|
أولا مبرووووووك الفوزواسترجاع الثقه للعيبه وللمدرب كنت اتمنى اليوم أشوف هيقواين في المقدمه حتى لو الشوط الثاني لكن الحمدلله فوز كاسح على اشبيليه .. ب ستة أهداف :s4s: وب ثلاث نقاط وعودة هداف الدوري للتهديف وبفارق ثلاث اهداف عن البرغوث :s3s: طرد بيبي كاد ان يُكلفنا الكثير لكن الحمدلله كنا متقدمين ب ثلاث :yes: الدوري لابد من اللعيبه أن يلعبوا ب مثل هذا القتال:naughty: .. الريال يجيب هدف ويضيع مثله وهنا تكمن المشكله :cry: صحيح راضين عن الفريق ولكن لانريد اي هجمه الا بهدف أو فاول وهذا المطلوب كاسياس أبدع اليوم وحتى في مباراة برشلونه دائما له نصيب الأسد :ga:من انقاذ الفريق مع احترامي ل اللي يتكلم على كاسياس ويقول انه مايبدع قدام برشلونه > شف نكبات دفاعك :s3s: وبعدها قيم ايكر يعني لو نشوف حارس برشلونه فالديس غلط (نكبهم) مرتين ولو انهم منهزمين بيحطون كل الحمل على الحارس كاسياس ماينكبك مثل باقي الحراس .. والدون لازم اذا بنلعب قدام الحوث يعتبرها مثل أي مباراة عشان مايكون عاله على الفريق مباراة اليوم اثبتوا اللعيبه انهم يبون يرضون الجمهور قبل تفكيرهم ب المنافسه على الدوري :wub: وهذا المطلوب في جميع المباريات :smilie47: أخوي الفضائي ياليت اذا كل همك جمهور الفشلونيين ووش يقولون لك بعد المباراة مع احترامي لك كأنك لاتفخر ب عشقك ل المدريديستا واذا على فشلونا ياما ذاقوا المُر من المرينجي .. ولاتنسى ان هذا جيلهم الذهبي والفضي والبرونزي :d افرحووووا ف الفرج قريب ب اذن الله وان شاء الله الـ 32 في الطريق والـ 10 في طريقها ب اذن اللي ماتنام عينه يخسر الملكي فنزداد قوه ونفوز ف نزداد كبرياء ,, ودمتم بصحه وفوز :smilie47::rose: |
إقتباس:
يا حبك للتنكيد , حنا الان بجو فرح ووناسه ليش تخرب بكلام ماله داعي , تكلمنا وضاقت صدورنا بعد الكلاسيكو , خلاص الان لازم ننسى ونكمل مشوارنا , لو الاعبين ولا الجهاز الاداري قال نفس كلامك صدقني بنطلع من دور الـ 16 وما راح ننافس بالليغا , هذا اذا ما هبطنا وبعنا الاعبين واستقال بيريز وجمهورنا توزعو على الانديه . المباراه انتهت بخيرها وشرها والجميل اننا قدرنا نرجع للصداره ونضرب بالسته على فريق ممتاز وعلى ارضه . أجل وش رايكم بس نرجع ونقول يالله انهزمنا من برشلونه 5 فيه غصه ومدري ايش , انهزمنا 5 وكملنا مشوارنا ونافسنا بالليغا لاخر المشوار وجبنا الكأس ووصلنا لدور الاربعه بالابطال , لو الاعبين قالو لا انهزمنا 5 خلاص لازم تضيق صدورنا وتقعد الغصه طول العمر , نسو الهزيمه وحاولو يعوضون وقدرو . نقطه اخيره ابقولك اياه : فريقنا يلعب عشان يجيب بطولات موب عشان يفوز على برشلونه . فكر فيها وبتفهم وش اقصد |
إقتباس:
