[ يوميات رمضانية " 6 " ] المبدع الزعيم سام6 : مابين الابحار في عالم التقنية وعالم الطبخ؟ .!! ‏ - نادي الهلال السعودي - شبكة الزعيم

المنتدى الاستشاري · #1 07/08/2011, 04:54 AM

فكرة : سندريلا الهلال
إعداد : فَيْلَـسُــ زَمَانَهُ ـــوفْ
تصميم : plastic

السلام عليكم ورحمة الله وبركاته ,,
مبارك عليكم الشهر
واعاده الله علينا سنين عديدة واعواما مديدة
وكل عام وانتم بخير ,,

▌ ▌|[ـΞـ يوميات رمضانية 1432 ـΞ]|▐ ▐

في سلسلة تعودنا على اللقاء بكم
حملتنا اشواقنا إليكم ودفعتنا رغباتنا لكم
عادت سلسلة يوميات رمضانية في كل
عام اعتدنا على لقائكم وهانحن نجدد
التواصل بكم مع وقفات مع اعضاء
برزوا واستحقوا الوقوف معنا
هم هنا ليسردوا لنا تفاصيل
يومهم مع الشهر الفضيل

۞ ❤

أهلا وسهلا بكم اعزائنا الكرام
دعونا نرحب وإياكم سوية
بضيفنا لليوم ,, السادس

المتميز ..:

..❤{ الزعيم سام6 }❤..
لكي يقوم بسرد تفاصيل يومه مع الشهر الفضيل

ماهو رمضان بالنسبه لك ..؟

رمضآن هو شهر من أفضل الشهور ، شهر العبادة ، شهر الكرم ،
شهر الطاعة ، شهر الزوال عن المعاصي ،
شهر يعني لي كل شئ لدرجة ودي يكون السنة كلها رمضان
ورمضآن يكفي انه من أحب الشهور إلى آلله تعالى ..

برنامجك اليومي في رمضان ؟

اتسحر على حسب المكآن اللي أكون فيه ، في البيت أو الأصدقاء أو خوالي ..
وبعدها للبيت اقرآ قرآن شوي بعد صلاة الفجر
ثم ابحر في عآلم البي بي والآي فون الى الساعه 7 صبآحآ ثم أبحر في عآلم النوم الجميل وأقوم اصلي
الظهر وآرجع انوم بعد صلآة الظهر إلى أذن العصر وأقوم اصلي وبعد الصلآة اقرأ قرآن الى الساعه
5 وارجع للبيت اشقر على الأهل اذا يبغون شي او اساعدهم بشئ لاني بعض الايام اصلح اللقيمات بس
منيب موريكم وشلون قايله الى الساعه 6 تقريبا وارجع ابحر في عالم البلاك بيري والاي فون واصير
واصل مع العالم وشغل نظيف ثم يحطون الفطور يعني شغل خفايفي قهوة وتمر ولقيمات وعصاير
بجميع انواعها ونروح نصلي والمغرب ونرجع وفيه طاوله تكون في الصالة فيه مالذ وطاب من الفطائر
والحلى والشوربة والمكرونة وسمبوسة ومنوعات كثيرة وبعدها نجلس شوي عن التلفزيون والى اذان
العشاء او قبل الاذان بشوي اروح اصلي التراويح في اي مسجد على حسب وقتي اذا كنت مستعجل رحت
مسجد سريع اذا مروق رحت مسجد حلو صوتة مثلا ياسر الدوسري او ناصر القطامي واذا خلصت
صلاة اشوف الأهل يبون سوق ولا رحت عند خوالي ولا اخوياي في الاستراحة ولا اي شئ اهم شئ ما
اجلس في البيت واكون طالع الى الفجر واتسحر وارجع البيت ..

ماهي اكلتك ومشروبك المفضل في رمضان ؟
الأكلة (مكرونة بالبشمل + فطيرة تونة)
مشروب ( فمتو )

متى اول مره صمت فيها .واذا عندك مواقف مع الصيام اذكرها ؟
صف ثالث ابتدآئي ,,
وكنآ ندرس واتذكر اصوم في البيت واذا رحت المدرسة افطر كان الوضع عادي في المدرسة تقدر تفطر لاننا صغار محد يمنعنا
واذا رجعت البيت اقول لاهلي اني صايم واكمل معهم المسيرة الى الفطور طبعا مسيرتي كانت كلها نوم

موقف لاينسى حصل لك بـ رمضان..؟
موقف مره كنت في الرياض ورايح الخرج قبل الفطور بربع ساعه تقريبا وانفقع علينا الكفر وتعبنا صايمين وشمس وحر
والحمدلله أخوي غير الاستبنة والأمور مشت بخير سلام ووصلنا نص المغرب تقريبا للخرج

كيف نظامكم واجوائكم في رمضان ونظامكم بالفطور والعشاء والسحور.؟
العشاء ، هو من بعد صلاة المغرب يكون كل شئ على الطاولة اللي يبي ياخذ ياخذ اللي يبي وينقي يعني نظام البوفيه مفتوح
السحور , رز ومكرونة الساعه 3 والكل ياكل منه واذا كان ابوي بيتسحر عند اخووياه نقلبها وجبات من ماك ولا اي مطعم

هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟
بصراحة رمضان هو رمضان ماتغير ابد ، بس اللي تغير ان رمضان اللي راح كنت في الخرج ساكن
ورمضان هذا سكنت في الرياض والحمدلله كل شئ بخير الحين

رسالة في هذا الشهر المبارك .. لمن تبعث بها وماذا تقول فيها ؟
رمضان خلق لترك المعاصي واصلوا بترك المعاصي الى بعد ، مثل الدخان والاغاني يجب على الجميع تركها والتخلي عنها

هل تحب تصلي في المسجد القريب من بيتكم او تحب التغيير
ومن القاريء الذي تحرص على الصلاه خلفه في رمضان؟
ماهر المعيقلي + ناصر القطاني + ياسر الدوسري + محمد اللحيدان + مشاري العفاسي

أجمل رمضان عشته حتى الآن , متى ولماذا ؟
رمضان 1428 لاني كنت 15 يوم في مكة فقط ،،

نبي صوره تلتقطها لنا من يومك الرمضاني المجال مفتوح لك..؟
طبعآ هالصورة جبتها حلا ، انا مسوية ثاني رمضان والحمدلله كسرت سوق خواتي عند امي وابوي

اليوميات الرمضانية :~

تسحرت مع الأهل ارز بعدها صليت الفجر ورجعت البيت وجلست على البي بي والاي فون
وهم عشقي دوما الى الساعه 7 ونصف تقريبا ثم نمت وقمت لصلاة الظهر ثم كملت نومة بعد الظهر الى العصر
وقمت العصر صليت وقريت قران شوي وبعد ماقريت قران رجعت البيت جلست على الجوال ومع الأهل شوي
ورحت انا والوالد السوق تقضينا وشغل نظيف ورجعنا الى 6 وجلست على الجوال العب مع اختي الصغيرة
افطرنا فطور خفيف ثم صليت المغرب ورجعت بعد صلاة المغرب تعشيت وجلست مع الاهل ثم جلست عن التلفزيون
اذن العشاء تروشت ولبست ورحت صليت ثم بعد الصلاة رحت اجيب ثيابي اللي مفصلهم للعيد
ورجعت للبيت ثم وديت الوالد عن خواله ثم رحت انا بيت خوالي اسلم على جدي لانه توه راجع من مكة ولا شفته ثم بعدها
رحت بيت خالتي وهذاني الحين اكلممك منه

سآمحوني على القصور اخوكم مسفر الدوسري ( ابو لطيفة )

كل شكر موصول

للمبدع --|" الزعيم سام6 "|--

وإنتظرونا غدا مع الكاتب المميز :-
۞~~| أحمد المسافر|~~ ۞