
19/03/2012, 03:06 AM
|
زعيــم جديــد | | تاريخ التسجيل: 11/06/2011 المكان: ..
مشاركات: 31
| |
بسم الله الرحمن الرحيم السلام عليكم ورحمة الله وبركاته (F)
- - - - - - - - - - - - - - - - - - - - - - *بالبداية:
-هاردلك التعادل أمام ملقا 1-1 .. تعادل بطعم الخسارة، للأسف الفريق لم يقدم أداء ولم يقدم مستوى يستحق عليه الفوز، كان التعب والإرهاق واضح على كل الفريق. -تعثر الفريق كان متوقع جداً، لكن أنه التعثر يكون أمام ملقا!! هذا شيء مؤسف بصراحة. -رب ضارة نافعة .. ماندري يمكن هذا التعادل يكون درس للقادم، درس يخلي مورينيو واللاعبين كلهم يقاتلون حتى آخر جولة علشان يفوزون بلقب الليغا. *بصراحة:
الواحد يوم يشوف تفاعلكم وجهودكم، ويشوف تقصيره بحق الرابطة .. يخجل بصراحة، حبيت أشكر كل عضو وكل شخص بالرابطة الطيبة على جهوده،وبنفس الوقت حبيت أقول نقاط سريعة:- *النقطة الأولى:
-صحيح فريق ريال مدريد مازال متصدر الليغا والفرق بينه وبين صاحب المركز الثاني "البرشا +8"، لكن مازال كل شيء ممكن حدوثه، وممكن نشوف تعثر جديد إذا أستمر الفريق على نفس أداءه السلبي وغياب الروح، خصوصاً وأنه جدول فريق الريال أصعب نسبياً من جدول البرشا، لذلك على الفريق أنه ما يستسهل أي مباراة، ولا يشوف نفسه فايز بأي مباراة قبل ما يلعبها، ولا يشوف نفسه بطل قبل نهاية الموسم، الحرص والاجتهاد أشياء مطلوبة بكرة القدم. -تصريح غوارديولا بعد مباراتهم مع إشبيلية بأنه هو وفريقه خلاص أستسلموا من الليغا، وأنه ريال مدريد راح يفوز بالليغا!!، بصراحة كلام قديم ومعروف تخدير نفسي، مازال البرشا ينتظر أي تعثر مدريدي، وهذا اللي صار اليوم بالتعادل أمام ملقا، لكن بإذن الله ما راح يفرحون بهذا الشيء مرة ثانية، وبإذن الله الليغا راح ترجع لبطلها الملكي. *النقطة الثانية: -خط هجوم الفريق ممتاز جداً ماشاءالله، والوسط مرة ممتاز ومرة جيد جداً ومرات يوصل إلى جيد، لكن المشكلة بالضبط بخط الدفاع!! خصوصاً الأظهرة، وأخص بالذكر مارسيلو وأربيلوا!، للأسف أكبر مشاكل الفريق هذا الموسم بالدفاع، لازم مورينيو يشوفله حل!، ويريح أي لاعب يشوف أنه محتاج للراحة، معروف أنه أكبر أسباب فوزك بالبطولات قوة وصلابة دفاعك، يعني من غير دفاع قوي وصلب صعب وصعب جداً تفوز بالبطولات. *النقطة الثالثة:
-مباراة اليوم .. ريال مدريد × ملقا .. توقعت أنها ما راح تكون صعبة إذا الفريق قدر يسجل هدف مبكر، لكن الهدف تأخر، وضيف على ذلك تضييع الفرص السهلة، وشيء طبيعي اللي يضيع يقبل أهداف .. وللأسف ما كان ولا لاعب من لاعبين الريال نجم للمباراة، جميع اللاعبين قدموا مستوى سيء بالشوطين، لكن بإذن الله القادم أجمل، وبإذن الله نهاية الموسم راح تكون نهاية ملكية سعيدة. *النقطة الرابعة:
-الحمدلله قرعة دوري الأبطال كانت جميلة للفريق الملكي، لكن هذا على الورق!، إذا الفريق ما أحترم فريق "أبويل القبرصي" ممكن نشوف مفاجآت ما أنتمناها. *ختاماً: -أتمنى تدارك الأخطاء بسرعة، وإراحة أهم العناصر بالفريق بقدر معقول، وإعطاء فرصة للاعبين الجاهزين بالفريق. -إن شاءالله هذا الموسم موسم البطولات للفريق الملكي، محلياً بالليغا .. وأوروبياً بالأبطال، حلم العاشرة أصبح تحقيقه قريب بإذن الله. -يعطيكم ألف عافية، دمتم بكل خير وعلى ما تحبون ياربّ... أخوكم/ جست مدريديّ.. |