صراحه اهنئ ادارة شبيه الريح ويوم بعد يووم تثبت لنا مفهووم الاحتراف الحقيقي ...

انا اشوف المنتدى بين منتقد ومؤيد لاعارة ياسر لكن اتمنى ان اي واحد معارض للاعارة يترك المشاعر ويفكر بالعقل

ادارة عبدالرحمن بن مساعد كانت امام خيارين وحط نفسك بمكان ابو فيصل :

1- اعارة ياسر موسم بــ 11 مليوون ريال لفريق بالخارج لعل وعسى ان يرجع ياسر لمستواه + الاستفادة من قيمة الصفقة لصفقات الهلال المتبقية .

2- بيع عقد عيسى المحياني بـ 7 مليون ريال لنادي منافس الشباب وتعتبر ساعدت الشباب على تقوية الفريق + في حال ابدع عيسى راح تلاام على التفريط باللاعب .

طبعا لا يغيب عن بالك انهم اثنينهم راح يجلسون بالدكة لوجود مهاجمين اجانب + ان الهلال حتى الان لم يخسر لا ياسر القحطاني ولا عيسى المحياني

يا جمهور الهلال احمدوا الله انه رزقكم بادارة محترفة بمعنى الكلمة ..


ابعاد ياسر عن الضغووط الاعلامية والكتاب اللي لو خسر المنتخب وياسر بالاحتياط قالوا ياسر سبب الهزيمة .
اعطاء عيسى المحياني الفرصة للعب بالتشكيله الاساسية واختباره هالموسم .


تنبــــــيه :
راح تبداء مع اول خسارة للهلال لا سمح الله بالدوري او بالاسيويه حملة على الادارة الهلالية من المستنقع الاصفر وضرب الجمهور بالادارة واللعب على وتر التفريط بالاجانب + ياسر القحطاني لرغبتهم
بعدم ترشح ادارة ابن مساعد فترة رئاسيه ثانية لانهم يعلموون ان الهلال اقوى فريق بالمستوى المحلي والدليل الدوري موسمين حسمها قبل النهاية بـ 3 جولات + خسارة الدوري اول موسم للادارة بالجولة الاخيرة والهلال لعب 5 مباريات بدون مدرب .

اتمنى عدم الانجراف وراء الحملات المضاده للادارة ..
وتأييد الادارة وترك النقاشات والانتقادات الى نهاية الموسم ...