نادي الهلال السعودي - شبكة الزعيم - الموقع الرسمي - ما تبون ويلي .. معناها تبون حاجة ثانية ( ........... ) .. إلى كل المطالبين بالاستغناء عن ويلي

- منتدى الجمهور الهلالي (http://vb.alhilal.com/forumdisplay.php?f=28)

ما تبون ويلي .. معناها تبون حاجة ثانية ( ........... ) .. إلى كل المطالبين بالاستغناء عن ويلي

بسم الله الرحمن الرحيم ..

أغلب الجمهور الهلالي يطالب بالاستغناء عن ويلي و جلب الكاميروني ايمانا ..

لأسباب عديدة حسب رأيهم .. بعضهم يقو لك ويلي قدم اللي عنده .. و بعضهم يقولك نبي صانع لعب .. و بعضهم يعطيك أسباب أخرى غير منطقية ..

ما أدري .. هل أنتم تدركون مدى خطورة الاستغناء عن ويلي .. و من قبله الاستغناء عن لي يونغ الكوري ..

اللاعبين المذكورين كانوا شايلين الجهة اليمنى اللي كانت مصدر قوة الفريق لموسمين متتاليين ..

و الآن يتم الاستغناء عنهم مرة وحدة ..

يعني لا ظهير و لا جناح ..

و معروف لدى كل الخصوم أن نقطة ضعف الهلال الظهير الأيمن .. الآن الجهة اليمنى كلها بتصير مصدر ضعف و ممر سهل للخصوم ..

الهلال يملك لاعبين مميزين في الجهة اليسرى ( الزوري و شافي و العابد و الشلهوب و الدوسري و الفرج )

أما الجهة اليمنى ما عندك أحد إلا الفريدي الوحيد اللي يلعب بالقدم اليمنى و الفريدي ما ينفع على الطرف أبد

و طبعا نامي .. اللاهب هذا مجتهد لكن مع احترامي له مكانه مو في الهلال .. لكن وش نقول .. الدنيا حظوظ ..

اللي ما يبون ويلي .. يبون الجهة اليمنى تصير شارع بطريق غير مباشر ..

على العموم .. الإبقاء على ويلي و استقطاب ظهير أيمن محلي ( مميز و صاحب خبرة و يستطيع أن يسد الخانة ) مطلب مهم ..

بالتالي تشكيلتنا تكون :

العتيبي

الزوري ....................... المرشدي .......................................هوساوي .............. الظهير المحلي

هرماش

العابد ................................. الفريدي ................................ ويلي

بيونغ سوو ......... العربي

** بالنسبة للمطالبين بصانع لعب .. أقولهم إن الجماعية هي صانع اللعب في الفرق الكبيرة ..

في عهد قيريتس كان كل الفريق يصنع و كله يسجل .. لأن الأداء الجماعي كان حاضر و هو منهج الفريق ..

بتواجد ويلي .. الجهة اليمنى تكون مصدر قوة .. و الجهة اليسرى أيضا بتواجد العابد .. و خلف المهاجمين ( محور متقدم ) يتواجد الفريدي ..

كلهم يعتبرون صناع لعب .. و مميزين ..

*** على فكرة .. الفريق اللي يعتمد على صانع لعب واحد .. تضيع علومه إذا غاب هاللاعب .. ( و إلا حابين أذكركم وش كان يصير فينا إذا غاب التايب )

*** لذلك الاستغناء عن ويلي للأسف خطوة عشوائية ليست مدروسة و ستكلف الفريق الشيء الكثير ..

أتمنى احترام وجهة نظري .. و آسف عالإطالة ..

انا احترم رأيك لكن ويلي خلاص 3 سنوات كفايه عليه

وان شاء الله ايمانا يكون افضل منه

okkkkkkkkkkkkkkkkkkkkkkkkkkkkkkkkkkkkkkkkk

الله يكتب اللي فيه الخير للزعيم
ومكان ويلي ماهو مصدر خوف
اللي خايفين منه مين بيغطي مكلن لي يونق
الله يوفق الزعيم
تحياتي

ويلي تشبع من اللعب في الهلال والدليل انحدار مستواه بالموسم الاخير ..

نبي افضل منه .. وايمانا افضل منه بألف مره ..

وانت اول واحد بتغير رايك ان شاء الله .. والوعد الدوري

كلامك مدوزن يا خوي ، ليت بعض الجماهير تعي إنه من الصعب على الفرق الكبيره الإستغناء على لاعبيها المؤثرين بيوم وليله ، لأسباب منها استقرار منهج اللعب وتجانس اللاعبين ، ناهيك عن بيئتنا الطارده للرياضه ، ترى مو شي بسيـــط تستغني عن رادوي ولي و ويلي بموسم وتجيب لاعبين تقولهم يالله نبي لعب جماعي على لمسه وحده وفوز با الأربعات والخمسات ، ما أقول إلا الله يوفق إدارتنا ويعطيهم على قد النيه...
شكراً بوفيصل

لابد من التجديد .. الكاميروني يلعب جناح ويلعب صانع لعب صريح ويلعب مهاجم ثاني ويلعب محور ..
ماشاء الله اي مركز يغطيه .. علاوة على كذا هداف وصاحب تسديدات قوية وبنية جسمانية مميزة وقوة التحامات وصناعة العاب انت وضميرك ..
وهذه مواصفات ماتوفرت في التايب ولاتوفرت في ويلي ..

وتكون التشكيلة كذا بأذن الله

العتيبي
الزوري .. المرشدي .. هوساوي .. ظهير محلي جديد

هرمــاش

الشلهوب .. ايمانا الكاميروني .. العابد

الكوري .. يوسف العربي

تشكيلة نارية

بالتوفيق للزعيم

نحن لم ناقل لانريد ويلي لكن قلنا نريد صانع لعب

مشكور

يعطيييييييييييييييك العاااااااااااااافيه

والله تعبنا وحنا نتكلم ياخوي

انا عن نفسي اتمنى بقاء ويلي في الهلال

وعدم التفريط فيه

بس الواضح ان ويلي بيروح من الهلال

والكل راح يشوف الفرق برحيل ويلي

لأن ويلي له دور كبير بالفريق

الصحيح الاستغناء عن أحد المهاجمين وجلب ايمانا وبقاء ويلي كمهاجم على الجناح

ويلي مايختلف عليه اثنان انه لاعب ممتاز ولاعب انسجم مع الفريق وقدم خلال الثلاث سنوات مستويات مميزه ..

لكن يالغالي فكر فيها من ناحيه استثماريه غير الناحيه الفنيه .. اللاعب الان تعدى ال30 من العمر يعني فرصة ان فريق اوربي يطلبه ضعيفه جدا اضافه الى سعر معقول فيه .. فالوقت المناسب ان الاداره تتصرف في ويلي هو الان .. فكر فيها اذا انت تبي مصلحه الفريق بغض النظر عن اللاعب اعجبك اولا .. ماراح نقيمه فنياٌ لان مستواه وعارفينه ..

في الفتره الحاليه صانع اللعب دوره مهم جدا اكثر من دور ويلي اللي يلعب على الاطراف فقط .. لابد من صانع لعب يفعل الدور الهجومي لان عندك الان مهاجمين من طراز عالي ولابد من تواجد صانع لعب خلفهم ..

يعطيك العافية ,

ولي قدم كل الي عنده وخلاص هذا وقت ( ايمانا )

وداعا ايها الفتى الاشقر ...

uuuuuuuuuuuuuuuhuuuikgtyyyyyyyuipfyfhgukkgjkggjkgkjjjjjjjjjjjjjjjjjjjj

كل الاحترام و التقدير لجميع وجهات النظر ..

بس عندي تعليق .. اللي يقول ويلي تشبع و مستواه نازل في الفترة الأخيرة ..

أقوله .. المحليين يلعبون 10سنوات و 15 سنة في نفس الفريق .. و ما نقول تشبعوا ..

بعدين إذا اللاعب يقدم مستويات جميلة مع الفريق .. وشلون نقول تشبع ..

واضح من تعاقدات الاداره ان اللعب راح يكون ع العمق وبالعمق الهجومي فقط ، اللعب على الاطراف راح يكون أقل فاعليه من حيث التعاقدات اللي نشوفها ، المراهنه على العمق بهذا الشكل قد تكون خطره وقد تكون فكره صائبه وفعاله ، واذا على سالفة الاستفاده من بيعه بالنسبه لي أثق في ويلي مع الهجوم الان ان شاءالله بتقديم مستوى قوي في آسيا بإذن الله واذا حصدنا اللقب إن شاءالله ، لن نندم على ويلي ولا على رحيله وحتى لو كان المردود المادي بسيط من تسريحه ...