|
إقتباس:
يَ فلّة أنت سلّم لهم المبآراة من البداية وش تبيني أقّوله ؟ يعطيك العآفية ؟! اللّه يرحم عقلك بس . |
هاردلك جميعاً إحقاقاً للحق .. هزيمة اليوم شي مايندم عليه الواحد لدرجة كبيرة .. برشلونة ماقدم المأمول منه بكامل الدوري ! صحيح مباراة اليوم تنرفز جداً ،، خاصة إنها على الكامب النو والجمهور كامل تذوق مرارة الأداء قبل النتيجة وصحيح انه في اسبوع حاسم جداً ،، وأي هزيمة بتأثر بمعنويات اللاعبين من الناحية الإيجابية ،، همّ وطاح عن ظهر بيب قبل اللاعبين ،، الدوري بالأساس كان بعيد قبل 5 جولات والآن اصبح مستحيل ماانتهى شي .. بقى تشيلسي وبيلباو ! ،، وهالبطولتين كفيلة برضا جمهور برشلونة قاطبةً لو كان برشلونة بوضع افضل هالموسم بالدوري كان يحق لأي احد يزعل على الدوري .. بس أمانةً ماكنّا الأحق ! اعجبنـي الجمهور بنهاية المباراة .. دفعة معنوية كبيرة للاعبين !! الحديث عن اداء برشلونة فنياً مجرّد مضيعة للوقت من وجهة نظري .. أي احد بيشوف المباراة بيدري ان هذا شبح برشلونة ! ولكمممم في عالم الواقع مثل ماقال حسين .. مستحيل بنفوز بكل شي ! .. وبرضو مستحيل نخسر كل شي وعدنا الثلاثاء مع التأهل .. وبأذن الله بنبارك لبعض وقتها وبتكون خسارة الدوري وقتها شيء " ماصار " ! Cheer up |
ياجماعة انا اشوف ان قوارديولا زودها حبتين..ياخي والله ان تييو اكبر سبيكه اليوم...اذا ملزم على مبزرتك دخل كوينكا ياخوي...فابريقاس مدري ليه ما اشترك اليوم! ولا تياقو افضل...هالبزارين وابناء اللاماسيا ماتلعبهم بمباراة فيها منعطف كبير زي هذي...والنتيجة الدوري باي باي...يارب استر على الابطال بس.. + ميسي اليوم موب بالفورمة ابد.! |
إقتباس:
الناس عايشه في عالم خيال ومدح مجلات ومعلقين ، وبالاحرى حماقة وعاطفة المعلقين . الا في لحظة ممكن يكون الفريق من عالم ثاني واللاعب هذا هو الموهبه ولو يتزحق من رطوبة ارضيه صار شارع وصار كارثه! مافيه شي اسمه مضمونه النتيجه لأنها بالكامب نو .. ما فيه شي اسمه كانت 3 نقاط بالجيب .. هذا الكلام عند المهايطيه او الا بعدهم عايشين على انجازات الفريق كتبت قبل اسبوع تقريبا .. ما فيه شي اسمه مباراة الريال مضمونه .. مع كل الغيابات الا نعاني منها .. وبالاخصصصص ابيدال .. انسوا شي اسمه مضمونه. باختصار ، لأنه اليوم خسرنا .. المشجع بيدور اي شي .. الا بيقول ليش تياغو والا بيقول ليش تييو .. ولو لعب بيدرو بتقولو ليه بيدرو .. وليه كيتا لو لعب .. وهلم جر فعليا ، ما ندري وش في داخل الفريق .. بيب الوحيد الادرى لكن الا يبغا يتجاهل انخفاض فعالية الفريق .. الا يبغا يتجاهل واقع انخفاض عدد المهدفين في الفريق بعد اصابة فيا وانخفاض مستوى بيدرو .. الا يبغا يتجاهل اشيا كثيره مر فيها الفريق هالموسم .. حياه الله ، خله يعيش في عالم كلمة المعلقين " فريق بلاي ستيشن " ما فيه شي اسمه بلاي ستيشن ولا فيه شي اسمه هالفريق يقدر دايما يفوز بغض النظر عن اي اصابه وارهاق يجيه --- عجيب امر البعض .. مع فريق واصل لنهائي وفايز بـ3 القاب للحين هالموسم .. اي تعثر يصير كل اللي سواه في الزباله .. هنا تعرف انه الفريق يشجعو فريق نعمه ما يقدروها |
سيذكرني قومي إذا جد جدهم وفي الليلة الظلماء يفتقد البدر http://www3.pictures.zimbio.com/gi/E...TNz62z7zpl.jpg هذا الشنب كان دفاع لحاله ، البديل يا بيب البديل للامانة فئران العاصمة كانوا افضل طوال الموسم ويستحقون التتويج بهذا القلب بعد كمية الدموع و السعابيل التي انهمرت في المواسم الاخيره هههههههه التشامب لنا بحول الله هاردلكم شباب |
اليوم مااعدم الفريق هو ( التمرير الخاطئ ) في ظل تمركز لاعبي الوسط والدفاع في نصف ملعب الريال .. وبذلك يربك الفريق بأكمله وايضاً تجعل الريال ياخذ ثقه اكبر ويقدر يمشي الكوره لملعبك خصوصاً بعد الهدف الاول لهم تياقو .. تيو .. ادريانو < كانت تمريراتهم خاطئه وفوق هذا نشوف تاخير بالتغيير !! بكل امانه بعد ماطلّع تشافي وترك تياقو صاحب العك الكروي !! غسلت يدي وقلت راحت المباراة :s3s: انا ماهمني الدوري لو راح لأنه بيد الريال عكس لما يكون بيدك ويروح منك لأنك كذا ماسويت شي الدوري رايح للريال شي طبيعي .. لكن اللي يقهر ان كان عندك افضل من كذا وتروح تلعب بأقل من الامكانيات اللي عندك !! يعني مالها سنع ابد الريال اليوم كان مثل العاده ( دفاع - مرتدات ) يعني المشكله في البرشا وفقط .. لو لعب في 50% من مستويات لاعبيه كان طلعنا بفارق ثلاثه اقل شي ؟ وفوق هذا .. جتنا كذا فرصه وضيعها تيو و تشافي و القول جاء بطلعة الروح !! في 180 دقيقه نسجل قول واحد فقط وبالقوه !! راجع حساباتك ياغوارديولا :yes: في نقطه احب اتكلم عنها وهي ( ماسكيرانو في خط الدفاع ) صحيح في كثير بيشبون علي بس اقول اصبروا وافهموني :s2: ماسكيرانو ممكن افضل لاعب هالموسم وتحديداً في خط الدفاع لكن انا اشوف ان ماسكيرانو ( كـ فرد ) لاعب متميز جداً في الدفاع من قطع الكره وتضييق المساحات وبداية الهجمه واستلام وتسليم الكره بشكل سليم جداً لكن كـ ( خط دفاع متكامل ) اشوف ماسكيرانو ماينفع ابد وكثير فيه هفوات .. وفوق هذا يكسر التسلل اعد لكم بعض اللقطات اللي صارت فيها هفوات يتحملها ماسكيرانو تندرج تحت اسم ( خط دفاع متكامل ) ؟ يعني الخطأ مش فردي منه .. الخطا خطأ دفاعي منه :yes: 1 - باتو في الدور الاول من دوري المجموعات في الابطال قدام ميلان 2 - دروقبا في الدور نصف النهائي من دوري الابطال قدام تشيلسي هذا اللي اذكره تحديداً .. وفيه اخطاء حصلت في بعض المباريات بس ماتحضرني حالياً لكن اتمنى ان وجهة نظري وصلت :yes: |
بيب أخطأ بالتشكيلة وتأخر بالتغيرات لكن إلى متى والبرشا يضيعون هجمات سهلة قدام الباب ؟ هاردلك يا شباب مبروك لمدريد |
لن يحقق البرشا هذه السنه الا كأس اسبانيا فقط ..... وأتحداكم جميعا |
^ ^ الكل يعرف ان برشلونة هالسنة موب زي العام ، وعارفين اننا عانينا هالموسم من الارهاق والاصابات ولايوجد هداف بالفريق غير ميسي ، والله ياحسين ندري ومقدّرين هالشي ، وابدا انا ما التلفت لكلام المطبلين ومنهم المعلقين بالعكس انا ضدهم ، لكن انا اقيس الفريق من مباراة تشيلسي قدم مستوى بطل لكن الحظ وقف ضدنا ، مباراة اليوم من الدقايق الاولى تحس في ثغره واضحه بالوسط الفريق مو قادر يستلم كوره ويسلم براحه ، تيّو ما كان له دور ابداً ! ، القهر اللي اتكلم عنه ان الفريق عنده اكثر من هالشي لكن الفيلسوف افسد المباراه ! |
