|
مع (ايمانا) سيتحقق الاعجاز ومع( ولي) لن نحقق الانجاز. + موضوع (إعارة) ياسر السلام عليكم ورحمة الله وبركاته كل عام وانت بخير ومبروك عليكم الشهر مبطي ماكتبت موضوع <<< محد درا عنك يا حمد الهلالي على غفله:laugh: المهم مادعاني لكتابة الموضوع هو بعض الاشياء الي حاصله حالياً ومضيقة صدري شوي ولو استفاد من هالموضوع ثلاث اشخاص يكفيني ابي اتكلم عن ايمانا وولي هامسون والعربي وياسر المحور الاول بالنسبه لايمانا اول ماسمعت خبر التعاقد معاه رحت على اليوتيوب وشفت المقاطع واعجبني الاعب وقلت والله كويس ولايقل عن ولي بس لما شفت موضوع اخوي كبير الهلالين وكيف الناس مسوين ثوره بالموضوع ووصلت المشاهدات فوق مليون واطلقت على الموضوع اسم الموضوع المليوني تيمناً (بالمظاهرات المليونيه ) صراحه حسيت اني رغبتي باللاعب صارت اكبر وصرت ابيه اكثر صرت من شلة ( مع الخيل ياشقرا) بس صراحه تنرفزت من ردود الافعال والناس الي تقلل من ولي هامسون والناس الي تمجد ايمانا وكانه دروجبا ولا ايتو ولا اباطره افريقيا لدرجه اني بديت اتشائم من قدوم الاعب تدرون ليش. .؟ لانه اي فرصه يضيعها ايمانا او خطاء يرتكبه او مباراة قدام الاتحاد مايبدع فيها راح يضخم سواء من الاعداء والي يدورون الشماته او من الي كانو يتوقعون ان ايمانا بيستلم الكوره من العتبيبي ويعدي بالفريق الثاني كله ويشوت الرميه الملتهبه وتدخل قووول ( راح تجيهم صدمه يقولون هذا الي كنا نحتريه شهر كامل اخر شي كذا ) وراح تكون ردة فعلهم عكسيه وراح يكون الاعب تحت ظغط ويمكن يفشل مثل ماحصل مع ولي اول ماجا ومع ياسر حاليا ايمانا لاعب كبير ومكسب لأي فريق بس لاتتوقعون منه عمل المستحيل ويمكن مايكون بالمستوى الي تتوقعونه وخاصه في اول ست اشهر ان لم يكن الموسم الاول (وممكن ينجح نجاح باهر) (طبعا هالكلام اذا جا ايمانا ) واذا ماجا ولي هامسون نجم لايشق له غبار وخصوصا في المباريات الكبيره عكس كلام الناس الي شكلهم يشوفون مباريات غير الي نشوفها المحور الثاني يوسف العربي هو لاعب كبير والدليل ان جريتس كان يقوله لاتروح الدوري السعودي لان قريتس يعرف ان دورينا اقل من مستواه بينما قال لهرماش رح بدون تردد فعشان كذا انا استغرب من الي حكموا على يوسف من 30 دقيقه في مباراه وديه يوسف من طينه احمد بهجا ودروجبا ونيستلروي والاعبين الهدافين يمكن مايصلح لبعضكم لانه مايسحب وماعنده مهارات فتاكه بس يوسف العربي اذا انسجم وتفاهم مع صانع العاب الفريق صدقوني بيسجل اهداف بالهبل ان شاءالله وبتسمونه يوسف قوول مع اني كنت اتمنى مهاجم من طينه سيرجو ونضاو بس برضوا يسوف العربي يفي بالغرض وزياده ان شاءالله الي اطلبه اصبرو عليه مالايقل عن 3 اشهر وان شاءالله تشوف يوسف العربي بالشكل الحقيقي زيايه اول مالعب للاتحاد بغو يلغون عقده بالانتقالات الشتويه بس ما امداهم او غيروا رايهم وتعرفون وش سوا زيايه بقية الموسم والامثله كثيره المحور الثالث ياسر القحطاني والله اني