|
فعلها البلطان !! بدأها بالغامدي والآن بالمحياني وقريباً الفريدي ..! + عبدالله بن مساعد هديتك يآسر الشهراني ! مآ يحدث الآن غير معقول جداً .. خالد البلطان يواصل للمره الثانيه كسب العلاقة المميزه بين الادارتين ويكسب لاعب مهم في الخارطة الهلاليه !! بعد بيع ابن النادي المخلص وأحد اهم اللاعبين في خارطة نادي الهلال المميز والجندي المجهول عمر الغامدي :ba: مقابل لاعب متنقل ما بين الأنديه وليد الجيزاني .. هاهي الإدارة الآن تنهي إجراءات الهداف المميز عيسى المحياني الذي ظلم كثيراً في عهد جيريتس وكآن كلما اعطي الفرصه في مباراة كامله يهز الشباك !! مقابل مبلغ مالي لن يقدم ولن يؤخر !! لماذا لا تتم مقايضة المحياني بالـسـلـطـان !! أعلم ان عيسى هو من طلب الرحيل لأخذ فرصته في فريق آخر لأنه يتعب ويكافح في التمارين وإذا جاء وقت المباراة يلقى ياسر ضامن الخانه وفوقها الكابتنيه !! لآ تستغربوا في المستقبل القريب انتقال أحمد الفريدي مقابل ناجي مجرشي أو عبدالله الزوري مقابل المرحوم ..! عندما نفاوض إدارة الشباب حتى بانتقال الاسطا ترفض وبشده وتغلق الموضوع سريعاً ولكن عندما فقط تفكر إدارة الشباب في أحد لاعبي الهلال تجد ادارتنا تنتظر العرض الرسمي للموافقه عليه !! ليس بوسعي إلا قول ترقبوا هدافوا الدوري السعودي 2012 عيسى المحياني وناصر الشمراني !! || يآسر الشهراني || أعتقد أن مهندس الصفقات الامير عبدالله بن مساعد قد وعد بلآعب محلي ينتظر الوقت للإفصاح عن اسمه والآن هو وقت الصفقات !! أتتمنى كما يتمنى الجميع حسم موضوع اللاعب الموهوب ياسر الشهراني بعد الانتهاء من مهمته الوطنيه وخصوصاً أن ادارة نادي القادسيه تمر بأزمه ماليه وتنتظر العرض الهلالي للموافقه عليه .. هذا التوقيت هو أفضل توقيت للتعاقد مع ياسر الشهراني لاعب صغير بالسن ويمتلك قدره هائله على التحكم بالكره والمهارة العالية والتسديد والاوفرات .. الآن لن يفاوض اللاعب فريق غير الهلال !! أتمنى حسم موضوعه قبل تدخل أي نادي في الصفقه !! |
اتَّفَقَ مَعَكَ فِيْ انْتِقَالِ الْغَامِدِيِّ وَالْلَّهُ قَهَرَ بِالَّنَسَبَهُ لِلْمَحْيَانِيّ هُوَ مَا يَبِيْ الْهِلَالَ يِبَيِ يَلْعَبُ اسَاسِيَ وَاتَمَنَّىْ مَا تَدْخُلُوْنَ يَاسِرٍ فِيْ كُلِّ مَوْضُوْوْعْ يَاسِرٍ يَبْقَىْ الْمُهَاجِمِ الْسُعُوْدِيّ رَقِمٌ 1 وَبِالِنَسْبِهُ لِلشَهْرَانِيّ يَارَبْ يَكُوْنُ هِلَالِيُّ يَارَبْ تُقْبَلَ مُرُوْرِيْ |
بالتوفييييييييييييييييييييييييييق |
الله يصلحك هد اعصابك خصوصا انك صايم .. يوم بعنا عليهم عمر , كان عمر ما فيه حيل يكمل شوط واحد للمباراة كيف بشوطين ,, وتقدر تتابع مبارايات الشباب لها الموسم .. عيسى لما جانا كنا بحاجته ( او نعتقد اننا بحاجته ) .. ومن حق اللاعب انه يطالب بالانتقال خصوصا انه رفم 4 في الهجوم الهلالي ,, يعن ان لعب مباراة واحدة طول الموسم صعبة .,. فـ المسألة مش تفريط اكثر من كونها ( اعطاء فرصة ) ,, ,ولو اني كنت افضل الاعارة .. .. إقتباس:
لكن الله يهدينا ويهديك , وش جاب عمر وعيسى للفريدي والزوري ؟ إقتباس:
لكن بانتظار وعد بن مساعد :) |
اللاعب هو من طلب الانتقال بسبب عدم لعبه اساسي وقام بخطوة يشكر عليها بانه اعلن عن رغبته في الوقت الحالي لكي تستفيد الادارة من مبلغ الانتقال .. الادارة ما قصرت عرضت عليه التجديد لـ 3 سنوات لكن اللاعب رفض !! وش تبغى الادارة تسوي في هذه الحالة سوى احترام رغبة اللاعب .. ناس غريبة تنتقد لمجرد الانتقاد وليس لمصلحة الفريق !! |
بالنسبه لعمر الغامدي فالاعب انتهى واصبح عاله ع الفريق اما عيسى فمن حقه ان يطالب الاداره باللعب وخصوصآ انه قنــــاص درجه اولى واعتقد ان مجاملة الادارة ليــــاسر القحطـــاني اصبحت وااااضحه ولكن الله يعين ,,, |
الصفقه القادمه رمزي العصيمي مقابل اسامه هوساوي عواد العنزي مقابل الشلهوب عبدالرحمن الرومي مقابل الدوسري والله مهزله يا اداره الهلال التفريط في المحياني لفريق البلطان بكل سهوووووووله ؟؟؟؟؟ |
إقتباس:
|
إقتباس:
العاطفة كتبت الموضوع ... او تنافر مع القحطاني ... ولنكن واقعيين ... صدقني اقولها بصريح العباره ياسر انخفض مستواه كثيرا ولكن لم بجروء دفاع بتركه خاليا او حتى بمراقبة بلاعب واحد ... وهذا واقع اما عيسى ياخوي من الظلم ان يستمر مع الهلال اللاعب لم يتاقلم وليس معناه سيء المستوى فعيسى لاعب كمثل فلاته في الوحده الان ان خرج من الوحده وذهب الى اي ناد لن والعلم عند الله ان يقدم المأمول وكل عام وانت بخير |
الاخ اللي يقول ما يقدر يلعب شوط اخر مباره لعبها الغامدي كانت مع الاتحاد في نهائي الملك وفاز الاتحاد بلنيات بعد اشواط اضافيه وعمر كان اساسي وافضل لاعب في الهلال في تلك المباره وارجع شفها مره ثانيه ولا تألف من عندك لو تكرمت اجل مايقدر يلعب شوط ترا عمره 31 كبر الشلهوب هو |
خلك واقعي لا الهلال استفاد من الجيزاني ولا الشباب استفاد من الغامدي عيسى هو الي طلب رحيل لاعب نفسه قال انا ابي انتقل خلاص وش تبي الاداره تسوي لك تقوله انطق ! بالنسبه للاعب ياسر الشهراني طيب ياخي اصبر لاعب عند مهمه وطنيه بعدين يمكن لاعب غيره الي وعد فيه الامير عبدالله مافي لاعب محلي الا ياسر الشهراني |
المحياني راح نندم عليه كثيراا وراح يكون المهاجم الاول في السعوديه والبلطان كم مره مقلبنا والشهراني اكيد مطلب كل هلالي |
اتَّفَقَ مَعَكَ فِيْ انْتِقَالِ الْغَامِدِيِّ وَالْلَّهُ قَهَرَ اما بخصوص المحياني هو الذي يرغب >>>يعني الاداراة مالهم دخل اتمنا اذا تكتب موضوع ثاني تتأكد مما تقووله يعني مو تتكتب على عماها يعني كل الاخبار تقوول والرئيس يقوول عيسى يرغب بالرحيل وش دخل الادارة وان شاء الله ياسر الشهراني يكوون لاعب هلالي |
في ظل البحث عن الاسيوية اللي قاهرني تغيرت ادارات ومدربين واجانب وحتى الرابطة تغيرت ويظل الاسد ياسر ضامن الخانة واللي عالمدرج يتفرج قالها لكم .. مالنا باليد حيلة اكثر شي غابني بالحياة ان فهد المصيبيح حرمنا من يوسف الثنيان بفترة من الفترات وكان ناشب له بالعامية ومسك الاحتياط هذا وهو اسطورتنا ابويعقوب !! وخوينا ياسر كل يوم لوك وتميلح وبرود بالملعب لا انكر ان مرت فترة ياسر بنصف مستواه افضل من كل مهاجمين المملكة لاكن الموسمين اللي راحت ماقدم شي يشفع له .. واتكلم عن المباريات اللي نبيها ( الاتحاد ومباريات الاسيوية) اخخخخخخخخخ بس وبالنسبة لاميرنا عبدالرحمن بن مساعد ياخي الاسطا بدال عيسى مايبيلها اختراع الى متى البلطان يستغل المثالية اللي عندنا |
جماهير ما يعجبها العجب تقول ان الجيزاني فشل مع الهلال طيب يعني الغامدي نجح مع الشباب .؟ كلهم فشلوا محد كسب من الانتقال هذا بخصوص المحياني اللاعب يقول ابي اطلع .؟ وش تبي الادارة تسوي يا تخليه يكمل معنا وبعد 6 شهور يطلع ببلاش او تبيعه الحين وتكسب 6 مليون + السلطان عوافي |
| الوقت المعتمد في المنتدى بتوقيت جرينتش +3.
الوقت الان » 04:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd