السلام عليكم ورحمة الله وبركاته ..

اليوم صحيت الظهر وعلى طول شغلت النت وجلست أدور في المواقع الإسبانية لعلَّ وعسى ألقى شي جديد ، صراحة آخر خبر حطه الأخ فواز الله يسعده يعطيني أمل جديد وياربّ ما نخيب ويتمّ التوقيع بـ أسرع وقت ،، خلال بحثي من ذاك الوقت للحين لقيت خبرين جديدة عن أكيلي إيمانا ، لكن صراحة كلَّها ما فيها شي كبير أو أخبار جديدة ،،





هذا من صحيفة AS الإسبانية اليوم الاثنين 1 / 8 / 2011 يقول أنَّ النادي حجز تذكرة سفر لـ أكيلي إيمانا بـ رحلة إلى مدينة كارديف الانجليزية اللي يعسكر فيها النادي ، لكن اللاعب إلى الآن رافض السفر وما تجاوب مع النادي وجلس بدون ما يسافر وإلى الآن مصرّ على الانتقال ، وعشان كذا توعدوه بـ غرامة مالية ، في العنوان مكتوب 20.000 يورو ، وداخل الخبر مكتوب 200.000 يورو ، المهم هذا ما يهمنا كيفهم لو انها مليونين يتقطعون بـ فلوسهم ،، والخبر اللي قبله من موقع صحيفة ماركا الإسبانية تقول أنَّ الهلال ردَّ على الرسالة اللي أرسلها نادي بيتيس بـ المطالبات المالية ، طبعاً الرسالة كانت تقول أنَّ بيتيس وضع المطالب حقته وقال أنَّها الوسيلة الوحيدة لـ الموافقة وإلا فإنَّ المفاوضات سوف تتوقف ، الهلال أرسل الردّ بـ رفع المبلغ 100.000 يورو فقط بدون الاستجابة لـ الضمانات المصرفية أو البنكية اللي اشترطها النادي الإسباني ..


مادري متى بـ ننتهي !! يـ ليل ماطولك عساه ما يخلص رمضان واحنا على هـ الحال ..