|
هآردلك التعآدل شبآب :smilie47::cry: , شووط آول كبير من فآلنسيآ وقدموآ من آروع مَ يكون . . آبيدآل ليس في يومه :s3s: , والوسط سيء جداً .. آيضاً آلفيس لم يقم بِ وآجبآته الدفآعية .. فَ شآهدنآ دآنييل آلفيس في الشوط الآول كثيرآ في الآمآم وخآنته مليئة بِ المهآجمين ! .. شوط ثآني جميل من نآحية الكُل .. مَ فيه وقت آكمل تحليل .. لكن آن شآء الله في وقت قريب ! ــــــــــــ وعلى فككرة .. مسآبقة " من هذآ اللاعب " تم آلغآءهآ :yes::rose: , بِ سبب بعض الردود السلبية في الرآبطة , والآجآبآت .. والآعضآء الغير مسجلين !!!!! |
هل ما زالو يقولون بلاتيني معنا ولا غيرو قرارهم ياخي وين عيون الحكم والله شي يقهر |
هاردلك شباب تنعوض السبت أن شاء .. بيب اخطأ من البداية كيف تلعب قدام فالنسيا بثلاثة دفاع وتقريباً صار الفريق من دون أظهره وزيادة على ذلك بويول أعتقد مو جاهز الى الآن آبيدال مو في يومه آبداً له نسبة كبيرة من أهداف الخفافيش وكذلك عطل بعض الهجمات تشافي كان مختفي في الشوط الأول تحسن اداءه في الشوط الثاني اضافة الى نزول فيا وادريانو صار بعض النشاط في رتم الفريق اما فابريغاس وميسي هم الأفضل في الفريق اليوم سيسك سجل هدف وكان أكثر اللاعبين نشاط في الشوط الأول وميسي صنع هدفين بمنتهى الدقة كالعادة وكان من المفترض آحتساب ركلتي جزاء صحيحة %200 لكن الحكم ماعندك آحد بس مو عذرنا الحكم وبيب لو يخلي الآختراعات ويلعب بالتشكيل الدائم كتوزيع يكون أفضل ويعطيكم العافية آول مررة آحلل مباراة طبعاً من جنبها بالتوفيق بالمباريات القادمة |
بغض النظر عن الأخطاء التحكيمية وعن خطة بيب اللي مدري وش تبي بالضبط .. الفوز كان بيد الفريق .. ضيعوا مليون هجمة محققة .. اولها انفراد ميسي اللي ما ادري وش كان يفكر فيه وقتها ! .. --------------- ع العموم هذا قضاء الله وقدره .. تعادل افضل من هزيمة .. والدوري طويل وتونا في أوله .. يمدينا نعدل إن شاء الله .. : ) موفقين :rose: |
هارد لك شباب على النتيجه الي اعتبرها خساره خصوصا ان الحكم ما احتسب ركلتي جزاء عندي استفسار اذا ممكن الحين ميسي مسجل 5 اهداف وفابري 4 طيب كم صنع كل واحد منهم |
~ هآردلك التعادل .. إن شاء الله تتعوض ونصحح الأخطاء :smilie47: ما تابعت المباراة كاملة بس اخر 70 دقيقه ! لكن أتمنى تنزلون لنا صور من غير الحقوق عشان التصاميم وكذآ .. :rose: ومتى مباراة البرسا الجايه .. ؟ |
وقسسسم بالله قهر آهني فالنسيا على لعبهم صرآحتن قدم مستوا ضعيف اليوم قوارديولا خذلنا بخطته اللي مدري وش تبي ماسكي وابيدال وبويول اعتقد ثلاثه فقط دفاع والفيس مدري وين كاشت وكيتا مدري وين وتشاافي هو الحلقه الاضعف اليوم وميسي رغم انه مختفي لكن صنع هدفين وفييييا نزل وضيع هجمة ماييضيعها ولد اختي الصغير ورب البيت اليوم كأنني اشوف ليفانتي موب البرشا دفاع دمار الفيسس دمار ميسي مو على بعض تشافي كذلك ولايهون الحكم صفر والوقت بدل الضائع 4 وصفر عند 3فاصله 45 يعني باقي يابن اللذينا دقايق معدوده اصبر لكن وش ننقول بس راجع حسابتك يا بيب الطريق طويل والهياط مانفع اليوم :( وخطتك 3-4-3 لاعاد تطبقها امام الفرق الكبيره طبقها امام الصغار مثل ليفانتي واوساسونا وريال مدريد الله يعين بس |
هآآردلك على التعآدل لآنه بطعم الهزيمه مثل مبآرآة الميلآن و الله قهر آنفرآده لميسي و فيآ قدآآم البآب و ضربتين جزآء لميسي لكن غير هذا كله خطة بيبي كلها خطآ المفروض يلعب بـ 4 دفآع و الوسط تشافي و فابري و بوسكيت و الهجوم فيا و ميسي و بيدرو لان الشوط الاول شفنا كيف ضغط فالنسيآ من الجهه اليمنى و تشافي ما كان يصنع لانه كان يتقدم ويضغط على الدفااع آن شآء الله نعوض المبآرآة الجآيه صح اانهاا صعبه لكن ان شاء الله تتعدل المشاكل |
~ الأفضل والأسوء من سبورت ~ * الأفضل : ميسي . ميسي كان الأفضل ولكن لم يسجل , خلق فرص سانحة للتسجيل في أكثر من مناسبة لزملائه ولا يمكن أن يضيعوها لكن الحظ لم يحالفهم , ميسي في كل يوم يثبت بأنه اللاعب الأفضل بالعالم بتمريراته القاتلة وصنع هدفين واحد لبيدرو والثاني لـ سيسك كما أنه صنع فرصة خطيرة لديفيد فيا ولكن فيا لم يحسن إستغلال الفرصة وقد تصدى لها حارس فالنسيا ببراعة . * الأسوء : الـدفــاع . جوارديولا صحيح أنه يمكنك الدخول بـ 3 مدافعين ولكن ليس على فالنسيا , فالنسيا هدد كثيراً مرمى فالديز وكان وضع برشلونة خصوصاً في الدفاع مقلق , مدرب فالنسيا قرأ برشلونة جيداً وأستغل نقطة ضعف البرشا وسجل هدفين وفشل في أخرى ولم يكن أبيدال في يومة , وأنك تلعب بـ 3 مدافعين فهاذي مجازفة خصوصاً أمام فالنسيا . |
|
السلام عليكم ،، هآردلك التعادل . بذكر كذا نقطه عن المباراة وعن اللاعبين وعن التحكيم وكل مايتعلق بالمباراة اول شيء الحمدلله على كل حـآل .! ، تعادل بطعم الخساره صراحه الشوط الاول شوط للنسيان بكل تأكيد :s3s: اخطاء الدفاع كانت بالهبال توقيت ابيدال للهدفين كان خاطىء جدا فالديز كذلك له سبب بالهدف الاول من المفترض ان يتكلم لكي ابيدال يترك الكوره وابيدال رجعها للمرمى لكي يشتتها فالديز . على العموم بالشوط الثاني قدم ابيدال شوط وحش ، وكذلك ماسكيرانو ، بالاضافه الى ادريانو اتوقع هو سر تألق البرشا باخر الدقائق انطلاقاته على الجناح كانت ذهبيه ، ميسي لم يقدم ربع مستواه للاسف ولكن مع ذلك صنع هدفين:s5s: وكاد ان يسجل لولا التدخلات العنيفه والتي كانت تستحق ركلات جزاء للبرشا ، سيسك فابريغاس اليوم بهدفه الرابع بالليقا حطم رقم لويس انريكي مدرب روما مع برشلونه من ناحية التسجيل بالدوري الاهداف على التوالي ، سيسك اليوم كان سيء للغاليه للاسف مادري شفيهم اللاعبين هل يعانون من ارهاق او ضغط او كانو قبل لايدخلون للملعب يعلمون بنتيجه ريال مدريد لااعلم ، لكن لايوجد لاعب بمباراة اليوم قدم مباراة كبيره ، باستثناء الوحش والمقاتل ماسكيرانو الذي يرسل رساله شديد اللهجه الى بيكيه بالمقاتله على مكانه قبل ان يسلب منه ، صراحه مدافع ممتاز ياحظنا فيه ، الفيس ماكان بالمستوى المطلوب بالشوط الاول بكل تاكيد بسبب اشراكه كماهجم ثالث مع كل من ميسي وبيدرو ، ولكن