السلام عليكم ورحمة الله وبركاته

كيفكم يازلايب
اجل ليفانتي

قريت كم رد حلوين بعد الهزيمة
فرق اما الواحد يكتب وهو مروق
صحيح فيه ردود تجيب احباااااااااااااااااااااااااااط
لكن مالوم الشباب بصراحة

وإن شاء الله القادم أحلى

إقتباس الرسالة الأصلية كتبت بواسطة M A D R I D لاوالله اختلف معك كلياً يابوتولين .. برشلونة هو المنافس الوحيد لك بهالدوري .. بتشوف وش بيسوون بالمستايا .. وعلى ضوء ذيك المباراة بنبارك لهم الدوري بدري بدري .. او بنقول لسه باقي برشلونة مايخسر نقاط بسهولة .. ومخلّي له هيبة , انت وش يمنعك تسوّي زيه وتضرب بكل ماأوتيت من قوة من بدري خصوصاً عشان الفرق تهابك , لكن شغلك امس بيخلي سانتاندير يقول وش فرقي عن ليفانتي وانا متعادل معه .. اقدر افوز زيهم او ع الأقل اطلع بتعادل لكن الفرق الثانية مهيب قايلة هالشي عن برشلونة .. بيقولون تكفينا 4 مانبي ناخذ ثمانية زي اوساسونا .. اضررب الفرق من بدري واجلدهم جلد .. ولاتحترمهم زيادة عن اللزوم .. أجيب لك مثال بسيط .. اللي اعجبتني في خطة برشلونة قدام اوساسونا .. ان بيب لاعب 3-4-3 فعلياً .. لان الفيس نازل زي الجناح تقريباً .. مهيب استهانة في الفريق اللي قدامه قد ماهي ثقة في لاعبينه .. والمحصّلة 8 زي براّد ابو اربعة ..ليش انت ماتضرب بدري ليش تحترم الفريق اللي قدامك بزيادة ؟ زي ماقلت قبل .. مين ليفانتي عشان تلعب معه بمحورين ؟؟ الفريق كذا بيخلي الفرق الثانية تتجرأ قدامه وتستذبح لأنها قادرة تتعادل او حتى تخطف الفوز منه زي ماسووا ليفانتي البارح .. في حين العكس قدام برشلونة لانه مايرحم ولايعطيه فرصة يتجرأ

يحيى
ومين قالك إني قلت شيء غير كلامك
انا متفق معاك 100%
بس الظاهر انت فهمتني غلط

انا قايل ان بيتيس وفالنسيا ماهم كفو دوري
ودائما اتعامل على ان منافسنا واحد وهو البارسا
البارسا الحين متقدم علينا بنقطة
وفي عرف الدوري الأسباني النقطة بثلاث نقاط

اما قلت ان الدوري في يدنا
اقصد إن باقي لنا مواجهتين مباشرة مع الغريم التقليدي
فيها ست نقاط
تفوز في وحدة وتتعادل في الثانية
معناها الدوري لين الحين بيدنا

إذا صار عاد الفرق بينا وبين الغريم اربع نقاط وفوق فننسى موضوع الدوري
لأني بصراحة ماني مأمل خير في أي نادي اسباني يواجه البارسا

حتى اشبيلية وبلباو وفالنسيا وغيرهم
بياخذهم البارسا رايح جاي
وإن شاء الله ناخذهم حنا بعد رايح جاي

يمكن يطلع كلامي غلط وفالنسيا يوقف للبارسا ولو بتعادل
يمكن نأمل ذلك

الحلو في الموضوع ان مباراتنا مع راسينج قبل مباراة البارسا مع فالنسيا وفوزنا على الراسينج راح يزيد الضغط على الصلب مع فالنسيا

طبعا لحد يسأل ويقول ليه الريال يلعب مباراتين خارج ارضه يوم الأحد والأربعاء
وليه البارسا يلعب مع اوساسونا في ملعبه بدري يوم السبت ويلعب مع فالنسيا يوم الأربعاء آخر الليل

صفقة نيمار
ب 60 مليوووون
موب كأنها واجد

إذا جيته في الصيف على كلام ابو اصيل
يعني بنبتل على البنز وهيقوين لين نهاية السنة
واعتقد إنها بتكون آخر فرصة للاثنين في الريال وبالذات للبنز

ابو ظافر مختفي على غير العادة
عسى المانع خير

راجعين مع النقاشات والسوالف

للي يبي

ابو تولين

ابو تولين

لا تنسى التنتوب الهجومي وكاليخون

خيارين لسى مورينهو ما استفاد منها

و لقاء الامس عمل داخلي غصه ما اقدر اعبر او احلل وش اللي صار

بس العبرة بالخاتمة ان شاء الله



بالنسبه لاخوك ابو ظافر

قاعد يخلص تحضير الدروس

وتصحيح الدفاتر

معطيهم واجبات من اول يوم

يبي الجيل الجديد يفهم غصب


و يزيد رايح لدروس علميه بين المغرب والعشا
يبي يفهم من الشيوخ علشان يفهم الجيل الجديد
و ما ظنتي يفلح الطرفين
خخخخخخخخخخ

إقتباس صفقة نيمار ب 60 مليوووون موب كأنها واجد

كنآآ مستكثرينهآآ على الـ 45 شلووون الـ 60

لكن الي يحدد هل اللاعب يستآهل أو لآ هو تأقلمه مع الأحترآف بـ اوروبآآ
لأن بعض البرآزيليين لآعبين هيآآط ولا يهمه الا نفسه،،
أما عن نيمآر فهو مآ يحتآج لآعب موهوب مهآري درجه أولى وهدآف ممتآز

إن شاء الله الخبر صحيح عشآن نفتك بس من أخبآرهـ غثنآ كل يوم برشلونه ،، ريآل مدريد

بس أتوقع البرشآآ سوآآ الي يبيه وهو رفع سعر اللآعب !

السلام عليكم مارسيلو ودي ماريا وبنزيما يرحبون بــ نايمار في حساباتهم في الفيس بوك
خلاص الريال وقع معه ولا الى الحين

وجهة نظر ويهمني أقرأ أرائكم جميعاً بلا استثناء .. خصوصاً اللي معارضين



لبى هالخشيشة اللي كلها براءة ( قلب يخرخر دمممممم )
نيمار لاعب مايلاعب .. ماهو روبينيو الجديد .. روبينيو كان داج وحقير قبل يجي للريال واستعّز بعد الله سبحانه وتعالى بسبب الريال .. نيمار مختلف .. اللاعب هو السوبرستار في البرازيل حالياً مع ان رونالدينيو مازال في الملاعب
نيمار عقليته الهجومية جباّرة .. ثقته قدام الباب شي آخر غير كذا الولد مستعّز .. شبعان فلوس ومرتاح مادياً .. صحيح انه لسه بعمر الـ 19 ولسه ماشاف مزز اسبانيا ومراقصها هههههههه
لكن مع ذلك الولد لعيّب بشكل صدق لو راح لفريق ثاني بتتحسف عليه
لو نيمار بيروح للبريمير او حتى الكالتشيو .. ممكن يتعب على مايتأقلم .. لكن الليقا مساحات .. وهو يفّلها بالمساحات .. سرعة وسريع , مهارات ولافي ابن امه مايقدر يعفطه ياخي مايشوف احد ولايحط لأحد اعتبار بالتسحيب هههه , يعيبه الجسم شوي والجسم مقدور عليه بإذن الله مع التمارين مع موري
قبل شوي اسولف انا والعيال في البلاكبيري < ابواصيل نقط لك يعني انت والآي فون والوتس اب حقك ؟

فيه اختلاف بوجهات النظر حول القيمة .. وهل يستحقها الفرخ الجميل او لا ؟

مانختلف بأن القيمة مبالغ فيها .. لكنه هو الموهبة الأبرز او النجم الأوحد تقريباً في البرازيل اللي تقدر تقول انه ممكن يكون سوبرستار في قادم الأيام
وشي آخر .. بيريز مااعتقد بيحط مبلغ زي كذا في لاعب ماهو ضامن بإذن الله انه بيجيب قيمته سلام سلام .. وحتى لو كان روبينيو ثاني لاقدّر الله كما يشوفه بعض الاخوان .. لكن متأكد ان شاء الله ان قيمته بترجع لنا في غضون سنة واحدة فقط مع مدريد .. وكذا نكون عاوننا اخواننا المساكين في سانتوس وجربنا نيمار ههههههه < كيف ؟؟

طبعاً تألق فرخي الجميل مشروط بشي واحد فقط .. مدرب من اثنين يكون للريال
موري أو كابيلو
استمرار موري بيطوّر الفكر التكتيكي عند الفرخ الحلو هذا .. وبيعرف يوظفه بطريقة جميلة بحيث تفيد الفريق قبل يفيده هو .. ومنها يرجع لنا شوي من الطرب اللي كنا نشوفه ايام فيقو وزيزو وابوحسين
لكن في حالة ان موري تصفّق هالسنة وطلع بلوّشي .. اعتقد انه بيطلع .. وان طلع كنّك يابوزيد ماغزيت .. بنقعد سنة مع الفرخ يجرجر وحنا نحط صور متحركة ورمزيات .. ثم بأخر السنة بـ ننزرف فيه ويطلع لأي فريق ويبدع ونقعد نصيح

NEYMAR

اكتموا الصوت منيب ناقص ذنوبكم

مقطع فيه اهدافه .. الموهبّة في دمه .. الكورة في دمّه يلعن شكله

1:40
3:50
من 4:20 إلى 4:50 مش ممكن الثقة

مرونة غير طبيعية ماشاء الله

تدريب مع موري .. وبيكون الأفضل في العالم في خلال سنتين ان شاء الله


رايكم ؟

السلام عليكم

يحيى بخصوص نيمار

فيه فرق بين اندية برازيلية او ارجنتينية و بين ميلان و البرشا و المان و حتى فالنسيا

شوف هو سوا الهوايل مع سانتوس لكن في الكوبا ما شفناه

يعني ممكن يعفط بلاعبي الدوري البرازيلي كلهم لكن يقدر على بيكيه و بويول

و فيديتيش و تياغو عشان كذا انا مستكثر الفلوس عليه يعني اذا نيمار بـ 60

اجل بـ كم روني ؟

ان شاء الله كلامي يطلع غلط و يفيدنا و يقعد دي ماريا في الدكة

مساء الخير
طلعت اخبار تتحدث عن اصابة بيبي وكونتروا وغيابهم لمدة شهر
هل صحيح هذه المعلومه
واسف على الرد السلبي

حتى الآن غير مصدق خبر قرب التعاقد مع البرازيلي نيمار
أو بالأحرى أتمنى أن تكون كذبة أو مزحة
كيف لفريق أن يدفع هذا المبلغ الضخم للاعب اقل من 20 سنة وبرازيلي بعد
كان بإمكان الريال ترميم خط الدفاع أو الوسط بالكامل بنفس المبلغ


شاهدت اللاعب بأكثر من مباراة وشاهدت المقطع اللي نزله الاخ
M A D R I D
فعلا مغامرة خطيرة من الإدارة بالتعاقد مع نيمار
متوقع أنها راح تكون صفقة اقتصادية لتحقيق أرباح أعلى وإيرادات اكبر
لاعب فردي بشكل كبير لا ينفع آبدا من وجهة نظري للدوريات الأوروبية ومتوقع له أقوى أنواع الفشل الذريع
قد يحقق نجاح بسيط جدا في الدوري أمام الفرق متأخرة الترتيب والمنهارة دفاعيا
لكن في المباريات الكبيرة الحاسمة مثل دوري الأبطال
لن يتمكن من ذلك لأنه غير منضبط تكتيكيا ولا يخدم اللعب الجماعي
ماذا سوف يفعل لاعب مثل هذا في الصراعات الفردية الجسدية ؟؟
لن يفعل سوى الفشل في الالتحام ومحاولات التجاوز الفاشلة للمدافعين
ببساطة لأنه يعتمد مع المهارة وهي ما قد ينجح بها مرة
ولن ينجح بها دائما خصوصا إذا كان المنافس يلعب بضغط عالي على حامل الكرة أو بمراقبة فردية لصيقة
ماذا لو كان الفريق خاسر كما حدث أمس مع ليفانتي
هل نيمار سوف ينجح بمثل هذه الأوقات ؟ بالطبع لا

أهــلين بالــ ع ــيال

هــارد لك الـخساره ..

ماراح أتكلم عن الـمباراه راح أتكلم عن الـفرخ اللي بزرفه من يحيى


مبارآة الـبآارحه أكدت لي إن نيمآآر مطلب ضروري قدومه لـو 100 مـلـيون

نيمار لاعب يجمع صفات ميسي و الدون كلها ماشاء الله <<< كأني بآآلغت صح

وصفقه أخذووها مني ناجحة جدا جدا جدا

يحيى وأنا أو أنا ويحيى مراهنين على الفرخ وإنه راح يسوي شي

النقطه الثانيه اللي أريد أن أدلو بدلوي بـها هي تخص الأطخم أدناااه







مــتى أشووف الـمو طآآرح أبــو الثـقه فيه

بطل بطل بطل ذا الورع

تشوف شكله تقوول بارد ومافيه أمل يصير بطل جداآ

تراني حجزت ذ1 الأطخم

خضيره ما أخليه يسرح بالغنم
والله من الدجه في ذا الراس ..! لازيادة هجومية زي الناس ولا تقطيع كور يحسسك انه محور زي الناس
ماغير مدابتس على غير سنع
خضيره اقل الايمان تلعب به ضد برشلونه يراكض ويضيق مساحات بس لاتطلب منه يناول ويفتك لأنه موب كفو.




مورينهو حاس الفريق امس .. تشكيلة سيئه جداً
ياخي فريقك مرهق .. استخدم البنش طيب .! عندك فاران عندك كاليخون اللي لو لعب امس فكك دفاعاتهم
سريع ويوقف على كورته صح موب مثل المرض اللي لعبو امس مايقدر يمشي متر بالكورة
كرستيانو امس مدري ليه يلعب ..! سيء سيء سيء جداً لا كنترول لا تسديد حتى تسحيباته اللي تعودناها منه ماظهرت امس ولا اوزيل ياووك ياحومة التسبد اقسم بالله مرض ذا اللاعب مايصلح يلعب وهو موب رايق
يبدع لك مباراة وتقول ذا مشروع اسطورة لكن المباراة اللي عقبها ينسيك اللي سواه قبل لياقه تعبانه طول الموسم
ماقد شفته يلعب برتم واحد طول المباراة .. بلاش طول المباراة .. على الاقل ابيه يعطي بنفس المستوى لمدة 70 دقيقة في مباراة وحده .. شوط وكوده يفلح بعد ..

تغييرات مورينهو امس ..! وش افسرها بالله .. غباء "..!؟
انطرد خضيره .. نزل لاس واسحب كاكا وامسك كورتك زي الناس
كرستيانو بدل بن زيما ههههههههههه غصب يلعب كريس رأس حربه .؟
بن زيما خروجه مدري وش اسميه
المفروض التغييرات امس لاس بدل كاكا .. كاليخون بدل كوينتراو .. كريس بدل دي ماريا
وتغيّر طريقتك وتلعب كذا :-

مارسيلو كارفالهو بيبي راموس

تشابي
لاس
كريس كاليخون
بن زيما

بيكون عندك لعيبة يعرفون يتعاملون مع الكورة ويقدرون يضغطون على الخصم في ملعبه
بن زيما ولاس وكاليخون وتشابي الونسو عدد كافي للضغط على الخصم في ملعبه وبتسبب لهم ربكه
طبعاً كريس مستحيل يفيدك من الناحيه الدفاعيه لذلك خله حر في الوسط وخل الباقين يتفلتون
وثبت كارافا وبيبي وراموس وخل مارسيلو يطلع مع الهجمة
امس مورينهو فاهم الضغط على الخصم غلط .. اندفاع غريب سبب فراغات في الخلف واكلناها

اتمنى انه يستفيد من ذا الدرس .. لأن ذا الملعب ماسجلنا فيه ابد الموسم اللي راح
واذا تبي البطولات يامورينهو لازم تفوز في ملاعب زي كذا


مبروووك صفقة نيمار .. يعطيكم الف عافية ياعيال على الحصريات