|
سمو الأمير : إعارة قائد فريقنا (ياسر) لنادي ضعيف في دوري ضعيف ، ستنهي مسيرته الكرويه !! السلام عليكم ورحمة الله وبركاته باديء ذي بدء .. ياسر القحطاني ثروه وطنيه يجب المحافظه عليها ياسمو الأمير :smilie47: ياسر الذي تمسّك بالهلال ورضى بالجلوس فيه برغم التعاقد مع مهاجمين أجانب مما يعني جلوسه بالدكه ، وفي هذا دليل واضح على عقده العزم للعوده وقبوله للتحدي وثقته بقدراته ، فهو لم يفكر بالرحيل لتضائل فرصة لعبه أساسي !! سأتكلم عن ثلاث نجوم سعوديين برزوا بشكل لافت في خط المقدمه ( ياسر - سعد - مالك ) وكانت مستوياتهم متصاعده وتوقفوا عند حد معيّن "قمّة مستوياتهم 2007" ، ثم بدأت مستوياتهم بالإنخفاض وأعتقد عدم إحترافهم في دوريات أقوى من الدوري المحلي كان سبب رئيسي في إنخفاض مستوياتهم ، فما بالك بذهاب ياسر لدوري ضعيف !! مع فريق ضعيف !! في الحقيقه يا أخوان البعض يردد كذبه إستطاع الإعلام المضاد ترسيخها في عقولهم وهي إختفاء ياسر منذ 3 سنوات ، وأنه لم يفيد الهلال !! ياسر في 2009 بدأ مستواه بالتذبذب ولكن سرعان ماعاد في 2010 وقدم مستويات مميزه وكان حينها أكثر لاعب سعودي تسجيلاً للأهداف في مختلف البطولات وبعد هبوط مستواه في 2011 قامت الإداره بإحضار مهاجمين والكل رحّب بهذا القرار فهو سيفيد الهلال وأيضاً سيفيد ياسر لأنه أفتقد المنافسه على الخانه فترات طويله وكان ضحية الإعتماد عليه بشكل أساسي بالنادي والمنتخب ..! ياسر سيعود من خلال الدكّه ، ولن يعود من خلال إعارته لنادي العين !! مع الإحترام لنادي العين ،ولكن لاتتوفر فيه ميزات تعيد لاعب كبير وقائد نادي كبير في أقوى دوري عربي لمستواه !! فالعين لن يساهم بعودة ياسر بأي شكل من الأشكال ، ولن يكون التأثير النفسي جراء الإعاره إيجابي على ياسر !! أعتقد ان قرار إعارة ياسر متسرّع ، فمن يتحجج بإبعاده عن الضغوط مخطيء تماماً ياسر لن يذهب بعيداً ( الإمارات جنب أذني ) وكلنا نذكر جماهير الأهلي الإماراتي في 2009 عندما رددت ضده أهزوجة الإفك !! فالضغوطات نفسها ، والأهازيج نفسها ، ولكن الفرق "ضعف الفريق وضعف الدوري" !! أتمنى أن لاتستعجل الإداره بقرار إعارة ياسر ، وسيبقى ياسر أبن النادي المخلص الذي ضحّى بالكثير لأجل الهلال ~ |
up .................................. |
بعد ما قريت الموضوع بـ تمعن اتضح لي فعلا انه ياسر ممكن يعود أفضل من أول بالتأكيد اذا رحل عيسى أكيد كلنا مع ياسر و بصراحه ياسر لو حضر بـ قيمته الفنيه الكامله و العاليه فـ هو افضل من العربي و بيونج سو بكثييير يعطيكِ العافيه :rose: |
اشوفها إعارة منطقية , ياسر رآح يرتاح كثيرآ هناك ويطلع من الضغوط خصوصا إنه عند كوزمين , وايضا رآدوي :rose: |
الهلال يحتاج واحد منهم ياعيسى ياياسر عشا الدكه يعطيك العافيه |
يعني اذا جلس بالهلال ع بالكم بيلعب !! اسف بس الهلال الكيان اهم من اي لاعب !! مع الاحترام الشديد للمحياني واحمد علي ياسر كان الافضل بينهم لانه افضل السيئين الان بوجود الكوري والعربي ماله امل يطقها اساسي احسن له يريح نفسه ويريح العالم معجبين او ... :s3s: |
اتفق معك أختي بأن الدوري الاماراتي ليس ببيئه خصبه لكي يبعد ياسر القحطاني عن الضغوطات فهو قريب من الدوري السعودي جغرافياً اقصد . ولكن عموماً انا ارى ابعاد ياسر القحطاني عن الضغوطات بطريقه او باخرى ، ولكن مافيش حل الا نادي العين من خلال العرض المقدم له . |
إقتباس:
وماأعتقد قلت بموضوعي لعبوا ياسر أساسي ، مافيها شي لو جلس بالدكه ، لأنها أحد الحلول لإستعادة مستوى اللاعب ، عموماً الموضوع واضح وشفّاف ، ولو تقراه كامل راح تفهم المقصود منّه .. |
إقتباس:
هاذا الي نبي نوصله !! اعاره ياسر لن تفيده باي شي بالعكس ضررها اكثر !! عودته ياسر بتكون في الهلال لا في اعارته مع قدوم مهاجمين راح يشتعل التنافس ولابد ياسر يراعي نفسه ويقلل من وزنه لان لوحظ عليه زياده الوزن والثقل بالتوفيق للزعيم |
مستحيل اشوف يآسر بفآنيله غير فآنيلة الهلال الا يآسر : |
. . . . . . . انا مع بقى ياسر وعيسى في الدكة :yes: صعب نخسر لاعبين ممتازين مثل ياسر و عيسى :smilie47: وبعدين ياسر حتى لو راح العين ابدا ماراح يرجع مستواه لانه نفس الاهازيج وبعدين ياسر ما قال بروح لان ماله مكان واثق انه بيرجع مستواه مو مثل عيسى :rose: وحبت اعلق ع حاجة ثانية من يوم عيسى جاء الهلال صارت فيه فجوة كبيرة بين الجمهور خلونا نكون واقعين :cry: ياسر يروح و عيسى يجلس وجمهور ياسر عيسى يروح وياسر يجلس >> لحسة مخ :d الهلال يملك شبيه الريح وسامي الجابر دعوا القيادة لهم واستمتعوا بالرحلة يا زعماء :smilie47: بالتوفيق للزعيم :smilie47::rose: |
الاعلام والاعلام ..... يا ناس اللحين فكروا بالافضل للنادي عيسى بيع عقده = 7 مليوون للنادي . ياسر القحطاني اعارة لموسم = 7 مليون للنادي ايهم افضل خصوصا ان اللي راح يبقى يجلس بدكة الاحتياط !!! انا افضل اعارة ياسر القحطاني للعين لان الهلال راح يستفيد ماديا وياسر القحطاني راح يلعب بدون ضغووط جماهيرية اذا استطاع ياسر العودة لمستوااه الساابق راح يكون معنا في دور 8 للبطولة الاسيوية المقبلة . |
مشكورة يالغاليه على موضوعك.. لكن و الله كافي مواضيع عن فقاعة ياسر.. الآن لا مكان لياسر في الهلال في الوقت الحالي.. و الإعارة هي الحل الأفضل لاستعادة مستواه.. و الدوري الأماراتي هو اللي يناسب امكانياتة المتواضعة الحالية و الحل الأنسب له.. فلذلك يالغالية انظري بنظرة لمصلحة الكيان و ليش كعشق للاعب.. الاعب الادارة حاولت بكل ما تستطيع من قوة انها تدعمه.. و عطته على كل هدف يسجله مع الهلال مبلغ مالي مجزي.. هذي ما قد صارت الا له.. لكن عجز يرجع من بعد اللي صار له.. 4 سنوات و حنا ندعمه و نقول الموسم الجاي راح يتغير.. و مع ذاك ما شفنا شيء منه.. اذا لعب اساسي صار الهلال يلعب بـ10.. و اذا لعب كبديل انقلبت الاية على الهلال.. يالغالية ياسر تشبع من الفلوس و الكوره.. ياسر اصبح شخص غير مبالي و لا يهتم للجمهور.. اجل (( اللي في المدرج يتفرج )).. من حضرته يقولها..!! سامي الاسطورة يوم غاب عن التهديف اعتذر للجمهور.. و فوقها وعدهم انه يحاول قد ما يقدر يغير من نفسه.. و اللي يثبت عدم مبالات ياسر المستمره.. ارجعي للمبارة الاخير اللي لعبها الهلال.. اللي فاز فيها 3 لاستعدادات الموسم.. شوفي كيف نفذ ركلة الجزاء.. يالغالية كافي تطبيل لياسر و دافع عنه.. تحبينه كلاعب ما لنا اي دخل فيك.. لكن تفضلينه على كيان اسمحي لي.. حنا يا الجمهور ملينا من الصبر.. اجل لاعب مهاجم في افضل الاندية الاسيوية يعجز عن اخذ الهداف.. اول كنا نقول ياسر الشاطر الماهر الهداف.. و بعدها صرنا نقول ياسر الشاطر الماهر صانع الاهداف.. و بعدها صرنا نقول ياسر الماهر الشاطر مرعب الدفاعات.. يعني كل موسم يتضاءل املنا فيه و نصنع له الاعذار.. لكنه غير مبالي حسبي الله عليه.. خلي عنك الكلام اللي فيه تطبيل له.. لأن ياسر انتهى..!! و مستحيل تشوفين ياسر 2007.. و مستحيل تشوفين ياسر يحاول ارضاء الجمهور.. ما دام فيه مثلك يطبلون له و يدعمونه في موقفه.. تاكدي انه ما راح تتغير الامور.. و انا عن نفسي اتمنى يعيرونه للدوري الصومالي.. مهب للدوري الامارتي اللي اشوفه اكبر من امكانياته الحين.. |
ودي اعرف بعض الجماهير لازالت تتوقع ياسر يرجع لمستواه شفتوا ركلة الجزاء شلون شاتها ميسي على غفلة شايف نفسه على ويش ما ادري اقسم بالله لو كنت رئيس للنادي ما اجلسه دقيقة عندي لا حماس ولا لعب ولا تركيز يروووح يفارقنا على خير حنا نبي لاعب حماسي مو واحد شايف نفسه ما طلعك للناس الا الكورة يالحبيب واذا شفت نفسك فالباب يفوت ديناصور انا الللاعب هذا وجوده بالهلال يحسسني اننا لازلنا نعاني من المحسوبيات اللي تدهور الفريق |
أنا نزلت موضوع بهالخصوص لكن الإدارة الظاهر ما اعجبهم موضوعي فمانزل سبب تذبذب مستوى ياسر أولاً :هي خطط المدربين فالمدرب يضع ياسر وحيدا في الأمام وامداد الكور عن طريق ولي هامسون اغلبها وياسر لايجيد الكرات الرئسية كإجادته للاختراق من العمق ثانيا : غياب لاعب وسط يمد ياسر بكور تساعده على الافتكاك من المدافعين رغم الكثافة الدفاعية وتذكرون ياسر مع طارق التايب كيف كان ، فبعد قدوم قرتس المدرب الذي يعتمد على لاعبي الوسط وعزل المهاجم عن الفريق فمهة المهاجم لديه هي اشغال المدافعين والتهديف من الوسط فقط أما بروز المحياني اسباب بسيطة وواضحة للجميع : 1 - دائما يدخل في الشوط الثاني والخصم منهكين وهو في قمة نشاطه. 2- غالبا مايدخل كمهاجم ثاني فلايكون وحيدا كياسر ومحاصر من 3 لاعبين بقاء ياسر في ضل قدوم ايمانا سيكون سبب في جلوس العربي او الكوري في دكة البدلاء لأن لعب ياسر في وجود صانع ألعاب مميز سيكون سبب في رجوعه لمستواه وعندها سيكون افضل من الكوري على اقل تقدير فذهاب ياسر سيكون سبب سعادة جمهور وإعلام الاصفرين وسيتحقق هدفهم من الحملة عليه في السنوات السابقة ايضاً : اذا كان المحياني افضل لماذا لم يطلبه العين الإماراتي بدلاً من ياسر الفاشل فكروا شوي |
| الوقت المعتمد في المنتدى بتوقيت جرينتش +3.
الوقت الان » 06:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd