|
مع نفسك ياحبيبي الهلال في غنى عنك.... بسم الله الرحمن الرحيم السلام عليكم ورحمه الله وبركاته وبعد انا لااجيد الدخول بالمقدمات وسأدخل بالموضوع على طول لايمين ولايسار كلنا نحب ياسر ونعشقه لحد الجنون وانا واحد من الملايين الذين يعشقون ياسر وانا كنت معترض على انتقاله للعين بس الكلمه الأوله والأخيره لياسر نفسه يعني لو ماكان يبي يروح للعين محد راح يجبره هذا اول شي الشي الثاني رأيت عده ردود من بعض الجماهير المحسوبين ع النادي والمندسين واللي يقول انه راح يترك الهلال ويشجع العين علشان ياسر وانا اقوله ياحبيبي مع نفسك الهلال في غنى عنك لأنه عشقنا وانتمائنا للهلال اولا واخيرا يذهب نجوم ويأتي نجوم والهلال في المقدمه وحتى لو صار ترتيب الهلال بالأخير سأضل هلاليا محبا مخلصا للكيان الأزرق والأبيض ولدت هلاليا وسأموت هلاليا كلنا معاك يالزعيم في السراء والضراء ثالثا اللي يقول ماراح يحضر اي مباراه للهلال علشان ياسر الله يستر عليه لايشجع الهلال ويذهب لتشجيع اي نادي آخر وانا ماراح افوت مباراه للهلال وسأحضر كل مباراه يلعب فيها الهلال بالرياض واتمنى من الجميع نسيان موضوع ياسر وادعوله بالتوفيق ويرجع افضل من 2007 وخلوا تفكيركم في مؤازره الهلال بدايه من الموسم القادم وابن مساعد ماقصر الله يسعده دنيا واخره اعار ياسر وجاب لنا هداف الدوري الكوري وهداف الدوري الفرنسي وانشألله يكونوا في قمه مستوياتهم ويتوج احدهم بهداف الدوري السعودي ودمتم في حفظ الرحمن |
كلام سليم الهلال هو الهلال وياسر لاعبنا ونحبه لكن العاطفه ذبوووها |
صراحه المنتدى قلب كله عن ياسسسسسسسسسسسسرّ يّ جماعه الخير اعاره وجاي لاخوف انشاء الله ... |
كلام صح نسوا ان من صنع ياسر هو الهلال مع نفسك الهلال مو بحاجة جمهور مثل هذا |
كلها سنه وراح يرجع للهلال بالتوفيق له مع العين الف شكر لك |
مدري وش صاير على الجمهور هالايام جمهور سااامج مع احترامي لهم الهلال في غنى عن هذولا الاشكال |
في انتظار عودتك ياسر بالتوفيق لك |
عاادي طيب اشجع الزعيم الامارااتي لعيوون ياسر وراادوي لكن مووب على حسااب الزعيم الاسيوي يبقى حب الهلال فووق كل اللاعبين |
مادري المشرفين وينهم يعني نبي ندخل المنتدى نقرأ شي يستاهل |
لاتعليق ....................................................... |
ياسر اشهر من بيكهام بالسعوديه بيكهام يوم طلع من مانشستر مكان يتوقع انه يطلع منه مع انه بيع عقده ياسر فتره وبيرجع انشاء الله افضل |
لاحول ولا قوة الا بالله .. ياجماعة الخير ترا كلها سنه وجاي ياسر موب طاير .. بعدين ياخي حلو ان الواحد يغير يكسب خبره اكبر في مجال الكوره .. يعني ياسر من 2008 الى 2011 مستواه هابط ماتغير ليه مانخليه يغير سنه وحده ويرجع للهلال ؟! ممكن مستواه يكون افضل من اول بسبب اعارته للعين .. ع كل حال الله يكتب اللي فيه خير للهلال .. |
ياسر احد نجوم النادي الاوفيااااء .. وهذا احتراف .. وكلها سنه وراجعلنا ياسر باذن الله .. وعن ردود فعل بعض الاعضاء يا اخوي راكان .. علينا ان نحسن النية بها .. لأن هذي ردة فعل لألم فراق نجم حسم بطولات للهلال .. وإلا اولا واخيراً ستجد من كتب ذلك تتراقص قلوبهم فرحاً بانتصار هلالهم .. وان خسر لا قدر الله فهم ممن سيتألمون بذلك |
تسلم على هالموضوع صراااااحه حسسوني ان يااااااااسر انتقل نهااااائي ياجماااعه ترا كلها سنه اعاااره ولا تحسبون ان يااااسر رخيص علينا ياسر غاااالي ومن غلاه نبيه يرجع يااااسر اللي نعرفه ويمكن خيره له علشان يرتااااح من هالظغوط اللي عليه اما اللي بيترك الهلال علشان ياااااسر هذا اقوله مع الف سلامه الهلال مو بحاجة امثالك الهلال بحااااجة جمهوره اللي يعشقه لحد الثماله ويقدمه على حب اي لاعب :alzaeem: |
ننتظر قناصنا 2007 شكرررا لك |
| الوقت المعتمد في المنتدى بتوقيت جرينتش +3.
الوقت الان » 04:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd