السلام عليكم ورحمة الله وبركاته

بسم الله الرحمن الرحيم

اصبحنا واصبح الملك لله

بعد صلاة الفجر دخلت الشبكه عشان اقرا اخبارالصحف من الشبكة وياليتني ماقريتها لان النوم طار


اخبار إن صحت والله تسد النفس وان شاء الله انها ما تصح وانها مجرد اشاعات لكن حق الإداره علينا انها تسمع وجهة نظرنا لان لو طلعت الاخبار صحيحه وتمت ماعاد ينفع لا وجهة نظر ولا كتابه ولا صوت .

احس ان إدارة الهلال توصل الى مراحل تقول فيها وش هالإدارة الذكيه

ومع هالأخبار تقول وين يروح الذكاء هذا فجأه ولا الانديه الثانيه تاخذ اللي تبي بكل سهوله والهلال اذا بغى شي مايجي الا بشق النفس منهم .

في برنامج الطبعة الرابعه

صرح سمو الامير عبدالرحمن ان الهلال ما راح يجيب اي لاعب محلي الا اذا كان افضل من لاعبين الهلال

ولكن اخبار اليوم تقول الهلال يقايض المحياني بالسلطان !!!!!! قمة التناقض مع تصريح الامير حتى الامير احس من كلامه للبرنامج عن المحياني مثل اللي يقول انه بيروح يعني مانفى الموضوع قال كل شي مفتوح يعني فيه شي قاعد يطبخ بس اذا كان مثل هالأخبار فالطبخه سامجه مع احترامي وتقديري للجميع.

مايكفي الجيزاني ولا تعتبر صفقة ناجحه الجيزاني

ليه البلطان مايفك حسن معاذ او فكر مجرد التفكير في التفريط فيه ليه مايعطي الهلال الا اللاعبين اللي اقل من لاعبين الهلال مستوى ويطمع بالافضل من عندنا.

لو الخبر كان مقايضة حسن معاذ بالمحياني ممكن نقتنع

لكن مهاجم بمهاجم والمستويات مو متكافأه مشكله والله

المحياني يعتبر ثالث مهاجم في الهلال بعد الأجانب والاول في المحليين . لسبب المستويات اللي قدمها خلال موسمين تشفع له بهذا التقييم.

لا احد يجي ويقول عندنا تكدس مهاجمين طيب ليه تجيب السلطان اذا عندك تكدس!!!

ليه الخبر الثاني مهند عسيري يقترب من الهلال قلوا اللاعبين

ابيع المحياني واجيب مهند عسيري

بأي منطق وفكر

المحياني وجوده مهم عندك 30 يوم العربي ماراح يكون موجود وهو له الأولويه انه يلعب اساسي لان ياسر مستواه هابط ولا تضمنه اصابات ومستوى متذبذب.

اتمنى انها مجرد اخبار صيف وان لم تكن اخبار صيف فأرجوا من إدارة الهلال ان تحترم رغبة الجمهور وان لا يكون المتحكم بالقرار شخص واحد يعاكس تيار الجمهور فيغرق ولا يجد من يشفع له واللبيب بالإشاره يفهم.

دمتم بخير

لكل من مر من هنا