بسم الله الرحمن الرحيم

كثر الحديث عن الاعب خالد عزيز مره بيروح مع الفريق للمعسكر ومره بيتدرب مع الفريق الالومبي طار الفريق لألمانياو خالد عزيز ماسافر

خالد عزيز وينه بيدرب مع الالومبي؟

ماتدرب ليش؟ وش يبي هالاعب؟ وش يبي بضبط ؟

طبعا الاعب لاحس ولا خبر طيب من وراه من الي قاعد يكبر راسه ؟؟؟؟؟؟؟؟؟؟؟؟ لا أحد يدري

يا خالد عزيز انت لاعب عطاك الله موهبه ليش قاعد تدمرها بيدك ليش عدم الامبالة وعدم الاحساس بالمسؤليه ياخي واحد غيرك

كونله ثروه من الموهبه الي عندك بس يكون عقليته عقلية رجل ناضج مو عقلية (مراهق) زي عقليتك ايه مراهق

صاحب السمو الامير عبدالرحمن بن مساعد يقول خالد عزيز( قلبه قلب طفل)( وانا اقولك عقليتك عقلية مراهق)

ابي اسألك سوأل كم مره غبت وكم مره وعدت انك تنضبط و كم مره سامحتك الاداره وعطتك اكثر من فرصه انك تنضبط

اكيد ماعندك جواب تدري ليش لانك ماشي وراء رغباتك وعقلك المراهق ومدري يمكن وراك احد معشمك بشي بس صدقني انت الخسران في النهايه

سوأل ثاني تبي تترك النادي وتشوف نادي ثاني صدقني انت الخسران والدليل شوف الي تركو الزعيم وهم نجوم وش صار فيهم

(خميس العويران )و(عبدالله الجمعان) و(يوسف الغشيان) و(احمد الدوخي) والاخيربيروح هجر لهجر الكوره

وبعدين انت من يصبر عليك صراحه الاداره ماقصرت عطتك فرص كثيره وخذلتهم بعقليتك المراهقه حتى الجمهورمستغرب كيف صبرو للحين

اناعارف انك لو قريت رسالتي ماراح يتغير شي بس حبيت اقولك انك خسرت نفسك وخسرت نادي بحجم الزعيم
وخسرت موهبتك

الي ماعرفت كيف تحافظ عليها وتنميها وتكون من نجوم الصف الاول

صدقني جمهور الزعيم ماراح يتحسف عليك ولاعلى اي لاعب يحذو حذوك بلعكس الجمهو يقولك روح غير مأسوف عليك

لاكن نصيحه لك فكر في مستقبلك وفكر في عائلتك الي محتاجتلك

وانت الي تختار النهايه لنفسك

في النهايه الله يكتب الي فيه الخير لزعيم

ودمتم زعماء