|
نـــبغـــــاك تــــــــرجـــــــع ! بسم الله الرحمن الرحيم أعزآئي جمآهير الهلآل تفبل الله صيامكم وقيامكم والله يجمعنا دايماً على حب الهلآل والله لآ يفرقنا ! يهمني كثيراً أن تقرأ جماهير الهلال فقط هذآ الموضوع وأن تعي تماماً بأن مصلحة الهلآل هي فوق كل شيء ولكن .. أيعقل أن ينقسم الجمهور إلى مؤيد ومعآرض !؟ ياسر يرحل .. لا ياسر يبقى ! بل البعض بدأ بتجريد بعض الجماهير المطالبه ببقاء ياسر من هلاليتها بل جزم بأنهم سيعتزلون التشجيع مع إعتزال يآسر ؟؟ الجميع لا يختلف على أن ياسر عندما آتى للهلال من نادي القآدسيه أحسسنا أنه ابن الهلآل بل لا اخفيكم انه لو تم سؤآلنا حاليا عن بداية يآسر لنسينا انه كان في نادي القادسيه ! الم تسأل نفسك لماذا ؟ لأن يآسر حقيقةً ابن الهلآل بل فضل الهلال على أشياء كثيرة لا أحب الخوض فيها حالياً لانها ستخرجنا عن الموضوع ! جمهور الهلآل , والله ثم والله اللي حاصل لا يرظي احد أبداً نحن تحت سقف واحد وهو الكيآن الهلآلي ! وياسر قلتها سابقاً وسأقولها رمز هلالي ولا يمكن أن نتخلى عنه فقط لهبوط مستواه وانا لا أقصد اننا نبديه على الهلال لكن مانتخلى عنه .. سآمي وهو سآمي مر بأسوأ من اللي مر فيه يآسر وجلس موسم كامل ولم يسجل فيه الا ثلاثة أهداف فقط , وقفنا معه جميعاً وساندناه حتى اصبح سامي ماهو عليه الآن :smilie47: !! لذلك اتمنى بدلاً من الجدل اللي حاصل حالياً من معارض ومؤيد لقرار الأداره و ياسر ان نتفق جميعاً على شيء واحد بل إن شاء الله اننا متفقون بأننا جميعاً نبحث عن مصلحة الهلال ولاعبين الهلال ! وياسر فرد من أفراد الكيان الهلالي ! لذلك يجب الوقوف معه ومساندته بل تحفيزه حتى يعود لنا ياسر كما كان .. كنت اتصفح منتدانا الحبيب وشدني توقيع وقفت عنده لحظه وفكرت بيني وبين نفسي ! (ليش مانسوي حمله نوقف كلنا مع ياسر ونحفزه) !؟ أفضل من أننا نتجادل بأمور وندخل بذمم ناس ونجردهم من هلاليتهم وننعتهم بجمهور اللاعب الفلآني ؟ لا يوجد جماهير لاعب وجماهير نادي !؟ لأن جماهير النادي أساساًكانت موجوده من قبل وجود اللاعب .. واتمنى عدم الدخول بذمم الناس ونواياهم ! واتمنى من الجميع مساندة ياسروالوقوف معه لأنها ستصب في مصلحة اللاعب وقبل كل شيء في مصلحة الكيان الهلالي العريق ! حملة نبغآك ترجع ,, رآح نوقف كلنا مع يآسر واتمنى الإبتعاد عن المسميات اللي تسبب مشاكل بين الجماهير .. ( لا ينقز واحد ويقول هذولا جمهور يآسر ) ! متناسياً أن يآسر جزء من كيان هلالي بل مساهم في انجازات الفريق .. مستكثراً وقوفه مع ياسر فقط لكي لا يتم نعته بانه ( يشجع الهلال من أجل يآسر) ويصبح يكره ياسر بل يقف ضد ياسر لكي يثبت هلاليته ! للدرجه ذي أصبحنا ( مخفات) !! وقفنا مع لاعبين قبل ياسر وسنقف مع ياسر ومستقبلاً مع فلان ! حتى يصبح الهلال في أفضل