|
888 88 8 ياجماعه عطونا نيمار بيناير لو بـ 94 مليون مع انه صغير لكن يعشق اجواء الكلاسيكوهات يحسسك ان عندك لاعب تقدر تبني عليه امال لاعب اذا مسك الكوره ماتنقطع الا بكرت لاعب تقدر تحط عليه الطموحات انه يحدث فارق تقدر تبني عليه خطط وتكتيكات لاعب ترتاح اذا كانت الكوره بين قدميه لاعب من طينة اللعيبه اللى الفرق تحسب لهم الف حساب اضعف الايمان تضمن انه مايعرف الحاله النفسيه اللى يمر بها بعض العيبه قدام برسا |
إقتباس:
ما أحد يشكك في موهبه نيمار لكن تضمن أنه يبدع في الدوري الاسباني ؟؟ الانديه البرازيليه تلعب كورة للمتعه فقط ما فيه تكتيك ما فيه تنظيم مافيه انضباطيه داخل الملعب حتى المدافعين أي كلام , وهذا اللي خلا نيمار يبدع بقوه لكن اذا جاء لـ أوربا الوضع بيختلف تماما |
إقتباس:
يعني سبب الخساره البنز ؟ّ!!! ع أساس كرستينا مقطع الملعب , ما به ألا تسدح و تبطح و تنفيض يدين بس لاعب بالمباريات الحاسمه يخونك سبب الخساره هو و أستهباله ولا هان المدرب من الأساس الجهه اليمين صايره طريق المزاحميه كوينتراو مكانه غلط و سبب الهدف الثالث هذا غير ثقافه التكسير اللي مدري وش تبي , مستغرب من الحكم ما طرد كوينتراو و لاس و بيبي زي ما قال ابو تولين أفضل من لعب السان , لاس , البنز الأسوء كرستينا , راموس , كوينتراو متى ما دخل مدريد المباريات مع برشلونه على انها مباره ابو 3 نقاط و مع فريق عادي بنفوز , اما كلاسيكو و اعلام و مدري أيش بننلقم صايره عقده نفسيه نشوف وش اخرتها مع الفريق |
^ ^ كل هذا الكلام لا يغني ولا يسمن من جوع وملينا وحنا نردده بعد كل خسارة من برشلونه ونواسي أنفسنا فيه للأسف الواقع يقول غير هذا حاليا , برشلونه قاعد يمسخرنا رايح جاي من 3 مواسم وسوينا كل شئ تعاقدنا مع النجوم وجلبنا أفضل المدربين ولكن النتيجه 0 اسف اذا ازعجتكم بكثرة مداخلاتي لكن والله من قهري على فريقي اللي اتمناله كل خير ........... لجميع المدريديستا :smilie47: :rose: |
هارد لك ياعيال ماتسّجل .. تلقم .. فاكت كلنا عارفينه موري اخطأ .. واستغرب انه مااستفاد من درس الخمسة .. اي واحد يفهم في الكورة انها بس مدورّة ويشوف مباراة وحدة لبرشلونة .. يعرف ان فتح الملعب لهم يعتبر انتحار فريق يمتلك افضل 3 صناع لعب في الدوري وفوقهم ميسّي :( هههه تروح تلعب بمحورين ..؟ بلاش المحورين .. على أي اساس كوينتراو هو الظهير الأيمن ؟ وهو لاعب اعسر ؟ رغم انه سوّا اللي عليه .. لكن خيار أربيلوا كان افضل بكثييييير , واقل الاحوال كان ديارا الظهير الأيمن وكوينتراو محور .. اذا انك مصّر ع اللعب بمحورين ! موري يتحمّل الهزيمة بنسبة كبيرة بتشكيلته الغريبة ومكابرته على اني اقدر افوز ع البرشا بهجوم .. صحيح ان اللي يفهم بالكورة الأسبانية يعرف ان الجمهور الأسباني وخصوصاً الغريمين مايرضون بمجّرد النقاط .. بل ان المستوى بأهميّة النقاط لكن الكورة الواقعية .. نقاط قبل المستوى .. اليونان فازت بكأس امم اوروبا .. كمستوى كان ابوكلب .. لكن تاريخياً .. فازت بكأس امم اوروبا هنا تجي الواقعية برشلونة مطالب انه يهاجم لأنه متأخر وراك بـ 3 نقاط فعلياً و6 نقاط افتراضياً.. غير انهم مايعرفون يدافعون او بالاصّح ماتعوّدوا يدافعون .. جايينك بيهاجمون .. العب بواقعية وكّثف وسطك ..والعب بالطريقة اللي يجيدها فريقك " المرتدات " مشت الامور معك وسجلت بأول دقيقة .. مش عيب تقمط .. منتا بتقمط دايماً ههههههه قفّل صح .. ان سجّلوا هي تعادل .. وتستمر +6 فرضياً .. وان جاك الحظ ومشى معاك وسجّلت ثاني .. صارت +9 .. بس الهياط اللي صار اليوم ماكان له أي داع ولهالسبب احمّل موري نسبة كبيررة من الخسارة هجمة كريس اللي مزعها بالجمهور " كالعادة " .. كانت نقطة التحول في المباراة كلها ... لو سجّلها كريس كانت بتنقلب الامور كلها لصالحك .. لكن كريس خذلنا وخذل كل مشجعين مدريد اليوم .. كانت من أسوأ مبارياته " دايم سيء قدام البرشا " والغريب ان موري ملّزم عليه .. ليش طيب كان عندك خيار أفضل .. فعلاً لعبنا 11 ضد 11 .. لكن فعلياً كريس ماكأنه في الملعب هجمتين ضاعت ماتضيع منه ولامن الزوري حتى .. المزعة الغبية حقته .. وضربة الرأس المعوّقة الموضوع عند كريس والفريق كله صار نفسي اكثر من انه فنّي الدوري لسّه عليه .. بس بهالنفسية والانهزامية .. انسوه نهائي قفلة : ميسّي ماسوا شي اليوم .. الا أسسيست الهدف الأول .. لكن معدنه معروف كنجم المتعة كل المتعة بين رجلين انييستا .. السهل الممتنع الممتع تصبحون على خير |
http://4.bp.blogspot.com/-NrNNymM8h8..._256-96x96.jpg&^*..:: عزيزي الملكي مشجع ريال مدريد ::..*^&http://4.bp.blogspot.com/-NrNNymM8h8..._256-96x96.jpg ,,, أرفع رأسك وأفتخر فأنت تشجع أكثر فريق أوروبي حاز على دوري أبطال أوروبا .. ,.,.,., ,,, أرفع رأسك وأفتخر فأنت تشجع أكثر فريق إسباني حاز على الدوري الإسباني .. ,.,.,., ,,, أرفع رأسك وأفتخر فأنت تشجع الفريق صاحب أكثر عدد في مرات الفوز في مباريات الكلاسيكو بينه وبين الفريق (سيئ الذكر) .. ,.,.,., ,,, أرفع رأسك وأفتخر فأنت تشجع الفريق الذي لعب له أشهر وأفضل من داعب المستديرة زيدان - الظاهرة رونالدو - فيجو - زامورانو - راؤول - روبيرتو كارلوس - دي ستيفانو - سانتيلانا بوشكاش - سانشيز - موريانتس - كاكا - كاسياس - كريستيانو رونالدو وأعذروني أن نسيت أحد أو يمكن ما لحقت عليه بحكم عمري .. ,.,.,., ,,, وأخيراً أرفع رأسك وأفتخر فأنت تشجع أفضل فريق كرة قدم في القرن العشرين .. ,.,.,., |
الي يسمعكم يقول جالسين نصارع عالهبوط ترا الفارق 3 نقاط ويمكن تصير 6 وزعلانين على خساره مباراه قولولي بس متى مباراه اشبيليه والفرشا مع من مباراتهم الجايه |
|| رونالدو Vs ميسي || كلامكم صح هذا مو مستوى الدون لكن بـ أشياء ملموسة أتحدث لكم : 1- ميسي صنع الهدف الأول وكريستيانو صنع فرصة لكاكا تصدى لها فالديز بطريقة غريبة :s5s: . 2- ميسي كانت له هجمة تصدى لها كاسياس وكرستيانو له تسديدة تصدى لها فالديز بقبضة يده . 3- ميسي أضاع ضربة حرة و كرستيانو أضاع 3 ضربات حرة . الشيء الوحيد اللي فرق الركلات الحرة و أنا كنت أتمنى ألونسو يسدد بدل الدون رغم أني أتوقع أن ألونسو لا يملك الجرأة بالتسديد وكان في أحد الضربات الحرة يعمل ( تمويه ) كان واضح من أن كرستيانو تفاجأ بهذه الحركة ( لم تكن بالحسبان ) . وكذلك أستغرب من البعض يقول ميسي يمر ويعدي ( يسحب ) أما كرستيانو فلا ! ، أخي العزيز شاهد مافعله رونالدو ببويول أكثر من مرة . كذلك كرستيانو لعب بأكثر من مركز لعب على الطرفين الأيمن و الأيسر وأيضا من العمق ! ، بعكس ميسي الذي لم يلعب على الطرف البتة وكان طوال المباراة يلعب على العمق فقط . || نقاط متفرقة من المباراة || * الجمهور المدريدي حكم على كرستيانو من خلال التسديدة التي أضاعها في الشوط الأول ؛ لذلك لم يلاحظ المجهود الكبير الذي قام به . * الجمهور كان في أكثر الأحيان سلبي على الفريق . * عبقرية مورينهو تجلت بما فعله دي ماريا و بنزيما و كريستيانو وأوزيل في الدقيقة الأولى . * الهدف الذي أتى بالخطأ من مارسيلو قتل الملكي . * في كل مرة يكون الدون واحد لـ واحد مع بويول يتفوق الدون . * انييستا صنع الفارق لبرشلونة . * بنزيما أثبت تميزه واختلافه عن المواسم السابقة . * دي ماريا كريستيانو بنزيما أوزيل كانوا يتبادلون الأدوار على عكس برشلونة الذي لعب بالطريقة الكلاسيكية ( كل واحد بمكانه ) . * كاسياس كان مرتبك حتى الكرات السهلة كان يخلصها بقبضة يده عرضية الهدف الثالث مرت دون أن يخرج لها رغم أنها قريبة . * الشوط الأول كانت هنالك 5 فرص محققة للـ ملكي مقابل 3 لـ برشلونة ! http://www.kuwaitclub.com.kw/s/kc/images/10_12 شوفوا هاللاعب اللي فوق إذا رجع لنفس لمستواه مع بوروسيا قأقدر أقول عنه ضالة الملكي :smilie47::smilie47: راااااااااااااااااااااااااااااااااااح يــــــــــــــــــــفـــــــــــــــــــك أزمــــــــــــــــــــة http://www.totalbarca.com/wp-content...43-480x428.jpg معليه يا دون أهدافك اللي تجيبها على الفرق اللي يقولون عنها ( صغيرة ) هي اللي بتجيب لنا الدوري :ba1: والله ثم والله لو هو مايجيب إلا على برشلونة كان يقولون عنه لاعب حظ هاللاعب بجد مظلوووووووم برشلونة أمام أحد الفرق ميسي كان سيء وأضاع ركلة جزاء ولم يلقى شتائم كالذي يلقاها كريستيانو غريب أمركم كرستيانو يلعب أمام نفس الفرق التي يلعب أمامها ميسي ومع ذلك يتفوق عليه بالأرقام ! :cry::cry: 90 دقيقة من الترقب والتوتر ولت وانتهت ريال مدريد متصدر لأنه لعب 14 مباراة مقابل 15 لـ برشلونة أرجع وأقول أهدافك يارونالدو هي اللي رجحت كفتنا الآن :rose: |
استغرب الصراحة من مستوى كاسياس امام برشلونه....... دائما يظهر مرتبك و ربما خائف.... يالبى العقلية البرازيلية.....يدخلون المباراة بثقه حتى لو كان الخصم اقوى منهم..... والسبب انهم مهايطيه كبار....و اقصد النوع الحميد من الهياط...النابع من الثقه بالنفس وحب التحدي.... |
.. صصح كنا نتمنى الفووز بسس ماله داعي الزعل الزايد ! الدوري لريال ومعاه الأبطال وإن بغيتو كأس أسبانيا اصبرو على مريهو موسمين جنن العالم !! |
شباب ما يدرا وش الخيرة فيه يمقن لفزت على برشلونا تستأسد الفرق قدامك ويمقن يتراخون اللاعبين ويفقدون مباريات بسهولة الهزيمة يمقن تعيد الحماس والنشاط للاعبين لتعويض الخسارة . |
هاردلك على الهزيمه ريال مدريد بصراحه كان بامكانه ينهي المباراه من الشوط الاول لكن خيرها بغيرها والمدرب يتحمل النتيجه |
السلام عليكم هاردلكم يا جماعه على الاخساره المباره كانت من اهم مباريات الموسم وهذا الكلام بعيد عن الكلام الانشائي المعروف بالنسبه لي كنت متشائم من المباره ولكن بعد ما شفت تشكيلة الفريقين فقدت الامل كليا الشي المطلوب الحين النظر للمستقبل و المحافظه على فارق الثلاث نقاط اللي بيننا انا ابي اتكلم عن نقطتين ١ الونسو بطي جدا جدا جدا جدا نعم انت بحاجة تنويع اللعب لكن مع خصم مثل برشلونا و بلعبهم السريع ماله اي فايده بالفريق الا اذا حطيت واحد على يمينه و واحد على يساره مثل ما صار في كاس السوبر في الذهاب الونسو كانتراو <<<<<< كاليخون حشرنا برشلونا ١٥ دقيقه بسبب بثارة كونتراو و كاليخون ---------------------------------------------------------------- ٢ رونالدو في ٩٥٪ من مباريات الكلاسيكو يكون فيها صفر على الشمال ( ٥٪ حقت الاهدف اللي بالكاس) اللاعب يدخل الملعب مضغوط ضغط غير طبيعي اكثر من ٨ مباريات واللين الحين ما طلع من هذه الحاله مو معقول ابد طبعا لازم اتكلم عن مركزه والله اني اشوف رونالدو بلقريني اكثر اقناع من رونالدو مورينهو ايام كان مع بلقريني كان قريب جد من المرماء حتى في اغلب الاحيان كان يعتبر مهاجم ثاني وهنا اصلن مستقبل رونالدو بعد ما فقد مهارته بشكل ملحوظ جدا اما مع مورينهو اصبح جناح ( كيف الحال جناح بدون مهاره فرديه مغير دق سبرنت واللي في امه خير يلحقني ) حتى لو رجعنا للارقام بنتعب كثير من التزبيد :d بالاخير اتمنى اني ما اشوف رونالدو اساسي في الاياب :yes: لاني بصراحه بعد الكم الهائل من المباريات فقت الامل |
صباح الخير للجميع . . هاردلك الخساره . . عجزت انام امس . . مدري بس حسيت بحرقة بعد ما صحيت خف الم الحرقه والحسره على نتيجة المباراة . . القهر انها ليتها كانت خساره من بدري وهدف التقدم من البارسا وارتحنا . . ليس كما حصل في سيناريو المباراة .. كلاسيكو الامس اعتبره من اسوء نتائج الكلاسيكو اللي مرت علي . . - نتائج الريال وتصدره ومستوياته . . تقول عكس ذالك - مستويات البارسا والفارق النقطي ونتائجه في الدوري - الوقت المناسب لـ كسب الكلاسيكو ومضاعفة الفارق - تتقدم ثم تنقلب عليك بعد ما ضيعة الفرص تلوى الفرص خساره مؤلمه جدآ . . وليست خساره ثلاث نقاط فقط . . واقعها راح يكون نفسي . . اثرها راح يكون على المدى القريب والبعيد . . من بعد كلاسيكو امس ايقنت ان انتصار الريال راح يتأخر كثير . . وتأكدت من شي بالامس الاعبين يخافون البارسا . . نعم هذه الحقيقه . . لاعبين الريال يهابون البارسا وهذا الشي رأيته بعيني . . ارتباك وخوف . . ميسي يمسك الكوره . . يتساقطون لاعبين الريال ويتصادمون جميعآ راموس يتعثر وبيبي يتصدم بـ خضيره والوضع مزري حقيقه . . اي لاعب من البارسا يمسك الكوره . . تشوف لاعبين الريال يعانون الامرين والالم لكي يستخلص وتكون الخشونه اول شي يعملونه . . استخلاص الكور اصبح صعب جدآ . . امس لاحظت خشونه كبيره من لاعبين الريال من بداية المباراة على جميع الاعبين . . الريال محتاج الي لاعبين وسط " محور + صانع اللعاب " مع احترامي لـ خضيره الا ان مكانه الدكه او خارج الريال .. استغرب من وجود خضيره حتى يومنا هذا . . وبالنسبه لـ اوزيل لاعب جيد لا اكثر وحتى وهو يعيش في افضل ايامه الا انه ليس النجم اللي يقدر يشيل وسط الريال . . ولاحظ ان اوزيل في اقوى المباريات يختفي . . ما ينقص اوزيل جانبين . . اللياقه والقوه البدنيه . . واي صانع العاب يفتقد لهذين العاملين راح يكون لاعب عادي . . اوزيل حضر الكلاسيكو كثيرآ الموسم الماضي وهذا الموسم والنتيجه . . لا شي . . اللي حاب اوصله . . لا خضيره ولا اوزيل يقدرون يجلبون لك دوري ولا ابطال واللي حاب يتأكد من كلامي . . يشاهد المانيا وهي تواجد منتخبات كبرى . . وقتها بتشوف اوزيل وخضيره . . لاعبين جيدين فقط . . نقطة اخرى . . رونالدو . . محد يختلف على موهبته وسجله التاريخي . . لكن لو جينا للجد اكثر اهدافه المسجله غير مؤثره وحساسه وغالبآ ما تكون اهداف عاديه . . في الموسم الماضي سجل 53 هدف ومن بين هذه الاهداف المؤثره هدف واحد جلب لنا الكاس فقط . . زيدان في موسم 2002 سجل للريال قرابة الـ 10 اهدف فقط لكن كانت حساسه وجلبت لنا الابطال الـ 9 . . دائما كنت افضل الكيف افضل من الكميه . . عندي 10 اهداف حساسه افضل من 60 هدف طوال الموسم . . رونالدو حضر كلاسيكوات كثيره ودائمآ يدخلها . . " - متنرفز - غاضب - يستلم للرقابه - يضيع اسهل الفرص - يضيع اسهل الركلات الحره - كثير الاعتراضات والسقوط - اقل مدافع قادر على ايقافه بقى شي ثاني بعد . . رونالدو بالوضع الحالي صعب يكون مؤثر وايجابي في اي كلاسيكو قادم كنت اتمنى دايمآ من رونالدو الدخول لجوء الكلاسيكو بهدؤ وراحه وعدم تضيع الفرص وعدم الاعتراضات والسقوط بسبب وبدون سبب . . للاسف رونالدو جالس يعطينا فكره عنه انه يغيب في اللقاء الكبيره . . او على اقل تقدير امام البارسا .. دفاع الريال . . والاداء المتواضع امام البارسا . . عندي قناعة من موسمين اخذتها . . مارسيلو لا يصلح امام البارسا . . مهما تطور ادائه الا انه يضل سيء دفاعي . . ودائما ما يترك مكانه خالي للخصوم . . بعد كلاسيكو الامس المفروض ان لا نراء مارسيلو امام البارسا مرة اخرى . . راموس . . لا اعلم ماذا يصيب راموس امام البارسا .. اخطاء كارثيه . . ارتباك . . سقوط كثير على ارض الملعب . . هفوات قاتله . . لو تحسب اللقاءة اللي شارك فيها راموس راح تجد انه من اكثر الاعبين هفوات واخطاء وتسبب في هزيمة الريال في اكثر من كلاسيكو سابق . . الريال يحتاج شغل كبير في الدفاع . . والا راح يستمر الريال يعاني امام البارسا . . ,, رساله اخيره . . الريال محتاج الي رجال . . اي نعم محتاج الي رجال تغار على الشعار . . حاليآ لا يوجد الا قله تحزن على الخساره وتتألم .. حب الشعار واللعب بكل روح وعطاء مفقود جدآ . . نفسي اتخيل ان البارسا هو من سجل هدف مبكر مثل ما حصل للريال . . ما راح اجزم بشي الا بـ مضاعفة الاهدف لصالح البارسا . . لكن لاعبين الريال لم يصدقو انهم تقدمو على البارسا ولم يصدقو اكثر انهم قادرين على الفوز على البارسا . . عندما يغيب الاداء الرجولي والغيره على الفريق راح نراء كلاسيكوات مكرره لما حصل بالامس . . عرفت الريال وعاش ايام سيئه لكن اذا حضرت الروح والغيره ع الشعار يتغلب على اعتى الفرق . . لكن ما يحدث حاليآ لم يمر علي ابدآ . . اوكي البارسا قوي وصعب خسارته لكن اللي اشوفه ع الفريق هو انه يخسر والاعبين يحسون ببرود عجيب وعدم الرغبه في تغيير نتيجة المباراة . . عدم الغيره على الشعار + غياب الروح + الانهزاميه المتكرره امام البارسا = فوز متكرر للبارسا اسف ع الاطاله . . لكن اللي حدث امس ليس عادي . . اشكر الريال لانه اختصر لي هذا الموسم |
هارد لكم شباب على الهزيمة اولاً يزعل البعض مني لاقلت برشلونة اقوى وصعب جداً تفوز عليهم مو انه فريق لايقهر لكن لكل شي اسباب خيتافي يفوز وانت ماتقدر ! معناها فيه شي غريب تحليل الجزيرة تكلم صح هالمرة الريال عنده قدرات وكان افضل فنياً من البرشا ومع اني دايماً امجد ببرشلونة الا اني امس كنت واثق ان فريقي افضل فنياً وافضل معنويات وكنت متفائل بفوز فريقي لو بفرق واحد للأسف الريال نفسياً سيء قدام برشلونة ووكلمة صعبة يفوز تنبع من اللاعبين ماتنبع مني وعشان كذا قلت صعب جداً البعض يلوم مورينيو وردي عليه كالتالي من عندك ظهير ايمن جاهز ؟ بتقول لي لاسانا امس لما دخل خضيرة شفنا كيف انه عقيم وشفنا ابداع الونسو بالمحور وقتاليته انا فعلا اعجبت بديارا امس بالمحور طيب من لاسانا ظهير ؟ اربيلوا ؟ ماهو جاهز من غيره راموس ؟ طيب ماعندنا قلب غيره بالاضافة اني اشوفه ممتاز امس موضوع الثلاث محاور , يااخي مورينيو عنده وجهة نظر انا معه فيها ليش اقمط على ملعبي وانا افضل هالفترة وابغى اسدد ديون وهالمباراة مغرية وفقا للظروف , دخلت بتشكيلتي اللي اقدر عليها لكن فشلت بالاعداد النفسي ولاعبيني معفنين العتب الوحيد على مورينيو موضوع كريس يااخي سوال ياموري وش واسطة كريس ذا ؟ ال96 مليون ؟ الله يلعنها ينقلع احتياط وش الفايدة من الارقام والاهداف وانت بالمباريات الحاسمة ولا بريال ؟ وانت كل طرق البطولات بوجه البرشا ولاعبك ماهو عارف يسوي شي طلعه الله يلعنه شفنا كاكا امس دخل والله انه افضل بواجد وشكل خطورة الريال بنظري محتاج لاعبين يعرفون يحتفظون بالكورة على سبيل المثال لو يضبط شاهين وغير كذا محتاج يقتنع ان الفريق 11 لاعب موب كريس بس انا فعلاً اتمنى ينتقل , يااخي كل لعبنا عليه وهو مايفلح الا قدام الصغار اكبر متسبب للخسارة هالغبي الربشة , لو الهجمات ذي على فياريال والا فاليكانو كان شبكها لكن نفسياً قدام البرشا تتصافق رجليه كاسياس , راموس , ديارا , كاكا , بنزيما . وبنسبة بسيطة معيض هذولا اللي قدموا شي موب شين اما الباقي مش حالك بقي علينا نتكلم عن برشلونة برشلونة البارح ماكان بنظري قوي لدرجة هالفوز لكن انت ضعيف وتبي الدليل ؟ الفيس كاشت قدام امس بالشوط الثاني ولاطق خبر لابو 96 مليون لو فريقك مرعب امس ماكان تقدم وكان قمطوا على تقدمهم باستثناء انييستا امس اللي كان طرب وكان ابرز لاعب بالمباراة الشوط الثاني قلت بتنشق بس ستر ربك لكن في نهاية الامر عندك اسماء سحرية بالنص هذا هو زمنها شاء من شاء وابى من ابى ( تشافي- سيسك- انييستا -ميسي ) هذا هو زمنهم لذلك انا بديت ايأس اننا نفوز الا كان بطريقة الكاس تقمط ويفرجها ربك بقول اما انك تفوز بمسخرة مااظن في ظل استمرار العامل النفسي كذا منطقياً قبل المباراة كنا نستحق الفوز صحيح ان البرشا خدمه الحظ نوعاً ما بالفوز لكن مايمنع انه وش الجديد فرعهم ويرقعوننا فيه لما اقول واقمط ولاحظ اني امس في عز مستواي والبرشا يعتبر سيء قياساً بمستواه المعهود فأنا اخاف من العامل النفسي .. اللاعبين يقولون البرشا بعبع كلامهم موب كلامي عموماً السوبر كنا افضل وضيعناها وهالحين كنا افضل الشوط الاول وضيعناها بسبة كريس , يحيى امس يسمعني من الغبنه عجزت اتكلم يوم ضيع الشوتة ابقول حسبي الله ونعم الوكيل عجزت اجيبها صح الا بعد عشر مرات محاولة ,, قهرني الحيوان لكن كله من كالديرون بيب قوارديوللا كالعادة تخصص ولاتلقى مننا اي خسارة بالسنتياغو ( في اسوأ من كذا ؟ ) هارد لنا شباب مرة ثانية وان شاء الله نعوضها بعد مايجي ميسي مرض الزهري |
| الوقت المعتمد في المنتدى بتوقيت جرينتش +3.
الوقت الان » 04:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd