|| .. Real Madrid Fans 2011-2012 .. || .. ♥ رابطة عشاق الملوك ♥ .. || - صفحة رقم 183 - نادي الهلال السعودي - شبكة الزعيم

FaHaD.D · #2731 12/09/2011, 11:52 PM

إقتباس

الرسالة الأصلية كتبت بواسطة R e b a l


	نشتري نيمار لانه مهاري وفنان نشتري روني بدال هيغوايين نجيب فيدتش ونخلي بيبي احتياط نشتري تشيك ونجلس كاسياس احتياط !! ويالله نسوي مثل مان سيتي

للأسسف هذآ هو نفسس آلحآل آللي وصفته
يعيششه آلريآل ف آخر 10 سسنوآت , خصوصاً ف عهد بيريز
أمآ ب النسسبة لـ آلسيتي تووهـ مآله سنتين , قآم يشتري و يبيع ب النجوم
و أعتقد أغلب آلنجوم آللي أستقطبهم آلسيتي نآجحين ألآ مآ ندر

لآ أحد يفهم من كلآمي أني متحآمل ع آلريآل ..
R e b a l أستشهد ب السيتي بكثرة آلنجوم آللي يشتريهم , و نسسى أن آلريآدة ف ذلك هو بيريز
آلريآل عششقي آلأول أوروبياً و من بعدهـ آلسيتي ..
لكن هآذي آلحقيقة و مآفي أي حرج من ذكرهآ

لكم

R e b a l · #2732 13/09/2011, 12:13 AM

سبيشل ون
انا احد الاشاخص المعارضين لسياسية البذخ من القرش
وهالموسم والموسم القادم ان شاء الله مابنشوف مثل المواسم السابقه
استدلالي بالسيتي مش تنقيص في هالنادي
تنقيص في الخطه الماشين عليها الاماراتيين
والكل يعرف السيتي وطريقة شراء النجوم
تختلف عن الملكي .. في فريق يشتري عشان يصنع تاريخ
وفي فريق يشتري عشان يعود لمكانه ويتربع من جديد على عرش اوربا

abaaady_5 · #2733 13/09/2011, 12:20 AM

إقتباس

الرسالة الأصلية كتبت بواسطة R e b a l


	جهاد نيمار ماحد يختلف عليه انه لاعب له مستقبل بس هل تجربة اوربا تختلف عن البرازيل ؟ اكيد تختلف الضغط والجماهير والصحف والاعلام كلها امور ماتتواجد في البرازيل بالكم او بالقدر اللي تتواجد فيه في اوربا.. ولاكل لاعب له مستقبل نجيبه والسبب قل المواهب مثل ماتقول! على كذا نجيب تيتشاريتو و ولشيير وتشيزيني وباقي الطخه كلهم لهم مستقبل وموهوبين! بالنسبة لأحتياجات الفريق ممكن اوافقك الراي ان ورقة نيمار ممكن تفيدنا في التكتيك مثل ماقلت انت .. لكن هم الاعب الطويل ممكن يفيدنا تكتيكه احسن وشفنا هدفنا في السوبر برأسيه.. وشفنا المباراة الاخيره في السانتياغو والكرات الطويله كيف انهكت دفاع البرشا! لو عندنا لاعب مثل دزريكو مثلاً او لورينتي بيفيدنا في هالشي كثير ، ولاتنسى ان في هالمباراه بنحتاج للاعبي الجناح في الضغط على وسط البرشا او على الباكات وانت بعمرك شفت نيمار يضغط ويرجع يغطي ؟ حاله حال رونالدو و رونالدو له سنتين مع المو ماعمري شفته يطبق تكتيك دفاع مثله مثل ماريا بغض النظر عن الادوار والامكانيات! فكيف تقولي ان عندنا مدرب اسمه المو يعرف يضبط تكتيك رونالدو ونيمار بالنسبه للضغط والتغطيه؟ تكفا ياجهاد اقنعني اني اتقبل نيمار بشعار الملكي

اختلف معك في مسئله الضغط على اللاعب

لاحظنا في كوبا امريكا كل البرازيليين كانو يعتمدون على نيمار

و مع ذاالك لعب في الكوبا كويس

انت تخيل معي منتخب مثل البرازيل و يكون التركيز كله عليك

اتوقع كلها كم سنه و بتشوفونه ينافس ميسي و رونالدو في الجوائز

KUN AGUERO · #2734 13/09/2011, 12:29 AM

موقع الديفينسترال يتكلم عن شريط فيفا 12 ويقارن طاقات لاعبين برشلونة و ريال مدريد

ويقولون بأن فيفا 12 ( ما أعطى ريال مدريد ما يستحقة )

طاقات لاعبين ريال مدريد (Casillas 91, Sergio Ramos 86, Pepe 86, Carvalho 84, Marcelo 82, S. Khedira 82, Xabi Alonso 86, Di Maria 84, Özil 86, Cristiano Ronaldo 92, Benzema 84)

طاقات لاعبين برشلونة ( Valdés 86, Dani Alves 87, Puyol 86, Piqué 88, Abidal 82, Sergio Busquets 83, Xavi 92, Iniesta 92, A. Sánchez 84, Messi 95, David Villa 91 )

- El FIFA12, injusto con el Madrid

R e b a l · #2735 13/09/2011, 12:30 AM

^

عبادي

الكوبا ماتنتقارن بالليغا او دوري الابطال
للتوضيح فقط .. انا ماقلت ان نيمار ماعنده موهبه
لاعب كبيييييير بس مو كل لاعب كبير نجيبه

Los Merengues · #2736 13/09/2011, 12:54 AM

إقتباس

الرسالة الأصلية كتبت بواسطة KUN AGUERO


	موقع الديفينسترال يتكلم عن شريط فيفا 12 ويقارن طاقات لاعبين برشلونة و ريال مدريد ويقولون بأن فيفا 12 ( ما أعطى ريال مدريد ما يستحقة ) طاقات لاعبين ريال مدريد (Casillas 91, Sergio Ramos 86, Pepe 86, Carvalho 84, Marcelo 82, S. Khedira 82, Xabi Alonso 86, Di Maria 84, Özil 86, Cristiano Ronaldo 92, Benzema 84) طاقات لاعبين برشلونة ( Valdés 86, Dani Alves 87, Puyol 86, Piqué 88, Abidal 82, Sergio Busquets 83, Xavi 92, Iniesta 92, A. Sánchez 84, Messi 95, David Villa 91 ) - El FIFA12, injusto con el Madrid

وش الفرق بين الدون و ميسي بين أوزيل و تشافي بين بيبي و بيكيه ?

FIFA

البلانكو10 · #2737 13/09/2011, 01:09 AM

إقتباس

الرسالة الأصلية كتبت بواسطة R e b a l


	جهاد نيمار ماحد يختلف عليه انه لاعب له مستقبل بس هل تجربة اوربا تختلف عن البرازيل ؟ اكيد تختلف الضغط والجماهير والصحف والاعلام كلها امور ماتتواجد في البرازيل بالكم او بالقدر اللي تتواجد فيه في اوربا.. ولاكل لاعب له مستقبل نجيبه والسبب قل المواهب مثل ماتقول! على كذا نجيب تيتشاريتو و ولشيير وتشيزيني وباقي الطخه كلهم لهم مستقبل وموهوبين! بالنسبة لأحتياجات الفريق ممكن اوافقك الراي ان ورقة نيمار ممكن تفيدنا في التكتيك مثل ماقلت انت .. لكن هم الاعب الطويل ممكن يفيدنا تكتيكه احسن وشفنا هدفنا في السوبر برأسيه.. وشفنا المباراة الاخيره في السانتياغو والكرات الطويله كيف انهكت دفاع البرشا! لو عندنا لاعب مثل دزريكو مثلاً او لورينتي بيفيدنا في هالشي كثير ، ولاتنسى ان في هالمباراه بنحتاج للاعبي الجناح في الضغط على وسط البرشا او على الباكات وانت بعمرك شفت نيمار يضغط ويرجع يغطي ؟ حاله حال رونالدو و رونالدو له سنتين مع المو ماعمري شفته يطبق تكتيك دفاع مثله مثل ماريا بغض النظر عن الادوار والامكانيات! فكيف تقولي ان عندنا مدرب اسمه المو يعرف يضبط تكتيك رونالدو ونيمار بالنسبه للضغط والتغطيه؟ تكفا ياجهاد اقنعني اني اتقبل نيمار بشعار الملكي

ريبال

.. ياخوي فكنا من الالقاب ونزلنا اسمك ههه ! .. اكره انادي العضو بالنك نيم حقه

! ..

افهمني شوي

..
قلت في ردي السابقه ممكن اختلف معك وممكن اوافق ع موضوع موهبه نيمار ! .. لان الفرخ ماحكها باوروبا عشان نحكم زين ! ..

بس الي يظهره نيمار بالبرازيل ! .. شيء يقولك ان هذا الاعب اكثر من موهبه ! ..

الموضوع مهو موضوع اي موهبه نجيبها ونحطها عندنا ! .. الموضوع ان الفرخ يظهر موهبه مهي بهينه ومهيب بطبيعيه ! ..
في الفترات السابقه والسنوات القليله الي راحت ماذكر انه جات موهبه بالطريقه ذي ! .. شيء فخم وشيء تحسه كبير ! ..

عشان كذا نيمار مهو من موضوع او نظام اي موهبه تجيبها ! .. الا انه قاعد يظهر شيء انه موهبه فوق المعتاده حاليا ! ..

شوف لو نتكلم انا وانت ان نيمار موهبه قويه وفخمه هههه ممكن مانوصل لشيء خخ ! ..
لاني انا داخل نفسي صدق صدق اخاف يتكرر سيناريو روبينيو

! ..
الموهبه موجوده ! .. لكن ماتناسبت ابدا وتكيفت مع اوروبا ! .. وذا الشيء الي خايف منه انا ! ..

وذا الشيء صعب نحكم به الا لو جاء الفرخ لأوروبا

! ..

الموضوع الاهم هو الجزء الثاني من ردك ! ..
هو احتياج الفريق والي نقدر نتكلم فيه بصراحه ! ..

اختلف معك بأن نيمار اسلوبه من اسلوب رونالدو ! .. حتى وان كانوا يتشابهون بالمهاره ! ..

السرعه والانطلاق والقوه هذا رونالدو ! .. اللعب في المساحات الضيقه والاختراق هذا نيمار ! .. ماشوف وجه الشبه بينهم ! ..

للمعلوميه اشوف نيمار يشبه دي ماريا اكثر ! .. اتكلم كخصائص لاعب ! ..
دي ماريا يجيد التمرير ! .. ذكي عند المرمى ! .. والاهم انه يقدر يخترق ويشق الملعب ! ..
نفس اسلوب نيمار ! .. زايد عليها الثقه ! ..

نيمار اتمنى انك تشوف بعض المتشات الي له ! .. صدقني الاعب يعرف وشلون يضغط ! .. صحيح مايعمله كثير لانه مايطالب به ! ..
مع قرصه من المو ! .. الولد بيكون قادر ع الشيء ذا ! ..

حاجه بالتكتيك ! ..
مورينيو احد االاسباب الي خلته كان ضاغط ع ماريا وخلاه لاعب تكتيكي ويرجع يساند كثير :
هي اعطاء الحريه لرونالدو بالجناح الثاني عشان يبدع بالمقدمه ! ..

ونتذكر كلمه مورينيو ! .. عن رونالدو والسستم الي يمشي فيه و السمكه ! ..

يعني رونالدو مهو مطالب بالتغطيه في اغلب المباريات ! .. لان التكتيك يطالبه بأنه يكون موجود في الامام ! ..
لكن في بعض المباريات تلاقي رونالدو يرجع ويغطي ويقطع زي ماحصل في مباريات السوبر ! ..

يعني لو طلب منهم المو التغطيه بيقومون فيها ! ..

هذا كله مهو شاغلني ! .. لكن اعطيك اياه كأعذار او امور ممكن تقتنع فيها لو انحشر الريال وصار الفريق الي قدامه يلعب

! ..

لكن بالنسبه لي ! .. ماعندي خوف من الناحيه ذي ابدا ! ..
فريقي بيكون كتله وحده ! .. المساحات الي بين الخطوط بتكون متقاربه ! .. والضغط بيكون عالي ! ..
وفي الاخير الكره اغلبها برجلي

! ..

ومدام الكره برجلي ! .. ابي لاعبيني يوصلونها للمرمى ! .. ومع نيمار بتزيد فرصي بالشيء ذا وبيكون عندي حل ملعون ام ! ..

موضوع المهاجم الطويل

! .. صدقني كنت مأيده اكثر من تواجد نيمار ! ..

لكن وبعد السوبر تحديدا ! ..
انا مابي حل من لاعب ! .. انا ابي حل من اسلوب ! ..

وقت ماللعب زي السوبر وامسك كوره واحشر البرسا ! .. انا كذا اذبحه ذبح ! .. واخليه يلعب كوره مهو متعود عليها ! .. ويقعد يدعي ان ميسي يدبره ! ..
هذي اللعب وهذا الطريقه بتكون اقوى وانسب وافضل بوجود نيمار ! ..

عشان هذا السبب ابي نيمار ! .. لانه بيعزز وبيزيد من قو اسلوب الفريق الجديد ! .. الي هو ..
الاحتفاظ بالكره ! .. الضغط ! .. الامركزيه ! .. واللعب باللمسه ! .. وتعدد االاسلوب والطرق ! ..

اتمنى انها وصلت

! ..

عموما ياخوي .. خله اول يجي بعدين خير خخ ! ..
ماتدري ممكن كاكا ينفجر ويلخبطك اوراق مورينيو ويصير الفرخ ذا ماله اي لزمه

! .. وممكن يكون الفرخ ذا هو حلنا وهو نجمنا

! ..

كل الي علينا اننا ننتظر ونشوف اخرتها مع فرخنا

! ..

لك

يا بعد الدنيا · #2738 13/09/2011, 01:14 AM

إقتباس

الرسالة الأصلية كتبت بواسطة KUN AGUERO


	موقع الديفينسترال يتكلم عن شريط فيفا 12 ويقارن طاقات لاعبين برشلونة و ريال مدريد ويقولون بأن فيفا 12 ( ما أعطى ريال مدريد ما يستحقة ) طاقات لاعبين ريال مدريد (Casillas 91, Sergio Ramos 86, Pepe 86, Carvalho 84, Marcelo 82, S. Khedira 82, Xabi Alonso 86, Di Maria 84, Özil 86, Cristiano Ronaldo 92, Benzema 84) طاقات لاعبين برشلونة ( Valdés 86, Dani Alves 87, Puyol 86, Piqué 88, Abidal 82, Sergio Busquets 83, Xavi 92, Iniesta 92, A. Sánchez 84, Messi 95, David Villa 91 ) - El FIFA12, injusto con el Madrid

ومع ذلك يبي يصير فيه تكسير روس

اتمنى من الفيفا التعديل على النسخه الرسميه واعطاء الفريق حقه

abaaady_5 · #2739 13/09/2011, 02:01 AM

إقتباس

الرسالة الأصلية كتبت بواسطة R e b a l


	^ عبادي الكوبا ماتنتقارن بالليغا او دوري الابطال للتوضيح فقط .. انا ماقلت ان نيمار ماعنده موهبه لاعب كبيييييير بس مو كل لاعب كبير نجيبه

كيف ما تتقارن

صح الابطال بطوله اهم من كوبا امريكا

بس لو تلاحظ اغلب اللاعبين اذا صرحو يقوول اضغط في المنتخب كبير عكس النادي اللعب مرتاح

بعدين نيمااار يركزون عليه في المنتخب اكثر من ربينهو و باتو و الفيس و مرسيلو يعني على ان هاللاعبين لهم اسمهم في اوربى

الا ان نيمااار لعبه افضل منهم مع المنتخب

على العموم الله يكتب الي فيه الخير

فارس الناصر · #2740 13/09/2011, 02:03 AM

إقتباس

الرسالة الأصلية كتبت بواسطة R e b a l


	انا احد الاشخاص المعارضين لسياسية البذخ من القرش

حبيب

كيفك يالغالي ؟

سياسة البذخ اللي تسولف عنها صارت طبع عندنا ولله الحمد
غيرك وده برئيس مثل الشامخ عشان يصير له حس

قبل شهرين أنا كنت معترض على نيمار
وقلت إن وجوده بالفريق ممكن يضرنا
وكانت نقطة الخلاف الرئيسية مع الإخوان هو خوف تكرار سيناريو روبينهو
وزيادة على ذلك كان بيأخذ راتب يخليه الرابع في مسير الرواتب

كلنا نبغى الفيل
لكن بعد مباراة السوبر واضح إن مورينهو بيعمل تكتيك جديد
الريال صار أسرع فريق يلعب على المرتدات في العالم
اللاعبين فهموا التكتيك وطبقوه بشكل رائع
لكن
كان ينقصهم ثقافة المحافظة على الكورة

فعلا الفريق محتاج لاعب خاص
تتوقع بيريز اللي كان ناوي يحط 45 مليون في أجويرو
ماكان يقدر يحط 20 مليون في دروغبا ؟؟

بيريز شاف إن هالتعاقد : إيجابياته أقل من سلبياته
لأنه راح يزيد الضغط النفسي على الفريق بــ ضم نجم كبير
غير إنه ماراح يخدم التكتيك بالصورة المطلوبة

طيب من اللاعب اللي بيخدمنا مضبووط ؟
مافيه غير إثنين ... وكانوا متفصلين على الريال تفصيل
( أحويرو + نيمار )

بالنسبة لتخوفك من إنضمامه :

# إن كنت خايف من تكرار سيناريو روبينهو
فبوجود مورينهو إن شاء الله بيكرب صواميله

# إن كنت خايف إنه بتنخفض المساندة الدفاعية
شوف البرشا .. 6 لاعبين مايدافعون
لكن مثل ماقال المصري

تكتيكهم يخليهم يمشون ككتلة
الضغط على حامل الكورة عندهم مميز .. لأن المنافس مايمديه يفكر وين يمرر

# وإن كنت خايف من تبذير الفلوس
ماهي خسارة في لاعب ممكن يخدم سيستم الفريق
ياما ناس شريناهم وطلعوا ماعندك أحد
غير إن بيريز يقول فيه فايض هالسنة 40 مليون
وإن طلع نيمار مقلب

..
إعتبر الفلوس اللي حطيناه فيه من ضمن تجديدات البرنابيو

بعدين لاتفكر إني أقول
( مورينهو بيستنسخ برشلونه ثاني )
لا
وهذي إن شاء الله نشرحها بعد مانشوف الفرخ عريان في السانتياس

قفلة :
أخوي ريبال
لاعب عمره 19 وحقق لناديه بطولة القارة بعد غياب 50 سنة
مايكفي هالـ ( C.V ) إن الواحد يتفائل شوي

لك أحلى

abaaady_5 · #2741 13/09/2011, 02:06 AM

إقتباس

الرسالة الأصلية كتبت بواسطة KUN AGUERO


	موقع الديفينسترال يتكلم عن شريط فيفا 12 ويقارن طاقات لاعبين برشلونة و ريال مدريد ويقولون بأن فيفا 12 ( ما أعطى ريال مدريد ما يستحقة ) طاقات لاعبين ريال مدريد (Casillas 91, Sergio Ramos 86, Pepe 86, Carvalho 84, Marcelo 82, S. Khedira 82, Xabi Alonso 86, Di Maria 84, Özil 86, Cristiano Ronaldo 92, Benzema 84) طاقات لاعبين برشلونة ( Valdés 86, Dani Alves 87, Puyol 86, Piqué 88, Abidal 82, Sergio Busquets 83, Xavi 92, Iniesta 92, A. Sánchez 84, Messi 95, David Villa 91 ) - El FIFA12, injusto con el Madrid

مشكووور اخووي

بس شي متعودين عليه

دايم اذا اجتمعت انا و العيال و خذيت مدريد القا الفريق بطيء

و باصاته بطيئه بعد

و مع ذاالك اخذ لفه عليهم واحد واحد

نقول ان شاء الله يطلع تحديث و يتعدل الوضع شوي

R e b a l · #2742 13/09/2011, 02:59 AM

جهاد
اسمي في بطاقة الاحوال ريبال
راجع لك يابعدي
فارس
مش ضد سياسة الذبخ الي تفتكرها ..
المقصود من كلامي اعلاه والي ماوضحته في الرد
ان عندنا مدرسة كنز .. الكاستيا
عيالنا محتاجين شوية اهتمام ولو كل يوم جبنا فروخ غيرهم مافلحنا
وراجع لك يابعدي ..