بدون بدون هاللاعب ( ........... ) ؟؟؟ بناكلها .. شبيه الريح تكفى ما بقى إلا هو .. - نادي الهلال السعودي - شبكة الزعيم

بو فيـصـل · #1 24/07/2011, 12:38 AM

بسم الله الرحمن الرحيم ..

مبروك لكل الزعماء الصفقات الجديدة و ألف شكر للرئيس و لكل من ساهم في الصفقات ..

النقطة الأهم و الرئيسية هي خانة الظهير الأيمن ..

تكلمت عنها كثير .. يا جماعة الخير لازم نشوف لها حل .. و إلا بتصير شارع و ممر سهل للخصوم ..

و فيه كثير من الجمهور يطالب معي بحل هالمشكلة .. و البعض منهم متجاهل هالنقطة المهمة و الرئيسية ..

فيه قسم يقولك عندنا نامي .. نعطيه الثقة و مدري ايش و من هالكلام .. من جدكم انتو

.. نسيتوا نامي و أخطاءه .. نسيتوا كم هدف تسجل بسببه .. أنا أستغرب من هالقسم ..

حنا نبي آسيا .. يعني لازم يكون عندنا تكامل و لاعبين مميزين في كل المراكز و من أهمها الأظهرة ..

نجي للقسم الثاني .. يقولون عندنا سلطان البيشي .. ما أدري هل يمزحون أو يتكلمون جد .. البيشي لاعب جيد لكن ما يصلح للفريق الأول .. لا تقيم اللاعب و هو يلعب في الأولمبي ..

بكرة ورانا آسيا و بنلعب مع الفرق الكبيرة ..

و في قسم .. مدرك إن عندنا مشكلة و لازم نشتري لاعب ..

هذا القسم أنا منهم ..

لازم نجيب لاعب و نرتاح .. تعبت من التفكير في هالخانة .. و الله تعبت ..

بالنسبة لحسن معاذ .. ما أدري متى الجمهور الهلالي بيفهم إن البلطان ما راح يفرط فيه .. يعني هذا حسن معاذ من الأمور الصعبة و المستحيلة .. لازم نفهم حنا هالشيء ..

ما بقى إلا واحد .. تكفى يا شبيه الريح .. ضربة معلم و صفقة الموسم و ستكون حديث الصحافة و الشارع الرياضي ..

و الأهم من هذا بنرتاح من هالخانة ..

راشــــــــــــــــــــد الرهيــــــــــــــــــــــــــــــب

هو الوحيد اللي متاح .. أفضل ظهير أيمن من وجهة نظري .. و من وجهة نظر كثير من الرياضيين و المحليين ..

عندي أنا أحسن من حسن معاذ .. معاذ ما عنده إلا يمسك الخط و بعدين يشوت بدون تركيز ..

أما الرهيب .. يرواغ و يلعب من الجناح اللي معه ..

و هو الوحيد اللي متاح و مميز في نفس الوقت ..

في فئة بسيطة من الجمهور تقول ما نبيه يلبس الشعار الهلالي و من هالكلام بسبب حادثة ياسر ..

و ما عندهم سبب مقنع لذلك ..

أقول لهم مصلحة الهلال أهم ..

طيب كيف يجي ..

فيه اتفاقية بين رئيس الاتفاق و الإدارة الاتحادية السابقة على انتقاله مقابل 12 مليون ريال تسدد على دفعتين ..

و الاتحاد ما راح يدفع هالمبلغ حسب كلام الإدارة الجديدة لأن الاتفاقية كانت في عهد الإدارة السابقة ..

و آخر مهلة للاتفاقية نهاية الشهر الحالي .. و بالمناسبة بيكون انتهى من المنتخب ..

لذلك فرصة لجلبه .. حتى لو كان غالي شوي .. لكن لا تنسوا إن هدفنا آسيا ..

تكفى يا شبيه الريح لا تردنا ..

نعم نعترف إنك بذلت الكثير للفريق في الناحية الهجومية ..

كمل جميلك بلاعب محلي واحد و تنحل كل مشاكلنا ..

آسف على الإطالة .. لكني أتكلم من عشقي للزعيم ..

N2W2F_20 · #2 24/07/2011, 07:02 AM

والله العظيم حرام اشكال مثل هذي فالهلال
ماتحسون انتم ؟
الهلال اكبر من هالاشكال

الرهيب رجيع انديه لاعب مابين الاتفاق والاتحاد رايح جاي
اي رووووح تبيه يلعبها مع الهلال ؟
فكر شوي ياخي

ياااااااااااسر الشهراني ادفعوا له الي يبي لو 20 مليون
عمره 19 ويلعب ظهير يمين ويسار
جيبوا هذا عمره صغير ويخدمك 15 سنه قدام
فكررررررررر شوي

والله اصبر على نامي ولا الرهيب الرجيع
ولا تجيبون الرهيب النذل

بالتوفيق للزعيم جمهور الهلال ماضن يفكر بلاعبين من هذا

هلالي 1977 · #3 24/07/2011, 07:07 AM

الرهيب مناسب جدا وقدم مستوى رائع الفترة الاخيرة

لو فيه افضل منه ماقلنا لا

البلطان ما راح يفرط بحسن معاذ

الرهيب هو الانسب

Đ7 Ǿ ǿ Ǿ ṂЎ · #4 24/07/2011, 07:09 AM

بآآآآآآآآآآآآآآك

ياسر الشهراني هو الانسب حتى لو كان بـ 20 مليون لانه شاب

اما رجيع الانديه ماينفع لبى قلبك

مشكور ع الطرح وانا من اهل القسم الثالث

ثامر الروقي · #5 24/07/2011, 07:20 AM

انا معك مية بالمية نامي فاااااشل ياعالم فاشل لعبوا سلطان البيشي والله لعيب

ع ـبود الودعاني · #6 24/07/2011, 07:25 AM

مافي الا حسن معاذ وشهيل بس اللي يستحقون اللعب للهلال
وبعدين الرهيب فاااااااشل
تقدر تقول جيد في الهجوم بس فااشل دفاعيا
حسن معاذ لو اتى راح ننهي هذي المشكله 8 سنوات قدام لاعب فنان وشويت ومهاري وحماسي ومتميز دفاع وهجوم

فارس-الهلال · #7 24/07/2011, 07:26 AM

دامه جاهز نجيبه ليش لا, الرهيب مناسب لنا تماما في هذا الوقت

м̶я.źєźǿ»20» · #8 24/07/2011, 07:31 AM

مسستحيل يجيك الرهيب ، انا اشوف ان الطريدي لاعب الاتفاق يسسد الخانة وبقوة احد يتفق معي ..

رضيان · #9 24/07/2011, 07:36 AM

الرهيب مانبغآآآآآآآآآآآآآآآآآآآآآآآآآآآآآآآآآآآه

14(البرنس اليمني)14 · #10 24/07/2011, 07:37 AM

مـآننسى وش سوآ في نهآية الدوري مـآقبل المآضي

لكن هذا عصر الاحترآف

أتمنى الادآرة مآتستعجل فكيف تقولون سلطآن البيشي صغير في السن ومـآيصلح

وتطآلبون صآحب الـ 19 سنة وتقولون فنآن

تنآقض غريب

أسير الزعامه · #11 24/07/2011, 07:37 AM

أنـآ أتمنى يـآسر الشهرآني ... رآح يتطور مستوآه ويخدم الهلال سنين قدآم ..

ميمو كيوت · #12 24/07/2011, 07:39 AM

نامي تجيه حالات ينكبنا

الرهيب هذا مايستاهل يلبس شعار الهلال

حسن معاذ ماراح يفرط في البلطان ولا حتى شهيل

اهم شي ان الظهير الجاي
يجيد الدفاع اكثر من الهجوم
ما احنا محتاحين اظهره يهاجمون

مشعل الظفيري · #13 24/07/2011, 07:48 AM

انا مع اخوآني الي قبلي انا مع ان نشتري شاب صغير ب العمر

افضل من لاعب كل نادي يحذفه ع الثاني وخصوصا الصغير يعطيك اكثر سنوآت عطا :$

سن كولا · #14 24/07/2011, 08:01 AM

ادفعو ضريبة لي يونق وربي انه لاعب ومجنون ويلعب يسار ويمين

هلالي وغيره ماطرالي · #15 24/07/2011, 08:03 AM

لو بيتعاقدون اتمنى يتعاقدون مع ياسر الشهراني ولايتعاقدون مع الرهيب!!

لاعب ثقيل ماهو زي اول ولاحظو مبارياته الاخيره مع الاتحاد وربي ثغرة

واتمنى يعطون سلطان البيشي فرصه وراح يبدع انا شفت كم مباراه مع المنتخب

مغطي خانته وزيادة

واذا نامي اخطاء ترى كل اللاعبين يخطون اسامه هوساوي اخطاء كم مرة واخطاء طلعتنا من بطوله

مافيه لاعب مايخطي

والاعب تحسن مستواه والمباريات اللي شارك فيها مقفل خانته وصار يهاجم مع المهاجمين

ترى خانه الظهير الايمن مو الخانه المهمه ياما اخذنا بطولات والظهير العنقري والياس ونامي اول ماجاء

اهم شي عندنا الهجووم والحمد لله التعاقدات السنه هذي تبشر بالخير