اهلين أخوي :rose: شف قضية اننا في حالة ( غبنة ) خالصين منها لكن اننا نقول اذا ( ما ) فزنا عليهم فـ نحن تحت ؟! من متى صار الفوز عليهم بطولة ومن متى صار الابداع قدامهم تعتبر لاعب كبير مباراة السبت وخلصنا منها صحيح خسرنا وحنا افضل ولآزلنا افضل رغم الخسارة ايضا اخوي قدامنا وقت كثير حوالي 20 جولة لمباراة الكآمب نو وبإذن الله نشوف ( طابور) كاتلوني في الكآمب نو , وكريس مثل ماشفناه رجع مثل ما كان ورجع وحش وبإذن الله قادرين على الفوز بالبطولات هالموسم بهالفريق ولاتنسى اخوي 80% من قوتنا تكمن في كريس , في الهجوم طبعا وكريس لاعب كبير ويتعلم من اخطائه اللي وقع فيها بالكلاسيكو وهايط وانا اخوك ترك متصدر ولآتنسى ان الهلال أخر فوز على الاتحاد كان بالخمسة وبعدها مافاز هل هذا وقف الزعيم او منعه من تحقيق البطولات ؟!؟ وبرضو لاتنسى ان اشبيلية قدر يوقف برشلونه بالكامب نو وانت شقيتهم بـ 6 في ملعبهم وبالنهاية وقتك غلط خخخخخخخخخخخخخخخخخخخخ , سويت تصاميم لكن ماقدرت ارفع الصور حاجة غريبة جدا جربت كذا موقع ومازبط وغيرت صيغ الصور وبرضوا مازبط ماادري وش المشكلة :cry: |
. +3 صباح الخير على الملوك والف مبروك الإكتساح بسداسية وعودة الصدارة لأهلها صراحة كان عندي كلام كثير عن المتش وعن تكتيك مورينهو المميز اليوم لكن فيه رد هنا يحتاج وقفة : إقتباس:
وأنا صراحة بأعلق على كم نقطة من ردك يحز في النفس إن مشجعي الريال بهذه النفسية ليش تقيس الأمور وفق قوانين خاطئة أنت اللي حطيتها . اللحين أنت متضايق من فوز البرشا علينا وكلنا متضايقين لكن ليش دايم نشوف النقطة السوداء في الثوب الأبيض القصد لاتصير متشائم فريقنا والحمدلله متصدر الليغا فريقنا والحمدلله متصدر مجموعته في الأبطال فريقنا والحمدلله آآخر 18 لقاء فايز 16 فريقنا والحمدلله صاحب أقوى مد هجومي في قارة أوروبا لو كلنا بنفكر زي ماقلت ترى ماعاد بيبقى مشجعين لكل الأندية أجل وش تقول عن مانشستريونايتد اللي طالع من الأبطال من المجموعات ومهزوم على أرضه في الدوري 6 ولاتصدر الدوري الى اللحين طيب وش تقول عن المان سيتي اللي يكب من هالدراهم ولا قدر يعدي دور المجموعات طيب وش تقول عن الآرسنال اللي ماحقق الدوري من 9 سنوات ولاعمره حقق الأبطال طيب وش تقول عن الإنتر المترنح اللي قبل سنتين جاب الخماسية واللحين مركزه ال9 روما اللي آخر دوري حققه 2001 يوفنتوس من 6 سنين مالعب في الأبطال كل هذولا لهم مشجعين وفرقهم تمر بنكبات وباقي يشجعون فريقك مكتسح أوروبا لكنه أخفق في مباراة وأنت تقول وش نبغى بهم !! والدون لازم الجمهور يصفرون ويستهجنون مستوياته وكاسياس تقول لاتفرحون بصدنه الخورافيه لأنه مايقدر على ميسي ليش هالروح الإنهزامية ؟؟؟ قبل المباراة قلت أخاف على الريال من الريال لكن اللحين أخاف على الريال من جمهور الريال الفريق يمشي صح ورجع للصدارة بفارق 3 نقاط طيب إرجع لمباراة اليوم : ( إشبيلية ) عندك خبر إن هالفريق صاحب ثاني أفضل خط دفاع و لعب ضد برشلونة في الكامب نو وكان مطرود منه 2 والحكم إحتسب بلنتي لبرشلونة وضيعه ميسي وإنتهت المباراة تعادل سلبي وأنت جاي على أرضهم وداكهم بسداسية ولا أنت راضي عن الفريق . وعلى فكرة ترى