|
إقتباس:
ياخي كلامي واضح .. انا ما قلت علشان ضاعت ضربه الجزاء ..! انا أقول ليش ضاعت ضربه الجزاء .؟ وش السبب يعني .؟ السبب هو نفس السبب اللي خلا مستوى ياسر بالحظيظ .. إنه يلتفت للكلام ويتجاوب مع اللي ينرفزه ويترك اللعب داخل المستطيل .. أتمنى تكون الفكره وصلت |
إقتباس:
ياخي ترا طفشتونا ما تبون احد يقول ياسر اخطأ ..! ياسر ملاك ولا منزه عن الخطأ ..؟ ياخي ملينا من المجاملات ياسر أكثر لاعب إستفاد من الجمهور ومن الفرص اللي ما تحصل لأي لاعب ثاني .. المشكله إذا شافوه اللاعبين وهو مستواه نازل ومو نازل بس الا منبطح ويسوي كذا بينتشر بين اللاعبين عدم المبالاه وكل واحد يلعب على حسب مزاجه ويسوي اللي يبي ولا حسيب ولا رقيب .. بس أعجبتني جهابذه شكلك تتابع القنوات التونسيه كثير .. |
هذا دور الاداره والجهاز الفني مش دورنا وانا اخوك وكلامك صحيح 100٪ |
الله يرجع مستواه ٢٠٠٧............. |
شرفني مروركم وإن شاء الله يرجع لـ 2007 |
اقول متى راح يختفون اصحاب العقول هذي عشان ضيع ضربة جزاء ماشوفكم تكلمتم على ويلي يوم اخذ الكرت الاحمر امام الاتحاد والا الكوري لي يونغ ماعرف كيف تفكرون بعدين اللي شاف مباراة الهلال امس ياااااسر كان أفضل من العربي مية مرة وين الانتقاد يامحللين |
ياحبيبي يالغالي احترم موضوعــك , لكن وش فيكم متحاملين على ياسر حتى بالجزاء , ياخي معليش بس مو كل تصرف بياسر تنتقدونــه , يعني هذا اسلوبه بـ التسديد من طلع على الدنيا جاي تعلمـه الحين , اتمنى نشوف المباراه الودية من منظور آخر , يعني نشوف اداء اللاعبين الصغار , ونشيد بمبارك البيشي وسلطان البيشي اللي بيكون الظهير القادم في الجهة اليمنى , وبعدين ياسر لما كان يتكلم مع اللاعب ليه دخلت بنيته وقلت انها استفزاز بالعكس هذا يدل على اخلاق ياسر كان يبتسم وبالنهاية جاب هدف , لاتطولون السالفه وهي قصيره , اذا تبون ياسر يرجع على قولتكم اتركوا هالاسطوانات والكلام الماكول خيره , الحين الفريق في بداية الموسم , وهذي اول المباريات , استقعدتوا لياسر من اولهــآ , اجل كيف بوسط الموســم !! الله يهديكم بس |
والله ما شاء الله عليك شكلك كنت جنبهم تسمع اللي يقلونه اتمنى ان تكتب ما يدش العقل يامعود |
انت الحين وش دراك انه بيستفزه سمعته بأذتك !!! وربي مرات عليكم تفكير مدري من وين تجيبونه تبون اي شئ عشان تكتبون عن ياسر وتذمون فيه بعدين ماهو اول ولا آخر واحد تصير هالحاله بعدين ليه هالتشاؤم !! هاذي مباراه وديه وفيه اكثر من لاعب مالعب زين يعني الحين العربي ماقدم اي مستوى معقوله اجي واقول مايعرف يلعب او ليته ماجا الهلال المباريات القادمه بتبين كل شئ لاتستعجلون بالحكم !! |
وعلى فكره , ياللي كاتب الموضوع ترى طريقة تنفيذ ياسر للركلة نفس طريقة كريستيانو رونالدو , للمعلومية فقط , بكرا تجي تقولي ترى رونالدو مايعرف يشوت بعد |
ويستمر مسلسل المجاملات من الاداررة معطينة الكابتنية لاتقولون المدرب هو الي معطي الادارة ولا تحلمون انا ياسر يرجع مادام في مجاااملة |
الجمهور الازرق معا وقفت القناص بكل مكان غلطان من عاند القناص وقال طاح مستواه |
إقتباس:
أضف إلى ذلك إن مستوى ياسر كان جيّد في المباراة وتفائلت بعودته هالموسم ، وهذا وهو مسجل .. شلون لو ماسجّّل ركلة الجزاء ؟! .. وللمعلوميه هذي طريقة ياسر بتنفيذ الركلات وسجل من خلالها أهداف كثيره ، لاحظ بهالمقطع بتشوف نفس الطريقه ‫ضربات جزاء الهلال والاتحاد نهائي كاس الملك 2010‬‎ - YouTube اما كلامك عن حركته بعد هدف الإتفاق يحق له يروّح عن اللي بداخله كان وقتها عليه حملات وحروب إعلاميه محد وقف بوجهها !! ولاتدقق على توافه الأمور ، مثل هالمواضيع تسبب الضغط على اللاعب ياسر بحاجه لصفاء ذهن وتركيز للعوده لمستواه ، أما المندسين اللي يحاولون تقزيم ياسر بردودهم أقولهم بدري علييكم ، وياسر مادرى عنكم ~ شكراً |
المشكلة بعض "عشاق" ياسر مايبون أحد يتكلم عن مستواه وكأنه لاعب منزه ومستواه ماينخفض وبنفس الوقت يناقضون أنفسهم بقولهم إن شاءالله يرجع ياسر "2007" ياجماعة الحين مابقى شي على 2012 يعني كم سنة وحنا نردد يارب يرجع ياسر 2007؟؟ أكثر من 5 سنين وياسر مستواه منخفض وبآخر 3 سنين صار عااااااااااااالة على الفريق ياسر مايعترف بانخفاض مستواه وفوق هذا يتهجم على الجمهور بتصاريح مالها داعي اتمنى من بعض الناس المعجبين بياسر كشخصية ولوك يروحون لمنتدى القناص ويريحونا دعمنا ياسر كثير وقفنا معه بالمنتديات والمدرجات لكن ياسر مايبي يساعد نفسه ياسر انتهى للإسف . |
كلام في الصميم ...صراحة تفائلنا انهـ سجل الهدف لكن استهتارهـ وطريقة التسديد حطمتنا بشكل مو طبيعي ...اناا اقول وش فيهـ وش يحس فيهـ تغير 180درجة ومثل ماقلت هذي وجهات نظر ... ويعطيكـ العافية يالغلا لكن نتمنى عودة ياسر |
المحياني افضل لاعب ينفذ الضربات الجزاء وانتقاله من الهلال خساره ويجب محاولة ابقاه بالنادي في الموسم طويل جدا والهلال بحاجته اما ياسر القحطاني لابد ان يعرف ان مستواه هابط جدا وهو اكيد يعرف اسبابه هبوط مستواه وبالتالي يبتعد عن الاسباب ويحافظ على التمارين ويجب ان يستغل باقي عمره القصير في مشواره الرياضي |
صآدق بكلآمك آللآعب يوم يجي يشوت البلنتي يركز عالكوره وعآلمكآن اللي يحطهآ فيه مآ يتلفت يمين ويسآر لكن آتمنى يعود ياسر 2007 بالموسم القآدم مع آن مآ ظنتيَ بس نتقآئل خير بعودة ياسر فابريقاس :wub: |
يعني ما ذكرت ان ياسر سجل اهداف بالمباريات الوديه !!! ما ذكرت الا ضربة الجزاء اللي سجلها بعدما ارتدّت الكورة ؟؟؟؟ كأنك تصطآد في الماء العكر !! انا ما ادري لماذا بعض الجمهور المحسوب الهلآل لآ يعرفون التفآئـل !!! عمومـــاً .. انــآ (( أرآهــن على يـآسر الموسم القآدم )) واقولها بالفم المليان وبيني وبينك الموسم القآدم ,,, |
للأسف أن لاعب كبير مثل القحطاني يقع في خطئ كبير مثل هذا وهو تنفيذ ركلة الجزاء بنفس الطريقه بل تعدى الأمر ليصل أنه يسدد الكره في نفس الزاويه كل مرّه!!! أعيدوا مقاطع الفيديوا لكل ضربات الجزاء التي لعبها ياسر في الموسم الماضي وأتحدى أحد يجيب لي ضربة جزاء مالعبها ياسر (( أرضيه على يمين الحارس)) يعني لو لا سمح الله ووضعتنا الظروف في أحد المباريات المصيريه ولعبنا ضربات ترجيحيه وتقدم ياسر لتنفيذ أحدها فصدقوني أن مجرد تركيز بسيط من طرف الفريق المقابل لأسلوب ياسر كفيل بأن تضيع ضربة الجزاء هذه... ملاحظه لمن يقلل من قيمة ملاحظتنا على طريقة التنفيذ المكرره والمكشوفه للاعب لضربة الجزاء أقول له:: لقد خرجنا من كأس آسيا قبل موسمين بسبب ضياع ضربة جزاء جراء عدم تدريب اللاعبين عليها. يارب ياكريم وفق الزعيم |
.................................. |
يبقى ياسـر لاعب كبير ّ وفي نـادي كبير مهـا كـان ّ واللحين المفروض نساند ياسرّ ونوقف معـهّ بكل الاحوال .... يعطيك العافيـه ّ اخوي ّ ... |
ولا زال التطبيل مستمر....! أنا ما تكلمت عن ضربه الجزاء فقط .. أنا أتكلم عن عاده رافقت ياسر بالـ3 سنوات الأخيره .. على العموم تبقى وجهات نظر وكل شخص له الحق بالتعبير عن رأيه وأتمنى نبعد عن الغلط والألفاظ اللي مالها داعي |
ارحموني إقتباس:
صراح والله انك صادق لازم ناقف معاه يناس عاجبكم اللي صاير في الحارثي وجمهوره هذا اقناص (حبيبي):alzaeem: |
معليش ياسر يستهتر كثير في الركلات الجزاء وهذا اللي يخلي الحححراس يعرفون حركته ويصيدونة ياليت لما يشوت يشوت ممن دون استهتار |
إقتباس:
مشكله بعض الجماهير ما تفرق بين تشجيع الكيان وبين الإعجاب بلاعب ... أكتفي بمثل معروف يصف بعض الحالات هنا .. المحبوب ما عليه ذنوب |
واعد ياسر يبي يرجع واعد واعد واعد |
الله يعطيك الف عااااااااااااااااااااااااااااافيه ان انشاء الله نشوف ياسر الموسم الجاي سار غير وافضل |
إقتباس:
والله مايشرف الهلال ان تكون احد مشجعيه وأشك في ذلك ...وياسر تاج على راس كل سعودي لاعب لن تنجب الملاعب أمثاله حنا وش مستفيدين منك غير تشخبط في هالمنتدى وياسر بطل شرف الكره السعوديه في المحافل الدوليه ككأس العالم وتربعه على عرش الكره الاسيويه وهداف القاره |
لاتعليق ....................................... |
والله انا فقدت الامل برجعته لمستواه السابق , بعد ماشفت طريقة تنفيذه لركلة الجزاء , يعني نذكر طريقة تنفيذه للبلنتي على كوريا في تصفيات المونديال 2006 ونذكر البلنتي في كاس اسيا 2007 على كوريا , فيه فرق , الحين تحس انه مستهتر .. |
