سعد تفضل :


أفضل خمس لاعبين للميلان في الموسم الماضي بـ الترتيب ؟؟

أفضل خمس لاعبين للهلال في الموسم الماضي بـ الترتيب ؟؟

من تفضل قدومه للميلان ؟؟

وش رأيك بـ أجانب الهلال الحاليين ؟؟

من كنت تتمنى بقائه ياسر أو عيسى ؟؟

وش رأيك بـ ( دول ) مدرب الهلال كـ تاريخ وإنجازات ماضيه ؟؟

قربت نهاية الميركاتو ولا شفنا المسترX تتوقع فيه مستر x ؟؟ إذا كنت تتوقع فيه من تتوقع يكون ؟؟

تشكيلة الميلان الحاليه بدون المستر x تتوقع يمدينا ناخذ الدوري ولا صعبه ؟؟

متى يبدأ الدوري الأيطالي بـ التاريخ الهجري ؟؟





قيم الأشخاص أدناه من 10 في الموسم الماضي :

أليغري
أبياتي
نيستا
زامبروتا
بوميل
أمبروزيني
بواتينج
سيدروف
إبرا
باتو
روبينهو
حسن العتيبي
الزوري
الغنام
الشلهوب
الفريدي
عيسى
ياسر








^

عسى ماطولت عليك

إقتباس الرسالة الأصلية كتبت بواسطة Ĵőќέя دآخل على المسسن , وآكلم عزوز " صرخة ملك " !

إقتباس الرسالة الأصلية كتبت بواسطة صرخة ملك ترى أقصد يخسرون بـ الكلاسيكو ما هو بـ البطولة الرمضانية ؛ هو كل يوم له إسم يحب التغيير يوم عبدالله و يوم بدر ..

محدش بيخسر غيركوا إن شاء الله رضيت والا انرضيت ..

إقتباس ترى أقصد يخسرون بـ الكلاسيكو ما هو بـ البطولة الرمضانية ؛ هو كل يوم له إسم يحب التغيير يوم عبدالله و يوم بدر ..

أسمي عبدالله كم مره أفهمك أنت وياه
بالنسبة للبطولة والكلاسيكو ما أحب أهايط
عشان ما أحذوء حذوء ناصر اللي هايط وانكسرت
عينه وكبريته معه أن شاء الله فايز فيها كلها

إقتباس الرسالة الأصلية كتبت بواسطة s.Milandini مشعل أول شيء أنا مآ وصفت الشقيري بالكمال .. الشيء الثاني الزهراني جآلس يذب ويحش مب ينتقد الشيء الثالث الشقيري يزود الأسعار بمحلآته أو مآ يزودها مآ رآح أتكلم عن شيء من القيل والقال إذا شفت شيء بعينك أو سمعته بأذنك تعال تكلم .. الحكمة تقول / لا تصدق القيل والقآل وصدق نصف مآ تراه عينك ، شيء آخر بالنسبة لإقتراحاتكم فهذا شيء جميل جداً لكن هل أنت تطبق اقتراحاتك أو بس تتكلم وخلآص ! يعني بأسألك وجآوبني بصرآحة حذاءك ترميها عند باب المسجد أو تحطها على الرف ؟! قوطي العصير ترميه مع الشباك إذا خلصت منه وانت بالسيارة أو تحطه بالزبآلة ؟! تقطع الإشارة إذا صرت طفشآن أو لا ! تخلص معآملات المرآجعين أول بأول أو نصف ساعات الدوام نآيم على المكتب أو تسولف مع الشباب ؟! تطلب طباعة إيصال من الصرافة وأنت مب بحاجته أو تصرف فلوسك بدون إيصال ؟! تتجآوز السرعة القانونية إذا صآر ما فيه سآهر أو مروري سري أو تكون منضبط ؟! تربط الحزآم أو مطنش النظام ؟! تضبط ساعتك الفجر وتصحى تصلي جمآعة أو ما تقوم إلا قبل بداية الدوام بربع ساعة ؟! شف مشعل كل هالأشياء تعتبر بسيطة ومن أبسط زوآيا المثالية ، ما حبيت أتعمق وأطب في جفر عمياء ثم تبتلش معي ، ومع ذلك أجزم لك أنت ما تتطبق نصفها وللأسف .. لا نصير نحآرب أي وآحد يحآول ينقذنا من مجمتمع مخيس ويبي يرتقي بنا نجي نقول له أنك ما جبت شيء جديد ، فيه تحطيم أقوى من كذا ؟! يا شيخ قل خيراً أو اصمت .. على الأقل الرجال تعب وحآول فـ لازم نشكره ، أصاب أخطأ هذا موضوع ثآني .. مجتمعنا في هبوط وانحدار والسبب المحبطين والمنتقدين بسبب الحسد أو الحقد ، أنا جلست في مآليزيا أسبوعين بغيت ما أرجع كرهت أبو الحياة اللي كنت عآيشها ، أي وآحد هنآك يسألك أو أنت تسأله لآزم يختم كلآمه بكلمة شكر أو يتمنى لك التوفيق ، هنا استغفر الله بعضهم حتى إذا سلمت عليه ما يرد مع أنه وآجب عليه ، الإبتسامة صرنا ما نشوفها كثير ، نهب ونصب وكذب وخداع وحيل .. ادخل السوق وشوف السلع كيف التجار ينصبون فيها .. حتى الجهات الرسمية صآرت عليها نآس ما تخآف الله ، مستشفيات بالواسطة وأسرة محجوة لنآس كبارية وفيه مرضى بين الحياة والموت ولا فيه أحد معبرهم ، المدارس والجامعات والدكاترة والمحاضرين سالفة طوووويلة ، المحاكم حدث ولا حرج ،، أنت بس شف محاكم دبي وبعدها موووت قهر .. عسكري أمن الطرق يحرر لي المخالفة ظلم ولا يكتب اسمه على المخالفة خآيف اشتكيه !! تمشي في حآل سبيلك مسافر تآخذ عمرة في رمضان تعدل حجة شوي تقابلك حفرية بوسط الطريق السريع بدون مقدمات أو تنبيهات ! ليه ؟! وين المسؤول ؟! ترا المسؤال كآن شخص مثه مثلي ومثلك ، لكن نشأ بطريقة مثل الزهراني اللي جالس فوق ويذب على أي وآحد يحاول يصلح ، هو منقهر منه لأن الشقيري صآر له شعبية كبيرة ويطلع بالتلفزيون ويسافر ويروح ويجي أما هو ما غير متكي في مكتبة ثمان ساعات طفشان زهقان ومديره يطالبه بمقال يجذب قراء لجريدة الوثن أو بيخصم عليه ويمكن توصل المرحلة للفصل .. الله يعينا على العينات اللي مثل الزهراني ويكثر من أمثال الشقير ويحفظهم لنا يا رب .. الكلآم يطول يومكن لو أنت قدامي قدرت أشرح لك وكلمة منك وكلمة مني تذكرني ببعض الأشياء الكبيرة اللي نآسيها ، متأكد أنا أن ببالي أشياء وخيمة المفروض ما نشوفها بالمجتمع ودي أقولها لكن كثر الكلام ينسي بعضه بعض

إقتباس الرسالة الأصلية كتبت بواسطة M R . M A D R I D أسمي عبدالله كم مره أفهمك أنت وياه بالنسبة للبطولة والكلاسيكو ما أحب أهايط عشان ما أحذوء حذوء ناصر اللي هايط وانكسرت عينه وكبريته معه أن شاء الله فايز فيها كلها

إقتباس الرسالة الأصلية كتبت بواسطة GLAXY سسسسق ي كبييييييير ي خي انت فخر الامه الشقيري هذا دايم يحرجني حتى وقت برنامجه أحرااااااااااااااااااااااااااااااااااااااااج

والله مدري أنت تمدح أو تذم !

يوسف / أسئلتك كلها عن ميلآن وعن الهلال .. نآوي تقلب الخيمة رآبطة ميلآن


سعد تفضل :
زآد فضلك يا غآلي

أفضل خمس لاعبين للميلان في الموسم الماضي بـ الترتيب ؟؟
أبياتي ثم سيلفا ثم إبرا ثم بوميل ثم نيستا ثم بآتو << لزوم نذكر البطة

أفضل خمس لاعبين للهلال في الموسم الماضي بـ الترتيب ؟؟
رآدوي ثم حسن العتيبي ثم الشلهوب ثم ويليهآمسون ثم كلهم سوا

من تفضل قدومه للميلان ؟؟
كنت أتمنى تشآبي ألونسو يوم طلع من ليفربول قبل يروح للمدريد ،
لكن الآن أتمنى غآريث بيل .. و شفآينيشتآيغر .. الميلآن محتاج جنآح ومحور على مستوى عآلمي

