|
ياسر القحطاني.بين مطرقة الرغبات وسندان الأمنيات ..!!((رسمياً ياسر القحطاني للعين الإماراتي بمليون ونصف المليون يورو بسم الله الرحمن الرحيم خيركم من يبدأ بالسلام فالسلام عليكم ورحمة الله وبركاته ياسر القحطاني بين رغبة الجمهور العقلاني بإنتقاله للعين وبين أُمنيات الجمهور العاطفي ببقائه ياسر نجم لايختلف عليه إثنان من حيث المستوى الفني ولكن والحق صعب أن ننطق به الحق أن ياسر منذ موسمين وهو بعيد عن مستواه الذي عهدناه منه كنجم لايعرف طريق الكسل والخمول بإنتقاله للعين هناك نضرب عصافير جمة بحجر واحد فاللاعب سيبتعد عن أجواء الضغط الجماهيري والإداري مما يمكنه من العوده لمستواه الذي عرفناه عنه الإدارة الهلالية ستستفيد من المبلغ والذي اعتبره مبلغ مميز في تسيير إمور الفريق وتعاقداته الفنية بخصوص الفريق وتأثيره لن يتأثر الفريق برحيل الكاسر فمثل مابدات حديثي فياسر مستواه هابط أيضاً له سنتين لم يحسم بإهدافه بطولات للهلال ومع كل هذا فالفريق يمتلك3مهاجمين مميزين بإذن الله إضافة إلى الوسط الهلالي القادر على تسجيل الأهداف ومزاحمة اللاعبين المهاجمين وغالبا مايسجل ولله الحمد بعد هذا كله أتمنى من الجمهور ترك العاطفه فعاطفتنا لو أطلقنا لها الحرية ستطالب بعودة يوسف الثنيان وسامي الجابر وخالد التيمياوي مع اول مشاهدة لهم عبر اليوتيب محدث قبل قليل عبدالرحمن بن مساعد في تصريح ياسر لاعب كبير ندرك قيمته ولكن الاعارة لمصلحته ولمصلحة الهلال الاثنين الساعه10:م محدث ياسر ينتقل للعين الإماراتي لموسم واحد بمليونين ونصف المليون يور نصيب النادي منها مليون ونصف المليون يورو تقريبا 14مليون سعودي الساعه10:36م تقبلوا تحيات أخوكم حــــب الهـــلال جمـــعنا |
يعطيك العافية والصحه مشكور على الموضوع الله يكتب الذي فيه خير للهلال لا خلا ولا عدم |
مشكور اخوي ،وانا اتمنى انه يروح ، ويرد لنا ياسر الي نعرفه :$ |
يارب تتم وينتقل خلاص ياسر اخذ فرصته ياناس لازم نعطي خانة المهاجم لمهاجم غيره شكرا لصاحب الموضوع .. |
اذا راح ياسر راح نضرب عصفورين بحجر ... منها يكون مهاجم اساسي بفريقه الجديد ولا يفقد حساسيته للكوره .. ومنها بنفقد جمهور ياسر فقط والمطبلين من المنتدى |
وعليكم السلام ورحمة الله وبركاته -- انا افضل ان ياسر ينتقل --ويترك الفرصه لغيرو ---اقصد طبعا يعار وليس انتقال نهائي -- لكي يعود مستوى ياسر المعهود --- تسلم يالغالي على الموضوع -- |
رغم ان ياسر افضل من عيسى بمرآحل :smilie47: لكن انا مع اعارته ليبتعد عن الضغوطات الجماهيريه من الهلاليين وغيرهم وان متفآئل جداً ان ياسر رآح يرجع لمستواه |
نشوف الاداره وش راح تسوي انا مع الاداره تحياتي لك |