:: قآآآآآآآآآآآآآآآآآهركم :) يآسر هلاآلي واللي مو عآجبه ياسر يشجع النصر ^_^ احرقهم يا ياسر :: |
إقتباس:
والله ياوخيتي مهما قلنا بيتهموننا بالمجامله , انا اللي باعرفه انا وانتي ومليون غيرك وش بيفيدنا لو جاملنا ياسر , انا لاني بقحطاني ولا هو نسيبي ولااني مجبور اتكلم عنه بالشي الزين , ياسر لاعب هلالي وانا اي لاعب علالي اشوفه يلعب داخل الملعب , اشوف ان مافيه اي فايده لمحاربته دامه يلعب نشجعه , كذا نصير بصف جماهير الانديه الثانيه اللي تنبسط لو تشوف فيه حمله على ياسر او غيره , ياناس انتقدوا تكلموا من حقكم بس مو بالطريقه ذي !! حتى مجرد تشوفون ياسر يتكلم مع لاعب الخصم تنتقدونه , عيب والله عيب , |
من يفهم في كرة القدم يدرك أن اللاعب صاحب الفكر العالي والمستوى المتطور يتراجع مستواه اذا لم يغير ناديه الى نادي أفضل كلاعبي كرة القدم العالميين فهم يبدأون في أنديه صغيره ثم يذهبون لانديه كبيره في دولهم ثم يذهبوا الى انديه درجه ثالثه في اوربا حتى يصلوا لاندية القمه في العالم وياسر كان مبدعا في القادسيه واتجه للهلال وابدع ولو كان هناك نادي افضل من الهلال لقدم مستويات افضل اولوذهب لاورباهو و معاذالاهلي والحارثي لقدموا مستويات أفضل ولكنهم توقفوا لوصد الابواب امامهم عن تقديم الافضل في انديه عالميه |
تراها مباراة ودية :s5s: بعدين مستوى ياسر فالمباراة كان حلو بصراحة :s2: وان شاء الله هالموسم موسم ياسر :smilie47: |
بالنسبه للاصوات اللي تتكلم وتقول وقفو مع ياسر ياحبيبي الهلال كله وقف عشان ياسر وش سوى ياسر للهلال ياسر ياحبيبي شكله ينسى انه يلعب لنادي الهلال لاعب متعالي لاعب ضمن خانته وشف وش سوى اذا كنتم تجهلون تاريخ الهلال انا اذكركم يوسف وسامي قعدو احتياط انطقو بالدكه وعرفو قيمت الخانه الاساسيه وحسو فيها بتقولي لاعب مثل ياسر وتدافعون خلاصت الكلام عن المارثوني ياسر لاعب اخذ اكبر من حجمه والهلال دفع ضريبه ذالك لاعب ضمن خانته كأساسي والهلال دفع ضريبه عدم جلبه لمهاجمين اجانب لاعب يحب الفلسفه قدام الباب والهلال دفع ضريبه ذالك بالخروج من اهم االبطولات لاعب اخذ اكثر مما اعطى ياسر ماقدم للهلال اضافه الا عام 2007 واصبح بعد ذالك عبئ على فريقي وجهه نظر |
يَ حسسآفه يَ عيسـى يجلس إحححتياط و يــآسر آخذ حقه و زود في اللعب ولا ششفنآ شيء !! |
ههههههههههههههههه ياخي مو مشكلتي ياسر يقعد احتياط ولا بالمدرج , انا مشكلتي طريقتكم بالنقــد , هذا نقــد وقسم بالله لو يجي يقرأ كلامكم ياسر يضحك , كل واحد يتفنن بالتجريح وبالنهاية يقولون نقد , انا ابي المرشدي هجوم وياسر احتياط بالاولمبي والمحياني ظهير ايسر , بس يجيبون لي نتائج !! ويمشي الهلال خلاص هذا اللي ابي , الهلال دامه بالطريق الصحيح ماراح يتأثر بكلامكم ان شاء الله |
ياخي الشرهه مو عليك ع المشرفين الي منزلين الموضوع البايخ في الوقت الغلط |
مغترب لاحظت أنت !! أجل الموسم مابدأ والربع يتصيدون بااخطاء اللاعبين , اذا كانت اخطاء بالاساس , برشلونه خسر بالاربعه , ومان يونايتد خسر بالثمانيه خلاص انتهى موسمهم الكروي اجل !! |
أشوف بعض الإخوان بوادي وحنى بوادي .. لا تتكلم على ياسر لا لا ياسر خط أحمر ياسر أفضل لاعب بـ2007 طيب وبعديييييييييييين ...........؟ بجي معكم على حسب تفكيركم .. رونالدينهو وينه اللحين .؟ وين كان ووين صار ..؟ كان ببرشلونه وأفضل لاعب بالعالم ولقبوه بالساحر وكنا نتابع مباريات برشلونه علشانه ويوم شافوووا مستواه نزل موسم واحد بسسسس .. شاتووه .. كل واحد منكم يجيني يغني على الأطلال وياسر سوا وياسر فعل ياخي سوا وكان وفعل هذا فعل ماضي , نبغى فعل مضارع . نبيه يسوي ويفعل ويسجل ويحس ويتحمس .. المشكله بعض الردود ترفع الضغط كأن الواحد قذف ياسر أو تكلم بشي برا الكوره . وبعدين على فكره ترا العنوان كان غير هذا بس المشرفين غيروه . علشان ما يجي أحد ويقولي تتكلم علشان ضربه جزاء بمباراه وديه . انا اتكلم عن عاده سواءاً بمباراه وديه أو نهائيه بآسيآ .. |
إقتباس:
|
إقتباس:
إذكر ربك وأمسك أعصابك لا يطق فيك عرق :yes: |
مشكور اخوي وانا تفق معك......... |
إقتباس:
حيآك الله .. لاحظ كلامك وش فيه ( كذب , حقد , سابك , مكفحك ) هذا تعصب حنى نعطيك أراء تقبلها أو إطرح رايك بدون هالكلام.. حيآك الله أخوي مشعل .. نختلف أو نتفق مو مهم المهم ما نطلع برا الموضوع ونتكلم بكلام ماله داعي . يعطيك ألف عافيه على المرور |
يعطيك العااافية وشكرا لك |
أخوي ســ6ــام كم بلنتي سجله ياسر بهالطريقه ؟ بعدين الهدف تسجل وربي !! ولاتستغرب لو شفت ردود سلبيه موضوعك إستفزازي تتكلم عن طريقة التنفيذ مع إنه سجل من خلالها وبعدها تشطح لحركته مع أحمد عباس وفي مباراة الإتفاق وتخلط الحابل بالنابل !! أحمد واضح (والله أعلم) أنه يتكلم عليه وأشر له ياسر بصغر العقل ، دافع عن نفسه بأقل الطرق وأبلغها تعبيراً ، متكاثر عليه دفاعه عن نفسه ؟ وحركته بمباراة الإتفاق كان يعيش حالة ضغط رهيبه مع الحروب والحملات الإعلاميّه واللي مالقى من يتصدّى لها ..!! بس بعض الجماهير فاضيه ومن زود الإستقرار والنعم اللي عايشتها مع النادي "ماشاءالله" صارت تتلقط الزلّات ..! وعندي تعليق على صاحب الرد اللي يقول فيه ياسر تعدى أنظمة الفيفا بنتفيذ الركله هههههه شر البليه مايضحك ، كل هذي غيره على قوانين الفيفا ؟ أو قهر لأن ياسر سجل البلنتي وما أعطأ للمتربصين فرصه للنيل منه ؟؟ بصراحه بعض الردود غريبه جداً ، وماتحس إنها من مشجع لقائد فريقه !! وشكراً مره ثانيه ~ |
تفاءلت خيراً بملاحظتي أنه أنقص وزنه .. ولكن قطعت الأمل بعد رعونته في تنفيذ ركلة الجزاء . ليبقى ياسر هو ياسر التائه حتى في رحلته مع زملائه من خلال الصور منزوياً كأنه مكرهاً . |
تابعو تنفيذ ضربه الجزاء في مباراه اليوناني ,, ياسر يستمر في مسلسل تدليع اللسان ,, ليش ما أدري ؟؟؟ صوروه بسرعه وهو يدلع لسانه ,,,, تسديده ضعيفه وكأنه مبتداء ,,, وهذا مؤشر واضح بأن ياسر سيعوووووووووووووود الموسم القادم ,,,, أكبر خساره يتعرض لها نادي الهلال رحيل عيسى المحياني ,,, شكرا لكم ,, |
وَالْلَّهُ انَّكَ صَادِقٌ احِسُ فِيْ اسْتِهْتَارِ فِيْ تَنْفِيْذِ ضَرْبَةً الْجَزَاءُ مِنْ يَاسِرْ دَائِمٌ بَسّ انَا مَتَفَأئِلَ انَّهُ رَاحَ يُسَوِّيَ شَيً غَيْرَ طَبِيْعِيٌّ هَاذَا الْمَوْسِمِ دُمْتُمْ بُوِوِوِد |
كل هالهجوم عليه لانه قدم مستويات مع الهلال لم يقدمها اي لاعب مهاجم في تاريخ الهلال.......ولكن من يقود الحمله ضد ياسر مصيره ان شاءالله عاجلا ام اجلا الخروج خالي الوفاض |
الدكة ستكون خير رفيق له بالموسم القادم ولله الحمد |
ياسر كــــان لاعب سريع مراوغ مهاري قناص ياسر أصبــح لاعب بطيء ثقيل الحركة يفتقد للمهارة مع العلم أن ياسر من 3 إلى 4 سنين ومستواه منخفض لكن للأسف كل سنه نقول هذي سنة ياسر مع العلم أن ياسر باقي له سنة ويصــك الـ 30 سنــة .. عموما ياسر لن يعود دامه لم يعترف بإنخفاض مستواه ( ميسي زمانه ) والله يوفق الهلال بياسر او بدونه |
لاتعليق.......!! :cry: ....................... |
لحد يظلم يآسر بس تذكروا انه كآن الهداف الحين يآسر لو قال ابي ابيع عقدي ابي اروح لفريق ثآني بيقولون كل الجماهير ليه يآ ياسر انت النجم ومدري ايش عطوه فرصه شجعووه مو بس ذب وتقولون انه وجهة نظر قسم نشبتوا لنا بالوجهات ذي حطمتوا يآسر بوجهات نظركم |
والكل متفق على أن أهم أسباب هبوط مستواك هو ( أنك لا تعترف بأن مستواك هابط أساساً ) قلت كل اللي بقلبي |
يعني آلحين حكمت علييه من ضربة الجزااء .. أجل الشلهوب عاادي كم مره يضيعها يعني خلاص نقول عنه فاشل بدل ما نرفع من معنويات اللاعب نرووح نحبطه حراام علييكم |
إقتباس:
بالبدايه أشكرك على ردك .. وإذا كنت أعيش بإستقرار وخير مع الزعيم فهذه من نعم ربي علي الله يديمها يارب ,, أرجع للمره الـ 1000 وأقول انا ما اقصد ضربه الجزاء فقط . انا اتكلم عن عاده ترافق ياسر بأكثر المباريات .. وهي الإلتفات والتجاوب لنرفزه الخصم .. أشكر الجميع على المرور والتعليق |
إقتباس:
حتى بالدربيل ماظني يصيب |
إقتباس:
الله يهديك أشوف ردودك كلها تهاجم واللي ما يبي ياسر يطلع ويروح ويشجع فريق ثاني وغصب عنكم ومدري ايش . ياخي كل واحد حر برآيه لا تفرض رايك غصب على الاخرين .. اللهم إني صائم :rose: |
شباب أتمنى ما نطلع برا الموضوع .. أحس إن بعض الردود صارت تتكلم بشي ماله داعي |
| الوقت المعتمد في المنتدى بتوقيت جرينتش +3.
الوقت الان » 02:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd