|
في الموسم القادم : المؤشرات تشير الى انه هلال ......؟ السلام عليكم ورحمة الله وبركاته الموسم القادم للهلال هو حديث كل مشجع هلالي فهل سيحقق الهلال الهدف المنشود ويكون هلال استثنائيا ام سيكون هلال الموسم السابق والموسم ماقبل السابق فتقتصر بطولاته المحققه على البطولات المحليه . المؤشرات حتى الان من وجهة نظري ومن وجهة نظر بعض الجماهير الهلالية تشير الى الانحدار فالتوجه الى بيع النجوم مقابل المادة لاجل شراء لاعب لانعرف عنه سوى المقاطع ( ايمانا ) . اين اعضاء الشرف الداعمين . ( وقد اكون مخطئا في هذه النقطة بان يكون هدف الادارة ليس ماديا ). اعارة ( ياسر القحطاني ) و احتمال اعارة ( اسامه هوساوي ) سيعود بضرر كبير على الفريق من الناحية الفنيه على المستوى الدفاعي خصوصا والمستوى الهجومي . خرج سمو الرئيس الامير عبدالرحمن بن مساعد عبر تغريدة في تويتر قائلا ( لن يرحل ياسر وعيسى معا سيرحل احدهما ويبقى الاخر) . والمعروف اللآن ان ياسر لم يطلب الرحيل وعيسى طلب الرحيل لاجل اللعب اساسيا وان هدفه ليس ماديا وانما باللعب اساسيا ) . لو افترضنا ان ياسر القحطاني رحل عن الفريق وتبقى في خانة الهجوم : العربي و يوو بيونج سوو و عيسى فلن يلعب عيسى بشكل اساسي لتواجد المحترفين الاجانب وبهاذه الصورة لن يتحقق هدف عيسى الذي طلبه وهو المشاركة بشكل اساسي . حينها سأسأل نفسي هل تحقق هدف عيسى طبعا : لا اذا الحل هو في بيع عقد عيسى المحياني كما طلب والابقاء على ياسر القحطاني . اتمنى اني وفقة في شرح وجهة نظري . نقطة ختام ( اتمنى ان يكون الهلال في الموسم القادم اقوى وافضل من الاعوام السابقة ) تحياتي لكم . |
لا تستعجل وانا أخوك الموسم لسا مابدأ ومسألة إعارة ياسر مجرد سنه وراح يرجع لنا بعد موسم أتمنى له التوفيق ولزعيمنا الهلال في الموسم القادم إن شاء الله |
كل موسم يبهرنا هلالنا وبكل موسم تتجدد أنتصاراتنا مالك الا ولد يقرى |
ليش تقول المؤشرات تقول انه في انحدار عشان ياسر راح ؟؟ هو مستواه نازل من موسمين خلوه يريح سنه عن الضغوطات وبالعكس متفائل جدا بهلال هالموسم مافيه اي مجامله للفريق الي يعطي الفريق يستحق فقط ارتداء شعاره |
واذا راح ياسر يعني وش المشكلةةة بتوقف الدنيا مثلا ؟ :d ياخي قبله راح سامي اللي هو افضل من ياسر بكثييير ، :d الهلال مايوقف على نجم واحدُ .. تحياتيُ / :rose: |
ــــ بآلعكس آن شششآء الله يكون من آفضل الموآسم والكل متفآئل خير :smilie47: الأداره مآقصصرت معآنآ بجلبهآ لأفضل اللآعبين ، بآقي دورنآ كجمهور آلحضور الغفير للمدرجآت والمسآنده وبآلنسبه للتفريط بالنجوم آلهلال مآيوقف على لآعب ويآسر آعتقد الكل يؤيد انتقآله بالأعاره للبعد عن الظغوطآت اللي آدت لأنخفآض مستوآه وآن شششآء الله يرجع لنآ كمآ عهدنآ وآفضل بعد :smilie47: ــــ |
إقتباس:
اولاً\ تفائلو بِ الخير تجدوه ثانياً\ ب العكس المؤشرات تشير الى هلال مختلف الموسم القادم تعويض رحيل رادوي ب محور جيد حتى الآن مشكله العقم الهجوومي ستحل ب الموسم القادم بـ وجود بيونج سو والعربي والصفقه المرتقبه ايمانا .. وقرب التعاقد مع "ياسر الشهراني" جميعها مؤشرات ايجابيه .... إقتباس:
اولاَ\ النجوم هم من ارادو ذلك ولم يتوجه الهلال لـِ بيعهم وهدفه الماده .. بل بناءَ على رغبتهم .. وايمانا\ الإداره ماسعت لـِ جلبه الا وهي تراه يستحق ووين المشكله إذا كان الجمهور ما يعرف عنه الا مقاطع المهم هو ان يكون جيد حتى ب المقاطع اللي عرفه فيها الجمهور... إقتباس:
ياسر لما جاه العرض طلب الرحيل ... والامير عبدالرحمن بن مساعد "اقسم ب الله" بـ صفحته بِ تويتر ان ياسر من رغب ب الرحيل ... اسامه هوساوي يرفض البقاء في حال جاه عرض للإحتراف الخارجي اما عدا ذلك فـ اسامه هوساوي باقي مع الهلال ... وعيسى المحياني ايضاً بعد اعارة ياسر باقي فـ الهلال لان فرصة مشاركته ك اساسي اصبحت اكبر .. خصوصاً وان العربي راح يغيب عن بعض المباريات لـ مشاركته مع منتخب بلاده .. :rose::rose: وبــإذن الله راح نشوف الهلال:ba: يواصل تحطيم الارقام القياسيه +تحقيق كأس اسيـآ ... الأهم هو التفاءول و الدعاء للزعيم :ba1: ومساندة الجمهور والتوقف عن العواطف و لوم الإداره بـ امور تبقى اولاً واخيراً من مصلحة الفريق يعطيك العافيه ..:rose: |
توضيح: عيسى اساسي في اول 3 جولات وذلك لغياب العربي وهرماش لانضمامهم لمنتخب بلادهم..واعتقد ايمانا كذلك..:tT: |
بعد اذنك ترا في الهلال مافيه شي اسمه نجوم الاعب المنضبط واللي يأدي دوره بالشكل الكامل والمطلوب هو النجم وانا من اشد المؤيدين بقوة لرحيل ياسر لأنه يحتاج للرحيل يروح اعاره سنة ويرجع وراح تشوف ياسر غير بإذن الله اما انك ستبقى على ياسر المواسم الثالثة اللي راحت فعز الله راحت علينا اشياء كثيرة. وجهة نظر شكرا لك |
اخوي اذا تشجع ياسر ترى صار يلعب مع العين واذا تشجع الهلال ترا الموسم لسى ما بدا |
اذا فيه شي اخاف على الهلال منه فهو جمهور الاعبين فقط فقط راح ينتظرون اي غلطه علشان يقولون وجهة نظرنا صح وبإذن واحد احد موسم الهلال القادم رائع ككل المواسم |
فيه فئه من الجماهير ابتلى فيهم النادي للاسف يااخوان اللي يشجع ياسر يروح يشجعه مع العين احنا جماهير الكيان اللي يعطي النادي ويلعب باخلاص احنا معه وبالتوفيق لزعيمنا الموسم القادم بإذن الله |
يعطيك العافية وسيندم الفريق الهلالي |
ليش تقول المؤشرات تقول انه في انحدار عشان ياسر راح ؟؟ هو مستواه نازل من موسمين خلوه يريح سنه عن الضغوطات وبالعكس متفائل جدا بهلال هالموسم مافيه اي مجامله للفريق الي يعطي الفريق يستحق فقط ارتداء شعاره |
انا ما اقدر اقول الا ياسر ياسر ياسر |
| الوقت المعتمد في المنتدى بتوقيت جرينتش +3.
الوقت الان » 12:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd