|
الظاهر فيه ديبورتيفو اخر واحنا اللي فرحنا بهبوط الديبور ... كان عندي عتب بسيط على المو....لان المباراة هذي نفس سيناريو العام... واغلب النقاط اللي راحت علينا... يقفل وينتهي الموضوع مافيه أي حلول... انت تبي تفكك دفاعاتهم ياخي تحرك بدون كورة ...ماهو المدافعين يتناقلون الكورة مافيه أي أحد يعطونه.....بصراحة غريبة على مورينهو هدؤه ورضاه بالنتيجة... والشي الأخطر.... اللياقة ووضعها في الفريق تحس العموووم مرهق.... ان شاء الله القادم أفضل...... |
الصدز انكم غريبين مره مره اجل واحد يلوم بيريز على الميركاتو انه ماجاب لاعبين وفريقك من افضل الفرق اسماء والثاني يتكلم عن تسريحة رونالدو وانه وسيم وثري واعتقد انه يدري ان اللاعب غير جاهز فنيا بعد الـ3 غرز ياجماعة الخير ترا كلنا نشجع الملكي ومغبونين لا تزيدون الطين بله عندك امور فنيه هاتها اما كلام لايودي ولا يجيب ياليت تحتفظ فيه لنفسك من وجهة نظري المتواضعه تشكيلة الريال يعاب عليها دخول خضيره الغير جاهز نلعب بلاس بدل خضيره افضل ,, واذا كان مورينهو يبي يحاسب لاس ممكن يلعب كوينتراو محور ويلعب كاليخون كجناح .. المباراة كان فيها استفزاز كبير من فريق ليفانتي وواضح انهم يبون ينرفزونك وللاسف نجحت خطتهم بطرد غريب في الشوط الاول ,, ودي ألوم خضيره بس مقدر وانا كارش العيال من الغرفه وجالس اشوفها لحالي ومافيه سبه ماقلتها .. هذا اللي عندي الحين وان شاء الله بداية التصحيح وممكن تكون الانطلاقة للدوري + بعد التعديل شوفوا مباراة الميلن ونابولي كافاني مسجل هاتريك |
هارد لكم المباراة بصراحه وش نتكلم وش نقول شئ فعلا يقهر يقهر يقهر ويا ملووووك والله لو الفريق راح يستمر بها العصبيه والحساسيه الزايده عن اللزوم فلن نحرز اي بطوله اجل من كورة مقطوعه وتافهه وبارده وتوك بالشوط الاول ولا انت مهزوم وانت متصدر يعني ليه هالعصبيه لييييييييييه هالجمهره ما عدى بقى الا تلعب بسواطير يا خضيره ولا تنسون الطرد بالسوبر لكن فوق هذا كله اللوم مهوب على دي ماريا ولا خثيله الاحمق ولا الحكم الاعمى اللوم عليك يا المو الفريق زي ما خليته حساس ومن اي احتكاك يتنرفز ويطلع عن طوره ويخرب بيت ام ام الفريق لازم تخليه يضغط على الخصم من دون ما يضر نفسه ولا يسبب مشاكل على الفريق هالنرفزه الزايده ليه ليه ليه تخيلو هذا نهائي او مباراة حاسمه كيف بيكون الوضع بتبلع ريقك يا المو + هالمباراة لازم المو يعرف فيها المو انه لا يملك مهاجم 9 والا فيه احد في الفريق يستاهل يحمل هالرقم يا جب لي نيمار في هالصيف والا شف لك مهاجم من تحت الارض دبر نفسه لعنبو حيك عمرك شفت مهاجم قدام الباب ما يرفع راسه وين يا بنزيما وين بصراحه هالجوله كئييييه كل الفرق الي ميلو لها كلها منهزمه واولهم الهلال اخيرا الكدش الف علامة استفهام مليون علامه ؟؟؟ لو ما طلع كان بياخذ الاحمر ما ادري وجود كوينتراو مسبب مشكله والا و وش سالفته لي عودة |
