إقتباس سيغيب لمدة شهرين آخرين . شاهين يدق ناقوس الإنذار

ياناس هاللاعب اشك انه طبيعي

ما ادري احس كأنهم باعوا لنا منتج صيني مقلد

وشاهين الحقيقي موجود في دورتموند

إقتباس الرسالة الأصلية كتبت بواسطة ملك بفريقي فاللي يدور براسي بما ان بنزيما لم يسجل ولا حته هدف واحد من السته اهداف و المباراة الجايه مع خيتافي و على ارضنا لازم مورينهو يخلي البنز في الدكه و يبدي بهقواين ليش ؟؟ عشان البنز يحس انه ضيع هجمات لا تضيع و السبب الثاني هيقواين عارف خيتافي او نقدر نقول يحب يسجل على هالفريق فراح اتزيد الثقه عنده و الجمهور ما بيقصر معاه في الدعم المعنوي اهني بيرجع لنا هيقواين موسم كابيللو انشالله و هذا الشئ راح ينعكس على البنز انه في مهاجم معاه ينافسه على مركز الهجوم هنا الاثنين بيشتغلون شغل جبار و غير طبيعي

اولا حياك اخوي ..

ثانيا ..
انت بالطريقه ذي تدمر البنز وبتقلل من مجهود هيغواين ! ..

الوضع الحالي الي صاير ! ..
البنز يكافىء ع مجهوده ! .. وهيغواين يحتاج انه يشتغل اكثر عشان يرجع لمركزه ! ..

كلن له دافعه ! .. وكلن يحترق عشان يقدم الافضل ! .. والاهم ان العدل موجود بين الاثنين بنظرهم حتى ! ..

يوم تحط البنز دكه ! .. مع انه قدم مستوى كبير وماسجل ! .. وتحط هيغواين الي اعتبر مستواه من اول ماتى من الكوبا اميركا سيء ! ..
كذا انت بتظلم البنز وبتدمر مجهوده الي يعمله ! .. وزيد عليها بتخلي هيغواين يشعر ان المركز في الاخير بيرجع له ! ..
بتدمر الاول ! .. وتقلل من عزيمه الثاني ! ..

نظام المداوره موجود ! .. وهيغواين عنده الفرصه انه يعود فيها ! ..

لكن من مباره وحده نرمي البنز ومجهوده ! .. ونحط هيغواين مكانه ! .. عشان غرض انهم يتنافسوا اكثر ! ..
اشوفه خطأ في حق الاثنين قبل مايكون مدمر للبنز ! ..

لو انا مكان البنز ! .. ويصير الي قلت عليه ! .. والله ان افصل واقول يلعن ابوها كوره ! ..

وكلنا نعرف نفسيه البنز كيف ! ..

حاجه في نفس سياق الموضوع ! ..
البنز كذا ولا كذا حاس انه قاعد يضيع ! .. ويبي يسجل الولد ! ..
ولك في الهجمه الي ضيعها والشتم الي صار فيها هههه ! .. من متى شفنا البنز يشتم هه ! ؟ ..

هذا شيء قليل ! .. بس يعطيك شعور ان الولد يبي يسجل كمان ! ..

البنز الي يقدمه شيء كبير ! .. صحيح درج ويضيع واحيانا مايعرف يتمركز لكن يقدر يتعدل في الشيء ! ..

والمباره الجايه ان شاء الله ! .. اراهن من الان ان البنز بيسجل اقل شيء هدفين .. لان الدافع موجود بعيونه

واصلا كذا ولا كذا ! .. من هدفه في السوبر قدام البرسا ! .. وانا ابصمت ان البنز خلاص الاساسي له ! ..




بخصوص شاهين ! ..

طاقمنا الطبي كلمه وحده اقولها له ! .. تبا لكم حق mbc 2

إقتباس الرسالة الأصلية كتبت بواسطة Crazy Madrid سيغيب لمدة شهرين آخرين . شاهين يدق ناقوس الإنذار في ريال مدريد هم قلقون من الإصابات الثلاثة التي تعرض لها في 4 أشهر . عودته للتدريب كانت مستعجلة شاهين محبط و يتلقى كل يوم دعم من زملائه ،،،،، تم التخلص من كل من بيدرو ليون ( خيتافي ) , غاغو ( روما ) و درينتي ( إيفرتون ) ،،،،، بعد مرور العاصفة , عودة الأمور لطبيعتها في المنتخب . ،،،،، كارفالهو يغادر معسكر منتخب البرتغال بعد سوء تفاهم مع مدربه

معقول يكون نسخة ثانية لـ كاكا




الله يستر بسسس ...

إقتباس سيغيب لمدة شهرين آخرين . شاهين يدق ناقوس الإنذار

سلآمآآآت .... وش هالاصابات ...؟؟
شهرين شهر ...؟؟ حنا جايبينه نحطه بالعياده ولآ شلووون ؟؟
انا اعتقد نسسسخه ثانية .. كآآكآآ..

عيد سعيد لجميع المسلمين في العالم بأسره

إقتباس الرسالة الأصلية كتبت بواسطة البلانكو10 رد اخير بخصوص البنز ! .. منها نرد على خوينا ابوظافر والاخرين ! .. نحن لازم نفهم ان تكتيك مورينيو الجديد ! .. او اسلوب مدريد الجديد ! .. او خلني اقولها بالكوره الشامله الحديثه ! .. بما معنى اسلوب مدريد وبرشلونه ! .. ان اسلوبك يدعم الفريق كله ! .. اكثر من انه يدعم لاعب واحد او اكثر ! .. الكل يسجل ! .. والكل يصنع ! .. الكل يعرف يتصرف بالكوره ! .. والكل يعرف وشلون يفتكها ! .. يوم يكون عندك نظام مثل كذا ! .. مهو لازم مهاجمك يكون اكثر لاعب يسجلك ! .. ومهو لازم يكون مهمته التسجيل بس ! .. احصائيه بسيطه عن فيا ! .. والي اتوقع ان الكل يتفق انه واحد من افضل مهاجمين العالم ! .. فيا سجل في الموسم الماضي للبرسا ! .. واتكلم عن البرسا بأسلوبه وبصناعه اللعب الخرافيه الي عنده ! .. وكلاعب اساسي كمان ! .. سجل حول ال 18 هدف فقط في الاليغا ! .. < للمعلوميه البنز رغم انه في سنه تحضيريه الاولى مع مورينيو وماكان اساسي الا في اوقات معينه سجل 15 هدف ! .. فرق 3 اهداف فقط عن مهاجم البرسا الاول ! .. كأسم كفيا ! .. وفي فريق زي البرسا ! .. ووراك تشافي وانيستا وميسي وتسجل العدد ذا بس ! .. كحسبه انت مانجحت ! .. وخاصه انك بديل جايبينه لأبرا الي سجل 16 هدف ! < يعني فرقت عنه بهدفين بس ! .. لكن ! .. هل فيا كانت صفقه فاشله او غير مؤثره ؟! ابدا لا ! .. الا القيمه الي قدمها للبرسا كانت كبيره اكبر من كونها اهداف تنحسب له ! .. قدم شيء كبير للتكتيك ولحلول البرسا وساعد فريقه وزملائه انه يوصلوا للعدد الكبير ذا من الاهداف ! .. السؤال هنا تبون مهاجم يسجل 30 هدف ؟! ولا تبون فريق يسجل 95 هدف ؟! .. البنز اسلوبه والي يقدمه للتكتيك = فيا الي يقدمه للبرسا ! .. اذا فكر فريقك مثل كذا ! .. لا تنظر لمهاجمك انه عليه التسجيل بس ! .. وذا الشيء الي لازم ننظرله للبنز ! .. والي باقي اشوف انه الانسب والافضل لمدريد ! .. مهي مسأله انا ماقدر اجيب مهاجم ! .. المسأله هل المهاجم الي بجيبه يفيد فكري واسلوبي ؟! .. دروغبا ! .. فالكو ! .. دزيكو ! .. ابرا ! .. افضل بالتسجيل من اثنين بنزيما ! .. لكن كخدمه للتكتيك مايفيدوني بنصف البنز ! .. وفريقنا يدعم المجموعه ! .. مايدعم الفرد ! .. لانه مانبي نكون فريق الاعب الواحد ! .. اذا اختفى ! .. اختفى الفريق كله ! .. نحن نمشي بفكر فريق مبني ع المجموعه ! .. عشان تمسكه لازم تمسك المجموعه ككل ! .. مسكت رونالدو ؟! بيكون عندك اوزيل ماريا البنز الونسو ومارسيلو ! .. مسكت البنز !؟ّ ..رونالدو موجود ! .. حلولنا انعدمت ؟! دكتنا موجوده بكاكا وكونتراو وهيغواين ! .. من هنا ولا من هناك ! .. فريقك بيدك دك ! .. لان الكل موجود ! .. اتمنى الفكره وصلت ! .. ياابو ظافر يالسطل هههه < هيا قولي معنى السطل الان هههههههه

..

السلام علييكم
كل عام وانتم بخيير


حبينا تشاركون معنا في بطولة المحترفين 2011
في قسم الالعاب الالكترونية

من هنا

♥ كأس المحترفين pes 2011 ♥ سارع بالتسجيل

إقتباس الرسالة الأصلية كتبت بواسطة Özil 10 من المملوح الي فوق ؟

وهل يخفىآآآ آلقمر

هذآآ قديسنآآ

السلام عليكم ورحمة الله وبركاته

الظاهر على كل هدف سجلناه في سرقسطة تفعلت عضوية
الله يحيي كل من تفعلت عضويته
إن كان هنا والا في البحرين والا في المغرب

خليجنا واحد

نجي لنقاش جهاد وحكميوف من جهة
وابو ظافر وابو دحة من جهة أخرى
ولا يهون كل من أدلى بدلوه في الموضوع

خلوني امسك العصا من النصف


ونبدأ بحزب المعارضة
والنقطة الأساسية هي التمركز للبنز
وفعلا تمركز البنز في مباراة سرقسطة وفي مباريات قبل في منطقة ال 18 سيء جدا بصراحة وبغض النظر عن كونه مهاجم صريح او مهاجم مساند
الموضوع مايبيله إلا مجرد تفكير وبحث عن الكورة وانطلاق للكورة
بمعنى يروح لها وماينتظرها تجيه
مابيه يكون مثلا زي دزيكو اللي خلاني اشوف معنى كلمة المهاجم الصريح اللي يسجل هدف من ريحة الهجمة

لكن ابيه إذا انطلق مارسيلو في الجناح وكان يبي يلعب كورة عرضية يتقدم البنز على القائم الأول لأن اسهله في وصول الكورة وفي تسجيل الهدف
واصعب على الدفاع والحارس
اللي لاحظته إن البنز دائما او خليني اقول في الغالب يكون خلف المدافعين في الكورة العرضية ومو قدامهم
ومايسبقهم بخطوة
ينتظر الكورة تمر من خلالهم كلهم أو يغلط أحد في تخليصها

اكثر شيء يقهرني في البنز
ان عنده مشكلة فعلا في التمركز داخل ال 18 تحديدا

وهو لو فكر بس إنه لازم دائما يسبق المدافع بخطوة
كان دائما بيصير له كلام ثاني في المباريات

وعلى فكرة هيقوين وكريس وحتى اوزيل أفضل من البنز تمركز في ال18 وهيقوين الوحيد منهم اللي نعتبره مهاجم صريح


لكن
لو جينا للاداء العام للفريق في المباريات اللي لعبها حتى الآن إن كان في مباراتين السوبر أو في مباراة الستة حقت سرقسطة

نلقى الفريق يؤدي كمجموعة اداء قوي وممتع جدا وهجومي مستمر

وصار البنز بأسلوب لعبه يخدم سيستم وطريقة لعب كاملة
تفيد الفريق وماتقيده بنقطة رأس حربة ومنطقة ال 18 فقط


توضيحا لكلامي وخلوني ابحر في التوضيح



اما بيب تخلى عن ابرا

كنت اقول إنه مدرب غبي ومجنون احد يتخلى عن واحد من أفضل رؤوس الحربة في العالم

لاعب يعطيك حلول في منطقة ال 18 إن كان من بنية جسمانية أو ارتقاء في الكورات العالية

واما جاب فيا توقعت إن البارسا يتأثر هجوميا بغياب ابرا
لكن اللي صار العكس

صار البارسا فريق مرعب جدا هجوميا
والسبب بسيط
إن ابرا لايخدم اطلاقا سيستم برشلونة
ولا طريقة بارسا بيب
وخطورته تتقيد فقط في ال18، عكس فيا اللي يعطي حلول ويقدم حلول إضافية لسيستم البارسا المعتاد
المحصلة جاب لاعب يخدم الفريق كمجموعة
وابعد لاعب كان يحتاج سيستم جديد لحاله عشان يبرز في الفريق


هل يضحي بيب بسيستم البارسا عشان ابرا؟
النتيجة شفناها الموسم الماضي


حتى تعاقدات البارسا مؤخرا
افيلاي وبعده سانشيز وبعد فابريجاس
كلهم لاعبين ينفعون ويفيدون سيستم البارسا الحالي
مايضروه ولا يأثروا عليه إلا يعتبرون إضافة للفريق وتقوية للدكة



مورينهو في العام الماضي
جاء للفريق وهو متعود على دروجبا تشيلسي وعلى ميليتو الانتر
وطلب كلب أو مهاجم صريح وكانت المشكلة بينه وبين فالدانو زي ماكلنا عارفين



وكان يبي يمشي الفريق على تكتيكه هو اللي تعود عليه من سنين مهاجم صريح يسجل أهداف وخطة تبنى على الشيء هذا
إما 4 4 2 أو 4 3 3 بجناحين ورأس حربة

حاول يمشي بالأسلوب هذا في الريال العام واصر على مهاجم وجاب الأديب\وصار عندنا ثلاث مهاجمين

لكنه اكتشف إنه عشان يفوز على البارسا اللي هو السبب الأول في غيابك عن بطولات الموسم الماضي، ماهو بالضرورة يكون عندك رأس حربة صريح
وشفنا كيف لعب مع البارسا كم مباراة بدون مهاجم أصلا
لأن اكتشف ان تكتيكه السابق مايتماشى مع اسلوب البارسا

وشفناه ينجح في قتل اسلوبهم


طيب قتلنا اسلوبهم وبعدين، كيف نهزمهم
مشى بطريقة لا يفل الحديد إلا الحديد
ويقتل البارسا بأسلوب البارسا نفسه
خاصة إن فريقك عنده الإمكانيات اللازمة للشيء هذا

وعندك ادوات تفيدك بالشيء هذا وتساعدك عليه



وهو الأسلوب اللي تكلم عليه جهاد
اضلوب ضغط مباشر من بداية ملعب خصمك، تطبيق الهجمة المضادة بسرعة، تنويع في اللعب وفي تطبيق الهجمة، لا مركزية بين رباعي المقدمة، حرية لأظهرة الجمب وللاعبين القادمين من الخلف
وزي ماقال غلاف الماركا قبل كم يوم
الريال الحالي اكثر تركيز واكثر سرعة واكثر ضغط
والمحصلة اكثر خطورة

وبدل مايصير عندك مهاجم واحد تبني عليه هجمتك ويكون طريقك الوحيد لتسجيل الأهداف صار عندك اكثر من لاعب قادر على التسجيل
وقلتها قبل الريال يملك خط وسط هداف، وأظهرة هدافين



مثال للي يلعب سوني وفيفا
وياكثرهم
احيانا تكون متعود على اللعب بخطة وحدة مع فريق معين زي 4 4 2 مثلا
تجي تاخذ فريق ثاني وتجرب نفس الخطة معاهم اللي انت متعود عليها

وماتمشي!!
طيب ليه؟
لأن كل فريق له اسلوبه وسيستمه الخاص فيه والمتعود عليه


طوال الصيف وحنا نقول نبي كلب ومهاجم صريح
نبي فالكاو ونبي دروجبا وبني كافاني وليورنتي

كلنا تكلمنا

لكن بيريز والمو كانوا يفكرون في اسمين فقط اجويرو ونيمار !!!


والاثنين مانقدر نعتبرهم مهاجمين صريحين زي اللي نفكر فيهم
والاثنين اسلوب لعبهم قريب من البنز



طيب ليه المو فكر فيهم وبس، هل حنا نشوف اللي مايشوفه مورينهو
لهذه الدرجة هو أعمى مايشوف الفريق وش ناقصه خاصة إن كل اسماء المهاجمين اللي فوق كانوا متوفرين في الصيف



السبب تناقشت فيه قبل مع ابو أصيل وابو فتكات حقه
وهو إن المو يبحث فعلا عن مهاجم أو لاعب يفيد سيستم وطريقة مورينهو الجديدة اللي تكلم عنها جهاد بالتفصيل قبل



والشيء هذا موجود في اوجيرو ونيمار فقط


انا كنت اشوف إنه بيحد من خياراتك الهجومية لأنك بتحتاج في بعض المباريات لوجود رأس حربة صريح إذا قفل الفريق اللي قدامك


لكن اما اشوف البارسا طوال موسم كامل وهو يلعب ضد فرق تدافع بال 10 في ملعبها ومع ذلك يسجل بدون تواجد مهاجم صريح
وبالاعتماد فقط على مهارة وسرعة لاعبين وكثافة لاعبين البارسا في منطقة خصمهم
لدرجة إنك ماتعرف تمسك مين وتخلي مين


تخيلت الوضع هذا مع فريقنا

لقيت إن فريقنا قادر على الشيء هذا
الونسو يستلم الكورة يلقى عنده كريس والبنز ودي ماريا وأوزيل أو حتى أي ظهير متقدم او حتى المحور اللي قادم من الخلف ومشارك بالهجمة
تكثر عنده الحلول الهجومية وماتصير مركزة بس على راس حربة صريح والأسلوب اللي نشوفه في معظم الفرق الأخرى



الحين بدأت اقتنع فعلا إن نيمار بيكون ممتاز جدا لأسلوب وتكتيك المو الجديد
فرخ الديك حق يحيى
يقدر يلعب مكان البنز ويقدر حتى يخليه مكان دي ماريا


ويصير رباعي الهجومي
البنز-كريس-نيمار-اوزيل



ومع ضغطهم المستمر على المناطق الدفاعية لخصمك ماراح يقدر يتجرأ على الوصول لخط وسطك اصلا
ويمكن حتى ماراح يقدر في الأساس



سيستمنا الجديد يبي له تركيز اكثر بس في المناطق الدفاعية

عشان ماينفك دفاعنا

ومع التعود بيكون الفريق ماشي صح



وشفنا فريقنا كيف كان مرعب جدا هجوميا
في المباريات السابقة
ونسبة استحواذه اكبر

وضغطه وافتكاكه للكورة أفضل


ومنها مباراتين كانت ضد فريق متمرس ومتعود على هذا الأسلوب من سنيييين
قدرنا وحنا مالنا شهور على هذا الأسلوب
نتفوق عليه ذهابا و إيابا
ومافرق معاه إلا مهارة لاعب وصافرة حكم


بالمختصر المفيد
مورينهو وظف البنز للأسلوب اللي هو يبيه واللي يفيد فريقه اكثر، بالإمكانيات اللي عند البنز واللي نعرفها كلنا



صحيح مطلوب من البنز يسجل اكثر من غيره
لكن إذا كانت محصلتي
140 هجمة و6 اهداف من اول مباراة في الدوري


ماراح اشوف كم سجل البنز بقدر ماشوف كيف كان ادء الفريق ككل
أو زي مايقول جهاد
اداء المجموعة
وعيب البنز في التمركز يقدر يشغل عليه اكثر ويصير يفيد الفريق والمجموعة اكثر



قفلات سريعة
بقاء لاس في ظل إصابة شاهين، شيء ايجابي وممتاز وخيارات المحور عندنا بتكون متوفرة كلها بإذن الله


جهازنا الطبي ماهو سيء في علاج الإصابة، لكنه فاشل جدا في مسألة عودة اللاعبين بعد الإصابة
لاعبين كثير مروا علينا وجتهم إصابة بعد عودتهم من الإصابة والسبب التجهيز السيء


كونتيراو بجانب الونسو معطي وضع أفضل للدور الهجومي اكثر من خضيرة، لكن خضيرة أفضل من البرتغالي في التكتيك وفي استخلاص الكورة والبنية الجسمانية
كونتيراو يبغاله مايجنح يسار وهو محور ويتذكر إنه محور ماهو ظهير أو جناح أيسر


عموما فيه فرق تحتاج لها كونتيراو وفرق تحتاج لها خضيرة
والأهم فيه فريقنا ينتظر عودة شاهين



اسوأ شيء في اصابة شاهين إننا ماشفناه حتى الآن مع فريقنا، ولاندري كيف وضعه ولا كيف بيكون فريقنا معاه
وهذا اللي يضيق الصدر اكثر


مع نتائج الريال والبارسا في اول جولة، وضح جدا مقدار الفجوة والمسافة الكبيرة اللي بين الاثنين ذول وبين باقي فرق الدوري الأسباني

وغالبا الليجا بتحسم من الكلاسيكو



الله يستر من اسبوع الفيفا

ورانا ليجا ودوري ابطال



هذا مافي جعبتنا الآن


قفلة اخيرة
كل عام وانتم بألف خيرررررررررررر
وعيدكم مبارك وينعاد عليكم جميعا


اخوكم

ابو تولين