السلامُ عليكم الحمدُ لله هاردلك يا شباب .. الليغا ودعناها .. مبروك لمدريد ومشجعيه أصعب الأسابيع ! إرهاق .. إرهاق .. إرهاق عجبتني كلمات حسين .. واقع لا مفر منه .. مش ممكن نفوز بكل شيء ! من مُباراة ليفانتي .. والفريق .. تحس فيه شيء نااااقص تشافي + فابريغاس + فالديس + أدريانو = 3 مبارايات مُتتالية .. وهم في أداء سيء سيء سيء سيء لازم غوارديلا يعدل الوتيرة قليلاً .. لا بد من العمل في العمق ! الفريق بلا مُهاجم صريح !! يخترق ويتعب الخصم بالإختراقات مش ممكن كل شيء نفوز فيه مو ممكن التأخير في التغييرات !! تيلو ما ينفع .. موجود سانشيز .. موجود كوينكا بس لازم رأس حربة يعمل كل شيء في المقدمة .. نحتاج فيا .. افتقدنا الكواخي بيب .. لازم يغير الخطة قليلاً .. مش ممكن كل المطشات على الأجنحة نشتغل .. لازم نخترق .. لازم نسدد من خارج المنطقة .. لازم حلول أخرى .. حتى لا يختنق الفريق .. في كل من قابله بالتكتلات الدفاعية تشلسي أراح تقريباً من7 إلى 8 لاعبين اللاعبين مرهقين أكثر من اللازم بيب .. ما ينفع ترفع كور من ألفيس .. دفاعات الريال وتشلسي .. ليست دفاعات سهلة ! أتمنى ما تأثر الحالة النفسية على اللاعبين .. في مُباراة التأهل لنهائي اليانز آرينا يا الله .. خيره من رب العالمين |
http://oi44.tinypic.com/oumpee.jpg هاردلك عالعموم انا اتوقع كان يمكن عالاقل نطلع بتعادل اذا نزل سانشيز من بدري+ فاآبري:smilie47: |
http://28.media.tumblr.com/tumblr_lh...xgrdo1_500.jpg في الليلة الظلماء يفتقد البدران .. ما اذكر ان كريستينا تتحرك بوجود ابيدال عموماً .. البرشا قدم ما هو غير ماامول منه .. تذكروا ان الفريق حقق 3 بطولات وما زال امامه بطولتين .. فبعد كل شي يبقى لاعبينا بشر .. و مستحيل ان اي فريق يحقق جميع البطولات اللي يشارك فيها .. وعامل الارهاق هالموسم تقريباً اعطيه 60% مع 40% اصابات هذا غير الاخطاء التحكيمية اللي حصلت ولعبنا في مجموعة حديدية مع الميلان .. ولعبنا ربع النهائي معهم و سبحان الله كلهم يلعبون مع البرشا (مدريد - ميلان - تشيلسي) بنفس الطريقة او التكتيك ( دفاع - مرتدات - اخطف هدف - وارجع دافع ) بالنسبة لي راضي كل الرضا عن ما قدمه البرشا هذا الموسم .. مع الاحداث اللي تعرض لها واتمنى حضور مهاجم لا يرحم امام المرمى مثل فان بيرسي مع المارافيا .. ودفاع صلب مثل تياغو سيلفا مع اظهرة يمكن الاعتماد عليها .. هاردلك يا كتلان .. |
لماذا لا نكون واقعين " بيب " سبب الهزيمه !! و سبب فقدان الدوري .. !! و الله يستر قد لا نحقق اي شي هذي السنه ,, لانه الدوري ضاع و الابطال صعب و الكاس كذالك صعب لان بلباو صعب جدآآ برشلونه يحتاج الكثير لازم تغير في لاعبين لازم مهاجم صريح يستغل الفرص و بذات نبي واحد عنده مقدره يسجل بالرأس نبي قلب دفاع نبي ظهير ايسر نبي لاعبين صح مو " بيدرو و تيو " !! |
هاردلك على الخسارة ،، يمكن الكل يتفق على انه جوارديولا بتشكيلته هو من يتحمل الخسارة ... غياب سانشيز والتاخير في نزوله كان خطأ من بيب لكن ما ندري عن استعداد اللاعب بدنيا لو لعب من بداية المباراة ... الشي الثاني يمكن اللي يفكر فيه جوارديولا هو المحافظة على بعض اللاعبين مثل سانشيز وبيدرو وفابريغاس كاوراق رابحة يستفيد منها في الشوط الثاني لعمل التوازن في الأداء بين الشوطين ... يعني نعرف ان الخيارات عند المنافس في دكة البدلاء اكثر من فريقنا ، ويمكن هذا هو الأسلوب اللي شفناه في مباريات الكلاسيكو الاخيرة انه الخصم يحاول يقتل المباراة من البداية بأي طريقة واكثرها الخشونة والعنف اللي تعودنا عليه ثم في الشوط الثاني مع نهايته يحاول الاستفادة من العامل اللياقي والبدلاء لتغيير النتيجة . يمكن الخلل كان واضح في أداء برشلونه في بداية المباراة بسبب انه التركيز كان على الجهة اليسرى بتواجد انيستا قريب من تيلو ومعهم تياغو وهذا سبب فراغ في الجهة اليمنى اللي ماكان فيها الا الفيس اللي كان يتقدم لوسط الملعب للتغطية وعدم ترك فراغات ومساحات يستفيد منها الريال في الهجمات المعاكسة ... الشوط الثاني يمكن كان فيه تحسن طفيف في الأداء لكن عاب الفريق البطء في تحضير الهجمة والسبب هو الخوف من أي كرة مقطوعة تؤدي الى هجمة مرتدة سريعة علينا في ظل الارهاق اللي كان واضح على المدافعين . عموما المباراة انتهت بخيرها وشرها ... خسرنا معركة ولقب لكن ننتظر عودة حقيقية للفريق في مباراة تشيلسي وتعويض الجماهير اللي كانت رائعة وهي تحيي اللاعبين وتغني النشيد الكاتالوني مع نهاية المباراة بالفوز في مباراة الثلاثاء والتأهل لنهائي الشامبيونز ليغ . |
هاردلكم يامشجعين بلوغرانا المباراة لو فاز فيها برشلونة لن يضمن الدوري وهذا سبب تراخي بعض اللاعبين ومن ضمنهم ميسي... غوارديولا لعب بتشكيلة غريبه لكن أهنيه على شجاعته فاللعب على طريقة 3-4-3 أمام الريال مجازفة والحمد لله أن المباراة انتهت بفارق هدف وحيد.. برشلونة اليوم افتقد رأس الحربه إلا بعد التبديل بدخول سانشيز .. في الشوط الأول تياغو وادريانو وبوسكيتس لم يكونو في المستوى المطلوب لكن أداءهم في الشوط الثاني تحسن نوعا ما ....تشافي افتقدنا لتمريراته الحاسمه وأعتقد لم يكن راضي عن أداءه اليوم واللقطة أظهرت ذلك....ميسي له مباراتين وهو ماهو ميسي اللي عرفناه لن ماألومه فبعد إصابة فيا أصبح الفريق يعتمد على ميسي هجوميا طيلة هذا الموسم وأعتقد أن مباراة الإياب سوف تكون هي عودة ميسي بعد غياب مباراتين عن التهديف. من يعتقد أن فريق برشلونة فريق لايهزم فهو خاطئ, ومن يعتقد أن غوارديولا لايخطئ فهو أيضا خاطئ. فكل فريق لابد أن تمر عليه ضروف تؤثر عليه فالإصابات المؤثرة كفيا وأبيدال وضغط المباريات الحاسمه نهاية الموسم تؤثر في انخفاض مستوى الفريق... أعتقد أن برشلونة وبيب قادر ع العودة في مباراة تشلسي والتأهل إلى النهائي. |
| الوقت المعتمد في المنتدى بتوقيت جرينتش +3.
الوقت الان » 08:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd