هل تسبب ياسر في إحداث (فجوة) في الفريق ؟! + انتقال ياسر الشهراني - صفحة رقم 2 - نادي الهلال السعودي - شبكة الزعيم

فسقآن · #1 07/08/2011, 02:13 PM

والله الي يزعل من اعارة ياسر الله لا يهينه يشجع العين الاماراتي ازين لنا وله

ياسر شبه انتهى . اهدافه كلها علئ الحزم والا الوحدة ونجران ...

قال ايش قال افضل لاعب سعودي 

Abu.Fahad · #2 07/08/2011, 07:25 PM

من وجهة نظري المتواضعه هي بقاء ياسر احتياط للمهاجمين المحترفين بشرط ان ياسر يتخلص من البرود اللي يعتريه في المباريات ويرجع للمحاربه على الكوره ويستعيد سرعته المعهوده لأنه صار بطيء في الموسمين الماضيين ولا يبذل المجهود كافي مثل بداياته اثناء المباريات ويخفف من وزنه ويستعيد صداقته مع اللاعبين ويكون معهم مثل الاخو والصديق ويترك الكابتنيه لغيره ويشيل من راسه الاعلام وما يدور في الاعلام ويتفرغ للعب فقط لاغير .. اذا شاف نفسه يقدر يسوي هالامور يطلب البقاء في التشكيله أو يروح إعاره للعين ويفكر على مهله ..
واذا بقى المحياني في التشكليه اتمنى منه يخفف وزنه ويحاول يزيد من سرعته ولياقته

وبالنسبه للشهراني بصراحه مطلب للجماهير .. واذا تم التعاقد معه يفهم أنه الدفاع مهمته الاولى وبعدين يفكر في الهجوم

سعودالسالم · #3 07/08/2011, 07:59 PM

تسلم أخوي على الموضوع . بالله عليكم ياكتّاب شبكتنا الغاليه فكوشوي عن ياسرمدم أنه أحد نجوم الزعيم الموجودين في الموسم2012ريحونا من المواضيع الي ترفع الضغط بالنسبه لياسرالشهراني أتمنى أنضمامه لزعيم تقبل مروري

غيـَث · #4 07/08/2011, 09:00 PM

اتوقع الشهراني يجي ، مع الخبر اللي كاتبه انت
قاريه من شهر تقريباً في مقابلة مع الهزاع

ومن ناحية ياسر ، اشوف ان وجوده مهم جداً في الهلال
ومن ناحية الضغوط ، متى ما ابتعد ياسر عن التفكير في
الأعلام واللي بيقولونه له راح يبدع ياسر ويثبت نفسه

البرنسيسه2009 · #5 07/08/2011, 02:40 PM

لقد وضعت النقاط على الحروف وطرحك فيه الكثير من العقلانية من وجهة نظري

ومصلحة النادي يجب ان تكون فوق كل الاعتبارات

سهاام الحب · #6 07/08/2011, 02:47 PM

اكثر المطبلين لياسر مع احترامي يكونون اما بنات او شويه مراهقين

مايهمهم مصلحه الزعيم ..أهم شئ عندهم واحد يضبط السكسوكه ويطلع شكله مره نايس ههههههه

سلامات وش تحسوون فيه

والله الاخت الفاضله اللي فوق لو انا ماكنت اعرف ياسر كان قلت ياربي وش هالاسطورهـ

ابوعـ20ــزوز · #7 07/08/2011, 03:05 PM

.............................................

هــــــــــلال · #8 07/08/2011, 03:40 PM

انا ابغى اعلق على ياسر الشهراني
فيه من يقول نجيبه لو ب 20 ميلون ؟؟
ليه احس انكم تتكلمون عن داني الفيس ولا عن سيسنهو ؟
وش هالتمسك بهالاعب الفلته ؟؟
بصراحة غالبية الجمهور يحكم على الشكل مو على اللعب

وهنا مشكلة السن والتفكير

القلم المبدع · #9 07/08/2011, 04:27 PM

ياسر وعيسى عينان في رأس وكلهم نحبهم

لكن ما دام العين يبي ياسر إعارة لو يروح أحسن عشان مدربه كوزمين وبإذن الله يرجع لمستواه

فلو مي · #10 07/08/2011, 04:40 PM

انا اتمنى وارجو ان يذهب ياسر القحطاني اعارة .....وان يتم التجديد مع المحياني ....وان يتم احضار ياسر الشهراني ليخدم الفريق لسنوات مقبلة.
المحياني لاعب خلوق وذو امكانيات عاليه الله يوفقه .
والشهراني لاعب صغير وطموح الله يوفقه .
والقحطاني لاعب كبير ومعروف بس نتمنى له الخير بالاحتراف في الخارج والرجوع لمستواه لان الاعارة تعتبر له فترة نقاهه من الضغوطات الحاصلة له وتغيير جو واحتراف وهذا شي مهم له وللزعيم الله يوفقه .
وعسى ربي يوفق الزعيم فوق كل ارض وتحت كل سماء .........اللهم آآآآآآآآآآمين يارب.......

مجنون الزززززعيم · #11 07/08/2011, 05:16 PM

اتنمى يجي الشهراني للهلال
القحطاني اعاره موسم

سبحان الله بحمده سبحان الله العظيم

سبحان الله بحمده سبحان الله العظيم

سبحان الله بحمده سبحان الله العظيم

قصة عشق مع الزعيم · #12 07/08/2011, 05:24 PM

لن تحدث فجوة ألا من جماهير اللاعبين اللي تتمنى لاعبها يكون موجود حتى لو مو من مصلحة الفريق

همها اللاعب والفريق من بعدهـ

وأحنا في عصر أحتراف ياسر بيروح لمدة سنه فقط وبيرجع لنا بمستوى أفضل إن شاء الله

وياسر بيروح للمدرب اللي أبدع معه ياسر !!

سامي طلع من قبل أحترف ورجع لنا بشكل افضل مع انه كان نجم الفريق

- ربما ياسر يذهب ويرجع لنا بشكل افضل ايضاً !!

أن راح الله يوفقه وأن جلس بالفريق الله يوفقه ودكة الأحتياط تنتظرهـ متى ماأستمر ع مستواهـ الهابط ؟

بالتوفيق للزعيم

ع ـبود الودعاني · #13 07/08/2011, 05:28 PM

يااسر والله ان مستواه ما يؤهله للعب في فريق كالهلال
وبخصوص الشهراني يارب يصدق كلامك ويجي
لاكن اهم شيء مركز قلب الدفاع والله المدافيعين ماش بلا ابو كلبشه

عاااااشق ياسر · #14 07/08/2011, 05:33 PM

النقطة الاولى
انا معارض عليها بشدة انتقاله الى نادي العين

والنقطة الثانية
هذا اللي نتمناه .. اتمنى انه يجي

Abu Nayef · #15 07/08/2011, 05:45 PM

لبى قلبك يا كاتب الموضوع والله موضوع في الصميم وكلامك سليم
واخبارك ترد الروح ان شاء الله يعار ياسر ويجي الشهراني