|
محمد نامي وطاش ما طاش ...!! السلام عليكم ورحمة الله وبركاته كل عام وأنتم بخير أخواني وأخواتي الأعزاء بدون مقدمات وبدون مقبلات سأدخل بالموضوع مباشرة اللاعب محمد نامي اصبح موضوعاً دسما خلال الشهرين الماضيين :naughty: وكأنه مسلسل طاش ماطاش سيقام عرضه خلال شهر رمضان وانتقادات لهذا المسلسل من الرايح والجاي ومحد عندكم ومع نفسكم :ap: من طب على المنتدى نامي راح نامي جا نامي ما ينفع ونامي سئ ونامي مدري وشو ونامي ونامي ونامي وهذا يقول راشد الرهيب افضل والآخر حسن معاذ اطلق منه وينط شخص آخر شهيل افضل من الإثنين ويأتي الرابع لالالالالالالالا عندكم عبدالمطلب راح يسوي المعجزات والخامس استريحوا كلكم أنا عندي لاعب فلـتــــــــــه (خالد الغامدي) راح يكوي الجهة اليمنى رايح جاي ويغسل اللاعبين ويسوي شوارع وراح يقطع الموية والكهرباء عن انطلاقة الفرق من الجهة اليمنى ويسوي لك مقدمات كأنه بيسوي مشروع بلاعب لم تنجب الكرة السعودية مثله وهات يا قصص وتضخيمات للاعبين واذا باللاعب لا يزيد أو يقل عن محمد نامي بس ودي أعرف محمد نامي ايش مسوي عشان الحملة الكبيرة ضد هذا اللاعب.. إذا حسبنا .. كم لعب اللاعب محمد نامي كلاعب اساسي من موسمين ما راح تعدي اصابع اليد والي يقول محمد نامي تسبب بأهدف على نادي الهلال بس ودي أعرف كم هدف اتسجل بنادينا الزعيم خلال سنتين وكان الهلال خلال السنتين او الثلاث السنوات السابقة اقوى دفاع واقوى هجوم يا جماعة الخير خفوا شوية على نامي وإذا بتقيموا لاعب قيموه على شواهد .. ولا يوجد لاعب على سطح الكرة الأرضية لا يخطئ لولا الأخطاء لما تسجلت الأهداف الحين أبغى احد من الي كتبوا على محمد نامي ويعلمني بس كم هدف أو خطأ تسبب فيه نامي وأخيراً إذا كان اللاعب محمد نامي غير كفوء لهذه الخانة لما بقى في الهلال لهذه اللحظة تحياتي لك يا نامي وأنا متأكد أنك سوف تقدم مستوى لافت والي كتبوا ضدك اليوم سيمدحونك غداً هذا حالنا نحن العرب لاعب يقدم اليوم مستوى ممتاز رفعناه السماء ويوم آخر سيئ خسفنا فيه سابع أرض... ولكم مني كل التقدير والاحترام:alzaeem: |
ياسلالالالالالالالام عليك بس فيه جمهور عله سمع ان نامي سيئ خلاص لزقت في مخه نامي سيئ يااخي نامي ادخل ماقطع الييوتوب سب من الجمهور له مره جمهور الاتحاد يشجعه يقولون بنسجل عن طريقك وغير كذا جمهور الهلال الي ماعنده نيه يوقف معهفيه تحطيم اكثر من كذا له وقفوا معه مره وحده بس الرجال يبي ثقه ماجاء للهلال وهو فاشل ومابقى فيه لحد الان وهو فاشل |
هههههههههههههه ههههههههههههههههههاااااااااااااااااي ااااااه يا بطني اجل نامي مو سيء |
صباح الخــير.. أخوي فيه لاعبين ممكن تناقش سبب إنخفاض مستواهم أو نحاول نشوف وش مشكلتهم يعني مثل ياسر وش سبب هبوط مستواه .؟ الفريدي وش سبب بروده .؟ المرشدي وش سبب إرتباكه.؟ يعني لاعبين كبار ويمرون بإنخفاض بمستوى مثلهم مثل أي لاعب بتاريخ الكورة..! لكن محمد نامي شخص ما ينفع يمارس أي نشاط رياضي بالعالم ( أسمحو لي ) هذا ما ينفع لاعب , يعني هذا هو مستواه , من يوم جاء للهلال وهذا هو مستواه..؟ لا يمر بإنخفاض مستوى ولا مشاكل ولا اصابة ولا شي. يعني ما منه أي فادة أبد. بعدين تقولي وش الأهداف اللي تسبب فيها نامي.؟ المفروض تقول وش الاهداف اللي ما تسبب فيها.!! شوف أخوي فيه إحصائية مسويها أنا شخصيآ , في موسم إبداع جيريتس نامي ما شارك مع الفريق الأول تقريبآ إلا 4 مباريات.؟ اللي أذكره أنه في مباراة الوحده بالرياض دخل آخر 10 دقايق واول مادخل جاء هدف للوحده من الجهة اليمنى.؟ وفي مباراة الرائد نفس الشي وكان توه داخل في آخر اوقات المباراة.؟ في مباراة الغرافة الاياب شوف الهدف الأول والرابع وأنت تعرف وش سوى نامي.؟ في مباراة الاهلي هالموسم المنصرم بكأس ولي العهد اللي انتهت أشواطها الاصلية 2-2 , شوف هدفين الاهلي وكيف رفعها قلب الدفاع حق الاهلي من جهة نامي وهو جالس يتفرج عليه.؟ في مباراة الفيصلي هالموسم اللي بدور الـ 8 اللي بالرياض كان الفريق متقدم بهدفين , وفي اخر الدقايق دخل نامي , والله اني قلت لاخوي اول ما يدخل بيجي هدف من جهته , وما تمت دقيقة او اقل إلا لاعب الفيصلي يمررها من قدام نامي وهو يطالع فيها وتسجل الهدف للفيصلي.:ranting: في المباريات الودية قبل اسبوعين : الهدف من الجهه اليمنى وين نامـي.؟ ويـن التغطية :mad: : هذا الهدف شوف تغطية نامي للعرضية : هذا الهدف فيه لاعب هلالي جاب العيد وفلت الكورة مدري هو نامي ولا غيره .؟ لانه مو واضح .؟ الزبده إذا ما كان نامي هو اللي فلتها , أجل وينه ما غطى الهدف, لان الهدف من جهته اليمنى.!! هذا شي بسيط من النكبات اللي تسبب بها نامي , وأصبحت الجهة اليمنى للهلال طريق للأهداف على الفريق .؟ عاد باقي الاهداف اللي بموسم أم صلال الله لا يعيده ما ذكرتها.. يعني الله يرحم والديك دور لنا أي موضوع نناقشه بالسياسة أو قضية فلسطين أو أخبار بطولة المصيف , أصرف من مناقشة موضوع منتهي أمره ويخص شخص لا يفقه بالكورة أي شي.. ((على العموم اذا بيلعب محمد نامي اساسي هذا الموسم , أنا أتوقع أنه بيكون هالموسم شبيه بموسم أم صلال أو أسوء منه.)) (لاتنسى كلامي و حط هالنقطة الأخــيرة اللي فوق عندك بالمفضلة وأرجع راسلني إذا إنتهى الموسم وكان نامي يلعب أساسي بالفريق.. ) أتمنى إحترام وجهة نظري من الجميع وخصوصآ المشرفين.:rose: تشكراتي. |
مشكله ناامي انه مااعنده ثقه بنفسه ع طول يتخلص من الكره اذا جت له بأأي طريقه وبعدين ياكثر الاهدااف اللي تجي عن طريقه لكن عشاانه قليل مشااركااته مع الزعيم اكثر شي ع كرسي الاحتيااط ع العموم بتوفيق لناامي مع الزززعيم .. |
ع‘ـــــــــــــــــــــــــوؤوآفي .. ع الموضووع .. يسسلمؤووؤؤؤ :):) :) |
صراحة انا اشوف ان نامي مايصلح اساسي في بطولات قوية مثل بطولة اسيا يعني لو يلعب اساسي في كاس ولي العهد والملك يكون ممتاز وبعض مباريات الهلال مع اندية ضعيفة في الدوري |
تسلم يمينك ,و المشكلة الاكبر بيجيك واحد طاير مطفي النور و مسوي انه فلتت زمانه وو يقول اذا تبي اسيا لازم ما يلعب نامي .. ومثل ما قلت اللي عنده دليل على هفوات نامي يحطها ..و يكفي انه لعب مباراة المنتخب مع ايران و اخذ نجم المباراة اللي كان فيه 100الف مشجع ايراني ..لكن بعض الجماهير ما يعجبها العجب و لا صيام في رجب ..و صدقني هذا الموسم بيفرق نامي كثير.. تقبل مروري |
مانقول غير كلمه وحده فقط للجماهير الجارحه ,,, الله يرفع ما حقرتو ,,, نامي لاعب طموح وخلوق والله يوفقه في مسيرته مع نادي الهلال ,,, |
هذي المششكلهةة ينتقدونهةة ليل نهإر واذا مالعب زيين خسفو فيهه الارض ب التوفييق لنامي |
محمد نأمي من افضل اللاعبين في الهلال في المواسم اللي راحت ، ويقدم مستويات حلووه جددا .. :yes: ولكن ماندري وش نقول عن الجمهور ، اتوقع البعض من الجمهور ، على قوله ( مع الخيل ي شقررا ) :naughty: يعطيك العافيه موضوع في محلـــه .. :rose: تحيإتي / :rose: |
بصراحه موضوعك طويل حبتين لأكن بخصوص تشبيه نامي بمسلسل طاش مع احترامي لك من جنبه لانه طاش سيء ونادر جداً اللي معجبهم اما نامي مهو سيء ومعجب الكثير وبالنهاية الادارة الخص واللي يكتبون بالموقع يعبرون عن رايهم وبعدين سؤالي للمشرفين كيف الاعضاء الجدد ينزلون مواضيع والقدامى لا نظام غريب |
نامي لاعب وماعليه كلام لاكن لو تعطونه الثقه والله راح يبدع ... |
انا سمعت ان نامي راح يلعب اساسي الموسم القادم و ان شاء الله ياخذ فرصته و يثبت نفسه |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 12:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd