ياسر المدربين بهذلو فيه

يحطونه لحاله قدام ووليهامسون يجهد امه بالرفعات

واذا ياسر موت نفسه وجاب الهدف قالو والله وليهامسون رفيع

مباراة وحده وماتابعت غير الأهداف عن الكوري وتقول ان ياسر افضل منه والله انكم مشكلة ياجمهور الاعبين

تبون تحطمون الاعب الأجنبي قبل يبدا الموسم واسفااااااااااااااه كل على شان ياسر ,, ياسر ولا غيره البقاء للأفضل

بس لاتحاول تحطم لاعب في بداية مشواره مع الهلال قال متابعه قال خخخخخخخخ


بالله عليك كم دقيقه تابعته اسالك بالله كم دقيقه عجبا لك


دمت

يا أخي ياسر أفضل مهاجم بالعالم وأساساً تم التعاقد مع مهاجمين أجانب علشان ياسر يسخن معهم

وياسر هداف العالم وهداف تاريخي ومستواه في القمة والناس اللي انتقدته ماعندها سالفة

أما الناس اللي تشجعه (وطز بالهلال) هي اللي تفهم وأساساً مصطلح الفهم أتي منهم

أتمنى بس أنك تكون أستانست أنت والإخوة والأخوات مشجعي ياسر

ترى بالنهاية يهمنا رضاكم ورضى ياسر الأسر

السؤال الوحيد اللي راح يسكت جميع جماهير ياسر .ويثبت ان ياسر حاليا لاعب عاااادي

ليه الادارة جابوا مهاجمين 2 ولاول ممررة يسوون الطريقة هذي؟

لان لو ياسر بمستواه . ماخسروا الملايين ذي

نفس الكلام اللي نقوله نعيده ياسر من 4 سنوات وهو عآآآآآآآآلة من 4 سنوات والهلال يلعب رقمياً بـ 11 لاعب و فعلياً بـ 10 لاعبين

بس بعيد نفس ردّي على أحد المواضيع اللي تكلّمت عن ياسر ومستواه

إقتباس الرسالة الأصلية كتبت بواسطة مصير اللي زعل 4 سنوات ومستواه من جرف لدحديره الحين يوم جاء هداف الدوري الكوري بـ 22 هدف + يوسف العربي تبي ياسر يرجع ويجلس واحد من هالإثنين إحتياط له ياسر الموسم الجاي بيصير نظامه نظام الجيزاني الموسم الماضي , يعني مباريات الهلال مع الفتح ونجران والتعاون وهجر يلعب الداهية ياسر ونريّح اللاعبين اللي عليهم الكلام للمواجهات الكبيرة الزبده : طول هالسنوات الماضية الإدارة لم تقتنع بأن المطلوب من ياسر أكبر من إمكانياته وهاذي ما نلوم ياسر فيها فـ هذا هو اللاعب وهذه إمكانياته . بس الموسم الجاي نشوفه يتفرج معنا ع المهاجمين الصح ويعرف دور المهاجم الأساسي وهو تسجيل الأهداف بأي طريقة كانت .

إقتباس الرسالة الأصلية كتبت بواسطة مخلص للهلال يا أخي ياسر أفضل مهاجم بالعالم وأساساً تم التعاقد مع مهاجمين أجانب علشان ياسر يسخن معهم وياسر هداف العالم وهداف تاريخي ومستواه في القمة والناس اللي انتقدته ماعندها سالفة أما الناس اللي تشجعه (وطز بالهلال) هي اللي تفهم وأساساً مصطلح الفهم أتي منهم أتمنى بس أنك تكون أستانست أنت والإخوة والأخوات مشجعي ياسر ترى بالنهاية يهمنا رضاكم ورضى ياسر الأسر

+7000


انت شوف تواقيعهم وصورهم الرمزيه واغسل يدك الاهم ياسر اما الهلال بحريقه .. فلاتزعلهم ..

انا عرفت الهلال فترة منصور بشير - عبادي الهذلول - سعود الحماد - والثنيان فترة ماكان مهاجم - والاخير سامي الجابر .. لاعبين من ارباع الفرص يسجل لك هدف .. اما ياسر من فرص كامله وحقيقيه يضيع .. له اكثر من موسم ومستواه للاسف مايطمن والدليل احضار مهاجمين والثالث بالطريق مكانه لانه باختصار مايقدر يغطي خانته بامتياز ..

الحين تنط لي زعيمه حايليه وتعرض لي كم دقيقه لعب وكم هدف سجل على نجران والحزم واسرع هاتريك والخ الخ .. اذا ماشفته هداف الدوري ومعلق لي كاس آسياء وقتها اقول مهاجم لايشق له غبار اما يلعب مع كديش وانواع التبطح وتبين اصفق له فهذا ماعرفه بالهلال مع احترامي لرائيك ...

بصراحة ماننكر ان الظغط علي ياسر اكثر من غيره لعدة أمور الكل يعرفها
وبصراحة أكثر أننا ننكر ان ياسر كمهاجم صفر عالشمال في اغلب المواسم الماضية

والمشكله ماهي فينا وانا اخوك والا في الاعلام الاصفر المشكله في ياسر نفسه
اجل فيه لاعب الكورة معه وبينه وبين المرمي متر ويضيعها مرة ومرتين وثلاث وعشر وتبغانا ندور له عذر ارحم عقولنا وانا اخوك

لاعب توصله الكورة وماقدامه غير الحارس ولو شاتها في بطنه جاته هدف ويضيعها وتبغانا ندور له عذر ارحم عقولنا ياخي
لاعب يقدر يسجل وهو مرتاح وبدون اي مجهود يذكر ويصررر انه يجيب هدف خرافي وش هالعقليه اللي تبغانا ندور لها عذر ارحمنا تكفى


ولاننكر اخيرا ان كل هلالي يتمنى عودة ياسر افضل من ياسر 2007 ولكن ليس الحل بيدنا فحاول ان تصل لياسر وتخاطبه عله يعمل علي نفسه ويسكتنا جميعنا وساعتها ستجدنا جميعا معه

نقطة اخيرة ياسر كصانع لعب (فقط) افضل من الكوري اما العربي لا أعتقد
وعذرا علي الاطاله

اقوووووووووووووووول لاتقوم تخربط علينا بس ......
وبلا ياسر بلا هم .....ووالله مادمر الهلال الا انت واشكالك المتعصبين للافراد مو للكيان والهلال اهم من ياسر وغيره ...
فليذهب ياسر ويبقى الهلال كيان شامخ ...
والمحترفين اذا انت تشوف ان ياسر افضل منهم معنات كلامك ان الاداره ماعندهم سالفه واللي جاب المحترفين ماعندهم سالفه ...
واذا الاداره بتلعبه اساسي والمحترفين احتياط فهذا اكبر دليل على الواسطه والمجامله لياسر ....

اجل يآسر ازين منه ...

ياخي بالله وش عاجبك في ياسر ؟
تبطحه بالملعب .؟ والا تضييع اسهل الفرص ؟

والله الذي لا اله غيره .. اني لا انتقد ياسر كرها فيه .. بل حبا له ومصلحته ولمصلحة الزعيم من قبله

حنا جمهور صبرنا على ياسر اربع مواسم ..كل موسم نصاب بالاحباط والقهر ..!

جانا الظغط والحمد لله على كل حال .. كله من البرود الزائد واللامبالاة من بعض لعيبة الهلال ..

كلي امنيات في هذا الموسم ان لا يلعب الا الاعب المنظبط والمقدر للشعار ...

:

إقتباس الرسالة الأصلية كتبت بواسطة زعيمه حايليه يستاهل بوعزوز من يحآمي عنّه وكم هدف سجل مالك وسعد بهالموسم ؟ وكم حسموا مباريات لفرقهم ؟ يستاهلون الركن بالدكه قياساً على إجابه السؤال أعلاه !! (مع إن سعد لعب أساسي بعدة مباريات هالموسم) أما ياسر الحاصل إنه بهالموسم هبط مستواه بمباريات وقدم مستويات جيّده وحسم الفوز للهلال بمباريات أخرى ، أقول "جيده" وليست ممتازه لأن مستوى ياسر الحقيقي أفضل من مستوياته الجيّده ..! والشي الجيّد أنه برغم هبوط وتذبذب مستواه بشكل عام ، أصبح الأول بالأرقام وبخصوص إتهامك له بالإهتمام بأشياء خارج الملعب ثلاث سنوات أقولك للأسف تأثرت حيل بأكذوبات الإعلام أي ثلاث سنوات ؟ في 2010 كان مستوى ياسر ممتاز وسجل على الإتحاد والنصر (المقياس للنجوميه بنظر البعض) أما موضوع سامي ، هم لو شافوا إن مستوى ياسر هابط لهم الحق بالتعاقد مع مليون مهاجم وهذا اللي حصل بعد ماتعاقدوا مع مهاجمين أجانب ، كلامي ماهو عن الحقيقيه (كما تدعي) اللي قالها سامي بمقارنته ياسر لسعد ومالك كلامي عن [ المكان ] اللي قيل فيه هالكلام ، أما تساؤلك عن ( الحاجه اللي في نفس يعقوب ) قلت إني لا أتمنى ذلك ولاحتى أتوقعه ، لكن هالكلام يشكك المتلقي بهالشي خصوصاً أن ياسر المهاجم السعودي الوحيد اللي فاز بلقب أفضل لاعب آسيوي وهذي السنه (تحديداً) كسر الرقم القياسي لسامي وأصبح أكثر لاعب هلالي تسجيلاً للأهداف بدوري أبطال آسيا بـ 12 هدف .. وشي أكيد الهلال مايقف على لاعب مهما كان ، ولعلمك اللي تعرض له سامي غيض من فيض تعرض له ياسر الأهازيج اللي تردد ضد سامي إن تجاوزت الحدود فلا تتعدى العنصريه أما ياسر قُذف عرضه عياناً بياناً بُهتاناً ، ومايحس بالنار غير رجل واطيها ..! وبالتوفيق لزعيم القرن سبحان الله وبحمده ،، سبحان الله العظيم [/FONT][/COLOR][/SIZE]

مافيه احد ينكر ان ياسر حسم لنا بعض المباريات هذا المووسم مثل الجزيرة والفيصلي والحزم ,,,,؟

انا ماقارنت بينهم بس قلت بعد ماهبط مستوى هااللاعبين مع انهم كانوا نجوم الفريق

أنديتهم ماجاملتهم وركنتهم بالأحتياط ألا ياسر للحين يلعب أساسي !!

هذا انتي بنفسك بدأتي تقتنعين ان مستوى ياسر هابط تقولين مستوى جيد كلنا نعلم ان هذا مو مستوى ياسر

لكن دام انه هابط مستوواهـ ليش مايٌبعد عن الفريق وتعطى الفرصه لغيرة ألا كان فيه اشياء اخرى ماندري عنها

والشيء السيء مع أنه الأول بالأرقام ألا انه الأسوأ بالمستوى !!

بخصوص أني تأثرت بأكذوبة الأعلام لا هذا شيء واضح صراحة يعني ماشاء الله تباركـ الله دائماً لوكات جميله

ودائما ماركات رائعه وهذا من حقه وليتها يكملها بمستوى في الملعب الي احنا كجماهير من حقنا عليه


ياسر خارج الملعب نجم وداخله ,,,,,,,,,؟

مقياس النجومية عندي لمن اشوف ياسر امام عمالقة آسيا يبدع ويقدم لي المستوى المامول منه

ولكن كل المباريات الكبيرة في دوري أبطال أسيا ياسر لايقدم مستوى ويصير عاله ع الفريق

و تضيييع فرص بالهبل

في دوري أبطال أسيا اللي هي مطلب جماهير الزعيم !!

ياسر ومنذ انضمامه الى نادي الهلال لم يسجل هدف حاسم ألا امام الغرافة القطري بعد ماطلعنا من طورنا

وضيع فرص لو وحده منه حطوها للعنبر كان جابها !!

يعني الحين لمن سامي قاللها ببرنامج كوره كان مخطئ والا فيه شيء في نفسه

اما لو قالها بمكان ثاني عادي < عجبي !!

الله لايعيد افضل لاعب في أسيا اللي المفروض بعد هالجائزة يكون طموح اللاعب اكبر

لكن ياسر غير خذها وهبط مستواهـ

صحيح ياسر كسر الرقم حق سامي في البطولات الآسيويه لكنه لن يأتي بصف سامي أبداً لأنه لاعب

يصبح متفرج في هالمباريات الحاسمه في البطووله عكس سامي اللي هالمباريات محببه له

ويفعل كل شيء من أجل أرضاء هذه الجماهير اللي تقف خلفه !!

سامي ماأخذ أفضل لاعب أسيوي لكن سامي في وقته كانت هالبطوله سهله عليه وع من معه !!

صحيح ياسر يتعرض لنباح من مدرججات الأصفرين لكن ياسر يستطيع إسكاتهم ويستطيع بنفسه ان يلجمهم

فقط بمستواه في الملعب واذا كان بيتأثر منهم فأتمنى منه طلب من الإدارة يرفعون خطاب للرئاسه العامه

وشكوى هؤلاء المتخلفين ليش مايسويها والا جالس يكابر ويثبت انه ماأهتم بها !!

بالأخير كلنا نتفق ع حب الزعيم

بالتووفيق للزعيم

من الغباء انك تقارن بين اللاعبين وتوهم ما لعبو الا مباراتين لا وكمان وديه

ياحليلك على طول حكمت بالتفوق

يابابا لو تبي تحكم الكوري هداف الموسم السابق لاعبك ياسر وش سوى العام ؟

الكوري مسجل في الفريق اللي يعد من اقوى الفرق الكوريه بوهانج ستيلرز 4 اهداف في مباراه وحده

لاعبك ياسر وش سوى قدام الاتحاد ...... أترك لك الاجابه

لا تتسرع وتتحمس وتقول ياسر يتفوق

الدوري لسه ما بدا ونشوف ياسرك وش يسوي قدام الانديه الكبار الموسم القادم

مع اعتقادي انه سيكون حبيس الدكه وعلى قوله ( اللي في الدكه يتفرج )

والله ماعندك السالفه

يعني كل العالم غلط وانت صح

حبيبي ياسر مستوه هابط جدا جدا جدا

مستوى عيسى افضل منه بكثير

كثرو النصراويين في المنتدى حط اسم ياسر وتعرف من يشجع الهلال ومن يشجع الجار

ونرجع من جديد مع (الياسرين)اللي مايدرون عن الهلال همهم الاول والاخير ميسي القحطاني
ياحبيبي تلعب على نفسك انت وقاعد تعزي نفسك بنفسك ياحبيبي عيب الكلام اللي تقوله هذا ياخي احترم عقولنا..؟
تتكلم عن لاعب ماله اي قيمه فنيه بالملعب اللاعب يلعب بأسمه فقط لاغير وتو مابدا الدوري حكم انه افضل من العربي والكوري ليه
ليش تحسسوني انتم ان ياسر ديديه دوروقبا ليه..؟
حبيبي لاعبك وتذكر كلامي ان نجحو اللاعبين الاجانب راح تشاهد ياسر بين سامي والمترجم
بالدكه
وسلملي على الكابتنانو