15/01/2012, 10:48 AM
|
 | زعيــم مميــز | | تاريخ التسجيل: 02/11/2006 المكان: مدرجات البرنابيو
مشاركات: 7,763
| |
مبروك الفوز الصعب , من اجمل المباريات هالسنه في الليغا نديه وحماس وتنافس , طلعنا بفوز صعب وهذا بفضل الله ثم المو فعلا معجزه التدريب , كم مره غير الخطه بالمباراه ؟ انا عن نفسي بعد التعادل شفت بيبي ظهير ايمن واوزيل محور , يالله تبديلات قلبت المباراه 180 درجه وجابت لنا النقاط كامله . شوط اول سيء جدا , الكوره ما كانت راضيه تمشي معنا , الارضيه غرقانه ماء والكوره ما توقف لو تجيب زيدان صعب انه يسوي كنترول للكوره بالطريقه هذي , الاعبين كانو مشتتين بالشوط الاول محتاجين واحد يمسك اللعب مع تشابي يعني لا ابو راسين الي وقف معه دفاعيا ولا اوزيل هجوميا , تشابي ما قدر يمسك الفريق مثل عادته لانه ما لقى اي مسانده , شفناه كثير يختصر اللعب القصير ويلعب كور طويله يمين ويسار لانه يدري ان اخوياه بالوسط ساحبين عليه فـ وفر على نفسه وعليهم , الشوط الثاني كان شوط العوده , خصوصا بعد دخول كاكا الي كان مثل الملعقه دخل وحرك الفريق يمين يسار فوق تحت بالعربي شال الفريق من الضياع بالوسط , البنز وكريس الي خلاهم سيئين بالشوط الاول ان مافيه اي لاعب من الوسط يساندهم هجوميا وما تجيهم كور وزملائهم ما يفتحون مساحات فـ يضطرون يلعبون لعب فردي قدام تكتل دفاعي والنهايه الكوره مقطوعه , بعد دخول كاكا تحرر البنز وكريس وصارو يلعبون ون تو ويتبادلون مراكز ويشكلون خطوره ,  ابو سعد موب بشر , ابو سعد مكينه آليه ما تتعب واذا اخطأ يجب معاقبته وان الفانيله كبيره عليه ؟ وش الخطأ الي صلحه مارسيلو أمس ؟ كان سيء من ضمن مجموعه سيئه بالشوط الاول يعني وقفت عليه , شيء طبيعي فتره وتجي اي لاعب بالعالم انه يمر بفتره سيئه او ما يلعب كويس , طول عمركم تقولون انه من افضل لاعبين الفريق وانه اذا كان موجود مع كريس بالجهه اليسرى معناته خطوره وجبهه قويه وش الي خلاكم تقلبون عليه ؟ عشان مباراه وحده ما لعب زين ؟ تناقض !  قاعد اشوف الاحصائيه ما اشوف يعني ان الفريق كان بهالسوء الي نتكلم عنه , يعني بالشوط الاول كانت لنا فرص ووحده بالقائم , وبالشوط الثاني كورتين بالقائم من غير التسديدات والهجمات قدام المرمى , يعني الفريق كان يخلق فرص بس ما يستغلها , الي خلانا نشوف ان الفريق كان سيء هو طريقه لعب مايوركا الدفاعيه ولا فريقنا مشى صح بس ما لقى الحل انه يفك هالدفاع . .. |
328Likes
من تسديدة البنز
الوضع العادي
