[ يوميات رمضانية " 2 " ] المميز : صمت بين نذآلة الصايم .. والهولستن بنهار رمضان .؟ يوميات خونفشارية .!! - نادي الهلال السعودي - شبكة الزعيم

المنتدى الاستشاري · #1 03/08/2011, 06:04 AM

فكرة : سندريلا الهلال
إعداد :فَيْلَـسُــ زَمَانَهُ ـــوفْ
تصميم : plastic

السلام عليكم ورحمة الله وبركاته ,,
مبارك عليكم الشهر
واعاده الله علينا سنين عديدة واعواما مديدة
وكل عام وانتم بخير,,

▌ ▌|[ـΞـ يوميات رمضانية 1432 ـΞ]|▐ ▐

في سلسلة تعودنا على اللقاء بكم
حملتنا اشواقنا إليكم ودفعتنا رغباتنا لكم
عادت سلسلة يوميات رمضانية في كل
عام اعتدنا على لقائكم وهانحن نجدد
التواصل بكم مع وقفات مع اعضاء
برزوا واستحقوا الوقوف معنا
هم هنا ليسردوا لنا تفاصيل
يومهم مع الشهر الفضيل

۞❤

أهلا وسهلا بكم اعزائنا الكرام
دعونا نرحب وإياكم سوية
بضيفنا لليوم ,, الثاني

المبدع المميز..:

..❤{ صــمــت }❤..

لكي يقوم بسرد تفاصيل يومه مع الشهر الفضيل

ماهو رمضان بالنسبه لك ..؟

اول شي كل عام وانتم بألف خير

رمضان شهر مميز

تختفي به شيطين الجان و يبقي شياطين الأنس

شهر مبارك ,, شهر عباده و روحانيه ,, شهر تكثر في الزيارات و الاجتماعات

و الاهم شهر تدبل فيه زحمة الرياض لدبل الدبل

برنامجك اليومي في رمضان ؟

اصحى قبل العصر

على حسب ممكن اخر العصر ممكن صه ممكن بدايته

اقضب اللاب توب والا الجوال والا على حسب اقرب شي عندي

و تلقى رسايل الجوال و رسايل الايميل و المنتديات و التلفزيون هالحزه 90% منها ادعيه و اذكار و ماشابه

ثم اذا الفطور في بيتنا نسنتر في البيت

و افطر و بالعاده اني ما اكل كثير على الفطور

ملاحظه* دايم اخر من يجلس على المائده انا

مدري ليش

و من ثم صلاة المغرب و بعدها امام التلفاز

نشبع انفسنا من بثارة بعض المسلسلات و غصبن عن ام ام امنا نضحك

و الفطور الثاني او العشاء اللي انا عادة ما امد يدي له

و صلاة العشاء و التراويح و ماشابه

و عاد انا يبغالي وقت عشان اصحصح

اجلس فتره ساعه على الجوال

و بعدها امر اي واحد من الشباب والا واحد منهم هو اللي يمرني

و فرفره و وناسه و سواليف في زحمة الرياض اللي مشوارك ربع ساعه تاخذه بساعتين

و بعدها يا الاستراحه او عند اي مضجع يضمنا في احشاءه

و نتسحر و ماشابه

و كذا الى صلاة الفجر

و بعد صلاة العشاء مافيه شي معتاد اسويه يعني يكون يوميا

يعني مره يدق علي احد و افرفر معه و الا على اللاب توب والا نايم

الى الساعه 7 او 6 ثم نووومه

ماهي اكلتك ومشروبك المفضل في رمضان ؟

لقيمات

سمبوسه بالجبن

فمتو

متى اول مره صمت فيها .واذا عندك مواقف مع الصيام اذكرها ؟

والله صمت وانا صغير

بس كنت اصوم يوم و تسعة و عشرين يوم افطر

مواقف كثيييييييرة

مثلا كنت اصوم اصوم اصوم

و قبل الاذان بخمس دقايق اقوول جوعان يقولون لي اصير باقي شوي

اقول لا خلالآلآص بفطر

و تمسك معي

افطر قبل الاذان بكم دقيقه

و اذا صمت و فيه احد من عيال خالي الصغار صايم

افر راسه و العب عليه لين يفطر و انا باقي صايم

سبحان الله خالي كان يقولي كل ما شافني انت وش مطلعك برمضان

يعني كنت اجيب ولد خالي اسمه فصيل وهو في عمري تقريبا

كنت اقوله افطر وشوف انا بفطر و هكا

و يصدق و اقوله افطر وانا معك

و اذا افطر سحبت عليه

و اذا هو صايم وانا مفطر غصب اخليه يفطر

و اقوله يلا بنفطر و لا تعلم احد و للحين محد يدري الا انا وهو وانتم بس

هااااه لحد يعلم

موقف لاينسى حصل لك بـ رمضان..؟

موقف حصل لي رمضان الماضي

كنت في العصر طالع بسيارتي افرفر

عاد كان اول يوم او ثاني يوم ما مداني اتعود

وقفت عند بقالة محطه

عاد العصر فيه زحمه

و اخذ هلستون فراولة و احاسب للبنقالي ولا قالي اي شي

المهم و افتحها و اشوف الناس تطالع فيني

وانا طالع رايح لسيارتي و اقعد امزمز

والله ما مداني اشرب نصها الا انا تذكرت و توي ما ابعدت من المحطه بغيت ارجع اعلمهم اقوول والله ناااااسي

و البنقالي و عيال الستين جد محد علمني

فالحين في النظرات الخوزازيه و الكلام

فيه مواقف بعد بس ناسي والله

اذا تذكرت رجعت علمتك

كيف نظامكم واجوائكم في رمضان ونظامكم بالفطور والعشاء والسحور.؟

اجواءنا مثل اجواء اي عائلة سعوديه

الفطور مع الاذان

و العشاء او وشسمه <<بجميع المسميات

يكون فيه كل مالذ و طاب على عكس الفطور الاول اللي يكون خفايف

و السحور عادة يكون متأخر

يعني على الساعه ثلاث و مافيها

هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟

لا والله

صحيح فيه تغيرات بس بسيطه

بعدين انا ماني قديم مررره

يعني بس رمضان اول كنت افطر و رمضان هالاوقات اصوم

يعني افتقدت الغداء في الظهريه و الناس صيام

و افتقدت كيف كنت اقهرر الصايمين و اكل قدامهم

رسالة الى الكل

اهنيكم برمضان و اقول لهم عساكم من عواده

هل تحب تصلي في المسجد القريب من بيتكم او تحب التغيير
ومن القاريء الذي تحرص على الصلاه خلفه في رمضان؟

القريب من بيتنا

اصلا المسجد القريب من بيتنا يجونه من بعيد قاصدين الصلاة فيه

لانه قريب

نبي صوره تلتقطها لنا من يومك الرمضاني المجال مفتوح لك..؟

هذي الصور لو تعرفون وش المشاكل اللي صارت لين تصورت

اللي معي يوم عرف اني عندي يوميات و لازم اصور صورة

اجتهد و طلع لي فكرة اني اصور ببسي و تكوس

مدري وش المقصد لكن المعنى في بطنه اقصد في بطن الشاعر

أجمل رمضان عشته حتى الآن , متى ولماذا ؟

رمضان انا عندي كل سنه يحلللللؤؤؤ اكثر

بس لو الله يفكنا الزحمه

اليوميآت الرمضانية :~

اليوم صحيت الساعه 5 تقريبا

جلست عند التلفزيون حاط على العريفي على دبي

و ماسك الببي اسولف مع الحبايب اللي عندي

و نطلع على كل ماهو جديد

حتى ان اتى وقت الافطار

و كان الفطور عند خالي

كان فيه بزر بثر مجنني يذكرني فيني يوم اني صغير

اذا مديت يدي و اخذت لقيمات يمد يده و ياخذ لقيمات

و اذا مديت يدي و اخذت عصير فيمتو يمد يده و ياخذ عصير فيمتو

و على هالحال يقلد و جالس جنبي ولا اقدر ادفلج خشته على الفطور

عاد هذا سميي خلووودي مقدر اقوله شي

و خلصنا و صلينا المغرب

و جلسنا نتابع طاش و ناكل مما لذ و طاب

و بعدها اذن العشاء انا كنت توي احس بصداااع عجيب غريب

و بعدها رحت صليت التراويح في المسجد القريب من بيت جدي لانهم بيرجعون بعدين

و صليت العشاء و قليلا من التراويح

لان والله الامام يمغطننناااا مغط

وانا هالايام مصصصصصصدع

و لازم اول كم يوم نحضر الجمعات هذي و ال الساعه 10:30 تقريبا

و بعدها اتصلت على عبووود

عبود ترا موب فيلسووف

واحد ثاني

رحت انا وهو لمتجر الهلال

يمكن المره رقم 16 اروحله

و بعدها اخذت لي موكا وهو مدري وش قام يحووس

موكا بارد ابغا ابرد

و جلسنا نفرفر هناك شوي

و نشوف هالناس الفاضيه هناك

<< مسوي طالع منها

و بعدها رحنا لواحد من الشباب

لقيناهم يلعبون بلوووت

هاللعبه ما اطيقها

ولااا اعرفلها و لحسة مخ سلام شايب بنت ديمن شريه

بس مسكت يد البلايستيشن كسرت روسهم

<<مهوب الظاهر

و بعدها تسحرنا و لقينا من الله خير و سواليف و و و << شكلي طولت على فيلسوف

ثم رجعت و تركتهم بعد ما ارسلي عبدالله الصورة حقت الببسي مع التويكس ههههههههههههههههههههههههههه

و تركتهم عشان اكتب اليوميات اللي كل شوي تطير من يدي

بس قبل ما اخلص ابغا اقولكم موقفي مع فليسووف

انا كنت مسافر و رجعت قبل رمضان باسبوع

لقيت رسالة بخصوص اليوميات

رديت عليها وانا متأخر في الرد لاني كنت مسافر << مالكم شغل

قلت اوك موافق

بس حطلي يوم متأخر مو في البدايه عشان اول ايام يكون الجدول ملخبط شوي

قال اوك بعد شوي ارسل لك يومك المخصص

قلت اوك

ارسلي يومي المخصص

حاطني يوم 30 رمضاان

قلت تبغاني اكتب لك يومياتي في العيد

ههههههههههههههه

هالولد ما عنده وسط يذبك ذبه في اخر الدنيا

نزمح معك فيلسوف ترا

<<ما كانه شطح

يلا اسف على التاخير

نراكم على خير

كل شكر موصول

للمبدع --|"صــمــت"|--

وإنتظرونا غدا مع الرائع:-

hilali+milani