حزين لوضع ياسر دخلت احد المواضيع الي تتكلم عن عرض العين لياسر في احدى المنتديات الهلاليه وشفت اول 15 ردود واحزنتني كثير يمكن واحد الي دافع عن ياسر والبقيه تتكلم وكان ياسر عامل مصيبه بالهلال او هو سبب هبوط الفريق للدرجه الثالثه صدقوني اقول هالكلام بلا مبالغه بتاتا الي يقول اذا راح لك مني عشا ياصاحب الخبر والي يقول الله يسمع منك بهالشهر الفضيل والي يقول ابرك ساعه متى يجي اليوم الي يفارقنا فيه والي يقول خل نستفيد على الاقل منه لو مليون ريال والي يقول قهر ماودي يروح ودي اشوفه وهو مرزوع بالدكه:ranting: والله اني استغرب ان هالاشخاص فعلا يشجعون الهلال معقوله فيه ناس قليلة خاتمه للدرجه هذي ..؟ على فكره انا مع اعاره ياسر 100% ومع الابقاء على عيسى المحياني بس اخلاقي ماتسمح اني اتكلم عن شخص ضحى بما لايقل عن 5 مليون ريال سوف تاتيه من البلوي من اجل الهلال ووقتها هو صغير والماده كانت تمثل له شيء كبير صعب اتكلم عن شخص ضحى بمليون ريال من قيمة عقده البالغه 6 ملايين ياخذها من الهلال وقال مليون لنادي القادسيه حيث كان الاختلاف بين الهلال والقادسيه على المليون الاخير حيث ان الهلال قال انه لن يدفع اكثر من 21 مليون وخمس مية الف وقال ياسر خلاص هالمليون اخصموه من عقدي بس خلوني العب للهلال اخلاقي ماتسمح اني اهين او اقلل من شخص ياما فرحني واسعدني سواء بالهلال او المنتخب اخلاقي ماتسمحلي اني اهين شخص حسملي اكثر من بطوله ولو مالياسر حسنه سوا هدفه بالاتحاد الي بشعره يكفيني ان احترمه واقدره واحطه على راسي وحتى وهو في اسواء مستوى له تحبونه اذا سجل واذا اخفق تخفسون فيه سابع ارض..؟ هذي هي تربيتكم وهذي هي مبادئكم الي تربيتوا عليها .؟ ارحموا عزيز قوماً ذل ياسر نسبة تاثره من الاعلام المضاد اقل بكثيييير من تاثره بحملة الهلالين عليه ارحمو ياسر فهو بحاجتكم سواء رحل للعين او بقا ياسر يبقى دائماً الهلال المخلص رفقاً به ((( الي بيرد اتمنى يرد على جميع المحاور والاختلاف في وجهات النظر لايفسد للود قضيه ))) تقبلو تحياتي اخوكم عبدالعزيز:rose: |
كلامك صحيح لا هنت الى الامام الى الامام لا رجووووووووووووع |
كلامك صحيح اخوي وانا مع اعارة ياسر يطلع من الجو المشحون هنا بصراحة ويرتاح شوي من الضغوطات وياسر لا عب كبير وهو قائد الهلال ولا علية كلام ويلي اذا جلس مكانة موجود لكن الا دارة تبغا صانع العاب وهو ايمانا ايمانا صانع العاب مميز ممكن يتوفق مع الهلال وممكن لا لكن حنا نامل علي الا دارة بشي الكبير وانتمنا التوفيق لهم واي قرار من الا دارة حنا معهم ولا نعترض علي شي لمصلحة الهلال |
اخي الكريم وجهة نظري في ويلهامسون هو غيابه الكبير في المباريات المصيريه ماعدا خمسة الاتحاد وثلاث سنوات كافيه لمعرفة ذلك نريد لاعبون اجانب يحملون ثقافة الانتصار ولايعرفون اليأس ساذكر لك امثله اين ويلهامسون في مباراة ام صلال ؟ اين ويلهامسون في مباراة الاياب مع الغرافه علما بانه كان يستحق البطاقة الحمراء بحماقته في بداية الشوط الثاني وكاد ينهي الامل مبكرا في العوده للمباراة؟ اينه في ذوب اهان ذهابا وايابا؟ اينه مع الاتحاد اسيويا واكمل سوء التزامه وغيابه بحماقه كلفتنا الخروج من كاس الملك لاتعليق على العربي ولازلت انتظر بعض المباريات للحكم عليه بالنسبه لياسر لا انكر ماذكرت ولكن الا ترى معي انه استفاد وعوض ماتنازل عنه في المفاوضات؟ علما بان هاتريك هي من تنازلت عن المليون وهي من تستحق الشكر كلنا كنا سندعم ياسر ولكني كمشجع عاصرت يوسف والنعيمه وسامي وابوثنين والتيماوي والموينع و غيرهم لا اقبل ان يقول لي احد اللي في المدرج يتفرج ومشكلة ياسر في عدم اعترافه بانخفاض مستواه والمكابره و رفضه لحقيقة زيادة وزنه علما بان صوره واحده لياسر في مباراة فالنسيا مقارنة بصوره حديثه له قد تكون كافيه لمعرفة حقيقة وزنه |
لا للتنازل عن ياسر وولي ولي اوروبي ايمانا افريقي وشتان صراحه لا يجي احد يقولي وش جالس تقول انت يكفي ولي سرعته بينما ايمانا بطى لحد الجنون ويكفينا بطئ الفريق كاملا ولا يهون الفريدي |
اللي يتطنزون على رحيل ياسر مو جماهير الهلال هذولي جماهير الفقر المسيار المندسين فرحانين ان قاهرهم بيروح اما جماهير الهلال الوفية شفناهم في المطار استقبلو ياسر اكثر من استقبالهم للاعبين الهلال كلهم |
يعطيك الف عافيه والله انا معك بكل كلمه كتبتها الف تحيه |
شكرااااااااااااااااااااااااااااااااااااااااااا |
محوركـ الأول ( أيمانا - ويلي ) من وجهة نظري انا سواء جاء ايمانا وألا ماجاء صراحه ماتفرق معي دام ان ويلي كان مبدع وماكان عندنا مهاجم صاحي ومع ذلكـ ضل الأفضل بالأرقام عاد فما بالكـ بتعاقد الهلال مع هداف الدوري الكوري ورابع هدافين الدوري الفرنسي اتوقع بيرتفع نسبة صناعة ويلي للأهداف :d يوسف العربي بصراحة مدري ليش مستعجلين عليه يعني لهالدرجه اللاعب فاشل لو انه فاشل ماراحت ادارة فالنسيا الأسباني وألا روما الإيطالي تحاول التعاقد معه مدري بس بعض هالأعضاء تحس انه منغبن بتعاقدنا مع مهاجمين عشان ذلكـ المهاجم <<< عاد افهمها يافهيم المشكله شافوه فقط في نص مباراة وقالوا لاعب مو طموح الهلال نفس كلامهم عن ويلي ونفس كلامهم عن نيفيز ونفس كلامهم عن كماتشو وتفاريس كانوا مايبونهم والحين من ضمن افضل اللاعبين اللي مروا ع تاريخ الزعيم ويتمنون رجعتهم اليوم قبل بكرهـ ياسر القحطاني لا أحد ينكر ان ياسر ضحى بملايين الأتحاد وشيكـ البلوي وانه سبق وان حسم لنا بطوولتين مثل طيب الذكر محمد العنبر سبق ايضاً ان حسم لنا بطولتين ايه ننعم ياسر مصيبه كابتن الفريق وأسوأهم مستوى :s5s: اجل وش خلا لباقي اللاعبين وين الروح عند الكابتن وين اللاعب اللي بالمباريات الكبيرة والمهمه لمن احتاجه القاهـ وين اللاعب اللي لمن الاقي الفريق في فترة خموول يقدر ينتشلهم وبالعكس ياسر بالمباريات الكبيرة والحاسمه يختفي ليش !! ياسر من بعد 2007 وهو هابط مستواهـ وماحد تكلم أبداً بالعكس الكل