هل محمد عبدالجواد يحمل اجنسيه الكرواتيه ام انه خواف؟؟؟ صباح الخير ... بصراحه يحز في نفسك يكون لاعب سعودي ومحلل سعودي مثل شخصية هذا المحلل الضعيفه وكأنه عدو لمنتخبه عقب تحليله لشوط الاول لمباراة المنتخب السعودي والكرواتي ضربة جزاء واضحه وضوح الشمس في النهار اعاقة دغريري من الحارس الكرواتي ويقول اللاعب يمثل حتى القطري صار اصدق منه واجراء ومنصف وقال ضربة جزاء وزاد عليها المصري وقال ضربة جزاء ولمن يسأله المذيع الكواري يقول هل ترا انها ضربة جزاء يتهرب ياناس من اللي ضحك عليه وقال محلل مين ووش اللي مخوفه لايقول الحقيقه ولا الحقيقه ضد الكوره السعوديه يعتبرها قوة شخصيه وضد الهلال يعتبرها قمة الشهره...........اتمنى اشوف ارائكم للي شافه يحلل بين الشوطين شي يرفع الضغط فضحنا قدام العالم.............. |
والله تسسسسسسسسسلم على الطرح ..توني اشوفها قسم بالله رفع ضغطي .. سقطة في تاريخ قناة الجزيرة ظهور هذا الإمعه على قنواتها .. شكرا لك عزيزي |
وربي عبدإلجوإد إنه كفو تبيه يحكم بشي مإشإفه ززين كمره مكإنهى صعب بسس بعد شإف إلقططه كإمله ومن يمين ومن يسسإر عطإك حكمه يعني مإفيه شي يعني إلرجإل مإيبي يحط شي بذمته إلقطه كإنت صعبه |
إقتباس:
محلل على وشهو وربي مايفقه في التحليل شي هالادمي مهرج فقط |
إقتباس:
يمدح هالشخص وبعدين تفقش ماقال ولا حكم بعد ماشفها ولا ماشفها الكره واضحه مايحتاج ولا ماله عيون فيه عمى......... |
إقتباس:
تبي تسكتني يعني :laugh: يزينك إنت وموضعك يعني إلرجإل نإويهى مإيبي يقول بلنتي إنت وش دخلك طيب :mad: |
إقتباس:
ومعظم الرياضيين يعرفون هالشخص المغرور وضعيف الشخصيه.... |
إقتباس:
إبي إسسإلك إلحين بلأهي موضوعك يفيد إلهلأل ولأ إلمنتخب إلسعودي ولأ يفيد إلشإرع إلريإضي إلوإحد يخطي ويمكن عبدإلجوإد إخطإ إفتح عقلك إلوإحد يخطي ويصيب ونت على طوول نزلت برإس إلرجإل نبي موإضيع تفيد إلوإحد وهو يقرإء يحسس إنه يسستفيد |
إقتباس:
للرياضيين السعوديين وللمتابعين الغير منصفين ولا همهم الا مخالفة الواقع حتى يعرفوا يفكر انه لم ينصف منتخبه بقناة الجزيره راح ينشات او ينقص من قدره شي يوفكر انه لمن يخالف الواقع يكون ذو شخصيه قويه ومحبوب |
آستغفر آلله بس.. عليك موضوع يآخي هو حر في رآيه عندك مآنع وآنآ رآيي آن موضوعك فآشل فيه مآنع بعد |
ياخي الرجال حر بـ راية تبي تحجر على رايه ؟ إقتباس:
هل ترضى ان يطـلق عليك كـلمة غـبي ؟ |
محلل رائع لا تغلط عليه .... بصراحة أنا اتفق مع رأيه أن اللاعب مثّل . هذا رأي فقط ليس فيه تجني ولا شيء.. بالتوفيق للجميع |
من افضل المحللين اللي شاهدتهم انا ..!! ، وجهة نظره وهو حر فيها تبيه يجامل المنتخب السعودي ويقول ضربة جزاء صحيحة عشان يصير ابطل واحد بالعالم ولا يتكلم احد عليه ؟ .. اخي هو له وجهة نظره ولازم نحترمها ، ممكن تصيب وممكن تكون خاطئة .. شكرا لك .. |
بغض النظر عن رأيي في الكابتن محمد عبدالجواد كامحلل فني بس بكل صراحة اللقطة لم تكن واضحة من وجهة نظري وزد عليها انه قد يكون يفكر بإن القرار قد يحسب ويفسر لإنة سعودي وينحاز لمنتخب بلادة ويبعد عن المهنية في الحكم على اللقطة هذا والله اعلم بالتوفيق للمنتخب السعودي الشاب في بقية مبارياته |
الله يتقبل منا ومنكم أن شاء الله مشكور على الموضوع |
اللقطة غير واضحة ابدا واشوف رأي عبدالجواد في اللقطة اصح من الكواري وابوجريشة واتمنى منك ترتقي في اسلوبك |
ضربة جزاء واضحه .. لكن ممكن لم يلاحظها جيداً. عموماً الف مبروك فوز المنتخب وكسب الثلاث نقاط وضربة الجزاء لا تعني لي شئياً بعد هذا الفوز . |