حآل ! فكروا بعقل ولا تفرقون بين بعض بسبب مسميات (سخيفه) بثت بيننا ولآ أدري من وين مصدرهآآ! أستأذن صآحب هذآ التصميم لأستخدامه بموضوعي فلم اجد أحداً يساهم معي بالموضوع وأكيد على قولتهم ( الجيب وآحد) ! :d http://store2.up-00.com/Jun11/abF95120.jpg نعم نبغآك ترجع وبإذن الله ستعود يآسر اللي عرفناه وهذي استراحة محآرب واتمنى من يآسر أن يسترجع الذكريات ويشاهد ياسر سابقاً احياناً الواحد يحتاج لمشاهدة بعض من مشاهد المآضي , قد يكون يآسر فقد بعضاً من شخصيته وبمشاهدته نفسه سابقاً بإذن الله بعد توفيق الله سيعود ,, جمهور الهلآل الكبير , سنظل دائماً وابداً تحت شعار : (( يداً بيد .. من أجل الزعيم )) ! ودي وإحترآمي للجميع ,, يآسر العتيبي |
كلامك ليس عليه غبار وانا معكـ واتمنى من الجماهير الهلاليه ان تفهم وتعي ان في ذلك مصلحه للنادي ولياسر |
|
ياسر الى الحين مالعب مع العين عموما الخطوه الهلاليه اللي بان يكون للاعب خيار تجديد الاعاراه مع الفريق الاماراتي ماهي الا انهاء لمسيرة اللاعب في الهلال لانوو امس الى اخر لحظه ياسر كان رافض الاعاراه بس الضغط من الاداره جعلت اللاعب يوافق ربي يوفقك ياقناص |
ما اعتقد ان فيه مشجع هلالي راضي بمستوى ياسر الموسمين السابقين ولله يوفقه ان شاء الله ويعود لنا افضل مما كان |
الله يوفق ياسر و بإنتظار عودته و هو أقوى وافضل |
كلامك عين العقل وانت مثال للهلالي الناجح وانا معاك عوآفي |
ياسر طلع من القلب وراح للعين مثل الدم لا ضخ من القلب ورجع له وهذا يااسر يفضل في القلب والعين .. الله معاك يا يااسر |
ان شاء الله يعود لنا افضل مما كان عليه |
صدقت وكلامك عين الصواب :yes: |
انا مالوم اي شخص زعل على اعارة القناص وانا حزنت كثيرا على رحيلة 0000 ولكن اللي اقدر اقوله (عسى في الامر خيرة ) 000 واللي مريحني ان اميرنا المحبوب اكثر شخص يحب هذا الكيان ومستحيل نشكك في حبه للذلك مستحيل اي محب يلحق الضرر في عشقه 00 نحن معك ياسمو الامير . ومعك يا اسر القلوب ياسر القحطاني 00 ننتظر رجوعك الى عرينك 00 وقبل كل هؤلا نحن مع عشقنا الأبدي الكيان الازرق هلالنا ذهب من ذهب وبقى من بقى 00 الله يوفقك يابوسعيد وعسى تستفيد من هذي التجربه 00 ونحن ننتظرك بفارغ الصبر 0000 |
يعني هناك من يقول ان الامير عبدالرحمن بن مساعد غلطان في سماحة لياسر بالذهاب للعين اعاره ...وحال الامير عبدالرحمن يقول : انتم تطالبون ببقاء ياسر:::: وجماهير هلالية اخرى تطالب برحيل ياسر::: فمن نسمع ؟؟ حتى اعضاء الشرف انقسمو الى قسمين ؟؟! |
كلامك ليس عليه غبار وانا معكـ واتمنى من الجماهير الهلاليه ان تفهم وتعي ان في ذلك مصلحه للنادي ولياسر |
| الوقت المعتمد في المنتدى بتوقيت جرينتش +3.
الوقت الان » 07:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd