[[SIZE="4"]COLOR="RoyalBlue"][CENTER[COLOR="

Blue"][COLOR="RoyalBlue"]
]ياسر سعيد القحطاني


نهائي الهلال والقادسيه 2005م الجمهور الهلالي يصفق لرقم 20 في الفريق الخصم..
ياسر بيجي الهلال .. لالا البلوي حالف(ن) يأخذه
ياسر يظهر في القناه الرياضيه (ابي الهلال ولا ابي غيره)الاحتفالات تنتشر في ارجاء الكيان الهلالي كصفقة تعد الاهم في مسيرة الهلال بجوار صفقة الدعيع

يااااااااااااااااااااااالله ...مسرع الدنيا .. كيف نسينا هالاحداث ..كيف نسينا من شرى الهلال وجمهوره
... من يصدق ياسر راح؟؟؟ اقسم بالله صدمه كبيره جداً

مهما كانت المبرارات فوالله اقولها وانا صايم والله حرام يا ادارة الهلال ... هل تضمنون نجاح العربي والكوري؟؟؟


الدنيا عبر وماحصل لياسر اتمنى يكون درس لجمهور الهلال ..ليتهم يخفون على اللاعبيين من النقد المتواصل بحجة انه لاعب محترف ولازم يعيش تحت الظغط ...
ياسر لاعب استثنائي بالهلال ..
واحد ينتقده يقول ليه ياسر مسوي عارض؟؟؟ والثاني لا لا ياسر يضحك لاضيع هجمه
والثالث لااااا ياسر مسوي كدش ؟؟
وكأنهم يحسدونه على شكله او ملامحه ... يعني ذنبه ان الله خلقكم (شواكيش)؟؟
ارحموا نجومنا ... لا تكونون ناكرين للجميل
اذا سكت اللاعب وماقال عنكم شي قمتوا تزيدون النقد والظغط عليه بشده
واذا تحدث ولو بتلميح عنكم اصبح بنظركم معادي للمدرج الازرق ويستحق العقاب
يقول خالد الفيصل (حذاري تنشغل بعتاب خلك... ترى كثر العتب يمحي الموده)

للمره الاولى نعترف ان اعلام الاصيفر استطاع غسل دماغ جمهور الهلال واصبح يردد ما لا يعي
تخيلوا بكل حوار تلفزيوني يدخلون ياسر في أي نقاش يخص مالك وسعد؟؟
مهما نزل مستوى ياسر فهو بالطبع لم يصل لمرحلة السوء عند سعد او عند مالك اللي خلال سنتيين لم يسجل الا هدفيين رغم لعبه لحوالي 20 مباراة؟؟ وش جاب لجاب يااعلامنا المريض؟؟


ثاني اللعب الاعلاميه التي كانت ضد ياسر ..بكل مباراة يسجل بها ياسر لازم يصرخ المعلق ويقول عااااااااادياسر للتسجيل حتى ولو كان قبلها مسجل 7 اهداف او 8 او حتى لو مسجل بالمباراة اللي قبلها


اشاهد تحامل عجيب على ياسر القحطاني من جماهير الانديه الآخرى ومن اعلاميين (هيا بنا ضد الهلال) يحاولون ترسيخ قرب انتهاء موهبته في عقولنا ..
في اول مباراة في الدوري .. لاحظوا (أول مباراه) سدد ياسر كره على مرمى التعاون وضاعت ..شوي ويقوم اخونا في الله المعلق عبدالله الحربي ويصايح (ياااااااااااسر يواصل الصيام .. ياسر يواصل الصيام عن التهديف)
لعنبوا ابليسك هذي اول مباراة بالموسم وانت جاي تقول ياسر يواصل الصيام ؟؟؟؟

بعد مباراة نجران الاخيره بكأس ولي العهد في اذاعة الاف ام تداخل ابن مساعد في مكالمه
مع المدرب الوطني بندر الجعيثن وبداية الحوار لفت انتباهي شي مضحك
يقول الجعيثن لابن مساعد : مبروك عودة ياسر للتسجيل


مع العلم ان ياسر سجل في آخر أربع مباريات رسميه (وقتها) مع الهلال (6) اهداف..وسجل هدف بالبطوله الوديه في دبي
وهي كالتالي :
هدف على التعاون
ثلاثة اهداف على الحزم وانتهت بثلاثيه المباراة جميعها لياسر
وهدف على الفتح
وهدف حاسم جدا على الفيصلي جلب لنا الثلاث نقاط



وفي بطولة دبي سجل في زيلينا السلوفاكي

بمعنى انه ماهو مبتعد عن التسجيل مع الهلال ... بل هو حاضر ويسجل ولكن الاعلام والحاقدين على نادي القرن
لا يسعدهم ذلك ويقلبون الحقائق (عيني عينك) لكي يضعوا ياسر في ظغوطات اكبر واجهها مسبقا الاسطورة سامي.. ولكن لن نسمح لهم بالاساءه لنجومنا ورموزنا وتدمير مواهبنا .. فمن اساء لشيخ الرياضيين عبدالرحمن بن سعيد لن يصعب عليهم الاساءة لياسر

تذكروا هالمثل يا زعماء (اللي مايعذر خويه .. مايبقى له خوي)وانا اقول اللي مايعذر نجومه ما يبقى له نجوم ...

في يوم من الايام تواجدات بالمدرج والثواني الاخيره تذهب بالهلال للتعادل مع الاهلي .. ليظهر ياسر ويسجل هدف التاكسي الشهير ليعود بالهلال لاجواء الدوري والمنافسه
الهلال يحتاج الى نقاط مباراة الطائي والطائي يدافع بشدة وكوزميين يتفرج ولايحرك ساكناً بعدما احتفظ بياسر بدكة البدلاء وبعدها بقليل يتواجد الكاسر بأرض الملعب ليسجل اجمل اهدافه بمرمى الطائيلنعود لاجواء الدوري
الهلال يلعب بفرصه واحده والاتحاديين يحتفلون بالدوري وانه مسألة وقت ليكون بين ايديهم ليتواجد الكاسر ويحرز اهم اهدافه (هدف الشعره) واسميه هدف حرق القلوب.. ليعود الهلال لاحراز الدوري بعد ابتعاده سنتيين متتاليه..

لو مثلاً رجل قدم لي جميل في وقت حاجته .. صدقوني والله اني لاستحي بيوم من الايام اتركه بعز حاجته لي ..
ياسر فرحنا كثير وجاب لنا مباريات كنا سيئيين فيها ..وشرانا في وقت كان قريب جداً من الاتحاد
يقول الفراعنه (من كان لي بالرخا عبدي وانا عمه... لا جاء القسا صرت له عبده وهو عمي)
اما ياسر فالجمهور لم يرحمه .. بحثوا عن الزله عليه ولا سألت واحدقلت ليه هالاساليب قال
(لو ما نحبه ماسوينا كذا)
وربما الحب موجود ولكن التعامل يجعلك تنفر من محبوبك ... والحب لوحده لا يكفي

حضرت احد مباريات نادي القرن والاهلي وكان ياسر متواجد اساسي ... والله يا شباب دفاع الاهلي كان مايسمح للكره تنزل بمنطقة الجزاء حتى الكور القادمه من اقدام محمد الدعيع وكانوا مركزيين جدأ وبكل لحظة يشتتون الكور ولايسمحون بأي كوره تنزل عندهم.. في اواخر الشوط الثاني نزل الصويلح والله ماكذبت ياشباب ..اصصبح لاعبي الاهلي خصوصاً الدفاع في راحه كبيره حتى ان الكور نزلت اكثر من مره داخل منطقتهم بلحتى المراقبه اصبحت من لاعب الى لاعب فقط وليس كما حدث من ياسر كانوا لاعبيين

في مباراة الخماسية النصراويه قدم ياسر اجمل فنونه وسجل هدفيين ستبقى بالذاكره الى اخر يوم في حياتي؟؟
فعل ماعجز عنه جيل الثنيان وسامي وحمل فريقه مع رادوي يومها الى ان يحققوا اكبر نتيجه في تاريخ مباريات الديربي ؟؟ فهل ننسى كل ذلك بغمضة عين

في موسم 2006م لعب نادي القرن مع الاتحاد باستاد الملك فهد الدولي مباراة نصف نهائي..المباراة تعادل وتسير لضربات الترجيح القحطاني يتسببب بجزائيه بعدما رفع جميع دفاع الاتحاد ايديهم استسلاماً لما يفعله ياسر ..وليقلب موازيين المباراه رأس على عقب ويحقق الهلال الفوز

ياسر مصاب ؟؟ يلعب ياسر اخر مباراة في موسم 2009 ضد الاتحاد وهو مصاب والاتحاد يلعب بفرصتيين والاتحاد متقدم والهلال تائه وعزيز مطرود وكل شي ضد الهلال ..ومن كره ميته جداً ياسر يتحصل على ضربة جزاء بفنومكر ودهاء ليعود الهلال الى اجواء المباراة الا ان النقص من عزيز يومها كان له رأي اخر ؟؟
هل عرفتم قيمة اللاعب الفنان حتى وان كان ليس بكامل جاهزيته

اخر ملاحظاتي .. ان من يدافع عن ياسر يسمى (جمهور ياسر) اما من يجرحه وينتقده ويتهجم عليه يسمونه جمهور الكيان... وكأن ياسر لاعب من بلاد الواق واق وليس لاعب من ضمن لاعبي الكيان الهلالي..
وتناسى البعض دفاعهم عنالثنيان وسامي في فترات سابقه وهم يستحقون بلا شك .. فهم قدموا الغالي والنفيس لنا فكان واجباً علينا الدفاع عنهم .. والان واجبنا ندافع عن ياسر
وصدقوني (الواحد مايعرف قيمة الاشياء الجميله الا اذا فقدها)

لا ادري هل من حزن لفراق رادوي سيرضون ان يُطلق عليهم لقب (جمهور رادوي)
اتمنى مانندم على اعارة ياسر ويستمر الهلال في عنفوانه

ياسر القحطاني..والله احبك في الله وسأبقى وفياً لك ماحييت ولن انسى يوم شريت الهلال في برنامج كل الرياضه كيف ذاك اليوم مانمت من الفرحه فيك... ما انسى كيف كنا نحلم ونحلم بتواجدك معنا بالكيان الهلالي
ما انسى كيف كانت المنتديات تلبسك لبيس الهلال بالفوتوشوب وتتمنى رؤيتك به واقعاً
لن انسى فرحتك..دموعك.. صبرك.. ملامح وجهك لا كتمت حزنك كما هو مشاهد في سطورك التي ارسلتها لجمهور الهلال.. والله ان قلبي يتقطع على فرقاك يا من خدمت الهلال .. اكثر من مره ياسريقطع اجازته ليعود للهلال وللتمارين؟؟ في وقت خالد عزيز يتلاعب بمشاعر الجمهور والاداره كيفما يشاء وعاااااااااااااادي يطلعون بكل بساطه يقولون (عطوه فرصه)


كنت دوماً اطلب جمهور الهلال يرحمون ياسر...واليوم اقولكم ياسر راح خلاص ..
[SIZE="5"](مابين غمضة عين ..راح الحبيب الزين)[/SIZE]فلذلك لاترحمونه ولكن اتركوه وشأنه وارحموا بقية الزعماء.. لاتكرهون اللاعبيين فينا..انتقدوهم بحدود..
عندي احساس ان ضحية الجمهور الهلالي القادمه هو احمد الفريدي


سامي الجابر وهو اسطورة الهلال والرقم الثابت في تاريخه ومحبوب القلوب قدم موسم ضعيف فنيا في 2004م
ليعود في 2005م ويحقق لقب هداف العرب مع ناديه ويحمل منتخبه لكأس العالم ويحقق جميع بطولات الموسم مع فريقه وبمستوى باهر

الشلهوب وصل لمرحلة حرجه جداص لدرجة كاد ان يعار للعربي الكويتي؟؟تخيلووووووا العربي الكويتي؟؟
ليعود في الموسم التالي ليحقق لقب هداف الدوري


الصبر على نجومنا هو سلاحنا اذا اردنا الاستمرار في البطولات.. وياخوفي نصير مثل النصر بيوم من الايام؟؟

الجمهور الهلالي هو من وقف مع الفريق في احلك الظروف..ارجوكم ثم ارجوكم حطوا انفسكم مكان اللاعبيين..
لمدحوا بحدود وانتقدوا بحدود... لاتصيرون ضد الفريق بدون ماتشعرون..
اعداء الهلال كثر شعر راسي .. فلا تصيرون معاهم انتم كذك

يجب ان نغير اسلوبنا مع الادارة واللاعبيين.. نطالب بما نريد.. ننتقد ..نصحح ولكن بعقلانيه
والاهم من كل ذلك (ما ننسى الجميل)
اخيراً.. في هاليوم الفضيل الله يوفقك يا ياسر وييسر امرك ويسعدك وين ماتروح ويجعل دربك سلامه ويحقق امنياتك يا ولد سعيد القحطاني
ياسر سعيد القحطاني ... والله ثم والله لو ابتعدت العمر كله ما راح انساك شخصياً وستبقى في قلب من يحبك وستبقى الغالي
(غصب عن عيني مسافر ..وهذا كان لازم يصير
دمعه بعيني تكابر ..منت عندي شي كبير
بس يا ياسر لاتطووول..المهم ترجع بخييييييييييير)



ياسر لن انسى مفتاح الخوجلي خخخخ وما راح انسى كوبري الخوجلي بالرأس ولا هدف التاكسي ولا هدفك المونديالي بشباك تونس ولا قيادتك لأخضر 2007 م باسيا ولا هدفي ام صلال بكأس الخليج ولن انسى عدوتك بأفضل لاعب اسيوي بعد يوم من خروج الهلال من الخليجيه وكأن الله اراد بك ان نغسل احزاننا في تلك الفتره بعودتك بتلك الجائزه .. ولن انسى فرحتك مع ابن الجابر في لقاء الحزم الذي احرز فيه سامي هدفيين..ولن انسى مباراة الاهلي على نهائي ولي العهد وتجهيزك لهدف ويلهامسون وكيف اصبح المرمى خالي امامه ليسجل اهم اهداف المباراه وهدفالعوده ولن انسى الكعب الشهير بمرمى الخوجلي ولن انسى تمريرتك لنيفيز في مباراة الاتحاد الخماسية بعدما رواغت دفاع الاتحاد وبالأخص المنتشري ..وابداعك بمباراة نجران السباعيه وصوت فارس عوض وهو يتغنى بك ويقول (ياحظ الكره السعوديه بك يا ياسر ..وياحظ ابو ظبي وهي تنقل مباراة يلعب بها ياسر)
رغم مقاطعتنا لابو ظبي الا انه انزل مستواه للتكون تحت مستواك وقدرك يا ياسر ... والحق ماشهدت به الاعداء فمن يفعلها غيرك يالكاسر

دخلت خصيصاً لأكتب مابخاطري ومابقلبي ويعلم الله انه باقي بقلبي كلام كثير ولكن الشكوى لله

رغم ان بالقلب غصه الا اننا سنبقى اوفياء للهلال وادارة بن مساعد والله يجعلها خيره يارب


رح يابو سعيد ولا تلتفت وراءك.. وقبل ماتروح للعين وتتركنا انصحك تعتمر في بيت الله الحرام وتطلب من الله العون وانه مايحوجك لأحد وينصرك وبأذن الله تعود وانت اقوى كما تقول ... واللي معه رب العالميين مايخاف
يا يااااااااااااااااااااااااااااسر


همسه لسيد الشعر خالد الفيصل اهداء لمن ملك القلب ياسر بن سعيد القحطاني

الحزن في صونك ازعـج ساكنـي"
" لين صار الكون من حولي حزيـن
غصب عني حزن صوتك هاجنـي"
" لين خلَّى عاصـي المعنـى يليـن
وامتثل حـرف القصيـد وعادنـي"
" وانسكب حزنك على شِعري حنين
شِلت أنا صوتك وحزنك شالنـي"
" أكْتم الصرخه وينسـاب الأنيـن
شِفت حزنك كيف حزنك شافنـي"
" كيف داهم خلوتي فـي لحظتيـن
طير أنـا مثلـك زمانـي ضامنـي"
" جرّحتني مثلك سيـوف السنيـن
صابك اللى مـن زمـانٍ صابنـي"
" في معاليق الحشـا جرحـه دفيـن
الفـرح عقـب الصداقـه هابنـي"
" خافت البسمه على وجهي تبيـن
طير يا اللّي صوت حْزنك هاضنـي"
" الله اللـي ينتصـر للصابـريـن


ايه والله .. الله اللي ينتصر للصابرين يا ياسر

[/COLOR][/CENTER][/SIZE[/COLOR]][/COLOR]

انا للحين ماني مصدق ان الامير عبدالرحمن بن مساعد اعار ياسر للعين

طيب ليش الاعارة ياسر عاشق للهلال والعاشق لا يتخله عن المشعوق

لا تقولون احتراف وغيره لو كان ياسر ما يبي الهلال كان راح للاتحاد يوم عرض عليه اربعين مليون

والضغوطات القدسوية كيف كانت عليه وكيف تنازل ياسر عن مليون ريال من حصته اثناء توقيعه للهلال من القادسية

لكن الهلال اخذ ياسر وبعد ذلك نسى كل شيء قدمه ياسر من تضحيات للهلال

الف مرة اقوله ياسر ما كان سيء كان جيد لكن حنا كنا متعودين على مستوى ممتاز

مع الاحترام ياسر وجمهوره تسحبوا هالصيف على وجييهم !! مرة اعاره ومرة على الدكه

اسف ع الازعاج ادري انها توجع لكن !

في اخر اربع بطولات اسيويه طلعنا بحضور ياسر !!

لانبكي على اللبن المسكووووب
الله يوووفق ياااااسر ون شاء الله يرجع بعنفوووووانه

يا اخي عبد الرحمن بن مساعد صرح ان ياسر هو اللي يبغى يروح
ياخي جانا عرض طيب للاعب و الادارة على الاقل نستفيد منه في
تجديد عقد هوساوي والفريدي والمحياني
بعدين حسستني ان ياسر شاتووه من النادي ولا نقلووه غصب عنه
لنجران وهو ما يبي ؟؟

إقتباس سامي الجابر وهو اسطورة الهلال والرقم الثابت في تاريخه ومحبوب القلوب قدم موسم ضعيف فنيا في 2004م ليعود في 2005م ويحقق لقب هداف العرب مع ناديه ويحمل منتخبه لكأس العالم ويحقق جميع بطولات الموسم مع فريقه وبمستوى باهر

انت قلتها سنة مو ثلاث!!!


بذمتك انت مقتنع بياسر ؟؟؟
اتحداك 99% من الجمهور غير مقتنع بياسر
واولهم توماس دول اللي اتخذ القرار

وبعدين كل هالبكائيات عشان راح اعارة اجل لو نقل وولا اعتزل
وش بتسوون عزا ؟؟

ترى راح اعارة وبيرجع بعد سنة

إقتباس الرسالة الأصلية كتبت بواسطة مشعل الظفيري اخوي انا من قريت كلمت { الله ينسرك ي ياسر }ْ غسلت يدي من الموضوع حسيت رايح يجهاد مو يلعب بنادي :$

هلا اخوي... تركت الموضوع كامل ورحت لهالكلمتيين
كلنا نطلب الفوز والانتصار بكل مجالات الحياة وليس بالجهاد فقط..ولكنها عقليتك يالطيب
الحين عرفت ليش الاداره مافعلت عضويتك اللي بتوقيعك..ومايلامون للأمانه

بتوفيق له

وبسراحه الفايده للاعب ولنادي

يبقى الهلال اهم

الله يوفق اللاعب ياسر

ووقع وخلالاص نرجو مسانده نجوم الفريق

اعاره ياسر بوجهه نظري هو الشي الصحيح اللي عملته الادراه

احترافيه على مستوى كبير تقدمه الاداره وانتم تنتقدون

يااخواني رونالدينهو لما نزل مستواه كان احتياط بالميلان

راؤؤل أسطوره الريال نسقوه وراح بايرن ميونيخ او شالكه مو متاكد

اما تؤدي وتحترق بالملعب والا تجلس احتياط او تشوف لك فريق ثاني ممكن يتحسن مستواك

بعدين اعاره لموسم واحد استفاد الهلال حوالي 9 مليون ريال

الى متى بننتظر ياسر يرجع هذا الصح اللي عملته الاداره استفادت ماديا وياسر بيستفيد فنيا وان شاء الله يرجع افضل

تقبل مررررروري وشكرا لكـ

إقتباس الرسالة الأصلية كتبت بواسطة هلالي محايد_1 تعبت نفسـك ي بططططل !! كل هذآ عشآن يآسر بس ؟! طيب يآخوك فيه منتدى لـ يآسر روح أكتب فيه هنآك بيسمعون لك "كلهم مشجعين يآسر" وبعدين .. تقآرن "الكوري والعربي" ب يآسر ؟ يعني مقتنع ب لعب يآسر بذمتك ؟! تتكلم ب منطق ولآ تتكلم لآنك "عآشق ومتيم ومشجع لـ يآسر " ؟؟ لآعب أنتهآء , مستوآه فآشل جداً جداً .. وهو من أضآع علينآ "آسيآ" وأضآع الهلآل كثيراً بسبب المجآملآت لـ هذا اللآعب , آلي كآن مآيقدم شيء يذكر !! أتركوآ عنكم هآلموآضيع الي مآلهآ أي معنى وآلي تخص لآعب أنتهآء مستوآه وتقولون أستثنآئي !! فكر ب الهـلال , كيف بيكون , فكر كيف نرسم خآرطه آسيآ مرة آخرى , كيف نكون فريق لآ يقهر ..!! مو فريق مجآملآت , عشآني مشجع يآسر ولآ مشجع لـ فلآن وعلآن , هذا لآ ينبآع هذا مكآنه أساسي عشآني أحبه !! الهلآل , كآن محتآج "رئيس نآدي" يآخذ قرآرآت قوية مثل هذي , آلي كنت شخصياً أنتظرهآ , لآن يآسر أخذ فرصه كبيره جداً .. من 2007 وهو يلعب أساسي ومستوآه كآن هآبط جداً ,أحنا ب 2011 ولآ زآل هآبط , ومع هذا تطبلون له وتقولون آلموسم القآدم أفضل !! وآلي يقول , يآسر غير "جزمه وأنتم بكرآمه" فـ أكيد رآح يرجع , وآلي يقول "غير قصة شعره" فـ أكيد نآوي يغير حتى في لعبـه ويرجع لـ مستوآه المعهود قبل 2007 !! تكلـم ب منطق وعقل .. لآعب كآن "عآهه" ع الهلآل طوآل السنين التي مضت , فـ حآن الوقت لـ الأبتعآد عن المجآملآت للأعبين .. لكي تعود لنـآ "آسيـآ" لآن مكآنهآ آلطبيعي في "آلعرين الأزرق" .. وكثرة المجآملآت "ضيع الهـلال" كثيراً .. أسف ع الأطآله , وأنا مع أبو مسآعد وبقوة .. وأدعمه ب قرآره الصآئب "مليون بآلميه" .. بآلتوفيق للهـلال أولاً وأخيراً ...

هلا اخوي.. بخصوص كتابتي الموضوع فهو شي مايخصك..اكتب وين ما ابي وبالمكان اللي ابي وعن اللاعب اللي ابي ..طالما اني ماتجاوزت الادب والدعوه نقاش ماهي مهايط ومصايح
اجل لابغيت اكتب عن ياسر لازم اروح منتداه ؟؟؟ طيب لو بغيت انتقد نامي وين اروح؟؟ بيتكم مثلاً
وش هالعقليه
والله يابعض جماهيرنا ما يباعدون بعقلياتهم عن جمهور النصر ولكن البطولات مخفيه العيوب الكثيره ببعض الجماهير..
الحين اذا انا مدحت ياسر اصير مطبل بنظرك صح؟
طيب ليش ماتكون انت حاقد على ياسر ؟؟ ليش دايم اي واحد يمدح يصير مطبل
فيما اللي يسب يكون عاااااااشق للكيان ويبحث عن المصلحه..ليش مانسميه حاقد؟؟
يعني بس انتم اللي تبون مصلحه الهلال..بس انتم الهلاليين وحنا نشجع نجران؟؟

كلنا مشجعيين للهلال ولنجومه ..ونجوم الهلال جزء من الهلال ؟؟ والا تبيني اصير مشجع هلالي واحب سعدالحارثي بالنصر مثلاً
ارحم عقولنا يارجل ؟؟؟ وانا دافعت عن ياسروقلت بنفس الوقت الله يستر لايكون الفريدي الضحيه القادمه
انا انتقدت تعامل الجمهور الهلالي مع نجومهم وكيف انهمصايرين مع الخيل ياشقراء
كل كلامك بردك انشائي لافائدة منه مع احترامي لك .. اجل لابغيت اتكلم عن ياسر اروح منتداه هههههههه اللهم اني صايم بس

لله درك ياياسر القحطاني ..
تو ادري ان شبيه الريح غبي ...!!
كيف يستغنى عن افضل مهاجمين في اقارة اسيا ..رادوي,, وياسر ..؟؟؟؟


شكرا لك

إقتباس الرسالة الأصلية كتبت بواسطة المووووهووووب10 مع الاحترام ياسر وجمهوره تسحبوا هالصيف على وجييهم !! مرة اعاره ومرة على الدكه اسف ع الازعاج ادري انها توجع لكن ! في اخر اربع بطولات اسيويه طلعنا بحضور ياسر !!

جمهور ياسر.. جمهور سامي..جمهورالثنيان
جمهور الشرقيه.. جمهور الغربيه..جمهور الرياض

انقاسامات صنعها الاغبياء وترسخت في عقول الاغبياء كذلك

من يحب ياسر فهو هلالي.. ومن يحب سامي ويوسف فهو هلالي
من يعشق الهلال باالخفجي يعتبر هلالي ومن حقه يتحدث.. ومن يعشق الهلال في ابها فهو هلالي ..ومن يعشق الهلال بالعاصمه وبجوار الهلال فهو هلالي

كلنا هلاليين .. ولكن انقساماتكم هي من تزيد الامر سوء

الشلهوب لاعب كبير جدأ ومبين انك تحبه؟؟ لكن حتى جمهور الشلهوب واسمي جمهور الشلهوب لانك تعشق الانقسامات يوما من الايام تمرمطوا وراه ..بيعتزل؟؟بيروح اعاره للعربي؟؟ لا لا بييستمر؟؟

كل هالاسئله كانت تدور بالمجالس وبعقولكم وماهو عيب..كل لاعب تمرعليه هالرحله..وكذلك ماهو عيب توقف مع الشلهوب بوقت نزول مستواه
فلأنه قدم ولانه عاشق للهلال يجب الوقوف معه.. هذا مانطالب به مع بقية النجوم بعيداً عن التشكيك بالجماهير وتقسيمهم لانه من يقوم بهذا الفعل يعتبر غبي ولا يعرف من الهلال الا لونه مع احترامي

إقتباس الرسالة الأصلية كتبت بواسطة ThE 15 EmPeRoR يا اخي عبد الرحمن بن مساعد صرح ان ياسر هو اللي يبغى يروح ياخي جانا عرض طيب للاعب و الادارة على الاقل نستفيد منه في تجديد عقد هوساوي والفريدي والمحياني بعدين حسستني ان ياسر شاتووه من النادي ولا نقلووه غصب عنه لنجران وهو ما يبي ؟؟ انت قلتها سنة مو ثلاث!!! بذمتك انت مقتنع بياسر ؟؟؟ اتحداك 99% من الجمهور غير مقتنع بياسر واولهم توماس دول اللي اتخذ القرار وبعدين كل هالبكائيات عشان راح اعارة اجل لو نقل وولا اعتزل وش بتسوون عزا ؟؟ ترى راح اعارة وبيرجع بعد سنة

هلا فيك.. ياسر يروح والمحياني يبقى ؟؟؟ مع تقديري الكامل لعيسى ولنجوميته ولكن الفرق شاسع
ثانيا هل تضمن لي نجاح الكوري والعربي؟؟ وفيما لو اصيب احدهم وش بنسوي؟؟ بنروح نطلب مهند عسيري اعاره
الثنيان النجم الاسطوري ومن افضل لاعبي اسيا احرج الهلال كثيرا ببعض ايقافاته ؟؟؟
ومع كذا كانوا يقدرونه تدري ليش؟؟ لانه الادرات ماكان عندها جمهور (هجمي) مثل الحين بس يصايح عالزينه والشينه وكانت الامور تمام... وحتى الجمهور ماكان يستقعد له
اتركوا الاداره تعمل بصمت ولاتظغطون عليها وبنمشي صح
اما تحاربون ياسر وتستقعدون له وتقتلون القتيل وتمشون بجنازته ثم تقولون هو يبي يشي هو يبي الاعاره؟؟
رح اليوم كسر سيارة جاركم وتهاوش مع عياله واقعد كل يوم انشب له واانقل عشان ينفك من شرك قل هو اللي يبيينقل ماحد اجبره خخخخ

بخصوص البكائيات فهذي ذكريات ومن حقي اكتب اللي ابيه.. اعتقد شي مايخصك
العزاء ابسويه على عقليات بعض الجماهير