بـ أي صفه توصف رفض آلبعض بـ " آلعآطفه " !! طيب مو هو رأي مثله مثل آلرأي إللي يطبطب على أعآرته ؟ و إلآ أنت من إللي أن لم مع رأيي فـ أنت ضدي !! يآ أبن آلحلآل أنآ وحده من إللي يرفضون أعآرته و لـ أسبآب وآضحه أولهآ حآجة آلهلآل لـ يآسر حتى بـ وجود آلعربي , و بيونغ سوو و آلمحيآني يآسر مؤثر و هو بـ ربع مستوآه وش عآد بـ كآمل عآفيته إللي بيستردهآ بإذن الله بـ آلمنآفسه و أثبآت وجوده ثآنياً .. آلعين نآدي مآ يأهل يآسر و يسآعده على أي نجآح و تطور مع أحترآمي لهم بـ بسآطه لأنه نآدي أقل من آلهلآل بكثير و آلفآيده تكون لو كآن آلنآدي أعلى من آلهلآل و غير كذآ آلدوري ضعيف و مآله جمآهيريه ! و مو انتوآ إللي تقولون أحد أبتعآد هلآلنآ عن آسيآ من أسبآبه ضعف آلمستوى و قلة آلمنآفسه عندنآ و مو مدرب آلمنتخب آلبرآزيلي ذكر لـ تيآقو إذآ رغب في آلنضمآم لـ آلمنتخب عليه بـ آلإحترآف في اوروبآ ! فـ كيف تبون يآسر يروح لـ دوري ضعيف و أنتم تبونه يستعيد مستوآه ؟! و إلآ تبون تدمرونه و تدمرون تآريخه و تقولون هذآ هووو ! و ثآلثاً .. آلضغوطآت ترى هي نفسهآ إللي هنآ بتكون هنآك إذآ سجل عم آلهدوء و أن مآ سجل أبرقت و رعدت أقلآمكم هو موب رآيح آلمريخ ! كلهآ حذفت حجر .. يآخي خآفوآ الله فيييييه نآوين تنهونه أنتم , هو يلآقيهآ من وين و إلآ من وين !؟ يآآآآآآآآآآآآآآآآآآآآآآآآآرب صبرك بس .. و بإذن إللي مآ تنآم عينه يآسر بيبقى معنآ ... |
إقتباس:
لأن الجميع يعرف أن الاجواء الرياضية في الامارات مقاربة لما هي عليه هنا عموما أتمنى التوفيق للهلال وأيضا لياسر سواء ببقاءه في الهلال أو في حال تمت أعارته للعين |
أيــــة هذا الكـــــــلام الصح بس بقي موافقة عيسى ع التجديد والبقاء |
انا ضد اعارة ياسر لان وهو في نصف مستواه يقدر يفيدنا لما جلبنا مهاجمين مو معناه نتخلى عن افضل مهاجمي الدوري السعودي بالعكس علشان يكونون قوه ضاربه والمدرب يلقى حلول الحين العربي مايبشر بخير تخيلو العربي طلع نكبه والكوري اصيب بعيد الشر مثلا بتعتمدون على مين قولو ؟؟ عيسى آآه بس : بعيدا عن رأيي فرأي ياسر اهم اذا ياسر له رغبه في الابتعاد فالله معه والله يوفقه ويوفق الهلال |
مشكورين جميعا على المرور أنا هنا لست ضد ياسر بل معاه حتى يعود اكثر.. نعم أجواء الأمارات افضل من السعوديه بجميع النواحي يكفي انه سيكون مدربه كوزمين وكوزمين مؤمن بقدرات ياسر التهديفيه لذلك سيلعب أساسي بإذن الله والنادي بحاجة إلى سيوله ماديه وأعتقد أن عقد العين مغري جدا إختي هلالية..ياسر مؤثر !!!! أعتقد هذا الكلام عاطفي فإي تأثير تتحدثين عنه لا بل حتى وهو بربع مستواه..سنتين وياسر مستواه هابط بل وأصبح لايسجل الا على الأندية المتوسطه وأقل منها أخوي اللي تقول العربي مايبشر بالخير..فعلا ان تحكم بالعاطفه الدليل حكمت على العربي من مباراة فيما لاتزال تعيش على وهم ياسر2007 |
كلام جميل واللي اشوفه من بعض الجماهير العاطفيه كان الاداره بتنسق ياسر وليس اعارته لنادي يطلبه ب7 ملايين ريال لموسم واحد |
كلامك مية مية كلامك اختصر كل المواضيع بصراحة وشكرا لك اخوي |
| الوقت المعتمد في المنتدى بتوقيت جرينتش +3.
الوقت الان » 11:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd