اقول انت ويا غني ياليل مطولك

السلام عليكم

فيه اسباب مقنعة بس انت ماتبي تقتنع صراحة

افهم المراعي مدعومة من الحكومة

ليش الطمع الملك عطانا زيادات الحمد لله ما صدقوا الشركات

وبالذات المراعي والصافي رفعوا الاسعار

تبي تقتنع الحمدلله ما اقتنعت بسلامتك لانك مطول السالفة

وواضح انك ماتبي تقتنع

انت ما اقتنعت انك تقاطع فيه غيرك

تحياتي

وعليكمـ السلامـ

هلا والله فيكـ

سبب المقاطعه وهو الزياده بالسعر ,, اخبره منول بـ 5 ثمن بـ 6 ثمنـ 7 وصار بـ 8 وعقب المقاطعه رجع ,, يكفيك ان راعي الشركة ماهو بـ حاجه الى الزيااده المفرووض ان يرخص بالسعر ,, ولا بعد مارجعو السعر نقصوا الكميه !

انت يمكن منعمـ الله عليكـ ولله الحمد او ,, انكـ شغال بـ شركة المراعي تسوي دعايه لهمـ ,,

المشروباات الغازيهـ < جااييـن عليهاا الدور ان شاء الله ~~> امتلت السياره من النصوص و العلووك

مقارنتكـ سيااارة بـ لبن ماهي مقااارنهـ و الله ,, السيارة تقعد عندك ع الاقل و ترووح فيهاا ,, ام اللبن يومين وينتهي تاريخه + في شركاات بديله


اانــاا عن نفسي سلمليـ ع طــاســـــة مليــااآنــه حليب نيــاق بلا مرااعي بلا همـ ~~> افكر افتح شكرة حليب نياق



تقبل مروري

ياحبيبي المراعي والصافي رفعت سعرها طمع لا اكثر ولا اقل

يعني لو رفعوا الاسعار عشان المواد الاساسية ارتفعت سعرها معقوله
وكمان المراعي حقت امير !
يعني الزبده كلها طمع × طمع

سبب المقاطعة اخوي حمود... ان الناس خلاص ما تبي تصير سلم لكل تاجر متى طقت في باله رفع .. لازم يوقفون حد.. الملك الله يحفظه يصدر اوامر .. ووزارة التجارة وحماية المستهلك ما حولك احد .. بتقولي رح اشتك عليهم.. ردد يا ليل ما طولك وهذي هو وزارة ... ياخوي يمكن انت الله مغنيك وعندك خير .. تدري كم الزياده سنويا على كل بيت تقريبا 300 ريال سنويا .. وعليك الحساب..

مقاطعة البيبسي اعتبرها بداية خجولة وكانت لها اثاراها .. الحين مقاطعة المراعي اثبتت نجاحها وخسرت المراعي ..

ليش انا كمواطن ما اعيش حياة كريمة ما دخل في جشع التجار.. تدري ليه الناس ما تقدر تبني .. تستر عيالها .. تأمن لهم لقمة عيشهم .. بسبب رفع الاسعار اللي ماله داعي..

كثير من الناس ريال يفرق معهم .. طيب انا الله مغنيني اقول ما علي منهم وماني مقطع.. انا اقول بيجيك الدور

طبقات المجتمع اول كانت غنية متوسطة فقيره


اغلب السعوديين من الطبقة المتوسطة.. الان هذي الطبقة بدت تنمحي كلها بسبب الجشع الغير مقنع


مقاطعة المراعي بداية .. ودرس لكل شركه او تاجر .. ان الشعب مو سلم يتسلقون عليه ..

وانا اقول حتى لو رجعو اسعارهم .. المفروض تتم المقاطعة جزاء تأديبي




والله يا خوي حمود .. اذا التاجر رفع سعره بسبب مقنع والله محد يتكلم ويقاطعه بالعكس يحترمونه ... اما يرفع سعره لان الشعب السعودي مغلوب على امره وزارة نايمة وحماية المستهلك يتهاوشون على زيادة رواتبهم اللي واصلة لل خمسين الف

ومالنا امل الا بالله ثم الملك .. وين احترام الوزارة والتجار لقرارات الملك .. والله مفروض يسجنون لان عدم تنفيذ اوامر الملك ما هو الا عصيان

الكلام يطول ويطول ..الجيل الحالي جيل جديد مثقف متعلم .. البلاك بيري مو نزلت سعره بالسعوديية تدري ليش.. لان اغلب الناس يتراسلون وبيقاطعون ونزلت الاسعار .. هل تتوقع خسرو خساير كبيرة بالعكس
الله يوفقك والشهر علينا وعليك مبارك
شف هالمقطع حلو راح يفيدك

‫ساعة حوار ـ غلاء الأسعار وجشع التجار ـ د. عبيد العبدلي‬‎ - YouTube

إقتباس الرسالة الأصلية كتبت بواسطة الهلالي حموود * حيآك يالغآلي كل كلآمكك على عيني ورآسسي أنأ أقولك زيآدةة الأسعآر مهلككةة بس آنآ آتكلم من بآب المنططق يعني ، آذآ كنت خسرآن مآ تبي تستفيد هذآ المقصدد للحين مآ فيه سبب مقننع للمقآطعةة بقولك شيء بعد ، الملك ممآ تكلم عن زيآدةة الأسعآر ؟ صح ولآ لآ ، شوف كيف سعر السكر الحين ؟ قولي المقآطعة سوت شيء شفت مسؤلين السكر ترآجعوو عن رفع الأسعآر ؟؟ آنآ قلت من وجهةة نظري فيه طرق رسميةة ، تحرج المرآعي آكثر ، برقية للملك وكفىآ شكرآ لكك -

إقتباس الرسالة الأصلية كتبت بواسطة الهلالي حموود * يآ حبيبي آعطيني شركةة وحدةة آعلنت أو بآن آنهآ تأثرررت بالمقآطعةة هذآ اللي قلتتته آشيآء كثيرةةة غآلية ، ليه المرآعي بالذآت شكرآآ لك * * أتمنآ من اللي يقرى الموضوع ويبي يرد ، يقرى الردود لأننه فيهى توضييح لكلآمي ، فيه كثير مهم فآهمين تهجم وبس

يا خوي نادك قبل سنة قربو من الافلاس << بدون مقاطعة ..

ياا خوي مو بس المراعي الصافي ونادك بعد ...

شوي شوي ونقاطع مقاطعات قوية لكل الاشياء ...

واذا ما اقتنعت ما فية امل تقتنع

انت ودك تقتنع

الشركه ارباحاها بالملايين ويمكن مليارات ..وانا والله لااحسد احد

ولكن جشع وطمع وهم ربحانين

ويبون يسوون مشاريع جديده قالوا خلونا تخلي الشعب هم يدفعون لنا ولو جزء من المبلغ

اليوم ارنفع ريال وذا شافوا ان محد قاطع كل الشركات تبي ترفع وكل فتره يبي يرتفع السعر

وبعدين فيه ناس على قد الحال نلقاه يشريه مجبور ويدفع الريال زود وهو منقهر لأن الريال ذا كان يقدر يشري فيه خبز فيه 6 او 8 حبات للبيت كامل

وبعددين صارت فيه حملات على البيبسي والكولا لكن مانجحت لأنه مشروب الشباب المفضل ولا له بديل وشبابنا كثارين ما شاء الله

صراحة عندنا ببريده وفي اكثر البقالات والاسواق تتكدس منتجات المراعي والسبب المقاطعه

قد لا تستمر المقاطعه طويلا ولكنها اتت مفعولا ولله الحمد

واكثرنا رأى المقطع الذي يلقون بمنتجاهم الزائده بــ(القمامه)والسبب المقاطعه

وصورة الخطاب الذي يحث الشركه لتصريف البضائع المتكدسه للجمعيات<<يعني فيه ناس فقراء استفادوا من المقاطعه

بالنسبه لي هذي اسباب تخليني اقاطع المراعي ومنتجاتها مدى الحياة

ورساله للشركات الكبيره انها تحافظ على اسعارها

شكرا لك

ياحبيبي إذا الله أنعم عليك وما يفرق عندك الريال ترى يفرق عند غيرك أنا يفرق عندي
بعدين الغازيات ماعاد أشتريها أنا زي أول من ارتفع النص كنت شبه يومي أشتريها الحين بالاسبوع مرة زين

بعدين عندي لبن نادك أفضل بكثير من المراعي واكتفيا

أبسألك سؤال..!

هل انت من شركة المراعي ؟
اذا الجواب لا

هل عينتك شركة المراعي محامياً لها...؟؟
اذا الجواب لا

خل العالم تقاطع اللي تقاطعه وش عليك انت..؟!

محدن قاطعك علشان تنزل الموضوع

بعدين المراعي شركة سعودية

لاهي اللي خسارنه
ولا هي اللي تدفع للجمارك فلوس علشان تدخل بضايعها
ولاهي اللي حسنت جودتها
ولاهي اخر شركة البان في السعودية
ولا البقر قامت تموت علشان يقل اللبن ويزداد الطلب عليه

ليه تزيد اسعارها؟؟

بالنسبه للببسي والسكر

الببسي والسكر لو يقعدون 6 شهور مانتهى تاريخهم

لكن اللبن اسبوع ويخنز
يعني ينفع معهم المقاطعه

بعدين الببسي رفعوا سعرهم نص ريال
لان السكر ارتفع
ومن عرفناه بريال
لاكن اللبن كل سنه يرفعونه

بعدين لا فادت المقاطعه نكمل على باقي الشركات
بعدين لو كل شركه رفعت ريال
بدخل البقاله بشتري من 20 شركه
هذي 20


20 تعيش اسره يوم كامل

احطها ببطن واحد محتاج ولا في كرش واحد مايدري وين يودي فلوسه من كثرها


ومن الاخير ......

تقبل مروري...............

مبآآرك عليكم الشهرر..
تقبل الله صيامكم وقيامكم..
حينما يصبح ارتفاع الاسعار عاده عند تااجر و حماية المستهلك لا تتدخل....
فـ ما الذي سيوقفه من رفع اسعارة..؟؟
(المقااطعه)..
.......
شبااب..عندي تصاميم للمقاطعه وين المكان المناسب الي احطهآآ فيه ...؟؟

المقاطعات حرب بين الشركات المستهلك مستغل فيها

عن نفسي عمري ما قاطعت ولا راح أقاطع اذا منتج ما احبه ماراح اشتريه

ولو ما عجبني سعره ماراح اشتريه لكن ما ادعوا الناس لمقاطعته والمنتجات البديله المماثله رافعه واتجه لها

هي وجهة نظر أنا ما احب حملات المقاطعه احسها موضه بايخه

بالحب والإشراق