. وانت وش عليك ؟ يقول اللي يشوفه .. انا اعتبرها مو ضربه جزآء .. لآنه ما في احتكاك بين اللاعب والحارس ولو كان فيه احتكاك كان اولى بـ الحكم المساعد انه يحتسب ركله جزاء لآنه قريب من الحدث أي واحد يقول رايه جردتوه من وطنيته .. ولآ عشان كوره ! الله يكبر عقولكم |
وجهة نظرة لابد ان تحترم وانا معاه ليست ضربة جزااء:s3s: |
اللقطة غير واضحة ابدا واشوف رأي عبدالجواد في اللقطة اصح من الكواري وابوجريشة |
والله بصراحة محمد عبدالجواد صادق يعنى الضربة جزاء الاولى ثمثيل وكان الاعب يحيى دغريرى يستاهل الكرت الاصفر والثانية ماكانت واضحة ولو كانت مو ضربة جزاء كان يستاهل الكارت الاصفر الثانى |
ي الربع هذا رايه يشوفها مهب بلنتي عادي وش المشكله الموضوع مهب عواطف الموضوع راي مؤتمن عليه لو يجامل المنتخب او يحابيه يكون خان الامانه لان القناه مايشوفونه فقط السعوديين يشوفونها كل العرب ولازم يعطي راي بامانه ,,, |
إقتباس:
وعبدالجواد ما له إلا الضحك ثم الضحك ثم الضحك !!! ايش بعد ؟ |
كل عام وانتم بخير وتقبل الله منا ومنكم صالح الاعمال شكرا لك على حماسك الشديد تجاه شيئ تظن انه من حقوق المنتخب السعودي وهذا شي رائع ولكن لا اوافقك ابدا في رأيك لأن الكابتن محمد طرح رأيه في اللقطه وانها ليست ضربة جزاء شي عادي جدا في النهايه يجب ان نعرف ان الكابتن محمد ابن من ابناء الوطن وطرح الموضوع هذا لتشكيك فيه اوانه عار على السعوديه وانه فاضحنا فانا كشخص لا أوافقك بما قلت في النهاية هي كرة قدم شكرا لك وبالتوفيق يازعيم |
إقتباس:
وانا مانزلت موضوع اخذ رايك في موضوعي انا نزلت موضوع ابين شخصية وتحليل المغرور عبدالجواد |
إقتباس:
اشوفه شخص مهرج ومتعصب ولا يفقه فالتحليل شي غير الترزز فقط........ |
إقتباس:
بل انه من اسوء المحللين ولربما انه لايفقه حتى في التحليل شي وهذي مشكله كبيره لمن واحد يخالف الواقع خاصه في بلده يجد له صدى انه محلل كبير ولا يحب يجامل والخطأ واضح قطري وقال ضربة جزاء ومصري وقال ضربة جزاء وهو الوحيد اللي مخالف يعني صح ماتجي بالعقل................؟؟؟؟؟؟؟؟؟؟؟؟؟؟؟ |
إقتباس:
هذي وجهة نظري في هالشخص قد اكون قلت كلمات قاسيه ولكنه يستحق لانه شخص متعصب وغير محايد وغير منصف ابدآ |
إقتباس:
واضحه وضوح الشمس وقالها القطري والمصري انها ضربة جزاء وطنيك عبدالجواد ماقالها وانا ماتكلم عن الوطنيه بس انت اللي جبتها؟؟؟؟ |
إقتباس:
والاخ نزل راسه يوم سأله الكواري هل هي ضربة جزاء وتخربط هذا دليل ان الشخص اسلوبه قام على المثل خالف تعرف.... |
إقتباس:
وان المنتخب السعودي ظلم فيها ومن شاف راي سعوديك عبد الجواد يوم يتخربط ويقول ماقدر احكم عليها ولا اشوفها ضربة جزاء وفيها تمثيل يفكر انه عدو لسعوديه او غير سعودي او لايفقه بالتحليل شي غير خالف تعرف.........شخص ضعيف شخصيه ولايملك الجراءه |
لا تكبرونها شباب ترى هذي وجهة نظرة |
اول شي اسمها الجنسيه عيب عليك ياخي املاء ماتعرف ؟ ثانيا محلل رائع لا تغلط عليه .... بصراحة أنا اتفق مع رأيه أن اللاعب مثّل . هذا رأي فقط ليس فيه تجني ولا شيء.. بالتوفيق للجميع |
إقتباس:
يعني يا تقول إنها بلنتي ولا أنت عدو للسعودية :s2: أهنيك بصراحة على طريقة تفكيرك :s2: وتقول في أحد ردودك السابقة إن أسلوبك رآقي :s5s: << أمحق :s2: |
والله آشوف إنه متردد خايف يقول ضربة جزاء ويتوهق معاهم بحكم إنه سعودي مع إني ما آحب اشوفه عـ الشاشه بس هذا اللي أنا شفته ولاحظته تحياتي لك ومبروك عليك رمضان يا الذيب |
إقتباس:
ولكن تعرف العنوان ان غلط صعب تغيره وثانيآ انا ماغلطت عليه بل بين اسلوبه الخطآ ولو قلت كلمات قاسيه فيه فهي صحيحه مغرور وغير منصف وغير محايد ولا يفقه في التحليل غير التهريج وضعيف الشخصيه........... |
إقتباس:
افهم اخي العزيز الجمله صح ولاتقولني شي ماقلته وبعدين رأيي فيه مستحيل اغيره مهمآ حصل .......... |
طيب وهو صادق ماهيب بلنتي ورجل الحارس مالمست المهاجم ...! |
ترا انت مكبر الموضوع ياخي وجه نظره يرحم امك وش تحس فيه انا رأي انها تمثيل ياخي سويت كل هالمشكله والله ماتسوى الابتدائيه مشتااااااااااااااااااااااااااااااقه لك |
عبد الجواد باختصار منافق وما عنده فكر في التحليل مثل خالد الشنيف ... كل مافي الموضوع أنه يبي يسترزق في الجزيرة على باله يحلل بحيادية ... أي كلمة يقولها عبد الجواد عكسها هو الصحيح الحمد لله والشكر |
مشكور اخوي الله يعطيك العافيه |
إقتباس:
ولكن لمن يقول المصري ضربة جزاء والقطري ضربة جزاء وابو وجهة نظر جوادك يقول تمثيل ويقلل منها يدل على انه مع جنبها......... |
إقتباس:
وموافقتك لي في هالشخص وتحليله والبعض مسوين فيها انه وجهة نظر والامر عادي مايدرون انه مكشوف هالمترزز والمهرج |
إقتباس:
ياخي فكر شوي قبل لا تكتب ما اقول الا امحق صوم انت وراعي الموضوع الي معزز لك تحت |
بصراحه محلل غبي ولا هان الهريفي <~ بررررررا هههههههههه |
اناااااااا سعوووودي وهو سعودي وانت سعودي حلو ؟؟ تبي تخلصه من جنسيته عشان ركلة جزاء ؟؟ يرحم حالك بس اشكالك المتخلفين هم اللي عار عل الوسط الرياضي انا شفت القطه واقول ان ما فيها شي هذا رايي ولا الحين بتخليني اندونسي على رايي ذا ؟؟ المشكلة اشكاك ما يفهمون ان كل واحد له وجهة نظر وبعدين اذا تبيه يقول ركلة جزاء وهي مو ركلة جزاء عشان يرضيك مثلا ؟ الواحد بالعكس يوم سمعته حسيت انه كفو محلل مهني ومحايد لاختياره الصحيح وتحليله المنطقي وانا اسف اني دخلت موضوع ماله فايده ابد لا وبعد فيه تهجم على شخص طيب مثل محمد عبد الجواد |
مشكلتناا مانحترم الرأي والرأي الآخر .. وهذا من أهم أسباب تخلفناا بصرااحه الموضوع هذا أقدر أختصر الزبده عنه بمثل معروف " ان لم تكن معي فأنت ضدي " |
إقتباس:
وغير منصف ولايفقه بالتحليل غير التهريج والتمكيج والترزز ومخالفة الواقع فقط |
إقتباس:
وش (عار) وش (متخلفين) استح على وجهك والله لو ابوك ماقلت كل هالكلام واحنا هلاليين ويجمعنا حب كيان وشعار واحد ويجمعنا حبنا لمنتخبنا ووطنا اتمنى منك الاعتذار لي وللاعضاء على الكلمات الساقطه........ وانت فاهم غلط موضوعي انا ماقلت مو سعودي افهمني صح قلت وكأنه مو سعودي فيه فرق واختلاف بين الجملتين............ واللهم اني صائم |
يخاف من ايش؟ هذي مشكلة البزااارين اذا قعدوا على النت |
إقتباس:
ولا ادري ليه البعض يدافع عنه وكأنه الشتالي ولا فيصل ابو ثنين ولا سامي الجابر هالشخص محلل عادي جدآ واقل من العادي |
كل انسان يخطي و محمد عبدالجواد اخطأ الصدق ينقال : محمد عبدالجواد انسان محترم و محلل ممتاز |
من افضل المحللين اللي شاهدتهم انا ..!! ، وجهة نظره وهو حر فيها تبيه يجامل المنتخب السعودي ويقول ضربة جزاء صحيحة عشان يصير ابطل واحد بالعالم ولا يتكلم احد عليه ؟ .. اخي هو له وجهة نظره ولازم نحترمها ، ممكن تصيب وممكن تكون خاطئة .. شكرا لك .. |
........................................................ |
الله يوفق صقرونـا ّ يّ رب وبالعكس عبد الجوأد يعجبني تحليـلهّ صراحه قمممهّ ... يعطيك العافيه اخوي ّ .. |
إقتباس:
صحيح عقول مريضه انت وموضوعك الي مثل...>>لايكون انا طحلبي بعد |
الوقت المعتمد في المنتدى بتوقيت جرينتش +3.
الوقت الان » 12:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd