تحليلي لمباراة الزعيم مع اريس اليوناني ؟؟ - نادي الهلال السعودي - شبكة الزعيم

Ĝeηtℓe Ḿαη · #1 05/08/2011, 07:45 PM

توماس دول ؟؟

انا مع المدرب اذا يتفلسف ويجيب هجوم ويخليه حارس او حارس يلعبه هجوم يمكن يطلع معه واحد مضيع مركزه من يدري ،، لاكن تجيب لاعب وتجربه بمركز فيه لاعبين مميزين ؟؟ ليه وش تبحث عنه

يعني

اليوم شاهدنا سلطان البيشي يلعب ظهير ايسر ؟؟ الحين عندك شافي الدوسري لاعب مميز ومركز ظهير ايسر وفيه الزوري يعني الجهه اليسرى ماينخاف عليها وعندك خلل بالظهير الايمن وسلطان البيشي ظهير ايمن ؟؟ ليه كل هالفلسفه اللي ماله داعي

كان من الافضل دخول شافي ظهير ايسر واذا انت تبي تجرب سلطان البيشي جربه في مركزه الظهير الايمن وبعدين هالخانه فيها خلل وضعف بجود ابو كنادر محمد نامي ؟؟ياناس هذا الاعب كل ماقلت حرام نقسى عليه خل نعطيه فرصه نكتشف انه لاعب غبي ولايفهم بالكورة لاعب لياقة فل لاكن مابراسه كورة ..

نقاط من المباراة ::

· عادل هرماش قدم مستوى مميز واعجبني بصراحه واكثر مايميز هرماش عن رادوي الاعب مهاري بأذن الله صفقه رابحه لنا بس فيه مشكلة نفس طريقه رادوي محور هجومي والهلال راح يلعب بمحور وحيد وهذا يكشف الدفاع .

· الكوري بيونغ سو بأذن الله صفقه رابحه لاعب هداف وهذا مانحتاج اسعدني مستواه .

· الشلهوب ويوسف العربي قدمموا مباراة سيئه .
· شراحيلي حارس مبدع قليلة بحقه حراسه الهلال بخير العتيبي شراحيلي السديري
قهر واحد منهم يجلس بالاحتياط .
· حسن خيرات اثبت اليوم انه لاعب فاشل ومرتبك واعطيناه فرصه اكبر منه اذامباراة ودية مرتبك فيها اجل كيف المبارايات الرسمية اتمنى نعطي رضوان الموسى فرصه مثل مااعطينا خيرات والله رضوان افضل منه بمراحل .

· بندر البيشي رقم 14 اعتقد اسمه كذا لاعب مابراسه كورة واضح من تمركزه وتمريره حتى ماادري هو يلعب محور صانع لاعب مادري وش وضعه .

نقطتين اخيرة :

عيسى المحياني

يبي ينتقل للشباب يقول ابي العب اساسي وهجومنا مافيه الا ياسر والعربي وبيونغ سو والعربي فيه كم مباراة مايلعبها والمحياني يبي يروح لشباب على شان يلعب اساسي اعتقد فرصه لعبك اساسي مع الهلال اقوى من الشباب لاكن اقول للمحياني عذرك مومقبول عند الجماهير الهلاليه ذكرني بعذر رادوي لم قال ابي انتقل على شان الاعلام يحاربني ههههه وين نصرفها انت لاعب محترف مالك شغل بالاعلام لاكن اعذار يبوننا نصدقها بس اللي مايبينا مانبيه ؟؟

ياسر الشهراني

اتمنى من الجماهير الهلاليه ماتطالب بياسر الشهراني كلنا نتمناه لاعب مبدع وصغير ويلعب بالجهتين اليمنى واليسرى والهلال بحاجته بعد انتقال الكوري

بس المطالبه فيه وكثره المواضيع اعتقد تخرب الصفقه ناديه راح يرفع سعره لاننا نعطيه اكبر من مايستحق وراح تدخل اندية عادتها التخريب وتخرب علينا الصفقه؟؟

فاتمنى لا احد يطالب فيه خلوها على عبدالله بن مساعد ومالكم الا اللي يرضيكم