ميسي لما ضيع البلنتي الجمهور وقف معاه وأنت تطالب إن الجمهور يوقف ضد نجومك أخوي الفضائي راجع حساباتك شوي وحاول تأخذ الموضوع بالجملة مو بالقطاعي شوف حسنات الريال وسيئاته بتلقى الوضع يختلف معاك وتعيد النظر في اللي قلته . وهزيمة برشلونة صايرة صايرة بإذن الله وإحنا مابغينا نفوز عليهم الإسبوع الماضي عشان لاننهي الليغا :d نبغى نحسمها في ملعبهم الدور الثاني إن شاء الله ============ نرجع للمباراة : مورينهو لعب بطريقة اليوم مختلفة تقدر نقول عنها منهجية دفاعية ذات رتم هجومي عالي وجود لاس محور على اليمين وقدامه كاليخون وجود الونسو على اليسار شوي ودي ماريا يغطي موقعه أعطى أظهرتنا قوة دفاعية خورافية لأن قوة إشبيلية في أجنحته فــ إختفى إشبيلية الشوط الأول في المقابل النهج الهجومي للفريق كان مبني على هيئة معين ( شكل رباعي ) بنزيما كاليخون ..... رونالدو دي ماريا حرر الثلاثي ( بنزيما - الدون - كاليخون ) من الأدوار الدفاعية نوعا ما وتفرغوا للتكتيك الهجومي كاليخون ساقط خلف الأظهرة وهذا خلا إشبيلية يتحفظ شوي دفاعيا وهالتحفظ سبَبَ خلل في وسطهم وخلق لنا مساحة أعطتنا حرية أكبر في التحرك والتمركز الميزة الحلوه اللي في الفريق ( الهدووء ) لكن طفاقة بيبي بغت تجيب فينا العيد الرباعي ( آربيلوا - بيبي - راموس - مارسيلو ) ماشفناهم يتقدمون كثير والسبب إن المنافس سريع في الإرتدادات ويلعب على الأجنحة وفوق هذا خط الوسط والهجوم قايم بدوره على أكمل وجهـ . نقطة أخيرة : http://www.m5zn.com/uploads2/2011/12...pqpxrm45zd.jpg كاسياس :smilie47: ليه يلعب أساسي ؟ :s2: :s2: :s2: +3 باقي فيه كلام كثير راجعين ياعيال :rose: أووه قصدي راجعين يامتصدرين :d |
اللي ردووا بعدي بصراحه قلتوا كل اللي في قلبي .. :smilie47: وتكفى ي الفضائي اذا بترد رد تكفى أنه يكون ايجابي للرابطه s13s .. خاصة بعد نهوض الأعضاء للنقاشات .. نبي نستمتع .. :wub: لا أجبرك وليس من حقي أن أتدخل في ردودك :yes: , ولكن لانُريد أن تكسر مجاديف الرابطه برد ليس من صالحنا :smilie47::rose: لك أن تغلط ليس عيبــآ ولكن العيب أن تستمر ب الغلط وهذا مبدأ الريال :smilie47: يصحح أغلاطه ب أسرع وقت ممكن .. الله يديم الأفراح والليالي المـــــــــلآح :smilie47::rose: |
كاسياس المفروض دكة أو نبيعه لأنجي الروسي !! رونالدو ليه تسجل المفروض ما تسجل الا على البرسا !! غصة أمكن بـ النسبة لك فقط !! يكفي أن الفريق لعب المباراة وكأنه ما خسر الكلاسيكو مستوى نتيجة وطقطقة , بـ النسبة للدون إذا ما سجل على البرسا ليه يسجل أمس !! منطقك غريب بـ أهداف أمس رونالدو تصدرنا الليغا . خلاص ي عيال أنهزمنا من البرسا لأعاد نلعب المباريات الباقية من الدوري لأنو أنهزمنا من البرسا !! أخيراً : أنت شكلك تتحرى الهزيمة وترد دائماً نشوفك في الأوقات الصعبة , إذا انهزم الفريق دائماً تكون متواجد بعكس إذا كان فائز , أشكر لك وقفتك مع الفريق في أوقاته الصعبة أهم شيء نشوفك في تتويج الفريق بـ لقب الليغا نهاية الموسم !! أنهزامي انت !! http://www.m5zn.com/uploads2/2011/12...pqpxrm45zd.jpg أسطورة ي كاسياس ي أعظم حارس في التاريخ :smilie47: http://www.m5zn.com/uploads2/2011/12...zpr4f2da6h.png أحرررق ي دون واقهر عذالك :smilie47: |
أحلى ما في المباراة إنه ما نزل أوزيل ونزل مكانه كاليخون أوزيل مثل دول يحرق الاعصاب فالكم الفارق الكبير مباراة ممتعة للغاية في شوطها الأول الثاني ما شفته |
مبرووك الفوز وفرق 3 عن الطحالب مستوى خراافي الي عنده مقطع فيديو تصدي كاسياس الخرافي ياليت يسدحة + نبي صور المباراة |
إقتباس:
طرد البيول كرتين أصفرين وليس طرد مباشر أتوقع فيه فرق و ريال مدريد ليس فريق التعاون ولا الانصار عشان يخطأ خطأ شنيع مثل هذا |
مورينيو : كنت أتوقع الفوز والانفراد بالصدارة .. لكن ليس بهذه النتيجة http://www.realmadridarabia.com/down...18f52b/gallery دييغو جابالكوينتو – تحرير محمد العياصرة سحق ريال مدريد منافسه اشبيلية في ملعب رامون سانشيز بيزخوان ليودع عام 2011 زعيماً للدوري .. واعترف مدرب الفريق الابيض: اشبليلة ليس فريق صغير أو دون طموح، في الشوط الاول تصدى كاسياس لفرصتين بشكل مذهل والفريق قام بعمل جيد، وفي الشوط الثاني نجح الفريق رغم انه لعب بـ10 لاعبين وقدم تضحية كبيرة وكان دي ماريا مثال على ذلك .. لديه روح طيبة للغاية. توقع مورينيو نهاية سعيدة لزيارته لاشبيلية من خلال تحقيق الفوز، لكنه لم يتوقع ان يكرر نتيجة العام الماضي، " توقعت الفوز لنتزعم الدوري مع رد فعل قوي للاعبين .. لكن لم اكن اتوقع هذه النتيجة، حققنا نفس النتيجة في موسمين، واشبيلية دائما ما يكون صعب .. قبل اللقاء حققنا 17 فوز في 16 مباراة، وكان من الطبيعي ان نفوز مرة اخرى، ونجحنا بذلك امام منافس صعب". مورينيو ابدى رضاه عن فريقه رغم النقص العددي، " اشبيلية ليس فريق صغير او بدون طموح وقوة، في الشوط الاول أوقف كاسياس كرتين بطريقة مذهلة والفريق لعب بشكل جيد، وفي الشوط الثاني نجح الفريق بعمله رغم النقص العددي، دخل ألبيول ولعب بهدوء كما كان متوقع، وواصل راموس بقوة رغم المشاكل البدنية في ظل حاجة الفريق اليه، وكان من الضروري وضع اربيلوا في العمق .. الفريق قدم تضحية كبيرة ودي ماريا كان مثال على ذلك، لقد ذهب للارجنيتن الاسبوع الماضي وعاد للفريق، وسيعود مجدداُ لتقديم الدعم لعائلته، نحن فريق يتمتع بروح طيبة للغاية .. اذا كنت قد قلت الاسبوع الماضي اننا ما زلنا في الصدارة، اليوم اقول اننا المتزعمين للدوري بشكل منفرد". وعلى الرغم من النتيجة العريضة ، مورينهو لا يعتقد أن ذلك يعكس الفارق الحقيقي بين ريال مدريد واشبيلية، وقال: كان لدينا حارس المرمى محترف جداً وتصدى لفرصتين في لحظات حاسمة من المباراة وبعيداً عن الحظ، ولاعبي الهجوم استغلوا الفرصة المتاحة لهم بشكل ملحوظ، اعتقد اننا تمكنا من ان نفرض تفوقنا على منافسنا، وبالنسبة لي لا اقول ان النيجة تعكس واقع الفريقين، اشبيلية لديه فريق عظيم، وكان من الطبيعي ان نفوز، لكن ليس بهذا الفارق. واكد المدرب البرتغالي انه رغم النقص العددي، الا انه حث الفريق على زيادة الضغط، وعن كرستيانو رونالدو، اوضح مورينيو بانه لم يتفاجأ، وقال: من الطبيعي ان يلعب كرستيانو بهذا الشكل، يريد دائما مساعدة الفريق، فمن الطبيعي ان يسجل الاهداف. Real Madrid :rose: |
كرستيانو رونالدو: انجزنا الهدف في مباراة صعبة http://www.realmadridarabia.com/down...44fdea/gallery ييغو جابالكوينتو – تحرير محمد العياصرة مع ثلاثة أهداف شخصية، كان كريستيانو رونالدو لاعب حاسم في المباراة امام اشبيلية.. حيث اشاد لاعب كرة القدم البرتغالي نهاية اللقاء بجماعية الفريق، " لا يهمني ما يحكى عني، انا اقوم بعملي وبتركيز عالي .. اظهرنا اننا فريق جيد جداً ونتطلع للعب مجدداً". وأعرب النجم البرتغالي عن سروره بوصوله للهدف (20) في الدوري مع نهاية العام 2011، وقال : انجزنا الهدف، وحققنا ثلاث نقاط قبل عيد الميلاد، ولعبنا بشكل جيد في مباراة صعبة ونحن سعداء للغاية. Real Madrid :rose: |
تقييم اللاعبين من الديفنسا سنترال كاسياس:9 اربيلوا:8 بيبي :4 راموس:8 مارسيلو:5 لاس :8 كاليخون:8 الونسو:8 كريس:9 دي ماريا:9 بنزيما:8 البيول:7 خضيرة:8 التنتوب:7 مورينيو:8 ديفنسا سنترال |
تقييم الحكم من الماركا http://estaticos.archivo.marca.com/f...clos_gomez.jpg Clos Gَmez http://estaticos.archivo.marca.com/f...ntuacion/7.gif |
كاسياس : هذا الفوز يمنحنا المزيد من الثقة http://www.realmadridarabia.com/down...0a601e/gallery دييغو جابالكوينتو – تحرير محمد العياصرة كان ايكر كاسياس احد الابطال في ليلة الفوز على اشبيلية بتصديه لفرصتين بشكل مذهل، وكان الانقاذ الابرز لكرة مانو ديل مورال، وقال: ما فعلته هو التحول من جهة الى اخرى لمحاولة الوصول الى الكرة ومنعها من الدخول، وكانت اللقطة مشابهة لتلك التي حدثت قبل موسمين، وهذا يمنحني الكثير من الثقة. واكد قائد ريال مدريد: الشيء المهم هو أننا تناسينا الهزيمة الماضية وحققنا نصر ضد منافس صعب .. واصلنا نتائجنا الايجابية وحققنا انتصار مهم جداً، ونحن الان اكثر هدوء. كاسياس تحدث عن كريستيانو رونالدو ايضا: انه لاعب عظيم، يحقق المطلوب منه واحيانا يقدم اكثر من اللازم، يثبت دوما بانه لاعب عظيم، وبالنسبة لنا فهو مهم جداً ونأمل ان يواصل تسجيل العديد من الاهداف. كما عبر حارس مرمى ريال مدريد عن تقديره لأهمية الفوز في استاد سانشيز بيزخوان، "لم يكن من السهل الفوز هنا ، لكننا وصلنا للصدارة بفارق ثلاث نقاط وهذا المهم بالنسبة لنا .. امال ان نعيش العام 2012 بفرح اكبر ونتمنى الصحة والسعادة للجميع". Real Madrid :rose: |
| الوقت المعتمد في المنتدى بتوقيت جرينتش +3.
الوقت الان » 06:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd