إقتباس الرسالة الأصلية كتبت بواسطة محمد المتعاني اخي الكريم ابو حنين ومن انساق معه في نفس الراي انتم غلطانين فيما ذهبتم اليه لان الشركه هي الكسبانه واذا دفعت 20مليون فهي لن تدفع من جيبها بل من المشتركين وهي ماقدمت عرضال10 مليون الاضافيه الا لانها عارفه انه اذا زد العدد زاد الربح ولعلمك هذي المشكله من البنوك وليست من الشركات لانها صرت معي وقالو لي نفس الكلام لاكن مو شركة موبايلي الاتصالات السعوديه قالو ماوصل السدد والسبب من البنك ورحت البنك قالو السستم بطيئ فارجو منك ومن غيرك عدم طرح مثل هذا الموضوع عن موبايلي لانها جزء من الهلال وانا عندي باقة الموج الازرق من اول ماطلعت وهي حلوه وماعمري وجهت اي مشكله ولاكن كنت اطالب ان الاداره تظغط ع موبايلي بحيث ان الدقائق المجانيه تكون مناصفه بحيث تكلم بنصفها داخل الموج الازرق والنصف الثاني لعموم باقات موبايلي وان لا تكون فديو فقط وتقبلو تحياتي

انا معك في كل كلمه قلتها موبايلي اهي المستفيده من زيادة المشتركين لأنها لن تدفع ريال واحد لزعيمنا
كلام واضح ياحلو

صـــــــــــــــــــــــــحــــــــــيـــــــــــــــــــــح الكلام أنا لي شهر اتصل على الشركه مايردون يوصل ساعه مايردون واخر شي
اضطر اني اغلق الخط وش هالحاله الاتصالات هالحين تميزت ارجو من المسؤلين انهم يشوفوا الةضع ولكم مني جزيل الشكر
مبروك عليكم رمضان الله يجعلكم من صوامه وقوامه،،، آآآآآآآآآميييييين

لا وأزودك من الشعر بيت

أنا رحت لهم وقالو الباقة وقفوها اللحين

هل صحيح انهم وقفو باقة الموج الازرق مجرد سؤال ؟؟؟؟؟؟؟؟

افا يا موبايلي
لا يكون صحيح تسوهل حركاات

ارفعي علووومك ياموبايلي هههههههه

والله أنك صادق أخوي ،، أنا كانت معي نفس المشكلة قبل كم شهر كنت بكندا وكنت أستخدم موبايلي عشأن الوالد والوالدهـ مايعرفون يتصلون على رقم دولي لذلك هم حافظين الرقم كأتصال سريع بعد 3 اسابيع صحيت من النووم ابتصل عليهم مافيه شبكة ؟؟
أحاول أحاول رفض اتصلت بعد يومين من تلفون بيت بكندا وأمي ضايق صدرها تقول لأن يومين نتصل عليك وجوالك مقفل قلت ايه
السالفه كذا وكذا .. المهم رأح صاحبي لموبايلي بالرياض لأني كنت أحتاج الجوال حتى لو بغيت ادخل ع حسابي ببنك الراجحي يرسل لك الرمز على الجوال السعودي ،، المهم رأح صاحبي لهم قال كيف تقطعون الجوال بدون ماترسلون الفاتورقال بعدين صاحبي حاط لكم رصيد 2000 ريال قال ماوصلنا شيء بعدهـا كرهت شيء اسمه موبايلي .. حسبي الله عليهم

دامها ماتبي تعطي الهلال 20 مليون وشوله سوت شراكه معه اجل ؟
ياحبيبي الشركه تبي مشتركين فوق المليون لو حصل بعد صاحي انت !!!!

والله تبون الصدق مافيه اطلق من شركة زيـن ، بصرإحة آخر رإحة وان كانت حق شيعه
بالنسبة لي ابحث عن راحتي في استخدام البلاك بيري على اعلى مستوى وفي الاتصال النت على اعلى مستوى
وكذلك الاتصال ل شخص من زين ل زين فيه مجاني وفيه من زين ل زين ب 5 هللات فوالله انها راحه ،

بلا موبايلي بلا هم والله ثلاث شرايح موبايلي اني رميتها رمي يقصون علينا وينهبون نهب

كلام سليم والله يعطيك الف عافيه عليه ومشكووور
وان شاء الله بتتعدل الامور وبيوصل كلامك لشبيه الريح

أنا صاير معي نفس الحكاية .. طفشت و أنا اسددهم
والمشكلة أني مسوي إعلانات للموج الأزرق بين الشباب و العائلة ..
ولكن يرجع يسب فيها من كثرة تتطفيشهم خصوصاً الفترة الأخيرة ..
للأمانة قبل سنة كانت ممتازة جداً و بدأت خلال الفترة الأخيرة بحركات التطفيش ...
أنا أسددهم ع طول و عندي رقمين لكن من كثر الفواتير بالرغم أني ما أكلم .. و الرسائل عندي معدومة نهائياً .. و تجيني فواتير مبالغ فيها .. الحين خليت الجوال أستقبال بعد ما سددهم وبعدها بيومين فصلت الخدمة .. قلت خلاااااااااااااااااص توبة .. أخذت شريحة شحن .. و كمان لأهلي لانه أشحن بعشرة تكفيني أسبوع .. و أما فواتيرهم مبالغ فيها .. أخوي غير الموج الأزرق إلى باقة اخرى كثيييييييرنفس حالة اخوي غيروا بقاتهم ...



كثير ودعوا باقة الموج الأزرق ..

ارجو تصعيد موضوع زي هذا لهيئه الاتصالات

انا حصلت معي نفس المشكلة مع اني من المشتركين القدامى اشتركت فيها بخطين بعد ما تم الاعلان عنها بثلاثة ايم فقط

الى الان وصدقوني من قبل لا اقرا هالموضووع افكرا جديا بتغير خطوطي لأي شركة ثاني بسبب مشاكل كثيرة ما كانت موجودة

ضغف شديد بالشبكة وخاصة الجيل الثالث تعبان وزفت

الانترنت سار عليه كلام كبير وسارت الشركة ربما تنتهج نهج آخر اقوول ربما مع اني مشترك على المفتوح لكني ندماااان بجد

موبايلي من حبنا في الهلال اشتركنا وربما سياستك الجديدة تخلينا نعيد النظر الرجاء الرجوع للمسار الصحيح المعروف عن الشركة

والا ستكون شرايحكم لك وخطوطنا منقولة الله لا يعوق بشر

موبايلي قامت تخربها

شكرا على موضوعك الرائع

موبايلي قامت تخربها

شكرا على موضوعك الرائع