واضح يا شباب إن اللاعبين يعانون من الإرهاق الشديد ... ألنسو كارفالهو دي ماريا هؤلاء واضح عليهم بشكل قوي ... الدون وإصابته مايقدر يتهور ويجازف ويقطع نفسه ... وتتفاقم الإصابة عليه وأضيفوا على ذلك ... حماقة خضيره وإحنا ناقصينك ... لحد يجي يقول دي ماريا السبب وبس ... هو سبب صحيح لكن دي ماريا غبي يا خضيرة ... تجي انت وتتصرف تصرف أغبى منه ... وتخلي فريقك في مأزق وتكون أحد الاسباب الرئيسية في هزيمته ... !! يعني فريق مرهق ومطرود منه لاعب ... ويلعب خارج أرضه وأمام فريق كله دفاع ... وزود على كذا نفسياً فريقنا بعد الطرد ... توتروا اكثر وهذا الشي يزيد الإرهاق بعد ويخلي التركيز شبه غائب ... يعني كل سيناريو المباراة كان سيئ للغاية ... !! إتفقنا إن هدف مبكر لنا في الشوط الاول ... هو إللي بيغير في المباراة الكثير ... ماحصل ذا الشي بسبب البنز من فرصتين رعونه وعدم جديه وتسرع كالعاده ... وبسبب التكتلات الدفاعية إللي ضيقوا فيها المساحات علينا حتى تسديد ماقدرنا نسدد غير تسديدة أوزيل وتسديدة الدون من خطأ ... !! تغييرات كانت من أجل تجديد الدماء ... بلاعبي أنشط هذا أكثر مايمكن للمو فعله ... في فريق مرهق ويعاني من نقص ... وبدأ يفقد السيطرة على المباراة بعد الطرد ... كان من المفترض نلعب دفاع ونكسب النقطة ... ونعتمد على المرتدات هذا أفضل في حال ان فريقنا مرهق ... هذه نقطه سلبيه على المو ... نعتمد فقط على الكرات الطويلة والمرتدات يمكن وحده تجي .. ماجت إحنا كسبنا نقطه .... !! ماني مصدق الهزيمة والله ... محبطة للغاية كنا نتأمل الفوز ومواصلة التصدر ... وفك العقده لكن علينا أن نرضى ... بها لكن إللي مو راضي عنه ... تصرفات اللاعبين وعدم تركيزهم وتهورهم الغير مبرر ... كذا راح تتكرر سيناريوهات الموسم الماضي ... باقي لدينا تحديات كبيره لو تخلفنا بهدف راح نسوي كذا ( بيبي ... خضيره ... كوينتراو ... الكدش ... رونالدو ... ) عملوا حركات تخلي الواحد يشيب راسه من جد ويحط إيده على قلبه .... !!! تهيأ ت اللاعبين نفسياً قبل كل مباراة ... بات امر مهم للغاية ... مايصير كذا فقد الاعصاب بسرعه أثناء التاخر في المباريات او ضرب اي لاعب يسحب بالمدافعين .. من يتحكم بأعصابة وهدوءه يفوز في نهاية أي مباراة حماسية ... والعكس ما نشاهده في الريال ... في الآوانه الأخيره ... على الإدارة والجاهز الفني وضع ذلك في الحسبان ... في كل المبارايات القادمة .............. !! اللاعبين كلهم سيئين والمو معهم ... وأرضية الملعب والحكم كل شي كان غلط في غلط .... جو المباراة كان كئيب ياخي أنا جاني ضيق تنفس والله من القهر ... ومشاهدة سير المباراة وهي تتجه لهزيمة اولى .. في الدوري وفقد الصدارة من بدري .... !! أتمنى ان لا تؤثر علينا هذه الهزيمة ... في إسبوع الضغط لدينا راسينغ ... يوم الأربعاء والآن نبي نشوف العمل الكبير للمو والإدارة ... في إعادة التوازن والروح القتالية للفريق ... خصوصاً أن إختبار راسينغ أصعب من ليفانتي ... لانك جاي مهزوم وفاقد الصدارة ... على امل ان يتعثر البرشه وفالنسيا بالتعادل ... بعدها ستسير الأمور بشكل جيد في الدوري ... !! وبس وهاردلك لكم يا ملوك ... !!:rose: |
خلاصه المتش : عطن حقي وازهل الباقي . هاردلك :rose: |
إقتباس:
كل الأسماء اللي جت بناء على طلب مورينيو ؟ مهب معقولة تعثر الفريق وعلطول يكون السبب بيريز , خسارة اليوم يتحملها المو 100% , , ممكن تقولي ليش أوزيل إحتياط ؟ ليش نلعب في محورين ؟ بنزيما يطلع بالرغم من إنه ماكان سيء وبإمكانه يشكل خطورة خصوصاً مع كريستيانو ؟ كاليخون لاعب مميز ع الأطراف ويفيدك كثير قدام الفرق اللي مقفلة , تخليه بالدكة وتجبر كونتراو يلعب جناح ليش ؟ بعد لو مافيه بديل ممكن :rose: |
هاردلكم الخسسارة :rose: خسارة مو على البال وعلى الخاطر ,, حماقة خضيرة وتوهان الفريق احد الاسباب راموس - خضيرة - كوينتراو = وش مهمتهم بالضبط ؟ خاصة كوينتراو اثناء الهجمه يكون جنب مرسيلو ؟ وش فائدتك ؟ فلسفة مورينهو الزائدة كلفتنا الكثير كاليخون كان حل راح يفيدنا كثير بدل من دخول الدون ! وجود اوزيل بالاحتياط اكبر خطأ اعتقد لو لعبنا بمهاجمين كان فرقت تقريبا 7 لاعبين امام منطقه الجزاء مقابل لاعب واحد رب ضارة نافعه ! لسى الفريق ما اكتمل تقريبا 3 لاعبين لسى مالعبوا معانا ! :smilie47: |
مورينيو استهان بليفانتي رونالدو عنده اصابه لكن اوزيل ليش مابدأ المباراة ؟ غلطه ثانية يروح يسحب البنز ! وحاول التصحيح لكن هقوين يبيله وقت ويرجع لطبيعته . خضيره أقل من انه يلعب للريال , ومارسيلو لو يدفي الدكه افضل للفريق ! معوضين بإذن الله بالتوفيق :rose: |
ما أستحقينا الفوز ! .. دوري غريب الصراحه ! .. لو تجيب هدف أول ربع ساعة ماتنتهي المباراة الا والفارق أكثر خمس أهداف ! .. لكن لو ماتجيب هدف بالشوط الاول اعرف انك بتقابل دفاع صخره وفريق منظم ! .. ولنا بمباراة سوسيداد والبرشا مثال ، برشلونه بعد ماجاب هدفين سيطر على المباراة وصار يلعب بالتيكي تاك براحته !.. لكن بعد ماجابوا التعادل سوسيداد عجزوا برشلونه عجز ضد دفاهم المستميت وما صلح ولا هجمه جماعيه منظمه كعادته ! .. ونفس الشيء صار مع الريّال اليوم ، شيء يغبن ان يكون معك لاعبين نجوم وكبار وتنهزم من فريق مثل ليفانتي الي فنيًا يفرق عنك باضعاف ! .. لكن فجأة يفاجئك بهدف وبعدها يقفل ويلعب بالمرتدات وابن امك جب هدف :d هارد لك للملكيين :smilie47: ! .. الدوري توه ببدايته والفارق نقطه وحده فقط تعادل واحد للبرشا وترجع المياه لمجاريها |
انتظر تحليلات عمالقه الرابطه........ اللي بنتقدون مارسيلو وانه ما ساند هجوميا بشكل كافي..... لابد ان ياخذو بالاعتبار ان كوينتراو امامه و التفاهم بينهم معدوم..... والصراحه استغرب من اصرار المو على كوينتراو وكأنه بيثته بالتشكيله غصب:mad:........ طيب ملزم تلعبه لعبه ظهير وخل مارسيلو جناح او خل كاكا يسار و اوزيل في المنتصف...وهذا اللي كنت مأمل فيه......... كل ما شفت تغيير هجواين بالبنز.... يجيني حاله حقد على المو غير طبيعيه.:ranting:... لسبب وحيد وهو اني مقتنع ان الاثنين ذولا مفروض يلعبون سوا او على الاقل البنز لازم يلعب بجوار او خلف مهاجم صريح........ وحنا شفنا مستواه خارج منطقة الجزاء و شفنا مستواه كرأس حربه صريح........ |
إقتباس:
لكن الى متى نقول تحكيم ؟؟ |
إقتباس:
ايه نعم السبب بيريز انا متاكد تماما ان مورينيو طلب من بيريز كم مهاجم بس بيريز مارضى انه يجيبهم ! اقويرو كان من المفترض انه يكون في مدريد وبيريز سوى نفسه مثالي والتزم بميثاق الشرف :laugh: ! مايكون كم مره يطلبه المو لكن بيريز رفض يجيبه بالمبلغ اللي طلبه الانتر ! مورينيو طلب كم لاعب منهم جيرارد دي روسي وميللتو ودروجبا ونيمار وفالكاو وماجاء احد منهم ! العام الماضي مشكلتنا الهجوم وبعد ما انتهى الموسم الكل قال انه بيريز بيفجر مفاجاه ويجيب مهاجم سوبر ستار وبالاخير ولا صفقه في الهجوم هههههه من الوم الوم مورينيو ؟ الوم بارانكا ؟!!!! مستحيل !! الفريق منذ قدوم رونالدو وهو يعتمد على رونالدو ! بالاول كنا نعتمد على مجموعه مايهم من يغيب غاب زيدان تلقى فيجو وبيكهام ورونالدو وغيرهم وبعدهم جاءت مجموعة كالديرون اذا غاب روبين تلقى روبينيو ونستلروي وراؤول وسنايدر وغيرهم الان للاسف اليوم رونالدو بالدكه وحسيت اننا فريق غبي ! المحصله اذا الفريق بيكمل الرتم هذا ويعتمد على لاعب واحد ريحوا بالكم لن نحصل على شي ! الصفقات هذا الصيف غير مرضيه لنا عشاق الريال ماتعودنا على صفقات مثل كذا ! وبعدين ردودكم مثاليه الى متى لازم تنتقد وتصحح ! ابعدوا عن العواطف ! مورينيو لو تعطيه الصلاحيه لجلب لاعبين وتعطيه اي ميزانيه متاكد راح يجيب افضل لاعبين وراح يجيب افضل المدافعين ! |
الى متى على هالحال ! الى متى الفريق اذا دخل فيه هدف تجيه ام الركب ! الى متى بيكون هالمريض هذا مهاجم الفريق ! الى متى الروح على حسب المزاج ، تجي وتروح ! الشوط الاول ثلاث اربع مهاجمين والمرمى فاضي ويحطها برجل المدافع !! بعد الهدف يتناقلون الكوره في منتصف الملعب !! الواحد اذا اخذ الكوره لازم يدور ويرجع ورا ، مستحيل يتقدم هجوم مافيه ابد ابد ، إلى متى ؟ تعبنا واحنا نقول بكرا الريـال بيكون افضل بكرا بيكون احسن تجانس انسجام ! طفششنآ !! ملينا !! طقو آبو عروقي كلهن موب عرق وآحد ليفانتي فريق يمسخرك ويلعب فيك ويستفزك وانت وآقف تتفرج يمكن دي ماريا ردة فعله متوقعه بس خضيره ليه ! تشوف اللاعب واقف فوق خصمه تتوقع يعني وش بيسوي ؟ بيقول له سلامات ماتشوف شر ، او بـ يركله او يضربه يبي يستفزك ياغبي .. متى راح تفهمون مع برشلونه مره ومرتين وثلاث صارت ولا فيه فايده ! والهجوم الى متى بيصير كذا متى بنقتنع ان بنزيما وهيجوين ماينفعون ! لاعبين بـ اوقات الحسم مايظهرون .. ايش ابي فيهم شوفو كافاني .. هاتريك في الميلان وماعنده لا رونالدو ولا اوزيل ولا كاكا ولا الونسو اقسم بالله شي يغبن شي يقهر ثلاث نقاط كانت بالمتناول فجأه تروح اشك ان اسلوب اللعب هذا راح ينفع مستقبلاً وراح نندم على هالنقاط السهله اللي تضيع |
بالنسبة للمباراة خضيرة هذا البني ادم مفروض انهم يرسلونه للدوري الهندي يلعب هناك لان هذا اللاعب عالة على الفريق بمستواة وضعفة وثقلة في مركز يعتبر اهم مراكز الفريق خضيرة لازم يبعد من الريال حرام يضيع مجهود فريق بسبب لاعب اقل من عادي رونالدو المفروض انه مادخل لان الاصابة بتزيد والكل لاحظ كيف اعتماد لاعبي ليفاني على رجلة المصابة ومحاولة ايذاءه وقد قالها رونالدو وصدق الحكمام لايحمونه ولا يفكرون انهم يحمونه بعكس لاعبي البرشا المدللين من قبل الحكام مورينيو صرح قبل المباراة بيومين وقال اتمنى ان يسجل لاعبينا هدف في هذا الملعب لاننا لم نسجل العام الماضي وهذا خطأ لانه ضغط على لاعبيه ودخلوا المباراة بشحن والنرفزة كانت واضحة لله درك يالملكي والله ينصرك في قادم المباريات |
مورينهو الى الان ما فهم الليغا الفرق ذي حرام تلعب معها محورين ومهاجم واحد برشلونه امس كان يلعب ثلاث مدافعين و الفيس كان مهاجم الفرق ذي لازم تلعب معهم كذا والحمد الله الهزيمه جأت بدري الهزيمه يتحملها مورينهو بشكل كبير و الحكم كمان مورينهو مو شايف اللاعبين متنرفزين مايكلمهم وهديهم أنا اتوقع مورينهو طلب من اللاعبين التسجيل بدري وهذا الي سبب التوتر |
| الوقت المعتمد في المنتدى بتوقيت جرينتش +3.
الوقت الان » 07:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd