|
...الله يستر ولي لا يروح ..سامي!!! وان شاء الله تفيدك خبرة السنين في إنقاذ الموقف ؟؟؟ السلام عليكم ورحمة الله وبركاته صباحكم ومسائكم خيرا ذكراً وأنثى ... شيباً وشبابا أدخل في زبدة الموضوع ... نرى ونسمع ونشاهد عن تعاقد الهلال مع أيمانا والاستغناء عن الجني الأزرق ( وليهامسون ) ولا أعلم هل هذا القرار قد دُرس من ابن مساعد مع مدير الفربق سامي الجابر أم من باب ( جبنا ياهلال أجانب وما قصرنا ) يا جماهير نصف الارض أتمنى أنكم تقرأون الموضوع بعقولكم لا بأعينكم ... :alzaeem: أولاً : تعاقد الهلال مع اثنين من المهاجمين أكبر خطأ فيكفينا واحد فقط وهو الاعب الاسيوي الكوري ( يونق ) صحيح أن ياسر مستواه منخفض لكن ياسر في الملعب له هيبة أمام دفاع الخصوم وياسر ليس بالسيء حتى نركنه الى دكة الإحتياط ... وإحصائيات العام الماضي خير دليل على أهداف ياسر وصناعته للأهداف فيجب أن نشرك ياسر أو عيسى بجانب هذا الكوري وانتظروا النتائج ثانياً : تعلمون ان الهلال إستغنى عن الظهير الايمن لي يونق وسيستغني عن الجناح الايمن وليهامسون !!! إذاً النتيجة=== انتظروا مسرحاً على جهتنا اليمنى من الخصوم ... كيف للهلال أن يستغني عن قوته الضاربة ويشل جهة كاملة مرةً واحدة .. ألم يفكر ابن مساعد ومدير الفريق بهذه الخصوصية ؟؟ فمن الاساس التعاقد مع المهاجم يوسف العربي غلط في غلط ليس ضعفاً في مستواه بل لأنه أخذ خانه الهلال قد يسدها من المحليين المفروض أن الهلال يبقي على ولي ويتعاقد مع ايمانا لأن هذا اللاعب عن اثنين ويلعب مهاجم ثاني مع صناعته للعب ... لتكون الخطة كالتالي العتيبي الزوري اسامة المرشدي نامي ( اللعب الجديد ان كان هناك جديد) هرماش الشلهوب ايمانا ولي يونق ياسر هكذا تكون التشكيلة بهذه التشكيلة نستطيع أن نحصل على المركز الأول في مجموعتنا الاسيوية وأن نتأهل لدور الثمانية وبعد ذلك.... الموسم ما بعد القادم نغير في التشكيلة ونستغني عن ولي ونحضر مهاجماً ثاني اذا كان الهجوم ضعيف مع أني لا أظن بأن الهجوم سيضعف بهذه الطريقة ,,, يا اخوان سر القوة الهلالية في وسطه واذا كان الوسط بهذه الطريقة لا نريد هجوم أتمنى ان الفكرة قد وصلت للعقلانيين واترك العاطفة ياهلالي ... يا ابن مساعد أتمنى أن الموضوع قد يصلك وأنتم ياجماهير الهلال ختاماً اللهم اجعل آخر أيام شعبان جابرة للقلوب ساترة للعيوب... ماحيه للذنوب مفرجه للكروب ♡♡♡ ...اللهم إن شوقنا لـ شهرك قد زاد فـ يا رب لا تحرمنا نحن و آحبتنا من صيامه وقيامه .. اللهم بلغنا رمضــان |
اسمح لي اخوي ، كلامك غير صحيح الموسم الي راح نبكي نبي مهاجمين !! والحين تقول ابي واحد :$:wub: |
انا اذكرك بتتغير نظرتك بآذن الله لمآ تشوف الهلال يلعب ومن نآحية ويلي كل الفرق يعرفون طريقة لعبه ويغطونه بالراحه وكلآم آخوي مشعل عين الصوآب |
لالا أتوقع هجومنا ما عليه كلام بعد التدعيم الجديد |
كلام غير صحيح اخوي الهلال في حاجه لمهاجمين وابن مساعد واتعاقد مع اثنين الا هو اخبر مني ومنك بالتوفيق |
لا انت تقول مهاجم واحد انا كنت اقول مثلك لكن لما اتت فكرة اللاعب ايمانا عرفت ان نحتاج مهاجمين ليه ؟؟؟؟ لاعادة ياسر في الفورما لان ياسر اذا ضمن مكانه فما راح ينافس على خط المقدمة بعدين ويلي قدم اللي عنده وايضا لاحظنا ضعف في خط الوسط لما رحل نيفيز الهلال يحتاج لذا الهلال لايحتاج لويلي بقدر ما يحتاج الى صانع لعب مثل نيفيز |
لا كلامك غير صحيح ابدااااا ، وبصراحه انا ماقدر احلل واشيل واحط بالتشكيله لاننا مانعرف مستويات وطريقه لعب الاجانب الجدد متحمسين الليله نبي نشوف المباراه وبعدها يصير خير ان شاء الله |
سسسوري .. ككلآمــك خآآططططئ تمممـآمـاً .. |
يعطيك العافيه وجهة نظر تحترم بالنسبه للجهه اليمنى نشيل ويلي ونحط ايمانا بل العكس راح تكون قوه هذه الجهه للهلال وزي ماقلت ابمانا عن اثنين أما بالنسبه لمسئلة ياسر وهيبة الخصوم حكايه قديمه ياسر الان أضعف دفاع في الدوري لايجد مشكله مع ياسر أما الاحصائيات سجل على الاتحاد او على الشباب أو النصر وش تفيد الاحصيات الهلا لن يتوقف على ياسر وان عاد نحن اول المرحبين لكن لازم يذوق الدكه |
الرجال وقع وخلص له شهر وانت توكـ تعقب على يوسف العربي واننا مانحتاجه .! اللحين مفروض يشوفون لهم محلي يمين غير نامي اللي ينفع بديل ... |
والله انا اشوف كلامك صح لما جبنا مهاجمين كذا منعنا الفرصه لهجوم الهلال الصغار وانتم يا جمهور الهلال كنتم ترددون عيسى عيسى عيسى الحين ما يقدر يدخل التشكيله اساسي لانه لو اصيب احدنا المهاجمين لو قدر الله بيكون ياسر البديل وكذا مابنشوف عيسى الا بحاله نادره تحياتي |
بلا ياسر بلامحياني غير الاجانب مانبي |
شكور الله يعطيك العافيـه مآ قصرت كفيت ووفيت يروح ولا يقعد الهلال لا يقف على احد لا خلا ولا عدم |
مع كامل الاحترام لشخصك اقولك ماعندك سالفه الاتحاد اخذ بطولات اسيا بدون اجانب بالخلف رغم ضعفه دفاعيا لكن كان يملك لاعبين امام اقويا واجانب مرعبين ولي فاشل وجبان والكوري كان مايعطي الا بالخلف وضعيف كورته دايم للوراء |
من جدك أنت ! حتى الآن الهلال مـآشي بالطريق الصحيح .. باقي إيمانا بدال ويلي وظهير ايمن محلي و خلاص .. وللمعلومية " العربي " مطلوب من أندية كبيرة وعالمية .. |
| الوقت المعتمد في المنتدى بتوقيت جرينتش +3.
الوقت الان » 06:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd