وهب الريس

تحقيق الليغا هذا الموسم ليست ببعيده عن الريال لكن تحتاج الي اشياء اخرى اكثر
من قوة الريال ومواصلة صدارته للدوري وعدم التفريط بالنقاط ومن هذه الاشياء

- عامل الحظ والتوفيق

في المواسم الماضيه وعلى رغم سوء الريال وكثرة تغير المدربين الا ان الريال لم
يكن محظوظ عكس البارسا اللي كان في عز توهجه لكن الحظ والتوفيق كانت احد
اهم اسباب تفوقه وتميزه عن غيره

- عامل الاصابات والغيابات

لا شك ان الريال تأثر كثير بسبب اصابة نجومه وغياباتهم الطويله ولو نظرآ قليلا
الي الجانب الاخر البارسا لوجدنا انه لا يتأثر بعامل الاصابات متى راينا لاعب من
البارسا يغيب شهر الي شهرين بداعي الاصابه انا هنا اتكلم عن لاعب مؤثر مثل
ميسي ولا تشافي ولا الفيس . . لا عن اليكسس ولا افلاي . .

للامانه لم اراء فريق مثل البرسا في السنوات الاخيره فريق بلا اصابات ولا غيابات
لا ادري هل هو توفيق من رب العالمين ام هي عيادة علاج طبيه ممتازه عكس التي
لدى الريال اي لاعب يحتاج الي اسبوع يغيب اسبوعين واكثر . .


بهذا العاملين ومتى ما كانت في صف الريال صدقني الليغا مدريديه ومتى ضد الريال
عكس راح يكون موسم الريال صعب عليه . . صحيح ان انتصارات الريال ومواصلات
الصداره شي مطلوب لكن هذين العاملين من اهم الاسباب التي تجعل الليغا مدريديه


في الجانب الاخر . .

اراء ان من احد اهم اسباب الفوز بالليغا هو انتصار الريال في كلاسيكو البرنابيو
الفوز مطلوب هذا الموسم وشي ضروري . . مهما كانت الاسباب الخساره غير متقبله
الفوز راح يكون معنوي وراح يزيل هيبة البارسا عن عيونهم وراح تدخل فكرة ان
الريال مثل البارسا وافضل بعد , الفوز مطلوب جدآ وراح تضرب به عصافير كثيره

تاكيد الصداره والانفراد بها بفارق مريح . . ازالة الخوف والرهبه من مواجة البارسا

أخوي فيصل تحليلك منطقي منك ... نتيجة كلامك وتحليلك نتيجته ... أن أوزيل لاعب لايجيد
إزداوجية الادوار ... هجومي بحت يحب يلعب حر دون التقيد
بدور دفاعي ... !!

لكن البنيه الجسديه مقدور عليها ... بالتدريب المكثف سيبني جسداً ... يجعله يتحمل
الأدوار الدفاعية ... عندك دي ماريا نحيل الجسد ... لكنه يمتلك السرعه وأدواره مزدوجه
بين الهجوم والدفاع ... !!

بعض اللاعبين تستطيع تغيير فكره ... وهو ما يسعد أي مدرب ... ( لاعب تكتيكي ) من الدرجه
الأولى ... عندك دي ماريا أعتبره الآن جوكر الفريق ... يعمل لك أكثر من
دور في الملعب ... !!

فيما هو قادم لا تستغرب أن يبقى أوزيل كثيراً إحتياط ... بناء على كلامك وعلى حساسية بعض المباريات ... التي لا يكون فيها التكتيك هجومي بحت ... لأن أوزيل سيكون خيار
ثاني للمو بكل تأكيد ... !!

إقتباس شباب وش رايكم في مارسلو مكان كريس ؟

لآ أبداً أفضل كونترآو أو كآليخون الملطووع بحكم إن كونترآو قوي في قطع الكور ونحتاجه بالمقدمه
ومآ يمنع يكون فيه تبآدل أدوار بينه وبين مآرسيلوو ،، أنا شخصيأً ودي الموو يريح اغلب عناصر الفريق
ويدخل بتشكيلة اقرب للصف الثاني خصوصاً الي مآ ريحو ابداً مثل الونسو و الدون و راموس

كاسيس
مآرس ،، بيبي ،، فاران ،، اربيلوا

خضيرهـ ،، لاس

كونترآو ،، كاكا ،، كاليخون

البنز

و الشوط الثاني يقدر يدخل الي يحتاجه واذا كان فايز مايدخل المرهقين ،،، لان المباراه الجايه مع اوساسونآآ وتعرفوووونه زين

إقتباس أختلف معاكم جميعاً في سالفة تصاعد مستوى كاكا غطى على أوزيل لأنه ببساطة أدوارهم مختلفة طيب ليش نزل مستوى أوزيل ؟؟ السبب في رأيي : أوزيل هزيل ضعف البنية الجسمانية أوزيل جسمه مايتحمل الضغط البدني يعاني من الإرهاق بسرعة مايصلح في المباريات اللي فيها إندفاع بدني وضغط على حامل الكورة بأعطيك أكثر من مثال : # خمس مباريات ضد برشلونة العام الماضي أحلى مباراة قدم فيها مستوى كانت إياب الدوري 1-1 ليش ؟؟ لأنه كان إحتياط ونزل الشوط الثاني خف ضغط المنافس بالتالي أخذ راحته وأبدع # كأس العالم : أحلى مباراة لعبها كانت ضد صربيا في المجموعات ولما ترجع لمباراة انجلترا ومباراة الارجنتين المنتخب في هالمباراتين سجل 8 أهداف أوزيل صنع واحد بس والسبب إن المنافس كان يعتمد اسلوب الضغط على حامل الكورة بقوة واللي برز في هالمباراتين شفانيشتايجر لأن بنيته الجسمانيه ولياقته البدنيه ساعدت عكس أوزيل الهزيل لما ترجع للريال : أوزيل منخفض مستواه لأن الفريق يلعب مباريات متواصلة في فترة زمنية قصيرة وأوزيل في هالضغط مع ضعف البنية يقل تركيزه وينعكس على أداءه متى يبدع مع الريال ؟ لما يتخلى عن أدواره الدفاعيه شوي ويصير حر وقتها خذ لاعب وخذ تمريرات لكن وجود كاكا أساسي مع أوزيل أعطى أوزيل أدوار دفاعية فالمتابع لما يفتقد نشاط أوزيل في النص يربطه بوجود كاكا كاكا ماسبَب تراجع في مستوى أوزيل بقدر مازادت واجبات أوزيل الدفاعية بالنسبة لمباراة البارح وإنخفاض مستوى أوزيل في ظل بقاء كاكا إحتياط فأعتقد هذا يرجع للإرهاق في ضغط المباريات .

كلآم كبير بـ صرآحة اوزيل من تشوف وجهه اصلاً وقت التبديل او مع الشوط الثآني
تحس انه ماشي مية كيلو من التعب أقدر اشببه بـ نيفيز لاعب الهلال السابق
ماله بالادوار الدفاعيه ابداً عطه الكوره وهو يصنع لك هدف و يسدد ويرفع بس
اذا فيهآآ رجعه للدفاع يتعب كثير ويفصل ،، لذلك كاكا خيار المو المفضل في ضل المستوى
المتصاعد لـ ابو لوكآآ

يوم مدريدي جميل ثاني . .

الكاستيا ينتصر على لجانيس 3-1 خارج الديار
سجل خوسي هدفين من الثلاث اهداف

وفي الدوري الاسباني لكرة السله

ريال مدريد ينتصر خارج ارضه امام غران كارنيا 68-66
ويشارك بالصداره مع البارسا

على قولة فـآرس .. تمرين مو مبـآرآآة
آخر ثلاث مبـآريـآت اللي لعبناهن معهم كانت فضـآآيح بالنسبه للفرنسيين
آلريـآل سوـآ فيهم كل شي ..
لاول مره آحس الن اليويفـآ يسوي شي حلو للريـآل .. جـآب لنا ليون عشان نرد لهم الاولات و التوآلي

آتوقع المو بيعطي فرصه ثـآنيه لـ لآس آنه يبدأ أسـآسي بجانب الونسو و ديمـآريـآ و رونالدو و البنز
و البـآقي ما تغير





خلوكم من الحفله مـآرسيلو .. و خلوكم من الخقه كـآكـآ
مـآ تلاحظوون ان سـآمي زي الاطرش بالزفه
يتلفت يحاول يفهم شي .. آخر شي دنق رآسه و قال متى ننزل على خير .. آنـآ آقول ليه لا نزل يبدع .. لانه يبي يحس آنه آنسـآن و له دور بالحيـآة خخخخخخخخخ


آبو تولين ..
كلامك صحيح .. مـآ نقدر نبخس لآس حقه
بالعكس آنـآ ببعض المبـآريـآت و الظروف آفضل لاس على خضيره لانه لاعب عنده كاريزما خاصه فيه ..
كلامي عن لاس خضيره ولاس ما كان لـ التقليل من واحد و مدح الثاني
انا بس كنت آبي آبين وجهة نظري عن ادوار اللاعبين بالفريق
و عن ميزات كل لاعب .. و علاقتهم بوسط الفريق .. بس


~> لك

الجميع شاهد التكتل الواضح لـ دفاع سوسييداد ..
بـ 5 لاعبين دفاع على خط واحد ! و 4 وسط .. و 1 مهاجم!

تعامل فريقنا لم يكن جيداً .. لأننا كنا نستحوذ ونلعب كرات عرضية لا جدوى منها
أي انها ليست مباشرة من المرمى إلى المرمى.. مما جعل دفاع سوسييداد يتقدم ليجعل لاعبي
الريال بعيدين عن المرمى حتى لا يسجلو خطورة تذكر , متسلحين بمصيدة التسلل..

كنا نفتقد لعدم الأختراق من العمق!
صدقوني لو حدث ذلك بأكثر من مرة سنطيح بدفاعهم وسنلخبط اوراقهم!

* # #
# * #
* # #
# * #
* # * #

لاحظو بالشكل السابق لنفترض بأن دفاع سوسييداد المشير إليه بـ ( # )
ولاعبي الريال المشير إليه بـ ( * )
وقتها لاعبي الريال يتناقلوا الكرات من اعلى إلى اسفل - ( لعب عرضي )
بهدف لعب كرة بينية تكسر الدفاع الذي يلعب على خط واحد ويبدو أنه تدرب جيداً على مصيدة التسلل
لن نستطيع فعل شيء وقتها إلا إذا غيرنا اللعب واخترقنا من العمق وقتها راح يتلخبط دفاعهم
ولن يكون على خط واحد لأنه لا جدوى من ذلك لأن لاعبيننا يتمركزو في منطقة الـ 18 بكثرة!
وقتها مايقدر دفاعهم مايدري مين يراقب.. صحيح في الهدف لعبنا كرة بينية وكسرنا التسلل
لكنها لقطة واحدة لعبت بتركيز وغفلة من ليفانتي صعبة تتكرر طول المباراة إلا نادراً!

* اتمنى مستقبلاً خصوصاً أمام الفرق اللي تقفل الدفاع..
أن يكون هناك انتشار في لاعبيننا والأختراق من العمق مع التحرك العشوائي واللامركزية
واللعب بسرعة مع تنويع اللعب..

^

يبدو لي أن رهبه ليفانتي وتصدره للدوري شكل لك عقده وخوف يا رائد
تقصد سوسيداد

ما تحمست للمباراة ولا فكرت فيها . . اول لقاء ضد ليون ويجيني هالشعور
لا الوم نفسي فـ لقاء ليون القادم بالنسبة لي تحصيل حاصل واللي يقول لازم
الريال يفوز ويحسم الصداره فهو غلطان ، الريال غير مطالب بالفوز لكون
الريال متبقي له جولتين امام اياكس في هولندا ودينمو على البرنابيو . .

كل اللي اتمناه في لقاء ليون هو اراحة بعض العناصر المهمه ومشاركة بعض
البدلاء . . لقاء ليون فرصه كبيره لـ رؤية . .

التنتوب - شاهين - كاليخون - فران . . مع اشراك بعض العناصر الاساسيه التي
لم تشارك كثيرآ هذا الموسم . . مثل . . لاس - اوزيل - كارفاليو - جرانيرو

راموس - بيبي - الونسو - رونالدو - دي ماريا - مارسيلو - خضيره . .
نحتاجهم كثير هذي العناصر ومباراة ليون اكبر فرصة لـ اراحتهم . . لان جدول
الريال في الدوري بداية من الجوله القادمه راح يكون قوي ويحتاج الريال الي
جميع لاعبيه يكون اخذو وقتهم من الراحه والبعد عن الارهاق . .

وبالاضافه الي ذالك . . جهاد غائب من مده اللي يعرف عنه شي لا يبخل علينا
مشتاقين لردوده . .

عندي تساؤل بسيط . . ما تلاحظون معي ان مواقع الفيس بوك والتويتر
واجهزة الايفون والبلاك بيري اثرت كثير على بعد بعض الاعضاء عن
الدخول الي الرابطه . . انا ما اتكلم عن الرابطه هنا انا اتكلم عن جميع
الروابط المدريديه اللي اعرفها . . اصبح هناك ضعف شديد في التواجد
والمشاركات . . يجلس الواحد يوم ويومين ياله تمر صفحه ولا صفحتين

.
.
.

في بدائل كثيرة رهيبة وافضل من ناحية التفاعل , وغير كذا في منتديات اجنبية تعطيك التحليل الي ما تحلم تشوفه هنا ( في المنتديات العربية ) , تحس ان الواحد شايف المباراة بعدين يكتب تحليله , ويجيك مفصل بالملي !

انت شف بس عنوان الرابطة كم له ما تغير