بالشوط الثاني رجع الفيس المعهود . تشافي :smilie47: ذا اللاعب اسسسطوره اليوم هو الموزع الحقيقي بالوسط اليوم افتقدنا كثيرا لبوسكيتس لا احد يعلم ماسبب هبوط مستوى الفريق هذا اليوم . تيااغو ابدااع ماشاء الله عليه راح يكون خليفة تشافي مهاره + تنويع بالملعب + التمريرات الدقيقه فبكل تاكيد محظوظين بذا اللاعب ، فيا مع انه مقدم موسم ذهبي لكن اليوم اهداره للهجمه الاخيره كانت نقطه تعجب كثيره كونه مبتعد عن الحارس بمتر ونصف بامكانه وضع الكوره بالمكان البعيد على الحارس لكن من الواضح ان اللاعب يواجه ضغط كبير من الجماهير ، مالومه والله ضد الفريق الذي طلعه للاضواء وهذا السبب الاكيد لعدم اشراكه من بداية المباراة ، بيدرو للأسف ذا اللاعب مستواه هابط بششكل غريييب جدا الله يستر صراحه لاعب خطير وامكانياته كبيره جدا لاعلم لماذا هبط مستواه بيدرو من بعد الهدف لم نشاهد بيدرو ابداً ، اتمنى ان يراجع حساباته ويستعيد مستواه المعهود قبل ان يأتي اليكسيس شانشيز ويكوش على مكانه . برأيي الفريق قدم اسوا شوط له منذ 4 الى 5 سنوات ولكن سرعان ماستعاد المستوى بالشوط الثاني وكانت كلمة السر هيـآ " خوزيـب جوآرديولا " وكلماته التي وجهها للاعبين . .. لانريد ان نكون كالغريم من ناحية التحيكم نريد دعمهم ومافيه ابن ادم معصوم من الخطأ :yes: على كل حال انا اول الداعميين للتحيكم واتمنى من مشجعين برشلونه الراقين ان لا يرتقي تفكيرهم للسب والشتم للتحكيم صحيح انهم اخطأؤ لكن هم يواجهون ضغط كبير والسبب الكبير جمهور الغريم ومدربه ، .. بأذن الله مباراة للنسيان ، وشوط للنسيان ، وبيدرو للنسيان :s2: قصدي مستواه . وبالاخير : " فيسكا برشلونـه " ، " فيسكا بيـب جوارديولا " .. |
للأسف اللي خايف منه صار اللي هو ثلاث دفاع , اقسم بالله والله يا بيب ان الطريقة هذي ماتنفع . شووفوا وش سووا فينا في جهة ماسكيرانو الشوط الاول , فاتحين شارع بسسم ماسسكيرانو وحنا ماندري . ماثيو لاعب فالنسيا يلعب براتحه , ماسكيرانو يدخلون عليه لاعبين او في بعض الكرات ثلاثة . للأسف طريقة اللاعب بثلاث دفاع ما راح تنفع لان راح تكلفك غالي هذي الطريقة واكبر دليل كل الاهداف جايه من اطراف وشفنا مستوى ابيدال و ماسكيرانو الهزيل يوم لعبوا على خط واحد ممكن بويول هو الوحيد اللي مستواة جيد ولكن حتى بويول عنده اخطاء . بيب بصراحة استعجل يوم لعب بالطريقة هذي اوكي جرب على خيتافي طقطق على ليفانتي بس مو على فالنسيا وفي ارض فالنسيا . بعيد عن الحكم المريض اللي كل مايحكم لبرشلونة نجد صعوباات , ومانبي نقول تحكم وما تحكيم وننسى فريقنا اليوم فريقنا الشوط الاول ضايع تماما ولكن الشوط الثاني تراج مستواة تدريجياً الى بعد الهدف الثاني والفريق استحوذ على الكرة ويلعب في منطقة فالنسيا وكنا القريبين من الفوز بس لو فيا استغل الهجمه لكن الحمدلله على كل حال . اوكي التعادل شي يزعل لكن بالمنطق انت تلعب امام نادي قوي نادي له ثقلة في الدوري نادي مثل فالنسيا وخاصة يلعب في ارضة ويتقدم عليك بهدف وحنا في بداية الموسم شي ما يزعلك بدرجة كبيرة لكن اللي يزعل يوم تخسر وبعدها تتعادل امام اندية ضعيفة وفريقك مايقدم مستوى . فريقنا حتى وهو خسران يقدم كورة حلوه وحتى وهو متعادل يقدم مستوى وكورة جميلة تبشر بالخير ان الفريق قادم . بصراحة مباراة فالنسيا ما اسميه تعثر لان فريق مثل فالنسيا والمستايا تتوقع انك تخسر او تتعادل لان فريق كبير . http://www.sport.es/resources/jpg/3/8/1315390359183.jpg اقسم بالله انك افضل من ماردونا :D هذا مو لاعب هذا كذب اللي يسويه ميسي مو حقيقة اتوقع فلم او مسلسل مخططين عليه الفريقين . صراحة اللي يقدمة ميسي شي مو طبيعي . ببساطة افضل من لمس كرة هو ميسي اللي يقول ماردونا ولا بيلية ولا برناوي قسسم ما عنده سالفة << ارتفع :D الحمدلله الحمدلله الحمدلله ان ميسي لاعب لبرشلونة , اتخيل لو ميسي يلعب ضد فريقي اللي اشجعه قسم اعتزل كورة واعتزل متباعة كورة :D http://futbolcantabro.es/wp-content/...a1-430x286.jpg 3 -4 - 3 والله ماتنفع :D مدرب وحشش بس مشكلتة انه يجرب امس على فالنسيا , بصراحة ما احترم فالنسيا , لو احترم فالنسيا كان مالعب الفيش مهاجم , المشكلة ان اعجبه الفيش امام اوساسونا وقال خلاص بجرب على فالنسيا بصراحة تهااون كثير في فالنسيا ولا والله يقدر يفووز . http://www.somosche.com/media/galeri...ieu-525281.jpg مازلت وانا معجب فيك ولو ان ايمري مالعبه بمكانة الاساسي الا انه قدم مباراة اكثر من ممتازة , وبصراحة ماثيوو لاعب جنااح ممتااز واليووم اقلق ماسسكي كثير . اتمنى ان يجي لنا طبعا اذا راح ابيدال والله وحششش . نقدر نقول هارد لكم , الله يسامحك يا حكم والله اني اخاف منك دائم واليوم كنت خايف منك كثيير وللأسف ماحسبت لنا ركلتين جزاء لميسي فقط ... http://sports.maktoob.com/imgs/zoom/78924/Temp.jpg تدري وش اللي انا منقهر علييه ...؟؟ منقهر ان طول السنوات الماضية وانت ماتلعب معنا :( سيسسك من افضل لاعبين الوسط في العالم , صراحة صفقة سيسسك من افضل الصفقاات . وقلتها سيسسك مو خسارة عليه حتى لو 100 مليون , سيسسك راح يكتب اسمة من ذهب . اول غياب انيستا او تشافي يؤثر في المباراة لكن اليوم صراحة عادي لان يوجد سيسسك لاعب ذو امكانيات عالية وامكانيات مساوية مع تشافي و انيستا ... على كل حال الحمدلله .. المهم عندنا فريق يفخر فيه , فريق يبشر بالخير وانه راح يحقق اللقاب بأذن الله . نقطة اخيرة اذا بيب يبي يلعب بـ 3 - 4 - 3 اتمنى انه يلعبها في ارضة في الكامب نو مو في خارج ارضة وامام اندية قوية . |
السلام عليكم الصراحة ما شفت المباراة كاملة ( مغترب ووقت دوام عندنا ) ،، لكن كمستوى الهجوم وبالتحديد ميسي عمل الكثير .. لكن اكثر من استفهام على الدفاع .. ولا يلامون بصراحة .. ماسكيرانو تمصع تمصيع مب صاحي .. والضغط كله الشوط الاول من الجهة اليمنى لدفاعنا .. اللي نتج منها هدفين واكثر من فرصة سانحة للتسجيل لفالنسيا .. بيب .. العب بثلاثة مدافعين على راحتك .. ولكن مب قدام فالنسيا !! فالنسيا اطرافه سريعه هجوميا ودفاعيا !! على بلاطه ( خرجنا بأقل الخسائر ) رغم انها جتنا اكثر من فرصه للتسجيل .. ولكن الحظ ما اسعفنا .. ماسكيرانو قدم مباراة كبيرة جدا هجوميا ودفاعيا !! ميسي .. صنع فرص قاتله !! ولكن الحظ ما اسعف المهاجمين !! فابري .. لو ما نطلع من الموسم الا برجعته فهذا عظيم .. اللاعب هذا خرافي وتحركاته الهجومية في وقتها الصحيح ويتمركز في المكان الصحيح !! ابدال.. كبير ولكن اليوم مب يومك !! انييستا .. فقدنا لمساتك اليوم .. رغم ان الوسط معجبني ولكن تخيلوا قوة الفريق بالتشكيله اللي اعتقد ما لعبنا بها ابدا .. ٤-٤-٢ .. فالديز ابدال .. بيكي .. بويول .. الفيس بوسكي تشافي انيستا فابريغاس فيا .. ميسي !! الفريق بهذي التشكيلة اعتقد ما فيه فريق بالعالم يقدر يوقفه .. هجوم خارق .. وافضل صانعي الالعاب في العالم وراهم !! الله يرجع المصابين بسرعة .. ونشوف برشلونة في وضعه الطبيعي ( في الصدارة ) |
إقتباس:
غوارديولا حمار وهو السبب الرئيسي بالتعادل ! حرام عليك يارجل ضد فالنسيا و خاصة فالنسيا و على أرضه تلعب بـ 3 مدافعين !!!! أي مبتدأ بأساسيات كرة القدم يعرف أنه مغامرة خاسرة ! حرام نهزم أو نتعادل من أخطاء واضحة من فريقنا ! بلاش فلسفة 4 - 3 - 3 وفيا مكان كيتا كان الحين محتفلين بالثلاث نقاط ، 3 مدافعين ضد فريق يلعب كورته بالأرض والأجنحة كويس و يظغط عالي عليك بملعبك سلااااااماااات ؟! خلصنا من السبب الأول و الرئيسي بالتعادل الحامض ! نجي للسبب الثاني و اللي كان له تأثير مباشر على نتيجة المباراة وهو الحكم المولود في مدريد كاربايو :mad: : - ركلة جزاء واضحة لميسي على عادل رامي + طرد لأنه كان يحمل كرت أصفر ! - ركلة جزاء لميسي واضحة على ميغيل بآخر دقايق المباراة ! - حاسب وقت ضايع 4 دقايق و أثناء هالأربع دقايق طرد لاعبهم خوردي ألبا اللي على الأقل أخر اللعب 30 ثانية فالمفروض على الحكم يصفر 4:30 لكنه للأسف وقت ماكان الخصم ناقص وفريقنا حاشرهم وقربنا من الفوز صفر 3:30 حتى ماكمل ولا الوقت الضايع الأصلي !! طبعاً كل هالأشياء ماتحتاج اثباتات أي متابع بسيط يقدر يشوفهم لكن هذا تعليق الماركا و الآس على الحكم الحفلة ! بشكل عام فالنسيا لعب مباراة كبيرة و مميزة وخاصة بالشوط الأول ، و ممكن تكون ردة الفعل كبيرة على الحكم لكن أعيدها مرة ثانية حنا سبب التعادل بالتشكيلة الحفلة + بعض الفرص السهلة جداً اللي ضاعت من انفراد ميسي و صولا لكورة فيا آخر دقيقة ! ** مرت أربع جولات من بداية الدوري و برشلونة و ريال مدريد مايحتلون لا المركز الأول ولا حتى الثاني ، متى صار هالوضع آخر مرة ؟ هذا ان كان صاير ! طبعاً كلامي مايدل على شي بالنهاية برشلونة و الريال واحد أول والثاني ثاني :d بس أبعرف كمعلومة لو هي متوفرة عند أحد ! |
ملخص لمباراة البرشا وفالنسيا <IFRAME height=270 src="http://www.dailymotion.com/embed/video/xl8b57" frameBorder=0 width=480></IFRAME> |
| الوقت المعتمد في المنتدى بتوقيت جرينتش +3.
الوقت الان » 10:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd