إقتباس الرسالة الأصلية كتبت بواسطة ابودحه الهلالي ما راح اعلق على المباراة لانها ببساطة طقطقة .. لكن بعلق على مستوى ذا الي فوق وكلام جهاد عنه .. مدري امس انت كنت تشوف ولا ما تشوف يا جهاد .. معقولة من نجوم المباراة ؟؟ امس ايقنت الصراحة ان البنز أسوأ مهاجم يتمركز في الكرة الارضية .. انا ذكرت سابقاً ان البنز خطييييير لما يخترق من الطرف ولما يلعب كمهاجم ثاني .. وفضلته على دي ماريا كجناح اذا كنا نواجه فريق متوسط او ضعيف .. لكن كـ رأس حربة بنزيما ما يدلها .. ما علي من تضييعه الانفرادات لاني اشوف القرونة و القدرة التهديفية شي ممكن يكتسب .. لكن من اهم مواصفات المهاجم ( التمركز ) !! بالله عليكم احد يشوف البنز وين يوقف اذا جا يطلب الكورة !! اول مره اشوف لاعب يلصق في خويه ويطلب الكورة .. وش فايدتك كرأس حربة اذا كنت بتوقف في موقف تسلل او تلصق في خويك وتبي الكورة !! قارنوا بين تمركز بنزيما في الـ 75 دقيقة الي لعبها وبين تمركز هيقوين في اخر ربع ساعه .. هيقوين نزل كم مره وقف موقف صحيح وطلب الكورة صح .. في حالة الهجمة المرتدة احسن واحد يوقف هو .. هذا المطلوب من المهاجم يعني لما 5 من لعيبتي منطلقين في هجمة مرتدة محد يحتاجك يالبنز توقف في نص الملعب .. رح خذ لك خانة يبو الشباب !!! لا زلت متمسك بكلامي بأن هيقوين لازم يصير المهاجم الاول في الفريق خصوصاً في المباريات الكبيرة .. لما نشوف الزيادة العددية وامتلاك الكورة في ثلث الصلب الاخير والبنز قاعد ماسك خانة عالطرف وما في احد في منطقة الجزاء هنا تحام كبدك من القطاوة جد ! اثق في هيقوين وبقوة انه يكون المهاجم رقم 1 في الريال .. ببساطة لانه تمرمط من مركز لمركز من جناح الى مهاجم ثاني الى بدايته كرأس حربة صريح مع بيلغريني ومع مرور الوقت نلاحظ البيبتا صار اقشر قدام المرمى وانه عنده اساسيات مواصفات السترايكر الي ما يدلها البنز مع احترامي !! لحد يحسبني اكره البنز واحب هيقوين ومن ذا النظام .. انا اشوف البنز كمهاجم ثاني مرعب ممكن من الافضل في العالم .. لو اشتغل على نفسه من ناحية التمركز خصوصاً ( ولو اني اشوفه شي بالفطرة صعب اكتسابه ) ممكن يكون السترايكر حق الفريق خصوصاً انه مهارياً وكنترول ومرونة وتحركات عالاطراف فقط افضل من هيقوين بكثيييير فيها .

احسن شيء انك تجي تتفلت ! ..
وثم تختفي ! .. ثم ترجع تتفلت ! .. ثم تختفي ههههههههههه ! ..

مهو انا الي ماشفت المباره ! .. شكلك انت الي ماشفتها يابوداحم ههه ! ..

وش الي البنز ماكان من نجوم المباره ؟! ..

خلك من الموضوع ذا ! ..
موضوع التحرك والتمركز بالتحديد هو الي تنتقد فيه البنز ؟! ..
ترا افضل شيء قدمه امس الشيء ذا ! .. ولك بالهدف اول مثال ! ..

تحركات البنز كانت الافضل امس ! .. ولولا تحركاته كان ماشفنا الفريق بالمستوى ذا ! ..

موضوع انه راس حربه ومايعرف يتمركز في الصندوق كمهاجم ! .. وش ابيبه اذا كان بيكون عندي 3 غيره بيتحولوا لمركزه ! ..

فريقك عشان يظهر بالمستوى الكبير ذا ! .. ويكون قادر انه يدك من كل مكان مايحتاج راس حربه ثابت ! .. يحتاج لاعب زي البنز في تحركاته ! .. وتجيني وتبي راس حربه ثابت عشان يجييني واحد كاشت بالصندوق بس واذا طلع يضيع ولا يصيح ! ..

شف فريقك امس ! .. يارجل كريس مره صار راس حربه اوزيل والبنز وحتى مارسيلو ههه ! .. والسبب انه مافي راس حربه ثابت ! .. لان راس حربتك والي تضحك عليه معطيك حلول اكثر ع الطرف واللعب السلس والصناعه كمان ! ..

ومع ذا ! .. ماكان موفق قدام القول ! .. يعني لو كان موفق حتى بهدف كان شفنا كلام ثاني ! ..

تبي هيغواين اساسي ليه ؟! .. عشان المرمطه هههههه !؟! مش معقول كذا يابوداحم ! ..

هيغواين نحتاجه وقت ماتبي مهاجم في الصندوق ! .. وراس حربه ثابت ! .. وكلن ينطق بمركزه ! ..
لكن مابتشوف فعاليه الفريق وخطورته والقوه والشراسه الي ظهر فيها لو هيغواين موجود ! ..

يارجل روح شوف كم هجمه للريال في المباره ذي ! .. عدت الميه ترا ! ..
بسبه تنوع اللعب وتغير المراكز والانسجام الكبير الواضح بين البنز وورنالدو واوزيل ! ..

البنز امس ابدع ! .. صحيح مانجح بالتسجيل ! ..
لكن تحرك ! .. فتح ! .. ضغط ! .. مرر وصنع وسهل اللعب ع زملائه ! ..
بس هدف عشان يتوج فيها مجهوده ! .. وماحصله ! ..

انا مانكر ان هيغواين ابدا كمهاجم يعرف يتمركز ويلعب بالصندوق افضل من البنز ! .. لكن التشكيله والاداء عشان يطلعوا ويقدموا افضل البنز لازم يكون موجود ! ..

صحيح بعض المباريات يبيلها المركزيه ! .. يبيلها كلن ماسك مكانه ! .. ويبيلك مهاجم في الصندوق يتكي ! ..
وقتها تحتاج هيغواين ! ..

لكن اخلي شكلي الاول واسلوبي الاول مبني ع هيغواين ! .. واترك البنز وحلول المجموعه ككل معه ! .. ابد مهو عقل ! ..

البنز يخدم تكتيك ! .. وهيغواين يخدم تكتيك ! ..
بس البنز خدمته للتكتيك تعطيك فريق زي الي قدام سرقسطه ! .. وهذا الي نبيه ! ..

ولا زيد عليها كمان ! .. نيمار جاي ان شاء الله ! .. يعني زياده طقطقه ! .. والظاهر مابنشوف طعسك كثير ههه ! ..

ابو داحم لك .. وحاول ماتنبرش عشان ماتكسر ركب الاعضاء الجدد ! ..

ايه صح ..

الاعضاء الجدد جميعا .. منورين الرابطه ..

همسه :

كل عام وانتم بخير يأحلى رابطه مافيها تفاعل ههههههههه ! .. وينعاد عليكم بالصحه والعافيه والنجاح والاحسان ..
وتلاقون مدريد كذا بطل جميع الكؤوس يارب .. وزعيم اوروبا هههه وكنتاكي يبكيان دما ..

إقتباس الرسالة الأصلية كتبت بواسطة فارس الناصر لكن : إن لقيت مهاجم يتماشى مع سيستم الفريق ويسجل ؟ ( يعني له فعالية أكبر ) آآآكيد بتستغني عن بنزيما .. على الأقل ماراح يكون أساسي بنزيما ماهو مهاجم هـ المرحلة وأنا لازلت مع يحي في موضوع نيمار جهاد تخيل إنك مهاجم ( لا سمح الله ) واللي يلعب وراك يسجل ويصير هداف ويحطم أرقام قياسية وأنت تكملة عدد وش موقفك ؟

هههههههههههههه بجاوب ع الثاني قبل الاول ! ..
والي وراي مين ؟! .. العنبر ؟! خخخ ! ..

يارجل الي وراي كريس رونالدو ! .. حطم الارقام القياسيه مع المان مع انه عندهم روني ! .. جات علي انا ! ..
بعدين انا سبب من اسباب نجاحه باالاهداف ! .. حتى مع ذا كله ! ..
انا مأهلك من دور لك 8 سنوات ماتأهلت هههه ! .. احمد ربك ياسطل ! ..

بالنسبه للأول ! ..

فيه الي يطبق اسلوب البنز ويسجل اكثر ؟! .. جيبوووووووووووووه ! ..

بس مين !؟! .. هوا واحد وكنت شوي ببكي لو ماجاء ! .. هو الكلب فيا ! .. لكن ماحصلنا نصيب ! ..
طيب مين ؟! روني ؟! .. كم بتدفع قبل ماتقنع السير ببيعته ؟! ..

عشان كذا البنز الافضل حاليا والمتاح لك ! .. ومهو اي خيار ترا يوم نقول متاح الا من افضل الاعبين ! ..

نيمار ؟! .. زي ماقلت اول ! .. اشوف مورينيو بيدخله مع المجموعه اوزيل كريس البنز ! ..
التغطيه الدفاعيه ؟! .. اتوقع الي خلا دي ماريا يدافع ويصير اهم لاعب تكتيكي يقدر يعمله مع نيمار او غيرره ! ..

انا ماني بحب البنز واموت فيه وقاعد احذف حصا على شبابيك بيته واقوله اطلع يالزين ههه ! .. لكن الانسب ! ..
جيب الي انسب منه عشان يمشي سستم الفريق زي ماهو وانا ماعندي مشكله لو تبيعه لشعب أب اليمني ! ..

تحيتي لك وكل عام وانت طيب يارجل الصناعيه الاول ..

كاكا يرفض التحدث عن الخروج من ريال مدريد




ذكر كل من توتنهام وارسنال انهم يرغبون في الحصول على خدمات الاعب البرازيلي الدولي ريكاردو كاكا ..

وكاكا اصر على انه ليس لديه اي تفكير لمغادرة ريال مدريد .

وأضاف
" ان ريال مدريد نادي قوي وكان الأداء جيد ، ونحن لعبنا جيدا في كأس السوبر، وبدأنا الدوري في افضل نتيجة " .


المصدر

جهاد حبيبي ..
انا اراقب انتظر واحد يشطح ولا يقول شي ما يعجبني عشان اعلق ..
بالنسبة لمسألة اني اخلي تكتيك للمباريات الكبيرة .. وتكتيك للمباريات الصغيرة ومدري ايش ..
ليش احوس عمري ؟ مباريات مثل مباريات سرقسطة و غرناطة وغيرها انا مستعد ان الفريق يلعب بتكتيك معين يخليني افوز 2 او 3 بس بشرط ان نفس هالتكتيك بالتعود عليه في المباريات الصغيرة يخليني افوز على الفرق الكبيرة في اوروبا بنفس النتيجة !!
مسألة اني بقعد تحت رحمة تمركز البنز ومتى تصفى له يتمركز زي الناس .. زي ما قلتلك تحركاته مهما كانت ممتازة ( خارج المنطقة ) انا ما تهمني .. انا اقدر اداور بين المهاجمين واخلي اوزيل وكريستيانو وغيرهم قدام الباب ويضيعون لين يقولون امين قدام سرقسطة .. لكن مستعد تضيع زي كذا في الكلاسيكو ؟ كلاسيكو السوبر اقرب مثال لو فيه مهاجم ممتاز في التمركز ما تتوقع اننا كنا نقدر نخلص المباراة بسهولة خصوصاً اننا كنا ندور الكورة على منطقة جزاء برشلونه ننتظر لاعب متمركز سواءً رونالدو ولا دي ماريا او حتى شطحة من البنز ؟؟

انا ما ابي اقلب النقاش مقارنة بين بنزيما وهيقوين لاننا فعلاً ملينا من هالاسطوانة .. لكن انا وياك اتفقنا ان هيقوين ممتاز في التمركز .. وانا اشوف ان هيقوين برضو عنده المرونة انه يتبادل المراكز مع رونالدو واوزيل ( ماهي بقدر مرونة البنز اكيييد ) عشان كذا صراحة ودي اشوف هيقوين رأس الحربة في الفريق والبنز ممكن يشارك كجناح اساسي او بديل لدي ماريا .
كل عام وانت بخير حبيبي جهاد

نسيت اقول كل عام وانتم بألف خير جميعاً في هذه الرابطة

الصحافه الايطاليه: ادارة روما تريد استعارة لاس ديارا







كل عام وانتم بخير و تقبّل الله منّا و منكم صالح الأعمال

المدهش نيمار !

يرجى مشاهدة الفيديو بالمصدر

المصدر

عيدكم مبارك وكل عام وانتم بخير