وقف مع ياسر ومثل اي مهاجم في العالم تمر عليه هالمرحله لكن الشيء اذا زاد عن حده انقلب ضده وينه في تلك الفترة لمن ماكان عليه اي ضغوطات ياسر ع العين والراس كشخص لكن بعيد عن المجاملة هذا مو مستوى ياسر لكن لو انا اعرف ان ياسر ماعنده اكبر من هالمستوى ماطالبت ياسر بان يرجع لمستواهـ المعروف عنه طالبنا كم مرة بركن ياسر بالدكه وقالوا عننا اطفال + مندسين + مانبغى مصلحة الفريق :s3s: رغم ان الدكه علاج لبعض اللاعبين واقرب مثال الشلهوب !! :smilie47: زي احد ردود هاللي فوق يقولك جمهور الهلال الحقيقي هو اللي استقبل ياسر في المطار يحسب ياسر هو الهلال .................؟ نظامه تنتقد ياسر انت مندس تمدحه انت هلالي :s2: الهلال كيان لايقف ع اي لاعب قولوا لنا من الاخير هذا مستوى ياسر ومافيه اأمل يتطور وقتها صدقني بيكفووون عن مطالبته لكنهم مقتنعين بان ياسر عنده اكبر من هالمستوى ونتمنى انه يرجع إن بقي مع الهلال فأتمنى من الكابتن انه يطور مستواهـ أكثر وإن رحل للعين فنتمنى له التوفيق مع زعيم الإمارات وبالنسبه لإعارته اان ذهب ياسر فأتمنى بقاء عيسى وان ذهب عيسى فأتمنى بقاء ياسر بس ياليت يشتغل ع نفسه شووي لأنه لابد ان تكون دكة الفريق فيها اسماء تسد هالخانه في حالة غياب احد المهاجمين الأجانب تحيتي لكـ :smilie47::rose: |
عندي تعليق خفيف ع كلآمك عن يآسر : ي آبوي صبرنآ كم سنه نحتريه يرجع مستوآه ولآرجّع ! آيش تبينآ نسسوي معليش يعني ! شيء مآ يطـآأق بكل صرآحه .. ! بالعكسسس خله يروح ويبتعد عن الآجوآء هنآ وصدقني قد يعود آفضل ولو بقليل .. ! " |
يعطييكك العافيهةة ب التوفييق للزعيييم |
اكيد ايمانا اول مايجي بيكون عليه ضغط :s5s: لانه ماجا الا بعد ماجاب لنا الضغط والسكر :s2::rose: والعربي راح يكون هداف الدوري مع الكوري ان شاء الله :s2: ونقطة ياسر اغلب اللي يقولون هالكلام عنه مندسيين وبعضهم مغرر فيهم او ( مع الخيل يشقرآ ):s2: وكل همهم مايشوفون ياسر يسجل على فريقهم :yes: يعطيك العافية :rose: |
ياسر الى الحين افضل مهااجم سعودي والارقاام تشهد وبالعكس لو ياسر ذهب للعين بتابع مباراه العين كلها لعيون لياسر واتمنى التوفيق لياسر وكلامك يالغالي سليم وربي انك كفو |
والله اتفق معك ياخوي بكل كلمه قلته |
إقتباس:
ياسر وهو مو بمستواه مسجل لك ١١ هدف بدوري زين ولو تحسب جميع اهدافه مع هالهلال هالموسم مراح تحصل هالرقم باي لاعب سعودي !! ياسر ينقصه لاعب يصنع له مثل طارق التايب ! او مثل ايمانا لو جا ! ----------------- شطحه -------------- بصراحه كاس اسيا هالسنه بدون ياسر يروح حلاته منه اذا ماشفت ابو عبدالعزيز شايل كاس اسيا ولا ياخساره ابو عزوز انا اتمنى يعيرونه لو ست شهور ويبتعد عن الظغط ويصير له نادي العين معسكر له ويهيئ عمره ويرجع لنا مثل ٢٠٠٧ امنياااتي لياسر |
| الوقت المعتمد في المنتدى بتوقيت جرينتش +3.
الوقت الان » 11:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd