[[ رحلتي الى النمسا 2011م ]] تقرير + صور - صفحة رقم 2 - نادي الهلال السعودي - شبكة الزعيم

()(فيصل)() · #1 28/07/2011, 03:12 AM

رحلة ممتعة الله يصلح عيالنا وعيالك ان شاء الله ...

تركي السلماني · #2 28/07/2011, 03:51 AM

قمّة التهور أنت و مرسال !

واحد بمصر و الثاني بالنمسا و أنا بين ضلعان حايل

يأخي دقوا علينا قولوا خاونا

أبي أرفض طبعاً بس يأخي حسسوني أني مهم شوي

قسم بالله ناس ماتقدر

رحلة رائعة جميلة و أنيقة و باين الترتيب في كل شئ ماشاء الله تبارك الله .. ربي يستر عليكم !

بس سؤال صغيّر :

ألحين ( مدريدي أزرق + الزعيم عبدالله@ ) هم الصغار اللي بالصور ؟

هلالي بحتي · #3 28/07/2011, 03:55 AM

بآآك بعد رحلتي من المطبخ

هلا ومرحبا بشيخنا ابوصالح >>

قصصم طووووولت منذو مبطي عنك وعن مواضيعك لكن مادامك بالنمسا مانقول شين

الحمدلله على السلامه اولا ورحله منتازه قدا قدا ..

>> الا ماكدونالدز عندهم دجاج ؟

والا كل شغلهم لحم خخخخخخخخ

>> مايحبش اللحمه بتاعت المصاروه

ماشاء الله رحلتن مزركشه.. خصوصا بتواجد الثلاثي المرح شكلهم فوووله شمعه منورة ماشاء الله ..

ربنا يحفظهم ..

اطلدز قدعاان ..

>> جازتله الحركه توم وقيري

الله يخليهم جميع وامتعتنا صراحه

حسيت اني مسافر معكم >> حتسي المنتديات

تحياتي صخصخ ماتحرمناش من قديدك ..

hilali+milani · #4 28/07/2011, 04:06 AM

يالبييه يالنمسا بس

انا شفت صور بمعسكر الهلال الموسم الماضي خضااار مو طبيعي شكلكم مارحتوا اماكن زينة بالحيل

إقتباس


	سؤال بسيط ومهم / كم تكلف هالرحله ؟

ملقوف

وشسمه نفس سؤاله انا بعد

إقتباس


	بس سؤال صغيّر : ألحين ( مدريدي أزرق + الزعيم عبدالله@ ) هم الصغار اللي بالصور ؟

من جد

والي بالعربية هو العضو الثالث الي ماتفعل ؟

هلالي والراس عالي 7 · #5 28/07/2011, 05:36 AM

مـاشاءالله تبارك الرحــمـن

رحـلة موفقـة أخـوي الصـخـرة

والأجواء بالنمسسا معروفة مآيحتآج

الله لايهينك ع الصور والتقرير ..

هـــ الشماسيةـــلالي · #6 28/07/2011, 02:10 PM

رحلة ممتعة وشيقة ولا أحلى منها خصوصًا أنها بصحبة العائلة ,, ألف حمد لله على سلامتكـ بوصالح ,,,

إقتباس


	- مواقيت الصلاة هناك الفجر الساعة 6 والظهر الساعة 2 والعصر الساعة 5 والمغرب 9 والعشاء 11

ليه ماتأخرت ابوصالح تجرب الصيام هناكـ خصوصًا أن نهارهم 16 ساعة

.

إقتباس


	وحنا نتمشى وقفني شايب مصري مد ايده وهو يقول : تفضل هدية ! يوم مديت ايدي واخذتها لقيتها كتاب الانجيل وسي دي عن يسوع قلت له : وش هذا ؟؟ قال لي : مافيهاش حاجة.. اقرأ وشوف الرأي الآخر بيقول إيه !! قلت له : آسف.. هديتك غير مقبولة وخذها لو سمحت قال لي : خذها وحاول تقراها ولو مش عاوزها ممكن ترميها !! قلت له : لا ياحبيبي حنا المسلمين نحترم الكتب السماوية وما نرميها بالزبايل ولا نهينها مثلكم المصري انكتم وعطاني ظهره وراح.. وانا بلشت بالانجيل والسي دي لكني بعد ما مشيت مسافة غلفتهن بكيس ولفزتهن بمكان بين الشجر ما احد يقدر يشوفه ومافيه اهانة بإذن الله

أعجبني ردكـ وردت فعلكـ ماشاء الله لا قوة إلا بالله ,, وحري أن يكون زرع الشكوك ومحط الاسئلة التي بذرتها تجعله يراجع نفسه ويبحث عن الدين الحق ,, أسأل الله أن يشرح صدره وصدر كل ضال .

والله يامتعب حايمة تسبده ,, أحسه ماله خلقكم ,, الله يحفظهم ويحماهم ويخليهم لكـ .

طارق · #7 28/07/2011, 02:15 PM

ما شاء الله

بالنسبة للفيزا ما فكرت تطلع شنقن من أي دولة اوربية ، أو النمسا يشرطون تكون من سفارتهم اذا كنت بتنزل عندهم اول شي؟

و بالنسبة للاسعار هل تعتبر أقل من باقي دول اوربا؟

حروف الغلا · #8 28/07/2011, 02:43 PM

حمد الله ع السلامه

و الله يحفظهم من كل سؤء

لو خبرتني ضبطت لك الامور في السفارة

(اسير& المحبة ) · #9 28/07/2011, 03:25 PM

كنت افكرك صغير والله وطلعت شايب يابو صالح

الله يخليك لهم ويخليهم لك وان شاء الله تكونون انبسطتوا واستمتعوا في الاجواء الحلوه

Miss.nora · #10 28/07/2011, 03:32 PM

ما شا الله يا حلو بيوتهم كلها نفس المستوى

الله يخليهم و يحفظـهم

يا حلاتـه

الحمد لله على السلامة

و صراحة سفرة حلوة لكن لو خلت من التعقيدات اللي مالها داعي في البداية

azoooz20 · #11 28/07/2011, 10:52 PM

ما تنادينا

تقوول عندنا عضو اسمه عزوز

رحلة جميلة و الكتاكيت الي جو معكـ

بالتوفيق

HooO 20OooH · #12 29/07/2011, 01:39 PM

ماشاء الله ان شاء الله تكون سفره ممتعه
مشكور أخوي ربي يعافيك
بالتوفيق

HRS.Eng · #13 28/07/2011, 04:22 AM

ماشاء الله
اولا الله يخلي لك عيالك

ماشاء الله عليهم حبايب ماهو مثل اللي عندي وانا اقرا الموضوع الجمييل والمناظر الخلابه اختي واخوي 5و4 سنيين معركه وكلن يهدد الثاني وانا كل شوي اقوم وافك بينهم شكلي كرهت النمسا بسببهم

ثانيا احسك تنفع مستشار للي يبي يسافر برى ماشاء الله عليك احسك مجهز نفسك بالمعلومات عن النمسا وعارف الاماكن وكذا
ولزوم اللي يسافر برى يطلع ويزود نفسه بالمعلومات الكافيه عن البلد اللي رايح لها ولزوم يعرف اسماء الاشياء الحرررام اكلها وشربها بلغة البلد واللغه الانجليزيه وخاصه الخنزيير
مثل هالكلمات وكلها بالانجليش
boar, sow ,pork, suckling piglet, ham, pig, pigs
فانتبهو وانتو تطلبون الاكل

اخيييراا نشكر لك اخذنا في الرحله معك من خلال سرد مراحل الرحله والصور

ودي

algohmani · #14 28/07/2011, 05:02 AM

هالموضوع يبيله جوال معك عموماً ماقصرت يالغالي وألف شكر على التقرير إرسلي رقمك على الخاص يابو صالح أبغاك ضروري

صـمـت · #15 28/07/2011, 05:35 AM

اهم شي ما هاجرت <<

.............