|
الهلال هو الخاسر وبنشوفون في قادم الايام |
هذا القرار الصحيح ومن مصلحة الهلال واللاعب اعارة ياسر وبالتوفيق لشبيه الريح واخوه والله يخليهم للهلال |
الله يوفقك ياابو عبدالعزيز .. رح توحشنا ياياسر لكن هذه الكرة .. شكراا ياسر وتلتقي معاا في الموسم القادم |
ليــــــــــــش ياشبيه الريح تستمع لاقاويلهم والله العظييم هذولي جمهووور اليوم معاك وبكرا لمن ماينجحون الاجانب قالو لييش اعرتم ياسر المفروض ياسر ماتعيرونه مااقول غير الله ينصر ياسر |
إقتباس:
كيف بيكون الهلال خاسر ؟!؟ وبعد سنه بس بيكون عندنا ياسر وهو بأفضل مستوياته ان شاء الله ويكون عندنا عيسى اعارة ياسر لموسم وبضعف العرض المقدم لعيسى .. تصرف اداري سليم 100% فالاداره حافظت على عيسى اللي بيجدد طبعا ، واخرجت ياسر من وسط سيء وتحت اشراف مدرب يعرف ياسر جيدا وبيساعده على استعادة مستواه وشكرا |
سلام عليك ي طويل العمر هذا الي كنت اقوله ، الله يوفق بوسعيد ويرجعلنا الموسم الجاي احسن من اول تسلم ع النقل وتجميع التصريح وترتيبه :ba: |
عقبال الاسطورة نامي ياررررب |
بصفتي عاشق للزعيم أهنئ الادارة على جراءتها شخصياً أحب ياسر القحطاني وهو النجم الذي فرض حضوره وتوهجه ويؤسفني تراجع مستواه ابارك هذه الخطوة ان تمت وعسى ان تكون في مصلحة الزعيم ومصلحة نجمنا ياسر القحطاني |
إقتباس:
شوفي اسمك اللي انتي مسجله فيه وشهو .. وشوفي توقيعك ووقتها تعرفي انك تتكلمين من عاطفه بحته مو من منطق رياضي احترافي ولا نظره فنيه رياضيه .. خلاص عهد المجاملات انتهى وولى .. الحين مافيه الا اللي يثبت نفسه هو اللي يبقى احنا محنا بضد ياسر .. بس احنا بمركب والمركب لها ربّان والربان حكيم وواعي ورح نمشي على ممشاه ونقول قوله اللي يسويه ويشوفه سمو الامير عبدالرحمن بن مساعد رح نأيده ونقول عسا ربي يوفقه بما يخطيه ويجعله الصواب ان شاء الله , , أما رأيي من نظرة مشاهد رياضي لا أكثر أنا مع إعطاء الفرصه للاعب انه يغير جو خصوصا ان مشكلته هي بالاجواء اللي هنا في الدوري السعودي كل ماهتفو ذيك الهتافات طاح على خشمه وضيع مرماه من مرمى فريق الخصم .. والهلال فوق كل اعتبار وفوق كل مجامله .. الهلال من يصنع النجوم وليس النجوم من يرفعون الهلال سامي الجابر وهو نجم نجوم اسيا واسطورة السعوديه ومهاجم اسيا رقم واحد واللي مايختف عليه ثنين جا وقت احترف برا .. وياسر الحين ان ذهب رح يكون محترف ايضا بدوري خارجي صحيح يختلف اسم وحجم الدوريات اللي احترف فيها سامي عن ياسر لو ذهب ياسر .. وتختلف الاسباب ايضا لكن يضل الشاهد من كلامي واحد وهو ان الاداره قدرت تستغني عن خدمات سامي في ذاك الوقت وكلنا نعرف ان سامي له اليد الكبرى في جميع انجازات اللزعيم فـ ليه نزعل الحين لو استغنت الاداره عن ياسر ..؟ ياسر لاعب مثله مثل اي لاعب بالهلال ولاعبين الهلال طبقه وحده مافيه تفرقه يقول احد الصحفيين النصراويين .. ياسر تعرض لحمله هبطت من مستواه صحيح هالكلام بس انه جاته حمله من جماهير الهلال تكفي لإعادة فريق بأكمله وليس لاعب فقط .. ولكنه لم يعد ايضا والله كلامه سليم بغض النضر عن ميوله الاصفر .. يعني احنا كـ جماهير للهلال ماقصرنا مع ياسر رفعناه قد مانقدر وساعدناه وآزرناه وسوينا اللي علينا تجاهه لأن هذا حقه علينا دامه أحد ابناء الزعيم ومالنا فضل باللي سويناه .. بس وينه ماستجاب لهالأمر وصار مستواه في تدني تدني تدني .. وكل ماهتفو ذيك الهتافات راح طاح على خشته ؟؟ ماينفع الكلام هذا .. لابد ياسر يعرف انه مهاجم نادي افضل واعرق فريق اسيوي .. وعليه ان يكون بمثابة من سبقوه وأن يحذو بخطى سامي ويجلب لنا البطولات الكبير ويسجل بالمباريات الحساسه كما يفعل الكبار .. وياسر احد هالكبار بلا شك نبي منه اسيا .,. لو اسيا وحده ياخي سامي حقق مع الهلال 6 بطولا اسيويه .. وانت ياياسر ولا بطوله ..؟ في كل منعطف بالبطوله الاسيويه تغيب عن التسجيل امام الاتحاد هالسنه غاااب .. وامام ذوبهان العام غاااب .. وقبله امام ام صال غاب .. وقبله امام الوحده الاماراتي غاب وحضر التايب يعني بس ياياسر تتوقع الي نبيه منك هو هاتريك بنجران وسوبر هاتريك بالفيصلي وتسحيب بالنصر ..؟ لا ياياسر الهلال اكبر من المحليه .. نبي الاسيويه واذا انت مو قادر على وصونا لها .. الاداره تقدر تجيب مهاجمين يوصلونا ان شاء الله وهذا اللي صار من الاداره جابو مهاجمين .. واتوقع اعارة ياسر لامحاله امر منتهين منه ورح يشوف ياسر بعينه بأن الزعيم يقوم على رجالاته لاعلى لاعب جماهيري .. ع العموم نتمنى للكاسر ان يوفقه الله باحترافه الجديد لو احترف وان شاء الله يحترف .. ابي يغير اجواء ويعود لنا ياسر اللي عهدناه وو انه مابقى بالعمر الرياضي الشيء الكثير لكن نسأل الله له التوفيق .. والاهم نسأل الله التوفيق لنادينا وأن يجعل كل خطوه تخطيها ادارتنا تكون سليمه وموفقه يارب العالمين أخيرا ,, أتمنى من الجماهير العاطفيه تجاه ياسر أن يفكرون بعقليه رياضيه اخترافيه ونظره فنيه أو لايردون من الاساس ويخلونا نكتشف ان منتدانا يحمل عقليات غير رياضيه .. :naughty: سبحان الله وبحمده .. سبحان الله العظيم |
|
الله يكتب اللي فيه خير للهلال ان شاءالله يارب |
:s2: إقتباس:
اما بخصوص الموضوع ياجماعه لابد من المجازفات لمصلحة النادي اعجبني رد الامير لما قال لابد الرئيس يتخذ اجرات مزعجه وهذا القايد المحنك لابد من فعل ذالك الله يوفق ياسر وين ماحط رجله في الهلال او العين والله يوفقك الامير في جميع قراراته والله يوفقك زعيمنا نادي القرن وفخر اسياء وزعيم نصف الارض الهلال |
هي مغامرة من النادي . لاعب يريد الرحيل يبقى ! ولاعب لا يريد الرحيل يعار ! صراحة أمور يقف الواحد فيها متحيراً . المدرب سيلعب بمهاجمين ثابتين إذا يجب أن يتوفر عندك مهاجمين اثنين احتياطيين أما أن تبقى بدون مهاجمين فهذا قمة الغرابة ! إعارة ياسر يجب أن يحل بديلا عنه لاعب مهاجم وسيكون منطقيا لو جاء الهلال بمختار فلاته أو كأسوء الاحتمالات السعران. |
بالتوفيق للزعيم ،، البعض يفهم من مقولة اعارة ياسر لمدة موسم انه استغناء عن نجم كقيمة ياسر وهالشي غير صحيح ،، كلنا نعشق ياسر ونحبه كهلاليين ،، ولكن نعلم ماذا فعلت الظروف بمستوى ياسر سواء من نزول المستوى خاصة في المبارايات الحاسمة أو من ناحية الهجوم الإعلامي عليه كنجم وبصراحة الله يكون في عونه ،، بصراحة من وجهة نظري قرار اعارة ياسر لموسم مفيدة لجميع الأطراف وخصوصا ياسر ،، والله يوفق الجميع ويعود ياسر كما كان وأفضل ،، والله يعينك يا شبيه الريح من بعض ردود المحسوبين على الهلال ،، |
ياسر القحطاني نجم كبير ويحتاج للإبتعاد عن أجواء الكرة السعودية قليلآ حتى يعود لمستواه المعروف وما عليكم لوم يابو مساعد فقيمة إعارة ياسر هي بقيمة بيع عقد المحياني وتفكير صائب ببقاء عيسى المحياني في صفوف الهلال لسنوات عدة وإعارة ياسر القحطاني هي سنة واحدة فقط وبإذن الله نرى الكاسر الآسر ياسر يعود مثلما عهدناه وراح يرجع لنا مهاجمين بحجم ياسر وعيسى افضل من يبيعون عيسى عقده وراح يروح نجم كبير بحجم عيسى خارج اسوار الزعيم اوما الطريقه هذي سوف يكونون كلهم عندك |
| الوقت المعتمد في المنتدى بتوقيت جرينتش +3.
الوقت الان » 10:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd