|
هاردلك يَ حلوين :smilie47: والله هياطنا نفع بس عندك لاعبين زلايب :s2: ارتباك ماله أي داعي أوك مباراة قوية مصيرية أمام الغريم لكن ارتباك ماله اي داعي ولخبطة غير الشوط الثاني الانهزامي شوط أول بختصار هدف كان في صالحنا كثييييير بعدها يمكن كالعادة ضيعنا لعبنا رغم ارتباكهم وجتنا فرص تنهي المباراة واخطاء في الدفاع الى ان جاء هدفهم وبدوا يدخلون الاجواء وخلاص وقتها كنت اقول صعب نرجع هي فرصة ومااستغليتها الغريب ان فريقك قوي والغبنه من جد انك تعرف ان عندك لاعبين لكن يتخفون فجأة يعني رونالدو هذا لعبة وهي تسديداته للفاول غير كذا انفراده الي كانت تقضي عليهم وتعطنا 2-0 وايضا راسيه كان امام المرمى كانت ترجعنا للمباراة بالتعادل !! الشوط الثاني كان انهزامي بمعنا الكلمة يعني انتهت 3 قلت الحمدلله كانت تكون تاريخية !! فريقنا فقط بنزيما وبنسبة قليلة دي ماريا لان مو هذا مستواه !! أعتقد فريقنا يبيلة شغل نفسي اكثر من التكتيكي :smilie47::rose: |
شباب أول خطأ فادح كان من المو ... في عدم إشراكه لثلاثي المحور ... ( الدرع ) ثاني خطأ ( كوينتراو ) ليه ظهير أيمن ... لاعب ( لاس ) جربته وكان كويس ... في حال إنك مصر على إنه يلعب أساسي هو وكوينتراو سوا ... !! ثالث خطأ ... على المو أنت شفت فريقك بات في ضياع ... من الدقيقه 35 خلاص فكر تقفل ... وتخطف التعادل أو الفوز بفارق هدف ... !! .................................... رابع خطأ ... هو في تمركز قلبي الدفاااع ....... ( راموووووووووس ) بالله ... يا شباب يوم تمريرة ميسي لساشيز الهدف الأول ... وين كان ( عدم إنضباطية في مركزه خلت كوينتراو يجي ويغطي مالحق على سانشيز ) إنبراشات وعدم هدوء بعض اللاعبين ... رغم تقدمنا منذو الثواني الأول ... يعني كل الامور معانا صح ... نقدر نلعب ونطقطق عليهم الفوز يبينا ... لكن أعتقد بأن ثقافة بعض لاعبينا أم البرشه مالم تتغير فسنخسر كلما واجهناهم في أي ملعب ... !! اللاعبين الذين نعول عليهم ... ( كريس ) ... كأنه ماخذ إبرة مخدر ... مو في الجو خالص ... إللي يقهر إن هذه االفريق هو إللي أمتعنا ... منذو بداية الموسم وفجأة امام البرشه ... يتغير كل شي جميل في الملكي ... !! ( بنزيمه ) و ( كاسياس ) كانوا هم أروع مافي المباراة ................. !! وهاردلكم يا ملوك وسامحوني على الهياط ... لكن كنا نعيش أجواء جميلة في كل شي قبل المبااراة ... لكن حتى الآن متفائل بالفريق والمو بإذن الله راح يعدلون الوضع فيما هو آت ... !! هارلك للجميع |
http://i.imgur.com/aOA63.jpg الشخص اللي فوق هذا هو اخر من بقى من روح الريال السابقة :smilie47: تكفى يا سان علم الزلايب اللي تلعب معكم معنا الروح وحب الشعار اللي هم يلعبون له ، وعلمهم من يكون اسم ريال مدريد :smilie47: ، لولا ستر الله اليوم وكاسياس قسم بالله ان نلقم تاريخه مره ثانية على ملعبنا لكن زي ما قلت هاللاعب هو الوحيد اللي يحترق من اجل الشعار :smilie47: والحين نكون واضحين ونقول الصدق هنا يكون الفرق لما انت تنتج لاعبين ولما تدفع ملايين عشان تجيب لاعبين ! برشلونة وهو في اسوء حالته قبل المباراة جاء وسجلنا فيه هدف في اول دقيقة مع ذلك مسك الكورة وطقطق فينا زي ما يبي ، هجوم بعد الهدف نايم ! دي ماريا مختفي ، رونالدو اي كلام ولا كورة صح !! اوزيل سيء من بداية الموسم راموس بغى يجيب العيد بكم كورة ، مارسيلو ما يفرق عن اللي قبله بشي ، اللاعـب الوحيد اللي اقدر اقول انه قدم مستوى وموب مستوى جيد بل عادي هو كوينتراو لكن ما اقول غير مبروك علينا واحد يلعب ويحترق من اجل فريقه مبروك علينا كاسياس :smilie47: هاردلك لنا يا المدريديستا :smilie47: ومع الاسف كثير ما قلنا لأنفسنا هاردلك في الفترة الماضية ! |
دخلنا المباراه صح وسجلنا وضغطنا وقفلنا وربشناهم الهدف الاول غطله الهدف الثاني حظ الهدف الثالث ملعوب + ضياع فرص بالهبل للريال مدري انتو شايفين مباراه ثانيه ؟؟ هالفريق هو الي بيجيب البطولات وخسارة مباراه لاتعني خسارة بطولة حتى الكلاسيكو في الدور الثاني لو خسرته مايعني انك خسرة البطولة المهم انك تفوز في المباريات الجايه ،، ماخسرت من خيتافي تراك خسران من فريق قوي منافس لك .... |
ايش الهرجة وليه ومتى يفوز الملكي على الكتلان من الاربعة والريال متوقف ليييييييييييييييييييييييييييه هيئنا انفسنا لفوز كاسح فاذا هي هزيمة مذلو وكادت ان تصل ل5 لولا كاسياس وش اللي يصير دنبوشي والا خوف ليتنا واصلنا النوم الفوز على الكتلان اهم الان من اي بطولة |
هارد لكم جميعا ياناس صحتكم أهم من الكورة كلنا زعلانين عالنتيجة والمستوى لكن هذا حال الكورة فوز وخسارة واللي زعلان ومعصب يروق ياخذ له دش :s2: أو ينام :d أهم شي يصرف عمره لين يهدأ اذا فضيت برجع لكم :rose::rose::rose::rose: +3 تصبيرة :s4s: |
من عرفت الريال والدفاع غبي !! متى اشوف الريال بدفاع قوي وصلب :cry: اتوقع لن اشوف هذا الشي ابدا! مدري ياناس احس بيريز نحس على الفريق :s4s: ! دائما تكسر روسنا قدام الصلب اذا صار رئيس s121s ! الشعب يريد اقالة بيريز :s2: |
إقتباس:
كلآم سلييييييم ، يَ شباب معروف الجميع منفعل بعد الهزيمة .. لذلك أجلوا كتاباتكم إلى وقت لاحق ، وبالنسبة للي يتشمت .. فحنا ما نقول غير اللي راح رآآح ، ولنا في القادم صولآت وجولآت .. هآردلكم يَ ملوووك .. القآآدم أفضل بإذن الله .. أخيراً : الريآل لآ ينقصه لآعبين ولكن ينقصه إعداد نفسي فقط ! فمباراة اليوم شهدت على أن الريآل ينقصه فقط طرح نقطة البرشآ فقط لآغير !! الريآل الأفضل في الفترة الحآلية ، ولكن المشكلة نفسية ونفسية فقط .. لذلك أرجوا من الجميع إما أن يقولوا خيراً أو يصمتوا حتى لآ نقول مانندم عليه لآحقاً .. والحمد لله على كل حآل .. |
هارد لكم قسم بالله مصدوووم وش ذا المو اخطا يوم نزل اوزيل مستواه هابط وحط كونتراو ايسار وشفنا انستا يسرح ويمرح من جهته بختصار انا من بداية الموسم قلت مارح احكم الا بعد الكلاسيكو بختصار الفرشا افضل للاسف بس مورينهو يتحمل 50 بالميه من الخساره والاعبين 50 بالميه بختصار عدة نقاط لكم كرستيانو قدام الفرشا دايم مايظهر ماعدا مباراة الكاس ماادري انا وش مشكلته كاكا وهقوين دخولهم زي عدمهم خضيره ثقيل كثير ولاس افضل بمراحل المو اخطا يوم طلع دي ماريا المفروض مايطلع وحتى لو بيطلع يطلع اخر 15 دقيقه ويكون البديل كاليخون هقواين المفروض يدخل بدل البنز اخر 20 دقيقه وكبر غلط للمو يوم يغير الرسم التكتيكي زانا ابي اعرف بس الونسو ولاس بالهدف الاول ليه ما يتدخلون على مسي في شي اسمه فاول تكتيكي كاسياس والله العظيم مستواه المباراه هذي سيى وبغايكبنا الهدف الاول فاتح الزاويه كلها والهدف الثاني مايتحمل الثالث ماحاول حتى يمسك كوره استسلم بعدين بعد الهدف كان عندك 35 دقيقه لو عندك ناس تلعب للشغار وتحترق زي راموس والبنز كان يمديهم يعادلون اقل شي الزبده يبيلنا محور بطل بدل خضيره البطى اللي من زمان ينكبنا والونسو يغطي عليه وكارفاليو يفارق بيناير ويجي ظهير مكانه وراموس يثبت قلب دفاع هارد لكم ي ملكيين وان شالله تتعوض وباقي عندنا مباراه زايده عن الفرشا وان شالله نرجع للصداره اهم شي الجهاز الفني يطلع اللاعبين من جو الخساره وبس :rose: |
مبروووووك عليكم المهاجم العملاق الكبير الهداف الهمام البطل الكل ابو شي الاخ الصادق النزيه الموهوب الفطحل بنزيمة .. مهاجم نااااااااااااايم .. ادري وسط نايم وادري نص الفريق غايب بس لما يكون عندك مهاجم حاااااار يصير الوسط حاااااار المهاجم ذا مالقى دعم قام يصارخ ويكلم المدرب ماهو سااااااااااااكت .. مبروك علينا تهور الاخ بيبي .. كل مباراة اللاعبين يحطون في بالهم كرت احمر للخبل .. وكذلك الفرس راموس .. اكره البرشلوني بالريش لكن جالس يقول كلام واقعي وصحيح .. ارتباك . خشونة . رعونة .. واهم شي الوضع النفسي سيء سيء سيء .. هاردلك للجميع .. مباراة للنسيان في ظل عقم هجومي واضح ولكن جمهور اللاعب اياه ماهم راضين يقتنعون ... المفروض الفريق يمسك الكورة بعد الهدف ويمشي يهدوء لكن وين الهدوء .. ( مارسيلو , راموس , بيبي , الونسو , ) كلهم راعين تهور واخطاء بالتمرير ماعدا الونسو اقلهم ,, |
مسألة أن برشلونة لآ يهزم فـ هذا كلام غريب ليس كرهاً في برشلونة ولكن لم يصل الأمر الى هذه الدرجة ابداً ..! أندية كثيره كآنت مستواياتها أفضل من برشلونة حالياً ومع هذآ تتعرض لـ هزائم قاسية بـ اختصآر الدفاع هو أكبر مشكلة يعاني منهآ النادي حالياً لذلك لابد من تغييره بـ لاعبين أفضل منه وبعدين يفكرون في الهجوم |
مورينهو لا يعترف بأنه السبب بالخسارة شاهدوا المؤتمر |
السلام عليكم ورحمة الله وبركاته الحمد لله الذي لا يشكر على مكروه سواه البارسا فاز واستحق الفوز وفريقنا خسر وللخسارة اكيد اسباب +9 كنا متوقعينها ومأملينها فرق نقاط بعد مباراة اليوم طلع رقم 9 صحيح لكنه رقم اللاعبين اللي لعبوا اليوم ضد البارسا لأن الاثنين اللي كنا مأملين فيهم خير كثير خذلونا كثير صاحب اكبر اسيست في الدوري وهداف الدوري خذلونا بصراحة دي ماريا طوال المباراة مطفوق ومستعجل ولا يهدي اللعب ولا يمرر صح وماقدم اي إضافة هجومية مثل الناس وكريس كالعادة امام البارسا فنيلة تحمل الرقم 7 كريس كل المبارايات كوم ومباريات ضد البارسا كوم ثاني اضاع هدفين بشكل غريييييب جدا غير الفاولات اللي في مناطق سهلة وقريبة ويسددها في حائط البارسا المكون من لاعبين قصار الطول وقبل دي ماريا كريس خذلنا المو نمدحه كثير ونقول مورينهو ابخص واحسن مدرب لكن إذا جاب العيد لازم نتكلم شفت التشكيلة قلت المو ناوي يهاجم ويباغت البارسا ويضغط ينهي المباراة من الشوط الأول ويطلع اوزيل ويدخل خضيرة وينهي المباراة حتى الآن الكلام صح لكن اما اشوفه يلعب كونتيراو ظهير ايمن ولاس في المحور بجانب الونسو هنا اوقف واقول لا كيف تبي لاعب في ثاني مباراة في حياته يلعب ظهير ايمن يبدع قدام البارسا!!! وعلى كل اجتهادات كونتيراو الدفاعية واللي مشكور عليها بحكم إنه سوى اللي عليه الهدف الأول هو اللي كاسر التسلل والهدف الثالث ماغطى فابريجاس صح عندك اربيولا المبدع دائما قداما البارسا وعندك لاس وتروح تلعب كونتيراو ظهير ايمن الأهم من هذا كله انت قتلت جهتك الهجومية في اليمين بوضع لاعبين خلف بعض كلهم يلعبون بالقدم اليسرى !!! وهذا اللي خلى بيب يلعبها صح وينزل الشوط الثاني ب 3-5-2 قدم الفيس ولعب بثلاث مدافعين وخلى اكزافي وميسي وبوسكيتش يميلون كلهم يمين عشان يضغطون على جهة مارسيلو وكريس حتى مايهاجمون ومع ذلك كانت هذه الجهة هي مصدر خطورتنا كلها من الناحية الثانية الجهة اليسرى للبارسا مرتاحة تماما وانييستا لحاله مكفيها وماخذ راحته قدام كونتيراو المفروض المو اما شاف النظام بالشكل هذا يغير خانات دي ماريا مع كريس دي ماريا دائما يفشل قدام ابيدال والعكس قدام الفيس وكريس عكس دي ماريا فاشل قدام الفيس ممتاز قدام ابيدال ولاحظ المو متأخر هذا الشيء ونقل البنز يسار وكريس يمين وهيقوين راس حربة ويكمل شكل المعين كاكا الغريب في الموضوع إن دائما بنزيما وفي الوقت البسيط اللي يلعبه في الجهة اليمنى للبارسا يكون اخطر من كريس اللي يلعب طوال المباراة هناك الشيء الوحيد اللي ينحسب للمو اليوم هو إن تغييراته كلها كانت صحيحة او بمعنى اصح لتصحيح خطأ بداية التشكيلة ولكن باختصار بيب تفوق بجدارة على المو في المباراة هذه اخيرا نقطتين تعلمنا من بداية تشجيعنا للكورة إن اللي مايسجل يقبل اضاع كريس هدف سهل بعد تمريرة البنز له واستعجل وسددها في آخر الدنيا بعدها جاء هدف سانشيز اضاع كريس كورة عرضية قدام المرمى من الونسو وكان معاه راموس بعدها سجل فابريجاس واللي ماعمل شيء طوال المباراة إلا تسجيله هدف ورجعت نفس مشكلة مباراتين السوبر اهداف وهجمات غريبة تضيع من الفريق يقابلها استغلال رهيب للفرص من البارسا النقطة الثانية قالها طارق ذياب في الاستوديو بين الشوطين الريال لا يستيطع التصديق إنه قادر على الفوز على البارسا وهذا شيء صحيح وواقعي جدا للأسف وش اكثر من إنك تسجل هدف بعد 25 ثانية قدام البارسا في ملعبك وبعدها تخسر بالثلاثة معناها إنك انت مو مصدق إنك تقدر تفوز على البارسا حتى لو كنت افضل منه البارسا كان ضايع إلا تسجيلهم هدف التعادل وكنا قادرين ننهي المباراة بدري بدري لكن استعجال دي ماريا الغريب وثقة كريس المعدومة في هذه المباريات وعدم طلب المو من الفريق بأنه ينهي المباراة بدري بدري ويواصل الضغط ولا يعطي الفرصة للبارسا إنه يتنفس كلها امور تخليني اقتنع إن الفريق ماهو مصدق إنه قادر يفوز وإن البارسا فريق كورة قدم جاي من الأرض وليس المريخ ذكروني بالطالب المذاكر ويجيه اختبار سهل ويحله كله بعدين يقول لا مستحيل انا احل الاختبار كله لازم فيه شيء غلط والأسئلة في إن وماهي سهلة ويرجع يغير اجاباته كلها وفي الأخير يفشل ويسقط عزائي الوحيد إن الدوري مازال في يدنا ونقدر نرجع للصدارة من مباراة اشبيلية مرة ثانية الحمد لله والشكر على كل حال فاز من استحق الفوز وخسر من استحق الخسارة |
أستغرب ليش الريال ما يحاول يجيب أطباء نفسيين للاعبين خلال 3 مواسم صار فريقنا اذا قابل البرشا يتنافض وتجيه ام الركب وهذا واضح من تضييع الفرص السهله والارتباك ولا من يصدق أن الريال يفاجئ البرشا بهدف بأول دقيقه وبعدها يقلبونها علينا ويفوزون للأسف برشلونه صار عقدة لنا خلال آخر ثلاث مواسم !! |
إقتباس:
تخيل معي من لعب بثبات وهدوء ... ابعد إثنين عن بعض ( بنزيمه رأس الحربه ... وكاسياس البطل إللي وربي أكثر لاعب أحزن عليه أمام البرشه ) اما الخطوط إللي بينهم أنواع الغلطات والإنبراشات والتوتر ... !! |
| الوقت المعتمد في المنتدى بتوقيت جرينتش +3.
الوقت الان » 06:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd