهم حتى لو كان كبير في السن او من ذوي الاحتياجات الخاصه مافيه اي امانه في العمل واللي يقهرك ان الكلام هذا كله يحصل في قطاع خاص يعني الرقابه اشد من الحكومي فما بالك بالقطاع الحكومي اللي مافيه رقابه من الاساس والله معاناه عشان اخلص معامله وفوق هذا يكلمك كانك اصغر عياله واذا رديت عليه رمى المعامله حقتك في الدرج وطفشك ولا تخلص معاملتك الا بالواسطه ولا انسى ان لك معامله

تسلم على مرورك وكلمة عنصرية حاولت اتجنبها حتى يكون الموضوع اكثر عقلانية
اما طريقة تعامل الموظفين فهي معي واكيد مع غيري ولكن بدرجات
تحياتي مره اخرى ونورت الموضوع

إقتباس الرسالة الأصلية كتبت بواسطة حروف الغلا كل هالتعقيد عشان فتح حساب الله يعينك و الله الحمد الله انها فرجت بالأخيير و مار اح ندخل بأسلوب التعامل لانه مجاله واسع خذها نصيحة مني و ين ما تروح جامل الشخص اللي امامك و امدحه لين تلقاه تحت الطاولة من الفرحة و بتشوف امورك ماشيه مية مية اسأل مجرب

حياك الله اخوي
منور الموضوع
بخصوص الحساب الحمد لله انه تم لكن مع الاسف ما مديني اتهنى فيه ثاني يوم مرسلين لي رسالة على الجوال من البنك يقولون انه تم تجميد الحساب لعدم موافاتهم بصوره من الهوية بعد تجديدها علما ان بقي فيه سنة وشوي والله يعينا على مراجعتهم
وبخصوص المجاملة بعض الناس ما تعطيك فرصه حتى عشان تجاملها والبعض اذا جاملته ظن انك بحاجته اكثر واكثر
عموما مشكور مره ثانية على إطلالتك الرائعة وافادتك القيمة

إقتباس الرسالة الأصلية كتبت بواسطة يـوسف الهلالي قرأت الموضوع على عجالة وسأفيدك قريباً بإذن الله تعالى ,, سأنقل لك وجهه النظر من ناحية بنكية كوني موظف سابق في أحد البنوك ,, اول شيء بفطر واتطمن على توقيع ايمانا ولي عودة بإذن الله ,,

يا هلا فيك
نورت وبانتظار عودتك

إقتباس الرسالة الأصلية كتبت بواسطة the king yasser حــــــــــــــجــــــــــز كالعاده

هلا فيك منور الموضوع
مشكور على المرور

إقتباس الرسالة الأصلية كتبت بواسطة سعودي أصيل ماوقفت على الاجانب ، حتى المواطنين ياكلونها ،،،، ياخوي طبع موظفي البنوك كذا ،،، شايفين انفسهم على ايش ، راتب ثلاثه الاف ويخب معقوله كفيل انه يتكبر على خلق الله !

والله صادق اخوي واعتقد ان المعاملة على الكل بس مثل ما ذكرت في رد سايق اعتقد انها تتفاوقت من موظف لموضف وعلى مراجع من مراجع
مشكور على مرورك

إقتباس الرسالة الأصلية كتبت بواسطة Ghunaim S السلام عليكم انا حصلت لي وطيفة صيفية في مصرف سعودي , وكانت فكرتي عن البنوك ان موظف المصرف لازم يحترم العميل او على الاقل يقدم الي يقدر عليه دخلوني بالكول سنتر , الرد على العملاء, تخيل من ثاني اسبوع تدريب جلسوني على الجهاز مع العلم اني اخذت اختبار قبل لا ادخل وفشلت فشل ذريع , صدقني معاملة المصرف للعميل اقل من سيئة , الفرع يحول العميل للهاتف المصرفي والهاتف المصرفي يحول العميل للتسويق ويبدا العميل يدور في دائرة مغلقة, ولما تحط مكانك مكان العميل الي جلس ينتظر ساعتين بالصالة بعدين يقوله موظف الفرع معاملتك مو عن طريقنا وهو كاذب ويحولك على الهاتف المصرفي , موظف الهاتف المصرفي يقع بالحرج لان العميل غاضب ولا يقدر يقوله ارجع للفرع ويحوله لرقم ثاني , ويبدا العميل يدور. انت بالسعودية يا صديقي

وعليكم السلام
منور الموضوع وبإضافتك القيمة
وبخصوص ما ذكرت كان الله بعون العميل انا بس لو يزينون لي حسابي كثر الله خيرهم هههه لا ابي ادق عليهم ولا ابلش نفسي معهم
والله للحين وما خلصت منهم لا وبعد مرسلين لي رسالة يقولون تم تجميد حسابك لعدم موافاتنا بصوره الهوية بعد تجديدها علما ان باقي فيها سنة وشوي
الله يعينا عليهم من جديد

إقتباس الرسالة الأصلية كتبت بواسطة المحايد";18650613][B][COLOR="Purple اخوي امورك ماراح تمشي الا بالمجاملة في بنك او غيره [/COLOR][/B]

حياك اخوي المحايد
والمجاملة عز الله انها الطريقة الوحيده لتخليص حاجيات الإنسان بس مثل ما ذكرت في رد سايق بعض الناس ما يعطونك فرصه لمجاملتهم والبعض المجاملة تزيد الطين بله يعتقد انك بحاجته اكثر

إقتباس الرسالة الأصلية كتبت بواسطة xX-HiLaLy-10-Xx الله يعيـــــــــــــــنك بالتوفيق خيو

حياك الله خوي
منور الموضوع
وكان الله بعون الجميع

إقتباس الرسالة الأصلية كتبت بواسطة الذيب الصغير9 معلومه يجب للكل ان ينتبه لها .. في حال رفض الموظف لاي شخص بفتح حساب (( واختلاق )) الاعذار .. علطول وبدون اي تردد قله (( اجل معاملتي عند مؤسسة النقد )) وقتها الموظف راح يجيب لك بيالة شاهي ويمكن يودع لك ١٠٠٠ ريال هديه من عنده .. وهذا الكلام انا اقوله من تجربه صارت لي قبل ٥ سنوات اول ما جيت افتح حساب وقتها كان عمري ١٧ سنه والبنك ماطلو فيني وكل شوي يقولون لي جب اوراق .. حتى صورة استمارة السياره عطيتها اياهم بس موب مقتنعين لين اخر مره قالولي (( رح عب النموذج عن طريق النت )) وهذي اككككبر تصريفه يقولها لك موظف البنك عشان ماله خلق يسوي لك الاجراءات بنفسه .. لين مره من المرات كلمت الوالد عن الموضوع وقالي تعال انا وياك نروح للبنك .. ودخل عالمدير وقاله حرفيا (( تفتحون له حساب بتعريف من المدرسه وصوره من الاحاول ومبلغ وقدره ٥٠٠ ريال ولا نتوجه لمؤسسة النقد برقم الفرع واسامي الموظفين بما فيهم اسم مدير لفرع ؟؟ )) سريعا مدير الفرع طلع البطاقه وعطاني الجهاز وقالي دخل الرقم السري .. زبدة الموضوع انه ما يعرف لهم غير العين الحمرآ

حياك اخو الذيب الصغير
والله معلومة جيده بس تهقى انها تنفع معي
والله بحاول اجرب خصوصا اني رح اراجعم مره ثانية
وربي لو عقدوا اموري مالي غير كذا
فتحوا حساب لي وجمدوه ثاني يوم وبكره عند جهينة الخبر اليقين
نرو ونشوف

إقتباس الرسالة الأصلية كتبت بواسطة ToPmAn كلنا عانينا من البنوك وما للجنسية اي علاقة تخيل شهرين عشان اخذ اخلاء طرف من بنك الراجحي ...! الله يعيينا على البنوك وشركات الاتصالات والكهرباء وجميع الدوائر الحكومية اللي ذبحتنا

يا هلا فيك
منور الموضوع
بخصوص الجنسية قد يكون لها علاقه وان كانت ثانوية في طريقة التعامل
لكن مع هذا مو كل الموظفين على نفس الشاكلة
وحظي يمكن جابني على ثلاثه موظفين في ثلاثة بنوك مختلفه اصحاب طبع واحد
والله يعين الجميع
الف شكر على مروروك

إقتباس الرسالة الأصلية كتبت بواسطة Blue Beast .. الله يعينك ويعين غيرك .. انا صار لي موقف مع بنك الاهلي بالتحديد.. مرة من المرات ذهبت انا واثنين من اقاربي لنصرف شيك من التأمين التعاوني بعد شد وجذب مع الشركة دامت لمدة اسبوعين . المهم ان المبلغ 4500 ريال .. المهم ذهبنا الساعة الـ8صباحاً تحسبنا منا بأن الزحمة لن تكون موجودة في هذا الوقت .. المهم توقعنا ماكان صحيح فالزحمة لازمتنا في كل مكان .!..بعد انتظار طويل في التعاونية. اخذنا الشيك وبدينا ندور على فروع بنك الاهلي . وصلنا للبنك لآ آتذك موقعة بالتحديد .. الكلام هذا بعد صلاة العصر المهم كان البنك ملغق والساحة الخارجية للبنك ممتلئة بالناس. مرت دقائق ودقائق والباب لازال مغلق .! مضت نصف ساعة منذ انتهاء صلاة العصر والبنك لازال مغلق .!! بدأ الناس بالتوتر قليلا وبدأت ملامح الاستياء واضحة على محيآ اغلب المنتظرين !! بعد مدة ليست بالقصيرة فتح الباب ضننا انها فرجت سنصرف الشيك ونذهب .. ولكن صار العكس .! اخذنا رقم الانتضار والبنك مزدحم عن بكرة ابيه لايوجد مكان لجلوس المنتظرين مكثنا تقريباً نصف ساعة ودورنا لم يحن بعد وايضا لم يحن دور اي احد .! عجيب ذهبت لآستفسر مالذي يحدث . فكان جواب احد الموظفين لاآعلم.! رجعت وبعدها بفترة جاء رجل الامن وقال النظام عطلان .!! كيف ماذا ليه . اسئلة المنتظرين .!! خرجنا من البنك وذهبنا الى فرع اخر في حي ام الحمام ..وكذلك كان الوضع كالعادة مزدحم .. دخلنا البنك وكان البنك ممتلئ ولايوجد الا موظفين اثنين فقط .! لاغير والبنك به اكثر من عشرة اشخاص ..انتظرنا دورنا ولم يحن بعد.. وبعد ان اتى دورنا وذهبت لآصرف الشيك وكان تعامل الموضف. سيئ جداً بإختصار يتحدث وكأنه يصرف علي من جيبه الخاص. ذهبت الى المدير وقلت له الوضع قالي وش اسوي لك .ّ قلت طيب طيب . وارجع واقوله خلصنا ورانا اشغال اخرى ولازال يتكلم بشينة نفس .!وكأن له الفضل علي,! المهم صرف الشيك بعد معااناه استمرت لفترة طويلة والمشكلة ان المبلغ بسيط .!! \\ مانقول غير حسبي الله ونعم الوكيل

آمين يارب كان الله بعون الجميع
وبخصوص الزحمة والزحام والله هذي مشكله بحد ذاتها لا وبعد اذا قعدت بالساعات ولمن يجي يدورك بثواني يقولك الموظف ناقص كذا او معاملتك مو عندي
بس برضه مبدأ التعميم دائما يكون خاطئ اكيد فيه موظفين سيئين مثل الي مروا علي وعليك لكن اكيد اكيد مو الكل كذا
مشكور اخوي على مرورك ومشاركتك القيمة

إقتباس الرسالة الأصلية كتبت بواسطة ســـــ SMN2002 ـليمان +1000000000000 مالك لا بعد الله مؤسسة النقد واحد من الزملاء صارت له مشكلة زي كذا وتعقييد كلم المؤسسة على تحويلة مخصصه للشكاوي وعطاهم كافة التفاصيل جاء البنك ثاني يووم وكان استقبالهم له وكأنه من كبار العملاء الله يعينك اخوووي

حياك الله خوي
منور الموضوع
ومشكور على مرورك وإفادتك
نراجع البنك بكره ونشوف اخر هالمعاملة
واذا ما نفع شيء مالنا غير ما ذكرت بس اخاف الاتصال على مؤسسة النقد يزيد الطين بله خصوصا الموضوع ما يستاهل كلها بيانات تسجل على الجهاز وخلاص
بس الله يهدي بعض الموظفين ما يبون يكلفون على نفسهم دقائق في المهام المناطة بهم
تحياتي لك

إقتباس الرسالة الأصلية كتبت بواسطة موج الخليج الأزرق أخي العزيز صدقني الجنسية مالها دخل نفس التعامل نجده نحن السعوديين مع الاسف الشديد غياب الرقابة هو السبب ومثل ماقال المثل من أمن العقوبة أساء الأدب

حياك الله موج الخليج الأزرق
ذكر الإخوان في ردود سابقة ان الجنسية مالها دخل
وذكرت ان يمكن لها دور ثانوي
والمشكلة كلها في الموظف وحسب نظرته للناس وطريقة تعامله معهم
منهم من يتعامل مع الناس حسب لونه ومنهم من يتعامل مع الناس حسب جنسيته وبعضهم حسب دينه والبعض حسب حسبه ونسبه

يا رجال خلها على ربك

أنا بفتح حساب يجيني موظف أحسه مو طايقني
أقول له شيء يقول لا لا

3 أسابيع ما طلعت بطاقة صراف آلي بسبب الموظف
وصلت معي للآخر
في النهايه قال لي لا تتعب نفسك روح لنائب المدير أنا ما بسوي لك شيء

لما رحت لنائب المدير في دقايق طلعت

كذا و أنا أخوك

ناس شايفه نفسها على شنو ما تعرف
توي عرفت قيمة بنك الرياض موظفين محترمين

والله ماساتالله يعين المهم اخوي مو انت لحالك حتى انا قد صارت لي مشاكل في البنك الاهلي و الرياض
ورحت للفرنسي والله تعاملهم عساااااااااااااااااااااااااااااااااااااااااال
تبي العميل باي طريق وبكذا راح تعاملك صح وغير هاذا دايم اروح مافيه الي انا او قبل واااحد