حصل لي موقف طريف قبل يومين.. كنت في أشهر شارع في مدينة العين وهو شارع الشيخ خليفه.. وكنت ناوي أروح آخذ لي عشا من بيتزا هت

ثم يكمل ويقول :

وقبل لا أركب سيارتي وأروح للمطعم علامة البنزين عندي مولعه.. ولكن قلت المسافه قريبه بروح آخذ عشا بعدين أعبي بنزين

ويتابع قوله :

ورحت وأنا في طريقي للمطعم مريت بمحطتين بنزين وعاملتها معاملة هايبر بنده ولا كني شايفها.. المهم وصلت للمطعم وخذيت العشا حاااار وش زينه

ثم يواصل تتابع تغريداته بإكمال الموقف ويقول :

وما امداني أنتصف في طريق الشيخ خليفه إلا والسياره حلفت ماتتحرك.. حاولت فيها يمين شمال مانفع.. المشكله الطريق زحمه.. وأنا في وسط الشارع واقف.

ويواصل قوله :

إستسلمت بعد ماحاولت فيها وطلبتها لكن لا حيا{ لمن تنادي.. وش السواة الحين.. الدنيا زحمه..والناس تناظر مين اللي مسبب الزحمه

ثم يقول :

وأنا عرقاني تصب من الحر ومن الموقف.. وقف لي واحد أجودي إسمه أحمد البلوشي الله يبيض وجهه دنيا وآخره.. وقال تبي أساعدك بشي أنا حاضر.

ثم يواصل حديثه :

أنا انبسطت وأنبسطت أكثر يوم ماقال إسمي فقلت الحمدلله إنه ماعرفني.. المهم ركبت معه وخليت السياره في وسط الشارع..

ويتابع :

وفي نص الطريق قالي أبوحميد إنت الكبتن ياسر!!!! قلت إيه أنا وحسيت بإحراج ياكبره .. ووصلني للمحطه وحلف الذيب إني ماأنزل وجاب علب البنزين..
ويتابع :
ورجعنا للسياره ولقينا أمة محمد هناك.. شرطه وشباب وعوائل زحمه مابعدها زحمه .. طبعا مو عشاني لا لأن السياره وقفتها في نص الشارع سببة زحمه..

ويتابع :

ألحين أنا شايل هم النزله في الشارع.. وتوكلت على الله ونزلت معا الشباب نعبي السياره بنزين.. والعالم كلهم سلامات ياكبتن سلامات وأنا وجهي طاح..

ويتابع في تغريداته المتلاحقه :

حسيت إنهم كلهم يقولون كبتن وكبتن وآخرتها تطفى عليك السياره بسبة بنزين.. يعني بالعربي كبتن أونطه على قولة حبايبنا المصريين..

ثم يتابع الموقف الطريف :

وبعد ماعبينا السياره توادعت من الشباب وشكرتهم.. وعلى أقرب محطة بنزين وعبيت السياره لين حسيت إنها بتشرق..

ويواصل الموقف الذي لايحسد عليه :

بس اللي زود الطين بله البيتزا وأجنحة الدجاج من أكله حاااره شهيه.. صارت أكله باااارده ريحتها بنزين..الحمدلله عالنعمه..

ويختتم حديثه بقوله :

وبعدها أعلنت التووووبه.. توبه ماعاد ينقص البنزين..وتوبه ماعاد اشتري بيتزا ههههههه.. وسلامتكم.. أستودعكم الله..

ختاما أتمنى أن أستمتعتم مع موقف ياسر القحطاني الذي نتمنى ان لايحدث لياسر أو غيره وأقوله ياكابتن عبي فل على طووووووووووول .

صورة لتغريدة ياسر بتويتر :::



[URL=http://www.up-00.com/][/url]