وش رأيك بـ أجانب الهلال الحاليين ؟؟
مآ أعرفهم .. إذا شفنا مستوآهم بأقولك رآيي
لكن اللي مطمني أن سآمي موجود بالفريق ، ودآم أبوعبدالله موجود تأكد أن أي لاعب يجي الهلال فهو مو من طينة حيا الله

من كنت تتمنى بقائه ياسر أو عيسى ؟؟
ليش .. عيسى طلع ؟!
عموماً ياسر لابد من خروجه لإعادة تأهيله بعد الثورة الإعلامية النفسية اللي قآمت عليه
أما المحياني فكآن مظلوم بالهلال في مركزه ، اللي أعرفه عن عيسى أنه كآن رآس حربة مع الوحدة
كآن يلعب بالصندوق وهو أخطر ما يكون إذا صآر بالمنطقة .. لكن للأسف الهلال كآن يلعبه على الأطراف ..

وش رأيك بـ ( دول ) مدرب الهلال كـ تاريخ وإنجازات ماضيه ؟؟
مآ اهتميت فيه ولا دريت عنه .. بعد طريقة خروج كوزمين من إتحادنا الموقر
وبعد خروج غيرتيس من إدارة الهلال الموقرة ،، صآر عندي تبلد عن مدربينا

قربت نهاية الميركاتو ولا شفنا المسترX تتوقع فيه مستر x ؟؟ إذا كنت تتوقع فيه من تتوقع يكون ؟؟
مع غآلياني توقع أي شيء .. ممكن نبدأ الموسم الجديد بالفريق الحآلي
ويمكن في 31 أغسطس تشوف لك نجوم سوبر ستار شآيل فنيلة الميلان
مثل مآ صآر مع إبراهيم أوفيتش والميلآن الموسم المآضي
عموماً الوضع يقول أن أحد الإثنين موقع موقع مع الميلان الله لا يعوق بشر ( أكويلاني أو مونتليفو )
وكل وآحد أسوأ من الثاني بالنسبة لي ، إلا إذا ألليغري طور من مستواهم وأدائهم بالملعب
لقب المستر إكس لن أطلقه إلا على لاعب من طينة غآريث بيل أو شفآينيشتايغر

تشكيلة الميلان الحاليه بدون المستر x تتوقع يمدينا ناخذ الدوري ولا صعبه ؟؟
وبنسبة تفوق الـ 50% أو بمعنى أصح لآ زلنا المرشح الأول للدوري
لكن الأكيد أنه لن يكون أقل صعوبة من الموسم المآضي
لأن المنآفسة بتكون أكبر ، لا تنسى أن المركز الرابع ما رآح يشارك بالشامبيونز لو تنطبق السماء على الأرض .

متى يبدأ الدوري الأيطالي بـ التاريخ الهجري ؟؟
يبدأ الدوري الإيطالي يوم السبت 27 رمضان الموافق لـ 27 أغسطس
سهرة السبت بتكون بين كآلياري والميلان على ملعب إيليا وهي ثآني مباريات الجولة الأولى
أما أهم مباريات يوم الأحد من الجولة الأولى فهي : نآبولي × جنوى و أودينيزي × يوفنتوس

قيم الأشخاص أدناه من 10 في الموسم الماضي :

أليغري
أبياتي
نيستا
زامبروتا
بوميل
أمبروزيني
بواتينج
سيدروف
إبرا
باتو
روبينهو
حسن العتيبي
الزوري
الغنام
الشلهوب
الفريدي
عيسى
ياسر

^
وش أقيم الله يصلحك
الفوز فوز للمجموعة ، والخسارة يتحملها الجميع ..
لكن أكيد كآن فيه عنآصر أعطت أكثر من عناصر أخرى ..

عسى ماطولت عليك

لا أبد خذ رآحتك ..
بالرغم من أني مآ أحبذ الأسئلة الشخصية الدقيقة إلا أني مآ كآن ودي تكون أسئلتك كلها عن الهلال والميلآن

حيآك يوسف

سعد وش تعليقك على 57 ألف وآحد يحضرون تدريبآت فريق ؟

يعطيييكم الف الف عأـآأآأآفييييه

(( لآعدمنآأآأآكم ))

.







هذي الوشسمها عندنا بالرياض بأحدى الاسواق ض1 ..

برب دقايق







..... ..... .....