|
دلع اللاعبين يعصف بأمال المدرب الرائع بلاتشي .........هـــام لكل هــلالـــي !!! [c]بسم الله الرحمن الرحيم [/c] السلام عليكم ورحمة الله وبركاته : تدرس أدارة نادي الهلال أقالة المدرب الروماني / بلاتشي !!! سؤال إلى أدارة نادي الهلال ؟ ماذا أرتكب بلاتشي من خطأ حتى تبحثوا عن غيره !!! أشرك اللاعبين المحبوبين لدى بعض الجماهير رغم تدني مستوياتهم وهم الذين يقال عنهم لاعبين الخبرة في الفريق !!! وهم الذين عصفوا بأمال الزعيم وبتاريخه . بلاتشي عندما درب الزعيم في المرة الأولى في عام 1418هـ حقق بطولة الخليج في عمان وبطولة الدوري بنفس اللاعبين الذين يلعبون الأن , والذي أختلف فقط هو العنصر الأجنبي وأعتزال بعض لاعبين الفريق . المشكلة ليست في بلاتشي وأنما في اللاعبين وأكبر شاهد على ما أقول أستهتار عبدالله الجمعان في أخر 20 دقيقة في مباراة العربي !!! وبرود حسين العلي الذي يعتبر قناص للفرص ولكن لايتحرك أنما ينتظر الكورة تجيه ولكن يعتبر أفضل من غيره . عبدالله سليمان مع أحترامي له فهو لايجيد سوى الأنبراشات والجميع يتذكر بندر تميم وش سوى فيه رغم خبرته !!! هل بلاتشي قال للدعيع خل الكورة تفلت من يديك !!!! والدعيع ضيع الزعيم في مباراة الرياض والنصر والأن أمام العربي ورغم ذلك عندما ننتقده يطلع لنا جمهور ويقول الدعيع نجم و..... نحن لاننكر أنه نجم ولكن أذا هبط مستواه أعطي فرصة للمبدع أحمد ضاري . للتذكير لعب الهلال في الدوري 15 مبارة شارك الدعيع في 14 مباراة ودخل مرماه 14 هدف وأحمد ضاري لعب مباراة واحدة فقط ولم يدخل مرماه أي هدف . أي في كل مباراة لازم يجي في الدعيع هدف . أعتقد أتى الوقت الذي يستريح فيه سامي الجابر ومحمد الدعيع وعبدالله سليمان وأحمد الدوخي وعبدالله الجمعان وحسين العلي وتعطى الفرصة للاعبين الشباب أمثال / ذياب مجرشي ومازن الفرج وسلطان البرقان وقنات القنات وأحمد ضاري وغيرهم من اللاعبين . أتمنى أن لايكون بلاتشي ضحية لاعبين لايقدرون الشعار الذي يلبسونه . |
BELATSHY NEMBER ONE والله بلاتشي عاجبني |
أقول أها بس ... شلون تقول عن مدرب ممتاز وهو حاط الورقة الرابحة المسعري ولطف .... وبعدين متى جاء الوقت اللي يستريح فيه الدعيع و .... الدعيع ما قلنا شي نريحه لين يرجع مستواه وأيضا عبد الله سليمان .. طيب والباقين وش ذبهم ؟؟؟ وليش ما ذكرت في اللستة اللي ذكرتها اسم نواف وهو في عمر الجمعان والدوخي .. عموما بتشوفون الهلال غير بمدرب آخر غير بلاتشي .. ورجاء لا تزعل من كلامي ..... تحياتي ... |
بلاتشي فلسسسسسسسسسسسسسسسسسس |
اخوي نقوشي انت في مواعيد المباريات كويس لذلك خلك فيها اجل سامي يستريح:mad: |
بلاتشي لايمت للتدريب بصله ... ... .. . المدربين ثلاثة أنواع نوع يحقق البطولات في في وقتها وربما يغيب عنه بناء فريق مستقبلي ... .. ونوع يبني فريق للمستقبل ويغيب عن البطولات الحاضره ... .. ونوع ملم يبني فريق للمستقبل دون الركن للخسائر ودون تضييع البطولات بحجة البناء... .. ____________________________________________________________ وبلاتشي ليس من أنواع المدربين لأنه لايجيب بطولات بسياسته (حتى كلمه سياسته كبيره عليه) أقصد استهباله , لاتنظيم ولا لياقه ولا اعداد نفسي ولا تكتيك ولا تغييرات صح ولا تعديل في مجرى المباريات . ولا ازيدكم من الشعر بيت ولا فيه امل يعد فريق للمستقبل اجل يرجع المسعري ويرجع لطف ويجلس الصغار اللي الهلال في حاجه لخدماتهم العمودي الصالح الجري وصفقه نخسر عليها ((الخثران))لأجل يلعبه في مركز ليس مركزه, الهلال تعاقد لتصحيح وترميم الجهه اليسرى مع الخثران ليكون وسط صانع العاب ويساند الجوانب الدفاعيه والجري ظهير رائع اتوقع له المستقبل في حال أخذ الفرصه ولم يدمره الهلال . ... .. . وتقولون مدرب يا شيخ ريحونا بس غيروه وشوفوا الهلال الحقيقي . |
انا معك اخوي نقوشي المشكله ولأفه الجديده الى ابتلا بها بعض اخوتنا جماهير الزعيم هي التحول من تشجيع الزعيم الى التشجيع لنجم ولنجم فقط حتى لو لم يضهر بمستواه سوف يجد من يمجده ويمتدحه وهوا لمسكين النجم يصبح في حيره هناك من يقول له انت لم تقدم مستواك المعهود في المباراه !!!!!!وهناك من يقول له انت النجم وانت الفلته والنادي بدونك لايسوا فيتصور ان من انتقده هو عدوه ومن امتدحه هو صاحبه وانا اقول هنا في هذا المنتدي ان جميع من لعب في الدوحه كانو اشباه لعيبه واكرر جميعهم من الدعيع في الحراسه حتى سامي في الهجوم واستثنى منهم الشلهوب ولشلهوب فقط وخيرا فليبقى الهلال ولهلال فقط فنحن لم نعشق سامي او التمياط اوالجمعان او.. او...ومن سبقوهم النعيمه والمصيبيح او التخيفي اونجيب او ريفو الا لانهم يلعبون الهلال فمن يلعب ويضحي للهلال فهو نحمنا المحبوب ومن يتعالا على الهلال فسوف تلفضه الذاكره وصدقني اخو نقوشي لو جابو لهم مدرب ثاني سوف تبقى المشكله وهي دلع الاعبين وسوف اكرك ياخي بذلك لو غيرو بلاتشي وجابو غيره سوف تعود الاصطوانه من جديد بسب المدرب مهما يكون سوا كندينو او يردانيسكو او غير فقد جاء ارثر وماتورانا ولعه موجوده لان تتغير |
هلا أخوي فتى المدينه وبصراحة أشكرك على رأيك الجميل لأنه بعيد كل البعد عن التعصب . أخواني الأعزاء واثق والماهر وhmodi9 سأظل أنتقد سامي الجابر أو غيره من اللاعبين الذين هبط مستواهم حتى يستعيدوا مستواهم والا الهلال كيان لايتوقف على لاعب وسيخرج مثل سامي الجابر وأفضل وسيظل يحصد البطولات سواء بوجود سامي الجابر أو بدونه . أخوي كحيلان أشوفك منتقد بلاتشي أجل بلاتشي ماهو عاجبك والله زمن العجائب . هلا والله بأخوي ابوراشد كثر الله من أمثالك نعم نحن لانشجع لاعب أنما نشجع كيان . |
مساء الورررررررررررررررررررررررررررررررررررررررررررررد حي الله نواف وكل عام وأنت بخير . بالنسبة للسيد بالاتشي : فهو مدرب جيد ولاشك في ذلك . وإن كان إبعاده عن الفريق هو (( ضريبة )) الخروج من كأس الخليج فأنا أرفض هذا المبدأ لأن الجميع كانوا سيئين ومن ضمنهم بالاتشي وكذلك الاعبين . @@ أما لو كان إبعاده لسبب غير ذلك ،، فهنا نجد أن من مصلحة الفريق إبعاده . ملاحظات هل أحمد ضاري يعتبر من ضمن الاعبين الشباب ؟ إشراك الاعبين الشباب شيء جميل ،، ولكن يجب تطعيم الفريق بلاعبي الخبرة . سليمان والشريدة لا يلامون إطلاقا في هذه البطولة لإن السبب فيما حصل لهم ناتج لضعف الأظهرة وعدم مساندة غير لاعب المحور لهم . @@ إذا كان سامي ونواف لم يقدروا هلالهم فماذا تسمي تضحيات كليهما في سبيل الأزرق . (( سامي لعب وهو مصاب تنفيذا لرغبة المدرب ،، أما نواف فلم يكمل مباراة واحدة كاملة منذ عودته من الإصابة لذلك لاتطالبهما بأكثر من ماقدماه )) أما الجمعان فأوافقك أنه كان مستهتر . حسين العلي : مجتهد لدرجة كبيرة ولكنه أفتقد صانع لعب وأفتقد مساندة الجمعان كذلك . سليمان لايلام . الدوخي لازلت عند رأيي القديم بأن الدوخي لايجيد التغطية الدفاعية مثل إنطلاقاته الهجومية . وجهة نظر!! |
او كيه ابو راشد كلاااااااااااامك سليم وانت كذا تدين بلاتشي .. وشهد شاهد من أهلها .. طيب ليه مايلعب ذياب مجرشي , احمدالجري, فيصل الصالح, العمودي , خالد عزيز. ___ ما دام الكبار مستهترين ليه مايغير التشكيله ____ لأنه مفلس وضعيف ولايملك الجرءة |
احسنت اخوي كـحـيـلان انا معك بس بنسبه للجري اخوى تراه مع منتخب الشباب واعتقد انه اصيب معهم واعتقد انه اخطا في عدم العابهم وراهن بنجوم وخذلوه واعتقد انه سوف ينتبه لذالك في القادم اما اذا استمر في نفس التشكيله فاني اضم صوتي معك انه مدرب مفلس وهذا لايمنع ان نقول ان هناك دلع في العيبه وتقبل تحياتي |
خوي نقوشي... كلامك عين العقل... فعلاً..ليش ما يستريح الجابر والأسامي اللي ذكرت؟ نجومية أي لاعب وحبنا له يجب أن لا تعمينا عن عيوبه...اللي يبغون النجوم السابقين يضمنونها أساسيين لمجرد انهم كانوا نجوم...هم عاطفيين بالدرجه الأولى!..وتنقصهم الواقعيه...مع احترامي لهم جميعاً... أما بلاتشي في اعتقادي ان اللاعبين وهقوه...أنا قلت قبل كذا ما ودي اقول رأيي في المسعري ولطف في البطوله الخليجيه لأني أخاف أكسب فيهم اثم...بس لو بلاتشي عنده البديل الجيد كان ما رجعهم!..والدليل ان الهلال سيئ حتى في الدقايق اللي ما يلعبهم فيها..يعني الفريق كله سيئ...ويوم كان الفريق يلعب زين زي الشوط الأول في مباراة النصر...الجميع كان يمدح لطف!! تحياتي. |
للاسف مايحز في صدري اننا اصبحنا جماهير لاعبين بعد ان كنا جماهير نادي لاتصيرون مثل الاخرين ياناس ونصيحتي لك يانفوشي علشان ماينتقدونك سوى اي شي واترك نواف وسامي لان عندك جمهور يقول سامي عالواقف يفيد الفريق ياناس اصحوا وشجعوا الهلال وخلوا عنكم اشباه اللاعبين واذكروا ابوفهد على خير |
صح نقوشي انا معك بلاتشي ماغلط الغلط في الاعبين |
الـــسلام before الكلام؛ عزيزي الرائع نقوشي اعتقد انك من المعجبين ببلاتشي لكن هل تعتقد ان كلامك على سامي المصاب سليم مع احترامي لا اعتقد لانك جعلت لاعب مصاب يرغمه المدرب على اللعب متساويا بلاعبين اصحاء |
| الوقت المعتمد في المنتدى بتوقيت جرينتش +3.
الوقت الان » 02:04 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd