السلام عليكم ورحمة الله وبركاته

كيف الحال ياملوك ؟؟

ياشباب الكل شاف اليوم لعبنا امام الاتفاق مافيه جمهور الا القليل ومدري وش السبب يمكن البعض يقول مباراة البرشا والمدريد اهم يعني .. ويمكن البعض يقول هذي مباراة ودية لكن هذي الفوز فيها يعطي معنوية للاعبين والله العظيم .. تكفووون ياشباب احضروا المباراة الجاية امام الشباب الاماراتي اللي اتوقع اذا ما كان فيه جمهور وحماس من لاعبين الهلال راح نخسر بنتيجة تاريخية حتى لو كانت ودية .. بعدين وش علينا من مباراة البرشا يمديكم تتابعونها بعدين (اعادة) مااتوقع تفرق ياشباب تابعوا مباراة الملكي (الهلال) اهم .. الكل شاف المباراة كانت باردة مرة مع ان فيها 5 اهداف.. شفتوا مباراة العين مع الرفاع انا مدري اذا الجمهور كثير ولا قليل بس شفت هدف ياسر (البلنتي) سمعت الرابطة والحماس من الجمهور العيناوي هذا السبب اللي خلّى نتيجة المباراة 6-1 اتوقع

بعدين سبب الهدفين حقت الاتفاق شفتوا كيف لعب الهلال آخر 10 دقايق لعب يطفّش وبارد مرره حتّى اول 10 دقايق .. لكن آخر الدقايق كان الدفاع الهلالي يآخذ الكورة ويتناقلونها مع بعض ويجي لاعب اتفاقي ويسوي خطر على المرمى .. واقسم بالله لو ماكانت امي واختي معي كان صرخت في الغرفة من اللعب السامج .. اتوقع لو ماجاء جمهورنا العزيز والغالي والعاشق للكيان الهلالي في مباراة الشباب الاماراتي راح تكون مباراة تاريخية للشباب .. الاتفاق كان يسدد في كورات سهله يعني يمديهم يجيبونها لكن ماعندهم لاعبين فما بالك بلاعبين الشباب الاجانب المميزين اللي يحطون الكورة في المرمى بكل سهولة

اتوقع الاسباب هذي كلها في عدم حضور الجمهور .. تكفووون ياجمهورنا الغالي احضروا عشان فريقكم الملكي (الهلال) ماينهزم بنتيجة تاريخية ............ الحضور الحضور

ان اصبت فهو من الله وان اخطأت فهي من الشيطان ومن نفسي