نادي الهلال السعودي - شبكة الزعيم - الموقع الرسمي

جميع مافي الاعلى هذا كلام سمو الامير عبدالرحمن بن مساعد في تويتر !!!!!

يمكن تكونون اقتنعتوا باللي ذكره الأمير عبدالرحمن بس انا اشوف ان الأمير بدأ يحاول ان يلعب على عاطفة الجمهور الهلالي العاطفي كلامه عن عيسى المحياني للأمانة كلام منطقي لكن نقطة اللي رجله في الموية مو مثل اللي رجله في النار اقول لأبو مساعد مقدرين كل اللي تدفعه سواء من جيبك الخاص او من اخيك سمو الامير عبدالله او من مبالغ موبايلي لكن جمهور الهلال لديه عقول ويميز المعقول واللا معقول ...

كلنا مقدرين اللي عمله بن مساعد وهو صادق اللي رجله بالماء مو مثل اللي بالنار

عنده لاعب بينتهي عقده ولاعب مايبي يستمر وباقي له سنه على عقده وبيمشي بلاش بارده مبرده والمصيبه ان خلال هالسنه يمكن مايلعب الا مباريات او دقائق معدوده يعني ماراح استفيد منه لو قلت بستفيد من هالسنه فاكيد من حرصه على حقوق النادي لازم يبيع عقده يطلع لنادي حوالي 10 ملايين احسن من يروح بلاش

وللمعلوميه انا من اشد المعارضين لذهاب عيسى لاي نادي والله واتمنى استمراره معنا لكن بما اني هلالي وعاقل واميز المعقول واللامعقول فسكون بصف ادارة نادي الهلال بكل تاكيد لان هذا التصرف المنطقي

- اشتري فيصل الجمعان من الفتح وهو المنسق من الهلال بـ3 ملايين !!!

فيصل حاله استثنائيه ولو المصيبه اللي صارت له كان اتوقع انه كان من افضل الاعبين وهذه مالها دخل الاداره فيها

- اشتري الكعبي من الوطني بـ5 ملايين واتنازل عنه مجاناً !!!

هذه النطقه اويدك فيها كان على الاقل مفروض نشوفه يلعب مباريات رسميه غير البطوله الوديه او يتم اعارته لمده معينه

- عمر الغامدي ابن من ابناء نادي الهلال كان يجب ان يستمر ويكرم في الهلال ويستبدل مع الجيزاني المنسق من الاهلي والحزم والشباب واتنازل عنه مجاناً ايضا !!!

الهلال دايم وابدا يكرم ابناءه واكبر دليل رجعت فهد المفرج اداري بعد مانتقل لنادي الاتفاق

اما قيام الاداره بتصرف هذا لان كل الجمهور يبون مهاجم محلي وتم احضار الجيزاني بدل الغامدي وذالك لوجود اكثر من لاعب بخانة المحور ولا تنسى ان اخر سنه لعبها عمر كان اغلبها مصاب وحتى لما راح لشباب اكثر وقته بالعياده وكان تفكير سليم من الاداره لكن الجيراني لم ينجح معنا وكذالك الغامدي لم ينجح مع الشباب

- مبلغ اعارة احمد علي 600 الف يورو ما يعادل 4 مليون ريال سعودي لمدة 6 اشهر والذي كان الجميع يجمع على فشله قبل بداية التعاقد معه !!!
اول شي المبلغ كان 450 الف دولار وليس 600الف يورو
ثاني شي كان كلام الامير واضح راح نحضر لاعب علر قد الميزانيه يعني ماكذب علر جمهوره ووعدهم بلاعب خيالي
ثالث شي للامانه من وجهة نظري اتوقع ان الاعب المصري لم يفشل سجل اهداف وكان مشاغب وكان مساهم بشكل كبير بالفوز بدوري وكاس ولي العهد وكمان التاهل من المجموعات بكاس اسيا يعني كانت له بصمه بالفريق لكن لم يكن يملك الحلول الفرديه كالمهاره وسرعه بينما يملك التمركز داخل الملعب وكذالك القوه الجسمانيه

- التجديد مع محمد نامي بمبلغ 6 مليون ريال سعودي !!!!

ماتوقع انهم جددو معه بالمبلغ هذا اتذكر هالمبلغ اللي دفع له باداراة محمد بن فيصل لما انتقل من نادي الانصار

- التعاقد مع عادل هرماش والذي اعلم انه لاعب ممتاز في مركز المحور لكن لا يستحق 6 مليون يورو ( 36 مليون ريال سعودي ) هذا المبلغ لا يدفع في لاعب عربي في مركز المحور علماً ان زامبروتا انتقل من برشلونه الى ميلان قبل 3 مواسم ب7 ملايين يورو فقط !!!

خلنا نمسك حبه حبه من كلامك

تقول عادل لاعب ممتاز لكن مايستحق هالمبلغ لان المشكله كلها انه عربي يعني لو اي جنسيه ثانيه كان يستاهل هالمبلغ وعطيت مثال بزامبروتا

اول شي عادل حياته كلها باوربا ونشاه بفرنسا يعني للامانه يعتبر لاعب اوربي ومايعرف من العرب غير المغرب منتخبه حاله حال زين الدين زيدان لكن عادل فضل يلعب لمنتخب بلاده

يعني زيدان لو لعب بالجزائر وجبناه على عزه بالمبلغ هذا كان قلت ماينفع لانه عربي

اما سالفة زامبروتا وبرشلونه انه جاي ب 7مليون يورو اتوقع ان هذا المبلغ اللي يستحقه وكذالك رايح لفضل فريق بالعالم يعني يزيد من تاريخ زامبروتا يعني لاتلوم زامبروتا لو قدم بعض التنازلات عشان يلتحق بالبرشا وكذالك لاتنسى ان الفرق الاوربيه بالنسبه لدعيات حقت الاعبين فلاعب يطلع ضعف عقده مرتين اذا كان مع الفرق الكبيره مثل مانشستر وريال مدريد وكذالك البرشا يعني لا تحكم على انه انتقل فقط بمبلغ العقد

وكذالك لو جينا بالعقل وقلنا زامبروتا جايه 7 مليون يورو من برشلونه اتوقع اي فريق بمنطقة الشرق الوسط اذا جت بتقنع زامبروتا عشان يغير رايه ووجهته من برشلونه لازم يدفع مايقل عن 20مليون يورو واتوقع ان هالمبلغ مره كبير علر لاعب مدافع او محور مثل ماذكرت بغض النظر عن جنسيته سوا عربي او لا

بعد كل هذا يا سمو الأمير في حالة معاناة النادي من ازمة مالية انت من يتحمل المسؤولية الكاملة واذا طالب الجمهور بلاعب في مركز الظهير الايمن يخرج علينا الامير بتصريح احزنني وجعلني اتنبىْ بكوارث من الجهه اليمنى والذي ذكر الامير ان نامي والبيشي والسبيعي موجودين وللمعلومية نامي الجميع يعرف ما يتسبب به من كوارث والبيشي عائد من اصابة رباط صليبي للمره الثانية على التوالي والسبيعي اعتقد انكم رأيتم مباراة الثالث والرابع مع الوحدة عندما تسبب بهدفين !!!

الامير خرج لنا عشان يفهمنا الوضع وانه مع الجمهور وعارف شو مطلب الجمهور مو خارج عشان يقول عندي ازمه ماليه وقولولي من يتحملها

اما اذا جينا بنحسب اخطا كل لاعب وانه عمل كوارث اتوقع جميع الاعبين منسقين ولازم يتغيرون
ياجماعة الخير هذه كوره لابد فيها من اخطا من اي لاعب بارض الملعب
اما اللي يجي ويقول السنه بتكون سنة كوارث عشان نامي موجود احنا حققنا بطولات مع الياس وكذالك مسفر القحطاني وكذالك مع العنقري ومن قبلهم تركي الصويلح وطيب الذكر محمد النزهان يعني ماجت الا على نامي
انتم خليتو مشكلة الظهير الايمن مثل بطوله اسيا مسببين لاي لاعب يمسكها ازمه مثل بطوله اسيا اللي صارت نفسيه على الاعبين

ذكر الامير انه لايوجد اظهره محلية سوى شهيل ومعاذ والذين رفض الشباب التخلي عنهم !!!

اين سمو الامير عن كامل المر حينما اعلن ميولة الهلالية ورغبتة بالزعيم واينه عن عبدالمطلب الطريدي الذي اجزم انه سينسي الهلال صداع الظهير الايمن واينه عن محمد مسعد الذي على الاقل سيجعلنا نرتاح من نامي او حتى ابراهيم شراحيلي لاعب الرائد الذي كان اساسي في المنتخب الاولمبي والنصر الى الان نادم على تنسيقة ويريد عودتة لكن اللاعب رفض عناد في ادارة النصر !!

كامل المر وكامل الموسى فاوضهم الهلال لحد ماقال امين ورفضت ادارتهم ومعروفه اداره الوحده وتعاملها مع الهلال واكبر دليل جميع لاعبين الوحده اللي جو للهلال عن طريق مظاريف يعني لاتلوم الاداره عليهم
اما الطريدي اكيد بيعلن عن هالشي اجل بيقول لصحفي ان مو كفو اللعب مع الهلال واكبر دليل ان لو فيه خير كان ماطرده الاتحاد

محمد مسعد كابتن نادي كبير كالاهلي مستحيل يفرطون فيه كما هو الحال للهلال مستحيل يفرط بكبتنه اسامه هوساوي
ابراهيم شراحيلي مع اخترامي لك نامي احسن منه كلعب وقوه جسمانيه وكذالك لياقيا

اما سالفه النصر يفاوضونه فاثبتت التجارب ان النصر مايفاوض الا الاعبين اللي دون الطموح حتى لجمهورهم مثل عدنان فلاته ووليد الطايع ومن قبلهم الدوخي وكذالك صالح صديق

يا سمو الامير محمد نامي لاعب وسط ومجتهد لكن يجيب العيد انت تقول هدفي كأس اسيا واللي هدفه كأس اسيا ما يغامر بمركز حساس بلاعب اثبتت التجارب انه يخوووورها والشواهد كثيرة

ليه احسك تقول ان نامي اهو السبب ببتعاد بطولة اسيا
ياجماعه الخير نامي مالعب البطوله اللي طافت وخرجنا على يد الفريق الايراني بغلطه هوساوي ونامي على دكة الاحتياط وكذلك طرد لاعبنا الاجنبي لي يونغ اللي ماسك خانه نامي

اما بطوله اسيا السنه هذه كذالك خرجنا منها بعدم وجود نامي بالملعب وباخطاء دفاعيه كذالك

يعني ليه ندخل نامي بسالفه وتقول مانقدر نحقق اسيا بوجود نامي
بذكرك بشي اتذكر ان عدنان فلاته هالاعب المتنسق من فريق لفريق كان اساسي مع الاتحاد وكان ظهير ايسر ووصل لنهائي مع الاتحاد

صدفني متى ماصار عندك هجوم قوي الدفاع راح يكون مرتاح وماعليه ضغط ولا خوف

اقسم بالله اني احبك ياسمو الامير واقدر كل شيء تعمله للزعيم لكن اللي ماتعرفه اني احب الهلال اكثر منك ويهمني مصلحتة واذا تقول ان مافيه لاعب محلي يقدر يسد الخانة كان من الاولى عدم التعاقد مع مهاجم ثاني واستمرار لي يونج او اي ظهير اجنبي اخر لكن اللجنة السداسية لها رأي اخر !!!!

لا مايحتاج ظهير ايمن يكفي نامي ان شاء الله وزياده
واللجنه السداسيه عارفين وفاهمين ان نامي بيقدم اللي عليه وزياده

كلنا نحب سمو الامير لكن ماتوقع اننا نحب الهلال اكثر من سموه اللي يهدر وقته وماله وصحته عشان يرضي جمهوره ويرفعه للمنصات بكل الطق واكبر دليل على كلامي مع كل اخفاق اهو اللي يتحمل المسئوليه ولو مو حبه للهلال كان ماستقال لما حس انه ماراح يقدم شي للهلال

وشوف الفرق بين الرىيس اللي يقدم الاستقاله ويعتذر وبين اللي يقول محد يقول لي شو اعمل وجالس 11 سنه على قلوبكم
هنا راح تعرف حب الامير لنادينا

تحية للعقلاء ,,,,, [/QUOTE]

اتمنى انك تكون واحد منهم