السلآم عليكم .
كيفكم يآزعماء ..

ان شاء الله بخير

مبروك عليكم شهر رمضان .


بصراحه اصبحت المواضيع في المنتدى ممله من قبل التوقيع مع الاجانب و الى الان وحتى بعد التوقيع ..

عبدالرحمآن بن مساعد في اجازه و جالس يتابع كل صغيره و كبيره من اساله في التويتر وفي المنتدى ...
و اعضاء المنتدى اكثرهم مو مقصرين في النقد سواء من ناحية الصرف او التعقدات و المدرب ...

اتوقع ان عبدالرحمان بن مساعد حريص اكثر مني و من اي مشجع يهمه الهلال ...
عبدالرحمان بن مساعد همه الاول و الاخير تحقيق نجاحات في عهده و ثانيآ تحقيق رغبات الجمهور الهلالي الكبير

اتوقع هذا شي صعب و عبدالرحمان بن مساعد في صباحه و مسائه وهو يفكر في الي يقوم فيه من اعمال لـ الهلال


عبدالرحمان بن مساعد في عهده اصبح الهلال يصول ويجول في كل بطوله محليه بوصوله لنهاىي و و كسب البطولات
من دوري وولي عهد ..ايضا اسيا في دور الاربعه و الهلال مر بضروف الكل يعرفها في هاذا الدور من البطوله من خبر جريتس ومدرب اللياقه .. و اخباره اصبحت تتداول في الصحف الاوربيه بسبب قوة الهلال في جلب الاجانب ...

وهذا شي نفتخر فيه كـ هلآليين و اصبح الدوري السعودي في اوربآ هو الهلآل بكل صراحه


الي اشوفه الحين من مواضيع خوف الجمهور من :

ظهير ايمن محلي ... و غياب 3 اجانب افارقه ( ايمانا الكميروني ) واحد من هالاجانب ان شاء الله

اتوقع مسئلة الظهير الايمن عطيناها اكبر من حجمهآ بكل صرآحه .. و عبدالرحمان بن مساعد ماقصر و تفاوض مع الشباب على افضل اظهره في السعوديه شهيل او معاذ ... و البلطان رفض

وانا اتوقع ان بآقي الاظهره غير شهيل و معاذ مو في مستوى الهلآل كمآ قال الامير عبدالرحمان في صفحة التويتر مافي افضل من شهيل و معاذ ... وغير هاالظهيرين اتوقع انديتهم راح ترفع اسعارهم بمبالغ مايستاهلونها الا معاذ وشهيل
و الموجودين فيهم الخير والبركه بس عطوهم ثقه وعدم النقد و التركيز على هالمنطقه



غياب 3 اجانب اتوقع ماغاب هالشي من الاداره و لاعبين اتوقع انهم في مستوى عآلي بحكم لعبهم في اوربآ و اعمارهم ومستواهم الفني ... المضحك انهم يقولون احنا راح نلعب بمهاجم واحد وهو الكوري طيب يعني مانتعاقد مع 3 الافارقه
او تبون عبدالرحمان بن مساعد يمسكهم ويرفض لعبهم مع المنتخب دام انتم راضين فيهم تحملو و اتوقع كلها 3 مباريات الي راح يغيبون فيها فقط ... وماراح تآثر لن البدلاء موجودين


وانا كـ مشجع هلآلي راضي عن تعقدات الهلآل و المدرب
و الوضع الحالي الي فيه الهلال مطمئن و الحمدلله..

وان شاء الله نسمع اخبار تسر و تفرح الجماهير في الايام الباقيه

الي حاب اقوله في الاخير اتركو الاداره تعمل و عليكم الحكم في نهاية الموسم ....

وسلامتكم ... و سامحوني اذا كان في اغلآط املآئيه لني كتبت الموضوع على عجل